تيانشان تورى   ›   جاڭالىقتار   ›   ەل ءىشى حابارى

كوپ بولىپ شارۋاشىلىق قۇرۋ، جالپى قاۋىم جاڭالىق اشۋ ورەسىن ونان ارى جوعارىلاتىپ، جۇمىسقا ورنالاستىرۋدى ورنىقتىرۋدىڭ، جاڭالىق اشۋدى جەبەۋدىڭ، جاڭا قوزعاۋشى قۋاتتى ارتتىرۋدىڭ رولىن اناعۇرلىم ويداعىداي ساۋلەلەندىرۋ كەرەك

  لي كىچياڭ مەملەكەتتىك كوپ بولىپ شارۋاشىلىق قۇرۋ، جالپى قاۋىم جاڭالىق اشۋ قيمىلى اپتالىعىنا قاتىناسقاندا بىلاي دەپ باسا دارىپتەدى

  كوپ بولىپ شارۋاشىلىق قۇرۋ، جالپى قاۋىم جاڭالىق اشۋ ورەسىن ونان ارى جوعارىلاتىپ، جۇمىسقا ورنالاستىرۋدى ورنىقتىرۋدىڭ، جاڭالىق اشۋدى جەبەۋدىڭ، جاڭا قوزعاۋشى قۋاتتى ارتتىرۋدىڭ رولىن اناعۇرلىم ويداعىداي ساۋلەلەندىرۋ كەرەك

  شينحۋا اگەنتتىگىنىڭ 6 - ايدىڭ 13 - كۇنى حاڭجوۋدان بەرگەن حابارى. 6 - ايدىڭ 13 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ جىجياڭنىڭ حاڭجوۋ قالاسىندا 2019 - جىلعى مەملەكەتتىك كوپ بولىپ شارۋاشىلىق قۇرۋ، جالپى قاۋىم جاڭالىق اشۋ قيمىلى اپتالىعىنا قاتىناستى ءارى ماڭىزدى ءسوز سويلەدى.

  لي كىچياڭ بىلاي دەدى: وسى رەت كوپ بولىپ شارۋاشىلىق قۇرۋ، جالپى قاۋىم جاڭالىق اشۋ قيمىلى اپتالىعىنا قاتىناسقاندا، جىگەرى جالىنداعان توپ - توپ شارۋاشىلىق قۇرۋشىلاردى، تاڭعاجايىپ جاسامپاز ونىمدەردى كورىپ ەرەكشە قۋاندىم، تولقىنداي كوتەرىلگەن كوپ بولىپ شارۋاشىلىق قۇرۋ، جالپى قاۋىم جاڭالىق اشۋ ومىرشەڭدىك كۇشىن شىنايى سەزىندىم. سۇڭ پاتشالىعى داۋىرىندەگى اقىندار 6 - ايداعى شيحۋ كولىن ”كوككە بوي سوزعان شامگۇل جاپىراقتارى كوگىلدىر تۇسكە ەنىپ، كۇن شۇعىلاسىندا لوتوس گۇلدەرى نارتتاي قىزارعان“ دەپ سۋرەتتەگەن ەكەن، بۇل بۇگىنگى كوپ بولىپ شارۋاشىلىق قۇرۋ، جالپى قاۋىم جاڭالىق اشۋدىڭ بارلىق جەردە جالپىلاسىپ، ەرەكشە كورىكپەن كوز تارتىپ، شەكسىز ومىرشەڭدىك كۇشتى بەينەلەۋىنىڭ دە جاندى كارتيناسى ەسەپتى.

  لي كىچياڭ بىلاي دەپ اتاپ كورسەتتى: كوپ بولىپ شارۋاشىلىق قۇرۋ، جالپى قاۋىم جاڭالىق اشۋدىڭ ءمانى − رەفورما جاساۋ ارقىلى وندىرگىش كۇشتى ازات ەتىپ جانە دامىتىپ، سان ميلليونداعان بازار تۇلعالارىنىڭ بەلسەندىلىگىن جانە قوعامنىڭ جاسامپاز ومىرشەڭدىك كۇشىن جۇمىلدىرىپ، ءار ادامنىڭ كومەسكى قابىلەتىن، كومەسكى يقۋاتىن ەڭ جوعارى شەكتە ساۋلەلەندىرۋ. جۋىرداعى جىلداردان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو ەكونوميكاسى ورنىقتى اينالىمدى ساقتادى. قازىر كۇردەلى دە قاتاڭ ەل ءىشى - سىرتى جاعدايىنا ءدوپ كەلسەك تە، جۇڭگو ەكونوميكاسىندا سەرپىمدىلىك بار، سەرپىمدىلىك ءبىر ميلليارد 400 ميلليونعا جۋىق ادامنىڭ ەڭبەكشىلدىگى مەن جاسامپازدىعىنا تامىر تارتقان، كوپ بولىپ شارۋاشىلىق قۇرۋ، جالپى قاۋىم جاڭالىق اشۋ ماڭىزدى تىرەك، بازار تۇلعالارىنىڭ ومىرشەڭدىك كۇشىن جانە قوعامنىڭ جاسامپازدىق كۇشىن اناعۇرلىم زور دارەجەدە جانداندىرۋعا سۇيەنگەندە، ەكونوميكانىڭ باسەڭدەۋ قىسىمىنا توتەپ بەرىپ، جۇڭگو ەكونوميكاسىنىڭ ۇزاق ۋاقىت جاقسارۋداي نەگىزگى جاعىن ساقتاۋعا بولادى.

  لي كىچياڭ بىلاي دەدى: كوپ بولىپ شارۋاشىلىق قۇرۋ، جالپى قاۋىم جاڭالىق اشۋ جۇمىسقا ورنالاسۋعا پارمەندى تىرەك بولۋدا. جۇمىسقا ورنالاستىرۋ − ەڭ زور حالىق تۇرمىسى، كوپ بولىپ شارۋاشىلىق قۇرۋ، جالپى قاۋىم جاڭالىق اشۋ ەلىمىزدىڭ اسا مول ادام كۇشى بايلىعىنا، اسىرەسە، جاستارعا كەڭ جۇمىسقا ورنالاسۋ ءورىسىن اشتى، ول ءبىرشاما تولىق جۇمىسقا ورنالاستىرۋدى جەبەۋگە، ءار وتباسىنىڭ كوڭىلى ورنىعىپ، جايلى تۇرمىس كەشىرۋىنە مۇمكىندىك جاساۋعا ءتيىمدى. ءار دارەجەلى ۇكىمەتتەر ”ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ“ رەفورماسىن تەرەڭدەتىپ، تيجارات - ساۋدا ورتاسىن جاقسارتىپ، سالىقتى ازايتىپ، اقىنى تومەندەتۋدىڭ اناعۇرلىم زور كولەمدى ساياسات شارالارىن ىشكەرىلەي تياناقتاندىرىپ، شارۋاشىلىق قۇرۋشىلاردىڭ، جاڭالىق اشۋشىلاردىڭ بازار ەرەجەسى بويىنشا ءادىل باسەكە جاساۋىنا، شيراقىلىقپەن شەپكە اتتانۋىنا مۇمكىندىك جاساپ، كوپ بولىپ شارۋاشىلىق قۇرۋ، جالپى قاۋىم جاڭالىق اشۋعا تاماشا جەتىلۋ كەڭىستىگىن ازىرلەۋ كەرەك.

  لي كىچياڭ بىلاي دەپ اتاپ كورسەتتى: كوپ بولىپ شارۋاشىلىق قۇرۋ، جالپى قاۋىم جاڭالىق اشۋ − جاڭالىق اشۋداعى، دامۋداعى ماڭىزدى تۇتقا. جۇڭگو ەكونوميكاسى دامىپ بۇگىنگە جەتكەندە، ءسوز جوق، جاڭا - كونە قوزعاۋشى قۋاتتاردىڭ اۋىسۋىن جەدەلدەتۋ كەرەك. كوپ بولىپ شارۋاشىلىق قۇرۋ، جالپى قاۋىم جاڭالىق اشۋ جۇرتتىڭ پاراساتىن ۇيىستىرىپ، جۇرتتىڭ كۇشىن توعىستىردى، ”ينتەرنەت +“ تۇعىرىنان پايدالانىپ، جاڭا قوزعاۋشى قۋاتتىڭ جەدەل جەتىلۋىن جەبەدى، بۇل جۇڭگونىڭ كەلەشەك دامۋىنىڭ زور كومەسكى كۇشىنىڭ قاينارى. شارۋاشىلىق قۇرۋعا قارجى قوسۋ، تاۋەكەلدىك قارجى قوسۋ قورلارى ارقىلى كوپ بولىپ شارۋاشىلىق قۇرۋ، جالپى قاۋىم جاڭالىق اشۋعا دەم بەرىپ، كۇش قوسۋ كەرەك. كوپ بولىپ شارۋاشىلىق قۇرۋ، جالپى قاۋىم جاڭالىق اشۋ قوعامدىق تىك باعدارلى اينالىم ارناسىن كەڭەيتىپ، ءتىپتى دە كوپ ادامعا، اسىرەسە، ”بۇقارا اراسىنان شىققان“ شارۋاشىلىق قۇرۋشىلارعا دامۋ تۇعىرىن ازىرلەپ، ولاردىڭ قۇلشىنۋ ارقىلى ءومىر قۇنىن جۇزەگە اسىرۋىنا، قوعامدىق بايلىق جاراتۋىنا مۇمكىندىك جاسادى، بۇل وراي ءادىل بولۋدى جۇزەگە اسىرۋعا، بازاردىڭ گۇلدەنۋىن ىلگەرىلەتۋگە ءتيىمدى. كوپ بولىپ شارۋاشىلىق قۇرۋ، جالپى قاۋىم جاڭالىق اشۋدىڭ ساپاسىن جوعارىلاتۋدى جەبەۋ كەرەك، شارۋاشىلىق قۇرۋشىلار، جاڭالىق اشۋشىلار كاسىپكەرلىك رۋحتى، شەبەرلىك رۋحتى، ماماندىق رۋحتى ساۋلەلەندىرىپ، تاباندىلىقپەن، ەلەۋسىز ىستەردەن باستاپ ىستەپ، ۇزدىكتىككە تالپىنىپ، تاماشا جاڭالىقتى رەالدىققا اينالدىرىپ، تۇتىنۋشىنىڭ قارسى الۋىنا يە بولاتىن ونىممەن جانە قىزمەت وتەۋمەن بازاردى يەلەۋ، جوعارى ساپالى دامۋدى جەبەۋ كەرەك.

  لي كىچياڭ كوپ بولىپ شارۋاشىلىق قۇرۋ، جالپى قاۋىم جاڭالىق اشۋ نەگىزگى تاقىرىپتىق كورمە رايونىنا بارىپ، ءار كورمە تۇعىرىن ارالاپ، ستۋدەنتتەردىڭ جاڭالىق اشۋ، شارۋاشىلىق قۇرۋ جارىسىنداعى ۇزدىك جەتىستىكتەرىن كورىپ، بەينەجازبالىق ينتەرنەت، سيفرلانعان جاساۋ، تەڭىزدىڭ اعىنى ارقىلى ەلەكتر شىعارۋ، جاساندى جەم - ءشوپ زاۆودىندا جىبەك قۇرتىن ءوسىرۋ، بيولوگيالىق ءدارى - دارمەك سياقتى جاقتارداعى جاڭالىق اشۋ جەتىستىكتەرىن ەگجەي - تەگجەيلى ۇعىسىپ، جۇڭگولىق جانە شەتەلدىك جاڭالىق اشۋشىلارمەن اڭگىمەلەستى. جاس جاڭالىق اشۋشىلار العا قويعان ”مەن جاڭالىق اشۋعا باتىلمىن، مەن جاڭالىق اشا الامىن“ دەگەندى لي كىچياڭ تۇراقتاندىردى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، تۇتاس قوعامنىڭ شارۋاشىلىق قۇرۋىنىڭ، جاڭالىق اشۋىنىڭ جوڭكىلگەن تاسقىنىن ۇيىستىرىپ، مەملەكەتتىڭ دامۋىن قۇلشىنا جەبەپ، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋ كەرەك.

  شياۋ جيە جوعارىداعى قيمىلدارعا قاتىناستى. ۋان گاڭ قيمىل اپتالىعىنىڭ باستالۋ سالتىن باسقاردى. جىجياڭ ولكەسىنىڭ نەگىزگى جاۋاپتىلارى باستالۋ سالتىندا ءسوز سويلەدى. قارت، ورتا جاس، جاس 3 ۇرپاق شارۋاشىلىق قۇرۋشىلاردىڭ، جاڭالىق اشۋشىلاردىڭ 10 ۋاكىلى كوپ بولىپ شارۋاشىلىق قۇرۋ، جالپى قاۋىم جاڭالىق اشۋداعى ”众“ ءارىبىن بىرگە جازىپ، وسى رەتكى قيمىل اپتالىعىن رەسمي باستادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.