ورتالىق كوميتەتى كەڭسەسى، مەملەكەتتىك كەڭەس كەڭسەسى پىكىر باسىپ تاراتتى
عالىم رۋحىن اناعۇرلىم اسقاقتاتىپ، ستيل جانە ۇيرەنۋ سالتى قۇرىلىسىن كۇشەيتەيىك
شينحۋا اگەنتتىگىنىڭ 6 - ايدىڭ 11 - كۇنى بەيجيڭنەن بەرگەن حابارى. قالىڭ عىلىم - تەحنيكا قىزمەتكەرلەرىن اقيقاتقا تالپىنۋعا، بيىك بەلەستەرگە كوتەرىلۋگە شابىتتاندىرىپ جانە جەتەكتەپ، عىلىم - تەحنيكا سالاسى جاپپاي مويىندايتىن، ورتاق بويسۇناتىن قۇن ۇستانىمىن ورناتىپ، عىلىم - تەحنيكا ىستەرىنىڭ اقاۋسىز دامۋىن جەبەيتىن مىعىم رۋحاني قوزعاۋشى كۇشتى جەدەل جەتىلدىرىپ، بۇكىل قوعامدا عىلىمعا قۇرمەت ەتەتىن، دارىندىلارعا قۇرمەت ەتەتىن تاماشا جاعداي قالىپتاستىرۋ ءۇشىن، جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى جۋىقتا «عالىم رۋحىن اناعۇرلىم اسقاقتاتىپ، ستيل جانە ۇيرەنۋ سالتى قۇرىلىسىن كۇشەيتۋ جونىندەگى پىكىر»دى باسىپ تاراتتى ءارى ۇقتىرۋ جاريالاپ، جەر - جەردىڭ، تاراۋلاردىڭ ءىس جۇزىندىك جاعدايعا بىرلەستىرىپ، مۇقيات دايەكتىلەندىرۋىن، تياناقتاندىرۋىن تالاپ ەتتى.
«پىكىر»دە مىنالار العا قويىلدى: سانالىلىقپەن اتقارىپ، جاڭا ءداۋىر عالىمدارى رۋحىن بارىنشا اسقاقتاتىپ، ستيل جانە ۇيرەنۋ سالتى قۇرىلىسىن كۇشەيتىپ، ستيلى پاك، سالتى دۇرىس عىلمي زەرتتەۋ ورتاسىن قالىپتاستىرىپ، ۇكىمەت فۋنكتسياسىنا بۇرىلىس جاساۋدى جەدەلدەتىپ، تاماشا عىلمي زەرتتەۋ ەكولوگياسىن قۇرىپ، ۇگىتتى كۇشەيتىپ، دارىندىلارعا قۇرمەت ەتەتىن، جاڭالىق اشۋدى قاستەرلەيتىن قوعامدىق پىكىر ورتاسىن ازىرلەۋ كەرەك. ءبىر جىلدا ستيلگە بۇرىلىس جاساۋدىڭ، ۇيرەنۋ سالتىن جاقسارتۋدىڭ ءتۇرلى وڭاۋ شارالارىن جاپپاي اتقارۋعا تالپىنىپ، 3 جىلدا ستيلدىڭ، ۇيرەنۋ سالتىنىڭ ماندىك وزگەرىسىن قولعا كەلتىرىپ، عىلىم - تەحنيكادا جاڭالىق اشۋ ەكولوگياسىن ۇزدىكسىز ساپالىلاندىرىپ، ءىلمي ءمورال قۇرىلىسىن كورنەكتى كۇشەيتىپ، جاڭا ءداۋىر عالىمدارى رۋحىن بارىنشا اسقاقتاتىپ، بۇكىل قوعامدا بىلىمگە قۇرمەت ەتەتىن، جاڭالىق اشۋدى قاستەرلەيتىن، دارىندىلاردى قۇرمەتتەيتىن، عىلىمدى سۇيەتىن، عىلىمعا ءوزىن ارنايتىن قويۋ راي قالىپتاستىرىپ، دۇنيە ءجۇزى بويىنشا عىلىم - تەحنيكادا قۇدىرەتتى ەل قۇرۋعا مىعىم كۇش - قۋات توپتاۋ كەرەك.
