جۇڭگو كوممۋنيستىك پارتياسى ورتالىق كوميتەتىنىڭ سىرتپەن بايلانىس جاساۋ ءبولىمى اقپارات قۇرالدارىنا قۇلاق قاعىس ەتۋ ءماجىلىسىن اشىپ، قاتىستى جاعدايلاردى تانىستىردى
شينحۋا اگەنتتىگىنىڭ 6 - ايدىڭ 17 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ سىرتپەن بايلانىس جاساۋ ءبولىمىنىڭ مالىمدەمەشىسى حۋ جاۋميڭ 6 - ايدىڭ 177 - كۇنى بەيجيڭدە مىنانى جاريالادى: چاۋشيان ەڭبەك پارتياسىنىڭ كوميتەت باستىعى، چاۋشيان دەموكراتيالىق حالىق رەسپۋبليكاسى مەملەكەت ىستەر كوميتەتىنىڭ باستىعى جين جىڭىننىڭ ۇسىنىسىمەن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، جۇڭحۋا حالىق رەسپۋبليكاسىنىڭ ءتوراعاسى شي جينپيڭ 6 - ايدىڭ 20 - كۇنىنەن 21 - كۇنىنە دەيىن چاۋشيان دەموكراتيالىق حالىق رەسپۋبليكاسىندا مەملەكەت ىستەرى ساپارىندا بولادى.
شينحۋا اگەنتتىگىنىڭ 6 - ايدىڭ 17 - كۇنى بەيجيڭنەن بەرگەن حابارى (ءتىلشى لي جۇڭفا). جۇڭگو كوممۋنيستىك پارتياسى ورتالىق كوميتەتىنىڭ سىرتپەن بايلانىس جاساۋ ءبولىمى 6 - ايدىڭ 177 - كۇنى اقپارات قۇرالدارىنا قۇلاق قاعىس ەتۋ ءماجىلىسىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ سىرتپەن بايلانىس جاساۋ ءبولىمىنىڭ باستىعى سۇڭ تاۋ، سىرتقى ىستەر مينيسترلىگىنىڭ ورىنباسار مينيسترى لو جاۋحۇي جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭنىڭ تاياۋدا چاۋشياندا مەملەكەت ىستەرى ساپارىندا بولاتىندىعىنا قاتىستى جاعدايلاردى تانىستىردى.
سۇڭ تاۋ مىنالاردى ءبىلدىردى: چاۋشيان ەڭبەك پارتياسىنىڭ كوميتەت باستىعى، مەملەكەت ىستەر كوميتەتىنىڭ باستىعى جين جىڭىننىڭ ۇسىنىسىمەن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 6 - ايدىڭ 20 - كۇنىنەن 21 - كۇنىنە دەيىن چاۋشياندا مەملەكەت ىستەرى ساپارىندا بولادى. بۇل پارتيامىز بەن مەملەكەتىمىزدىڭ ەڭ جوعارى باسشىسىنىڭ ارادا 14 جىل وتكەننەن كەيىن چاۋشيانعا تاعى ساپارلاي بارۋى، سونداي - اق پارتيا 18 - قۇرىلتايىنان بەرى باس شۋجي شي جينپيڭنىڭ چاۋشيانعا تۇڭعىش رەت ساپارى. وسى رەتكى ساپار جۇڭگو - چاۋشيان ديپلوماتيالىق قارىم - قاتىناس ورناتقاندىعىنىڭ 70 جىلدىعىنا تۋرا كەلدى، ەكى ەلدىڭ قارىم - قاتىناسى جونىنەن بۇرىنعىعا مۇراگەر، كەيىنگىگە بۇيداگەر بولىپ، الدىڭعىلاردىڭ ءىزىن باسىپ، بولاشاققا جول اشاتىن كەلەلى ماڭىزعا يە.
سۇڭ تاۋ بىلاي دەپ اتاپ كورسەتتى: جۇڭگو مەن چاۋشيان دوس كورشى، ەكى ەلدىڭ قارىم - قاتىناسى ۇزاقتان جالعاسىپ كەلەدى. جۇڭگو پارتياسى مەن ۇكىمەتى چاۋشيانمەن قارىم - قاتىناسقا باستان - اياق ايرىقشا ءمان بەرىپ وتىر، ديپلوماتيالىق قارىم - قاتىناس ورناتقان 70 جىلدان بەرى، ەكى پارتيا، ەكى ەل جوعارى دارەجەلىلەردىڭ بارىس - كەلىس جاساۋ ءداستۇرىن ءۇرتىس ساقتاپ كەلەدى، ەكى جاق مادەنيەت، وقۋ - اعارتۋ، عىلىم - تەحنيكا، دەنە تاربيە، حالىق تۇرمىسى سياقتى سالالاردا اۋىس - كۇيىستى، سەلبەستىكتى ساقتاپ كەلەدى. پارتيا 18 - قۇرىلتايىنان بەرى، جۇڭگو پارتياسى مەن ۇكىمەتى جۇڭگو - چاۋشيان قارىم - قاتىناسىن دامىتۋعا بەلسەنە كۇش سالدى. وتكەن ءبىر جىلعا جەتپەيتىن ۋاقىتتا باس شۋجي شي جينپيڭ كوميتەت باستىعى جين جىڭىنمەن 4 رەت كەزدەستى، ەكى جاق جۇڭگو - چاۋشيان قارىم - قاتىناسى، تۇبەكتىڭ جاعدايى سياقتىلار جونىندە ىشكەرىلەي پىكىر اۋىستىرىپ، ءبىر قىدىرۋ ماڭىزدى ورتاق تانىمعا كەلدى، جۇڭگو - چاۋشيان قارىم - قاتىناسى تىڭ پاراق اشتى.
سۇڭ تاۋ بىلاي دەپ اتاپ كورسەتتى: جۇڭگو - چاۋشيان ەكى جاق بىردەي جۇڭگو - چاۋشيان قارىم - قاتىناسىن ويداعىداي قورعاۋ، ويداعىداي بەكەمدەۋ، ويداعىداي دامىتۋ ەكى ەلدىڭ جانە ەكى ەل حالقىنىڭ مۇددەسىنە ۇيلەسەدى دەپ قارادى. ەكى جاق بىردەي قاتىستى تاراپتاردى وڭاي - وسپاق قولعا كەلمەگەن تۇبەك تىلدەسۋىنىڭ ساباسىنا ءتۇسۋ جاعدايىن قاستەرلەپ، تۇبەكتى يادروسىزداندىرۋدى جۇزەگە اسىرۋ بەتالىسىنا تاباندى بولۋعا، تۇبەكتىڭ بەيبىتشىلىگىن، ورنىقتىلىعىن قورعاۋعا، تۇبەك ماسەلەسىن تىلدەسۋ ارقىلى اقىلداسىپ شەشۋگە شابىتتاندىرادى. جۇڭگو جاق چاۋشيان جاقتىڭ جاڭا ستراتەگيالىق لۋشيان اتقارۋىن، زەيىن - زەردەنى شوعىرلاندىرا وتىرىپ ەكونوميكانى دامىتۋىن، حالىق تۇرمىسىن جاقسارتۋىن، ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن جۇرۋگە تاباندى بولۋىن قولدايدى. ەكى جاق بىردەي پارتيالار ارا بارىس - كەلىستىڭ ماڭىزدى رولىن ۇزدىكسىز ساۋلەلەندىرىپ، ستراتەگيالىق بايلانىستى كۇشەيتۋدى، ءتۇسىنىسۋدى، ءوزارا سەنىمدىلىكتى نىعايتۋدى، ورتاق مۇددەنى قورعاۋدى باسا دارىپتەيدى.
سۇڭ تاۋ مىنالاردى ءبىلدىردى: چاۋشيان جاق باس شۋجي شي جينپيڭنىڭ وسى رەتكى ساپارىنا ايرىقشا ءمان بەردى، باس شۋجي شي جينپيڭدى جانە ونىڭ ساپارلاستارىن ىقىلاسپەن، دوستىقپەن قارسى الادى. ساپاردا بولعان كەزدە، باس شۋجي شي جينپيڭ كوميتەت باستىعى جين جىڭىنمەن كەزدەسىپ، كەڭەس وتكىزەدى، جۇڭگو - چاۋشيان دوستىق مۇناراسىنا بارۋ سياقتى قيمىلدارعا قاتىناسادى. ەكى ەلدىڭ باسشىلارى وتكەن 70 جىلداعى ەكى ەلدىڭ قارىم - قاتىناسىنىڭ دامۋ بارىسىن ەسكە الادى، قورىتىندىلايدى، جاڭا داۋىردەگى جۇڭگو - چاۋشيان قارىم - قاتىناسىنىڭ دامۋى جونىندە ىشكەرىلەي پىكىر اۋىستىرىپ، ەكى ەل قارىم - قاتىناسىنىڭ بولاشاقتاعى بەتالىسىنا جەتەكشىلىك ەتەدى. ەكى جاق تۇبەكتىڭ جاعدايى جونىندە ىشكەرىلەي پىكىر اۋىستىرادى، تۇبەك ماسەلەسىن ساياسي جولمەن شەشۋ اياق الىسىنىڭ تىڭ ىلگەرىلەۋشىلىككە قول جەتكىزۋىن جەبەيدى. ەكى جاق سونىمەن قاتار ءوز ەلىنىڭ ىشكى دامۋ جاعدايىن تانىستىرادى. جۇڭگو - چاۋشيان ەكى جاقتىڭ بىرگە قۇلشىنۋىندا باس شۋجي شي جينپيڭنىڭ وسى رەتكى ساپارىنىڭ، ءسوزسىز، ءساتتى بولاتىندىعىنا، ەكى پارتيا، ەكى ەل قارىم - قاتىناسىنىڭ تىڭ پاراعىن اشىپ، ءوڭىردىڭ بەيبىتشىلىگى، ورنىقتىلىعى، گۇلدەنۋى ءۇشىن جاڭا ۇلەس قوساتىندىعىنا سەنەمىن.
لو جاۋحۇي جۇڭگو - چاۋشيان ەكى ەلدىڭ ءارقايسى سالاداعى باستى سەلبەستىك جاعدايىن تانىستىرىپ، مىنالاردى ءبىلدىردى: جۇڭگو - چاۋشيان قارىم - قاتىناسى مەن ەكى ەل حالقىنىڭ دوستىعى ۇزاق ۋاقىتتان بەرى ورنىقتى دامىپ كەلەدى، بۇل ەكى ەلدىڭ تاۋ - وزەندەرى تۇتاسقان وڭىرلىك باسىمدىعىنىڭ، سونداي - اق تاماشا ساياسي قارىم - قاتىناسىنىڭ، حالىق اراسىنداعى دوستىق نەگىزىنىڭ جانە ەكونوميكاسىنىڭ ءوزارا تولىقتاۋ سيپاتىنىڭ ارقاسى. بيىل ەكى جاق بىرگە ءبىرقىدىرۋ قيمىل وتكىزىپ، جۇڭگو - چاۋشيان ديپلوماتيالىق قارىم - قاتىناس ورناتقاندىعىنىڭ 70 جىلدىعىن قۇتتىقتاۋعا، تاريحتى ەسكە الۋ، بولاشاقتى جوبالاۋ ارقىلى جاڭا داۋىردەگى جۇڭگو - چاۋشيان قارىم - قاتىناسىنىڭ دامۋىنا تىڭ قوزعاۋشى كۇش قوسۋدى اقىلداسىپ بەلگىلەدى.
