اۆتونوميالى رايوندىق پارتكوم ۇيىمداستىرۋ ءبولىمى، ۇگىت ءبولىمى توڭكەرىستىك ءداستۇر تاربيەسىن ۇيىمداستىرىپ ورىستەتتى
قىزىل تاربيە قابىلداپ، بەرىك پارتيالىلىقتى شىڭدادى
تىلشىلەر جاڭ يۇنمەي، جاڭ يانفاڭ 6 - ايدىڭ 17 - كۇنى ۇرىمجىدەن حابارلايدى. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ تىڭعىلىقتى ورىستەتىلۋىن ىلگەرىلەتۋ ءۇشىن، اۆتونوميالى رايوندىق پارتكوم ۇيىمداستىرۋ ءبولىمى، ۇگىت ءبولىمى جەكە - جەكە توڭكەرىستىك ءداستۇر تاربيەسىن ۇيىمداستىرىپ ورىستەتتى.
6 - ايدىڭ 14 - كۇنى اۆتونوميالى رايوندىق پارتكوم ۇيىمداستىرۋ ءبولىمى پارتيالى كادرلاردى شينجياڭ اسكەري رايونىنىڭ بەلگىلى قىزىل ارميا شىسىنىڭ شى تاريحي مۇراجايىندا ەكسكۋرسيالاۋعا، ۇيرەنۋگە ۇيىمداستىرۋ ارقىلى توڭكەرىستىك ءداستۇر تاربيەسىن قابىلداپ، مۇرات - سەنىمدى بەكەمدەپ، بورىش جاۋاپكەرشىلىگىن ارقالاۋدى كۇشەيتتى. قىزىل تاربيە كوپشىلىكتىڭ پارتيانى ءسۇيۋ، وتاندى ءسۇيۋ سۇيىسپەنشىلىكتەرىن قاۋلاتتى. اۆتونوميالى رايوندىق پارتكوم ۇيىمداستىرۋ ءبولىمىنىڭ پارتيالى كادرلارىنان قۇرالعان ”اۋەلگى ماقسات اترەتى“ مەن ”بورىش اترەتى“ كوكىرەك كەرنەگەن ىستىق ىنتامەن توڭكەرىستىك اندەردى اسقاقتاتا شىرقادى. سوڭىندا كوپشىلىك بىرگە ”كوممۋنيستىك پارتيا بولماسا جاڭا جۇڭگو بولماق ەمەس“ ءانىن شىرقاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا دەگەن بەرىك سەنىمدەرىن ءبىلدىردى.
6 - ايدىڭ 11 - كۇنى تۇستەن كەيىن اۆتونوميالى رايوندىق پارتكوم ۇگىت ءبولىمى بارلىق پارتيالى كادرلاردى ءۇرىمجى قالاسى قۇرباندار قابىرستانىنا بارۋعا ۇيىمداستىرىپ، توڭكەرىستىك اعا بۋىندار مەن قۇربانداردى ەسكە الىپ، توڭكەرىستىك ءداستۇر تاربيەسىن قابىلداپ، پارتيالى كادرلاردى قىزىل رۋحتى جالعاستىرۋعا، اۋەلگى ماقساتتى ۇمىتپاۋعا، بورىشتى ەستە بەرىك ساقتاۋعا، ۇدەرە العا باسۋعا ونان ارى تاربيەلەدى جانە جەتەكتەدى.
ءۇرىمجى قالاسى قۇرباندار قابىرستانىنداعى حالىق قاھارماندارى ەسكەرتكىشىنىڭ الدىندا، پارتيالى كادرلار شەكسىز قۇرمەت كوڭىلمەن گۇل قويىپ، توڭكەرىستىك قۇرباندارعا دەگەن قۇرمەتتەرىن جانە ساعىنىشىن ءبىلدىردى؛ پارتيا تۋى الدىندا، پارتيالى كادرلار وڭ قولىن كوتەرىپ، پارتياعا كىرۋ سەرتىن قايتا ەسكە الدى. ءۇرىمجى قۇرباندار ىزگى ىستەرى كورمە ساراينىدا كوپشىلىك ءتۇسىندىرۋشىنىڭ تانىستىرۋىن دەن قويا تىڭداپ، قىمباتتى تاريحي ماتەريالدار مەن مادەنيەت مۇرالارىن ەگجەي - تەگجەيلى كوردى، كورمە سارايىندا پارتيالى كادرلار ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ − پارتيا 1 - قۇرىلتايىنان 19 - قۇرىلتايىنا دەيىن“ ارناۋلى تاقىرىپتىق كورمەسىن ەكسكۋرسيالاپ، پارتيانىڭ شۇعىلالى تاريحىن ەسكە ءتۇسىردى.
كوپشىلىك ءبىر اۋىزدان مىنالاردى ءبىلدىردى: اۋەلگى ماقساتتى ۇمىتپاي، بورىشتى ەستە بەرىك ساقتاپ، مۇرات - سەنىمدى بەكەمدەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازۋعا قۇلشىنامىز.
