شينحۋا اگەنتتىگىنىڭ 6 - ايدىڭ 11 - كۇنى بەيجيڭنەن بەرگەن حابارى. 6 - ايدىڭ 11 - كۇنى بو - اۋ ازيا تالقى مىنبەرى دۇنيە جۇزىلىك سالاماتتىق تالقى مىنبەرى ءماجىلىسى چيڭداۋدا اشىلدى. مەملەكەت ءتوراعاسى شي جينپيڭ ماجىلىسكە قۇتتىقتاۋ حاتىن جولدادى.
شي جينپيڭ مىنالاردى باسا دارىپتەدى: بارلىق ادام سالامات بولۋ بۇكىل ادامزاتتىڭ ورتاق تىلەگى ءارى ادامزاتتىڭ تاعدىرلاس ورتاق تۇلعاسىن بىرگە قۇرۋدىڭ ماڭىزدى قۇرامداس بولىگى. دۇنيە ءجۇزىنىڭ دەنساۋلىق ساقتاۋ ىستەرىن ىلگەرىلەتۋ 2030 - جىلعا دەيىنگى باياندى دامۋ كۇن ءتارتىبىن تياناقتاندىرۋدىڭ ماڭىزدى قۇرامداس بولىگى. بو - اۋ ازيا تالقى مىنبەرى ازيانىڭ، سونداي - اق دۇنيە ءجۇزىنىڭ ورتاق دامۋىن جانە حالىقتىڭ ىرىس - قۇتىن جەبەۋگە كۇش سالىپ كەلەدى، بۇل رەتكى ءماجىلىستىڭ اشىلۋى وسى جاقتارداعى تاعى ءبىر رەتكى ماڭىزدى قۇلشىنىس ەسەپتەلەدى. ءماجىلىستىڭ ءار جاقتىڭ كۇشى مەن ورتاق تانىمىن ۇتىمدى ۇيىستىرىپ، اۋىس - كۇيىس جاساپ، ءوزارا تاجىريبە قابىلداپ، دۇنيە ءجۇزىنىڭ سالاماتتىق ىستەرى مەن سالاماتتىق كاسىبىنىڭ دامۋىن ىلگەرىلەتىپ، دەنساۋلىق ساقتاۋ، سالاماتتىق سالاسىنداعى حالىقارالىق سەلبەستىكتى جەبەپ، بۇكىل ادامزاتتىڭ سالاماتتىعى مەن ىرىس - قۇتى ءۇشىن ۇلەس قوسۋىن ءۇمىت ەتەمىن.