تيانشان تورى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

مەكەنىمىزدى گۇلدەندىرەتىن قۋاتتى كۇش ۇيىستىرامىن

پوسكام اۋدانى اقتام اۋىلىنىڭ ورىنباسار باستىعى

ءمامتيلي زايىت

  ءسىزدىڭ ويىڭىزدا باقىت دەگەن نە؟ باقىت دەگەنىمىز وتە قاراپايىم، ول تۇرمىسىمىزدىڭ ءاربىر كىشكەنتاي ىستەرىندە. ءارقانداي ادامنىڭ باقىتى وتاننىڭ گۇلدەنىپ - كوركەيۋىنەن ايرىلا المايدى، بۇل ءبىزدىڭ ءبىر نيەتپەن سەلبەسىپ وتاننىڭ دامىپ، قۇدىرەتتەنۋى ءۇشىن كۇش قوسۋىمىزدى قاجەت ەتەدى. ال، وتاننىڭ گۇلدەنىپ - كوركەيۋى ۇلتتاردىڭ ىنتىماعىنان ايرىلا المايدى، ۇلتتار ىنتىماعى − ءبىر ءتۇرلى رۋح، ءبىر ءتۇرلى تالپىنىس، تىلەكتەردى توعىستىرىپ، ۇلتتاردىڭ بىرگە دامىپ، العا باسۋىن ىلگەرىلەتۋدە ماڭىزدى رول اتقارادى.

  ىشكى ولكەدە 4 جىلدىق وقۋشىلىق تۇرمىس كەشىرگەن ماعان ۇلتتار ىنتىماعى دەسە، ەڭ الدىمەن ويىما مەنىمەن 4 جىل بىرگە بولعان مۇعالىمدارىم مەن ساباقتاستارىم ورالادى. مەن كلاسىمىزداعى بىردەن - ءبىر شينجياڭنان كەلگەن از ۇلت وقۋشى ەدىم، كوپشىلىك ماعان تاڭدانىسپەن جانە سيلاستىقپەن قارايتىن. مەن ولاردىڭ شينجياڭدى تۇسىنۋىندەگى اينا ەكەندىگىمدى بىلەتىن ەدىم، سوندىقتان ءتۇرلى - تۇستەگى تاڭدانىستى سۇراۋلارعا ۇنەمى سابىرلىلىقپەن تۇسىنىك جاسايتىنمىن.

  ەسىمدە قالۋىنشا، ءبىر ساباقتاسىم شينجياڭدى كورگىسى كەلسە دە، بىرگە باراتىن سەرىك تابا الماي قينالعان ەدى، سودان ونىمەن بىرگە ساياحاتتاۋ جوسپارىن جاساپ، وعان سەرىك بولىپ تيانشاننىڭ تۇستىگى مەن تەرىستىگىن ساياحاتتاتتىم.

  شينجياڭنىڭ كوركەم كورىنىستەرىن تاماشالاۋمەن بىرگە، ءبىز شينجياڭنىڭ ءدامى تاڭدايدا قالاتىن تاعامدارىنان ءدام تاتتىق، سونداي - اق جەر - جەردەگى قوناقجاي، اقەدىل جاندارمەن اڭگىمە دۇكەن قۇرىپ، شينجياڭنىڭ گۋمانيتارلىق ورتاسىن تۇيسىندىك، ۇعىندىق. ساباقتاسىم شينجياڭنىڭ كەڭ - بايتاق جايلاۋلارى مەن ورقاش - ورقاش تاۋ سىلەمدەرىنە، وسى زامان تىنىسىنا تولى قالالاردىڭ ءزاۋلىم عيماراتتارىنا قاراپ قاتتى تاڭ - تاماشا بولدى، اسىرەسە، شينجياڭداعى ءار ۇلت حالقى اراسىندا بىرەۋى پۇتۇڭحۋا سويلەپ، تاعى بىرەۋى از ۇلت تىلىندە سويلەپ تۇرسا دا ءوزارا ءتىل تابىسا الاتىندىعىنا تاڭداي قاعا تامساندى، مەن بۇعان ەرەكشە مارقايىپ قالدىم. سولاي، مىنە بۇل شينجياڭداعى ءار ۇلت حالقىنىڭ جاراسىمدى، تاتۋ - تاتتىلىگىنىڭ ەڭ تاماشا دالەلى، تىلدەرى ۇقساماسا دا، سالت - ساناسى ۇقساماسا دا، ءبىراق كورىكتى مەكەندى بىرگە قۇرۋ ويلارى ۇپ - ۇقساس. وسىناۋ قاسيەتتى مەكەندە، ءار ۇلت حالقى تىڭ دا ۇلى داستان جازۋدا. وسى رەتكى ساياحات ساباقتاسىم ەكەۋىمىزدىڭ دوستىعىمىزدى تەرەڭدەتۋمەن بىرگە، مەنىڭ شينجياڭنىڭ جاقسى ۇگىتشىسى بولۋ سەنىمىمدى ونان ارى كۇشەيتە ءتۇستى.

  4جىلدىق وقۋشىلىق ءومىرىم الدەقاشان اياقتادى، ءبىراق مەن ساباقتاستارىما اتتارىن ۇيعۇرشا جازۋدى ۇيرەتكەن كەزىمدەگى قۋانىشتى كۇلكىلەرىمىزدى ۇمىتا المايمىن، ءار جىلعى ورازا ايت، قۇربان ايت كەزىندە مۇعالىمدارىم مەن ساباقتاستارىمنىڭ ماعان شىن جۇرەكتەن باقىت تىلەگەندەرىن ۇمىتا المايمىن، ناۋقاستانىپ قالعان كەزىمدە جاتاقتاستارىمنىڭ سۋ - سۋان، ءدارى - دارمەك اكەلىپ بەرىپ، قامقورلىق تانىتقاندارىن ءتىپتى دە ۇمىتا المايمىن. شالعايداعى ءىرى قالادا، مەن جالعىزدىق تارتپادىم، بەيتانىس قالاعا جاڭادان بارعانىمدا داعدارىپ ءارى - ءسارى بولمادىم، ساباقتاستارىم قاسىمنان تابىلىپ، ۇستازدارىم قامقور بولدى، بۇل مەنىڭ داشۋەدەگى تۇرمىسىمنىڭ قامسىز، مەيىرگە تولى بولۋىنا مۇمكىندىك جاسادى. وسىناۋ وتكەن ىستەر تۇگەلدەي كوكەيىمدە سايراپ تۇر، مەن ءۇشىن مۇنىڭ ءبارى جاي ەسكە ءتۇسىرۋ عانا ەمەس، قايتا ءبىر ءتۇرلى قوزعاۋشى كۇش، ەرلىكپەن ۇمتىلۋعا، ۇلتتار ىنتىماعىن قورعاۋعا، كورىكتى شينجياڭ قۇرۋعا جەبەيتىن قوزعاۋشى كۇش.

  داشۋەنى بىتىرگەننەن كەيىن، مەن اۋىلىما قايتىپ كەلدىم. قىستاقتا تۇرىپ قىزمەت ىستەگەن سول كۇندەردە، مەن مىناداي قاعيدانى تەرەڭ ءتۇسىندىم: تامشىداي باقىتتىڭ ءوزى بۇقاراعا قاجەتتى، وسىناۋ تامشىداي باقىت ۇيىسا كەلە سارقىلماس كۇشكە اينالادى.

  وسى جىلدارى مەملەكەتتىڭ شينجياڭعا قامقورلىق جاساپ، كومەكتەسۋىنە ىلەسە، ءار ۇلت بۇقاراسىنىڭ تۇرمىسى بارعان سايىن جاقسارىپ، تابىس سەزىمى، باقىت سەزىمى تاسقىندادى. ءار جولى جاعداي ۇعىسا بارعانىمدا، قىستاق تۇرعىندارىنىڭ جايدارى ءجۇزىن كورىپ، قىستاق تۇرعىندارىنىڭ پارتيا مەن ۇكىمەتكە دەگەن شىن ىقىلاستى العىسىن ەستىپ، ءون - بويىمدى قۋاتتى كۇش كەرنەپ، قىستاق تۇرعىندارىنا جاقسى ءىس، ناقتى ءىس ىستەپ بەرۋگە، ولاردىڭ ءىس جۇزىندىك ماسەلەلەرىن شەشۋگە كومەكتەسۋگە، كىشكەنتاي ىستەرى بولسا دا ىقىلاسپەن ىستەپ بەرۋگە، ءبىر - بىرلەپ ىستەۋگە قۇلشىندىردى.قىستاقتىڭ قاتىناسى بارعان سايىن قولايلىلانىپ، نەگىزدىك قۇرىلعىلارى بارعان سايىن جاقسارىپ، قىستاق تۇرعىندارىنىڭ مادەني تۇرمىسى دا بارعان سايىن بايىپ، تۇرمىس ورەسى كۇن سايىن جوعارىلادى. تامشىداي ۇساق ىستەر تامشىداي باقىتتار الا كەلەدى، ال، وسى تامشىداي باقىتتار كورىكتى مەكەن قۇرۋداعى ەڭ ۇلكەن كۇش بولىپ تابىلادى.

  بيىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، بارلىق جەر تۇگەلدەي باقىت قۇشاعىنا شومدى. 70 جىل ادامزاتتىڭ ۇزاق تاريح كوشىندەگى قاس قاققانداي ءسات، ۇلى وتانىمىزدا وسى قىسقا عانا 70 جىل ىشىندە دۇنيەنى ءدۇر سىلكىندىرگەن وزگەرىستەر تۋىلدى. وتان شەكاراسىندا تۇرمىس كەشىرىپ جاتقان ءبىز دە وتانىمىزدىڭ كۇن سايىن قۇدىرەتتەنۋىنىڭ ءبىزدىڭ تۇرمىسىمىزعا الا كەلگەن وزگەرىستەرىن سەزىنۋدەمىز. شينجياڭنىڭ بۇگىنگىدەي ۇلتتارى ىنتىماقتى، قوعامى ورنىقتى، ەكونوميكاسى گۇلدەنگەن دامۋ جەتىستىگىنە جەتۋى پارتيا ورتالىق كوميتەتىنىڭ شىنايى قامقورلىعىنىڭ، بۇكىل مەملەكەتتەگى جەر - جەردىڭ زور كۇشپەن كومەكتەسۋىنىڭ، شينجياڭداعى ءار ۇلت كادرلارى مەن بۇقاراسىنىڭ قايراتتانا شايقاس جۇرگىزۋىنىڭ ناتيجەسى. ءبىز ەڭ شىنايى ارەكەتىمىز ارقىلى ۇلتتار اراسىنداعى ىنتىماق پەن دوستىقتى كۇشەيتۋىمىز، ۇلتتار ىنتىماعىن كوزقاراشىعىمىزداي ايالاۋىمىز، ومىرىمىزدەي قاستەرلەۋىمىز، ۇلتتىق بولشەكتەۋشى كۇشتەرمەن ەرلىكپەن كۇرەسىپ، ءدىني ۇشقارى يدەيانىڭ سىنالاپ كىرۋىن باتىل تەجەۋىمىز كەرەك. ءبىز ماڭايىمىزداعى كىشكەنتاي ىستەردەن باستاپ ىستەپ، ۇلتتار ىنتىماعىنىڭ ۇلگىسى بولۋعا قۇلشىنىپ، بەلسەندىلىكپەن، ىرىقتىلىقپەن ۇلتتار ىنتىماعىنا ەسە قوسۋىمىز؛ ماڭايىمىزداعى كىشكەنتاي ىستەردەن باستاپ ىستەپ، ءوز قىزمەت ورنىمىزدا جاپالى كۇرەس جۇرگىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كۇش - قۋاتىمىزدى ارناۋىمىز كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.