تيانشان تورى   ›   جاڭالىقتار   ›   وقۋ-اعارتۋ

شۇعىلالى ەسىم، جايناعان جاستىق ورال

− 2019 − جىلعى ”ەڭ ارداقتى جوعارى مەكتەپ تاربيەشى“سى، ”ەڭ ارداقتى ستۋدەنت“ جونىندە

شينحۋا اگەنتتىگىنىڭ تىلشىلەرى سۇن شاۋلۇڭ، حۋ حاۋ

  ارمانداردى توعىستىرىپ، كەلەشەككە بەت العان ۇلى تاسقىن قۇشاعىندا كۇرەستى. مىنە بۇل جاستىق ورال، شەكسىز الىسقا اپارادى.

  جاڭا جۇڭگو قۇرىلعاندىعىنىڭ 70 جىلدىعى ءدال 4 - مامىر قوزعالىسىنىڭ 100 جىلدىعىنا تۋرا كەلدى. جاستاردى ءورىس اشا جاڭالىق اشۋعا، قايراتتانا ءىس تىندىرۋعا شىن مانىندە جەتەكتەۋ ءۇشىن، ورتالىق كوميتەتتىڭ ۇگىت ءبولىمى، وقۋ - اعارتۋ مينيسترلىگى ءار جىلعى جۇمىس ورنىندا بولعان ”جوعارى مەكتەپ تاربيەشىلەرىنىڭ جىل ادامدارى“ مەن ”ستۋدەنتتەردىڭ جىل ادامدارى“ اراسىنان 10 ”ەڭ ارداقتى جوعارى مەكتەپ تاربيەشى“ سى مەن 10 ”ەڭ ارداقتى ستۋدەنت“تى سارالاپ شىقتى.

  ولاردىڭ حيكايالارى جاڭا داۋىردەگى جۇڭگو جاستارىن شىت جاڭا بەت - بەينەمەن ارمانعا قۇلاش سەرمەپ، ۇلتتى گۇلدەندىرۋدىڭ جورىعىندا ۇزدىكسىز كۇرەسۋگە جىگەرلەندىرۋدە.

  جاستىق ورالدىڭ قىزۋ سۇيىسپەنشىلىگىمەن وتاننىڭ قۇدىرەتتەنۋىنە كۇش قوستى

  ليۋ چياڭ، دۇڭبەي پەداگوگيكا داشۋەسىنەن.

  بالا كەزىنەن اۋىل - قىستاقتا وسكەن ليۋ چياڭنىڭ وتباسى شارت - جاعدايى ونشا جاقسى ەمەس ەدى، مۇعالىمداردىڭ كومەكتەسۋىندە ول وقۋىن ءساتتى اياقتاتىپ، دۇڭبەي پەداگوگيكا داشۋەسىنە قابىلداندى. قولىنا شاقىرتۋ قاعازىن قىسا ۇستاعان ليۋ چياڭ، ءسوز جوق، ءبىر جاقسى ۇستاز بولىپ، وزىندەگى باردى سارقا جۇمساپ، قوعامنىڭ ۇمىتىنەن شىعۋعا بەل بايلادى.

  كەڭىنەن ءبىلىم ءنارىن قابىلداساڭ، قوردالانعان بىلىممەن قىر اساسىڭ. يدەيا - ساياسي ساباعىنان لەكسيا سويلەۋگە اڭسارى اۋعان ليۋ چياڭ بۇكىل مەملەكەتتىك جوعارى مەكتەپ وقۋشىلارى يدەيا - ساياسي ساباعىنان لەكسيا سويلەۋ جارىسىندا كوپتەگەن سيلىققا قول جەتكىزدى. ول تاعى ستۋدەنتتەردىڭ يدەيا - ساياسي ساباعى ۇگىت - لەكسيا تۇعىرىن قۇرىپ، 10 مىڭعا جۋىق ستۋدەنتتىڭ يدەيا - ساياسيدى زەرتتەۋ، وزدىگىنەن ۇيرەنىپ، ءوزى لەكسيا سويلەۋ قوسىنىنا ات سالىسۋىنا ىقپال ەتىپ جانە اتتانىسقا كەلتىرىپ، جاس ستۋدەنتتەردىڭ ”جاڭا يدەيا ۇيرەنۋ، جاڭا داۋىرگە ۇلەس قوسۋ“ قىزعىندىلىعىن قاۋلاتتى.

  اسقار نۇرتاي، نانكاي داشۋەسىنەن. ول تاعى ءبىر ءتۇرلى فورمامەن ءوزىنىڭ جاستىق ورالىنىڭ ومىرشەڭ كۇشىن ساۋلەلەندىردى − قالامىن تاستاپ قارۋ اسىندى.

  2017 - جىلى اسقار قوسىنعا كىرۋ ءوتىنىش كەستەسىن تاپسىردى. قوسىنعا كىرگەننەن كەيىن ونىڭ كوكىرەگىن ىستىق قايرات كەرنەدى: دەنە كۇشى جارىسىندا قارا ءۇزىپ العا شىعۋ، كۇندەلىكتى تۇرمىستا دا تاڭەرتەڭ ەڭ الدىمەن تۇرۋ، كورپە - جاستىقتى بارىنەن بۇرىن جيناپ بولۋ، قاتارعا ەڭ الدىمەن تۇرۋ كەرەك. ەڭ سوڭىندا، وسى ءبىر قاراپايىم ستۋدەنت ەرەكشە سوعىس اترەتىنىڭ ۇزدىك مۇشەسىنە اينالىپ شىعا كەلدى.

  ۋاڭ شاۋشين، بەيجيڭ داشۋەسىنەن. ما تيانچىن، ەلەكتروندىق عىلىم - تەحنيكا داشۋەسىنەن.

  ولاردىڭ نازارىندا، جاستىق ورالدىڭ قىزۋ سۇيىسپەنشىلىگى − شارۋاشىلىق قۇرۋدىڭ اسقاق سەزىمى.

  ۋاڭ شاۋشين، ەنەرگيا جانە بايلىق ينجەنەرياسى كاسىبىنەن دوكتورلىق وقۋدا، ول قوقىر - قوقسىقتى جوعارى قوسىمشا قۇنعا يە كەۋەكتى فارفورعا اينالدىرىپ، وسى ارقىلى اتموسفەرانىڭ لاستانۋىن جونگە سالىپ، ”قوقىر - قوقسىق ارقىلى قوقىر - قوقسىقتى جونگە سالۋ“دى جۇزەگە اسىرۋعا كۇش سالۋدا. ما تيانچىن، توراپ يدەيا - ساياسي تاربيەسى كاسبىىنەن دوكتورلىق وقۋدا، ول سەرىكتەسۋشىسىمەن بىرگە قۇرعان سەرىكتەستىك ادامدار ارا قارىم - قاتىناستى جەبەيتىن ”جىلجىمالى ينتەرنەت ءونىمىن“ جاساماق.

  بۇل ولاردىڭ وتاننىڭ قۇدىرەتتەنۋى جولىندا كۇرەسۋ تاسىلدەرى.

ارماننىڭ ۇلى جوباسىن جاستىق ورالمەن كەستەلەدى

  حۋاڭ يىڭ، ۋحان جاراتىلىستىق عىلىمدار داشۋەسىنەن.

  2 جاس كەزىندەگى ءبىر رەتكى دەنە قىزۋىنىڭ ورلەۋى سەبەپتى حۋاڭ يىڭ قوس جانارىنان ايىرىلادى.

  الايدا وسى قايسار بويجەتكەن: ”كورە الماعاننان باسقانىڭ ءبارىن ىستەي الامىن“، ”كورمەي قالۋ“ دەيتىن ەكى ءارىپ حۋاڭ يىڭنىڭ ءومىر جولىنا كەدەرگى بولا المايدى، - دەپ تۇجىرىمدايدى.

  2015 - جىلى 6 - ايدا حۋاڭ يىڭ تولىق كۋرس 1 - توبى بويىنشا ءنومىر شەگىنەن 85 ءنومىر جوعارى الۋداي ناتيجەمەن ۋحان جاراتىلىستىق عىلىمدار داشۋەسىنىڭ قوعامدىق قىزمەت ماماندىعىنا قابىلدانىپ، ادەتتەگى جوعارى مەكتەپ ەمتيحانىنا قاتىناسىپ، 211 ءتۇيىندى داشۋەسىنە قابىلدانعان ەلىمىزدەگى تۇڭعىش سوقىر وقۋشىعا اينالادى.

  ليۋ مەي، نانجيڭ داشۋەسىنەن.

  2008 - جىلعى ۋىنچۋانداعى جەر سىلكىنىسىندە، ءۇيىندى اراسىندا 30 نەشە ساعات كومىلىپ جاتقان 15 جاستاعى ليۋ مەي وڭ اياعىنان ايرىلادى.

  جەر سىلكىنىسى الا كەلگەن ءتان مەن جان جاراقاتى ونى مۇقالتا المادى، وقۋعا قايتا تۇسكەن ليۋ مەي ەڭ سوڭىندا سىچۋان داشۋەسىنە قابىلدانادى ءارى ۇزدىك ناتيجەمەن نانجيڭ داشۋەسىنە جالعاستى ءبىلىم الۋعا ارنايى جىبەرىلەدى.كەيبىرەۋلەر قايسارلىق ارقىلى ءوزىن قۇتقارسا، كەيبىرەۋلەر قايسارلىق ارقىلى باسقالاردى قۇتقاردى.

  لي ارياڭ، شي - ان قازىنا - ەكونوميكا داشۋەسىنەن .

  2015 - جىلى 3 - ايدىڭ 28 - كۇنى لي ارياڭ ساباقتاستارىمەن جىڭجوۋ قالاسى حۋاڭحى 2 - كوپىرىنىڭ وڭتۇستىك جاعالاۋىنان ءوتىپ بارا جاتقاندا ءبىر بالانىڭ سۋعا ءتۇسىپ كەتكەندىگىن بايقايدى، تاستاي سۋىق وزەن سۋىندا، لي ارياڭ بار كۇشىن سالا بالانى جاعاعا الىپ شىعادى، الايدا كومەكتەسۋ ءۇشىن ونىڭ سوڭىنان سۋعا تۇسكەن تاعى ءبىر وقۋشى ۋ زۇڭياۋدىڭ جاعاعا قايتا ورالا المايتىندىعىن ەشكىم ويلامان - دى...

  2016 - جىلى لي ارياڭ جىڭجوۋ قالالىق قىزىل كرەست سۋدا ەرىكتى قۇتقارۋ - كومەكتەسۋ اترەتىنە ەش ەكىلەنبەي قوسىلادى. جازعى دەمالىستاعى 2 اي ۋاقىتتا، ول ءبىرىنشى شەپتىڭ ناق مايدانىندا 12 رەت قۇتقارۋ - كومەكتەسۋگە قاتىناسىپ، سۋعا تۇنشىققان 9 ادامدى ءساتتى ىزدەپ تابادى.

  ”ارەكەتتىڭ كۇشىنە سەنۋ كەرەك، مەيلى قانشا كىشكەنە بولسا دا!“، - دەدى لي ارياڭ.

عىلىم شىڭىنا جاستىق ورالدىڭ جالىندى ىنتاسىمەن تالپىندى

  يۇي جيپيڭ، چيڭحۋا داشۋەسىنەن.

  اۋەس − ەڭ تاماشا مۇعالىم، بۇل ءسوزدى يۇي جيپيڭعا قولدانۋ بالكىم ەڭ ۇيلەسىمدى بولارى حاق.

  2015 - جىل چيڭحۋا داشۋەسىنە ەندى عانا قابىلدانىپ، ۇيرەنۋىن باستاعان يۇي جيپيڭ چيڭحۋا داشۋەسى وقۋشىلار اسقىن ەسەپتەۋ ۇيىرمەسىنىڭ 3 ۇلكەن حالىقارالىق جارىستا ”بىرىڭعاي اعا جۇلدەگەر“ بولعان حابارىن كورگەننەن كەيىن، وسى ءبىر پانگە قاتتى قىزىعادى.

  2017 - جىلى ول چيڭحۋا داشۋەسىنىڭ وقۋشىلار اسقىن ەسەپتەۋ ۇيىرمەسىنە قوسىلادى، 2018 - جىلى ۇيىرمە باستىعى سالاۋاتىمەن 3 رەتكى اسقىن ەسەپتەۋ حالىقارالىق جارىس تۇرىنە تۇگەلدەي قاتىناسادى ءارى اعا جۇلدەگەر بولادى.عىلىمنىڭ كوركەمدىگى جارىس مايدانىندا ايگىلەندى ءارى تاجىريبەحانادا كوركەم شۋاق شاشتى.

  ليۋ ي، سىچۋان داشۋەسىنەن.

  تاياۋ 3 جىلدا ونىڭ 23 ديسسەرتاتسياسى SCI عا ەنگىزىلدى؛ 8 ءتۇرلى مەملەكەتتىك تاپقىرلىق پاتەنتىن الدى ءارى اشىق جاريالادى، 6 ءتۇرلى جۇمساق بولشەك شىعارما ۇقىعىن الدى؛ ءوز كاسىبىنىڭ بەدەلدى SCI مەرزىمدىك باسىلىم ماقالاسىن سالىستىرۋشى مىندەتىن اتقاردى؛ وقۋ - اعارتۋ مينيسترلىگىنىڭ عىلىم - تەحنيكا العاباسارلىعى 1 - دارەجەلى سيلىعى سياقتى 40 نەشە ءتۇرلى سيلىقتى ەنشىلەدى...

  وسى داڭقتاردىڭ بارلىعى ليۋ يعا تاۋەلدى، ”تىنباي ىستەي بەرسەڭ، قارا تاسقا دا ورنەك تۇسىرە الاسىڭ“ عىلمي زەرتتەۋ پوزيتسياسىن ۇستانعان ول ءالى دە وقۋشى بولسا دا، ونىڭ قاتىستى زەرتتەۋ تابىستارى داگاڭشان، بايحىتان سۋ ەلەكتر ستانسياسى سياقتى مەملەكەتتىك كەلەلى سۋ ەلەكتر ينجەنەرياسىنا ءساتتى پايدانىلدى.

  لۇي سۇڭ، جۇڭگو عىلىم - تەحنيكا داشۋەسىنەن.

  2014 - جىلى لۇي سۇڭ كاسىپ بويىنشا 1 - بولىپ، ءبىرىنشى اۆتورلىق 10 ءىلمي ديسسەرتاتسيا ناتيجەسىمەن جۇڭگو عىلىم - تەحنيكا داشۋەسىنە ارنايى جىبەرىلىپ، ءوزى قاتتى قىزىعاتىن جاڭا ەنەرگيا باعدارىنداعى زەرتتەۋىن جالعاستىرادى.

  ول ادام دەنەسىنىڭ ۆەلوسيپەد ءمىنۋ بارىسىندا تاراتاتىن جىلۋىنان پايدالانىپ ەلەكتر تاراتۋدى ءارى زەردەلى ەسكەرتۋ بەرەتىن وزىنەن ەلەكتر تاراتاتىن حاۋىپسىزدىك دۋلىعاسىن زەرتتەپ تابادى. بۇل تۋىندى 10 - كەزەكتى مەملەكەتتىك ستۋدەنتتەر ەنەرگيا ۇنەمدەۋ، جاراقسىز زاتتاردىڭ شىعارىلۋىن ازايتۋ قوعامدىق امالياتى جانە عىلىم - تەحنيكا باسەكە جارىسىندا مەملەكەتتىك ەرەكشە دارەجەلى سيلىعىن، 45 - كەزەكتى جەنەۆا حالىقارالىق تاپقىرلىق كورمەسى التىن سيلىعىن ەنشىلەيدى.

  ”مەن وزىق دەڭگەيلى عىلىم - تەحنيكانىڭ ەندىگارى ’قول جەتپەيتىن نارسە‘ بولماۋىنا مۇمكىندىك جاساپ، ادامزاتتىڭ تۇرمىسىن شىنايى وزگەرتۋ ءبىزدىڭ عىلمي زەرتتەۋمەن اينالىسۋداعى اۋەلگى ماقساتىمىز ەكەندىگىنە كامىل سەنەمىن“، - دەدى لۇي سۇڭ.

  (شينحۋا اگەنتتىگىنىڭ 6 - ايدىڭ 13 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا ۇيگە كوشتى جاڭا تۇرمىس كەشىردى
  • قامبالاردى اشىپ، كۇزگى استىق جينادى
  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“