تيانشان تورى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

كوجەك باعىپ، كەدەيلىكتەن ارىلۋدى جەبەدى

سۋرەتىن ءتۇسىرىپ، حابارىن جازعان ءتىلشى جىن شىشين

  6 - ايدىڭ 5 - كۇنى كوجەكتەرىن كورگەن توحتىمامەتتىڭ العى كۇندەرگە بولعان سەنىمى ارتا ءتۇستى.

  6 - ايدىڭ 7 - كۇنى قويان باعۋ ارقىلى اقشا تابۋعا بولاتىندىعىن كورگەننەن كەيىن، كوپتەگەن قىستاق تۇرعىنى قىستاقتا تۇراتىن قىزمەت اترەتىنە كەلىپ، قويان باعۋعا تىزىمدەلدى.

  بۇرشاقشى اۋىلى كاساشاقىلىق قىستاعىندا جەتەكشى كاسىپورىن قويان باعاتىن 14 قورا سالدى، بۇل قورالاردا 110 مىڭنان استام اسىل تۇقىمدى قويان باعىلادى (سۋرەت 6 - ايدىڭ 7 - كۇنى تۇسىرىلگەن).

  ”بۇل قوياندار ءبىزدىڭ كەدەيلىكتەن ارىلىپ، بايۋىمىزداعى اسىلىمىز“، - دەدى 6 - ايدىڭ 5 - كۇنى قاراقاش اۋدانى بۇرشاقشى اۋىلى كاساشاقىلىق قىستاعىنىڭ تۇرعىنى توحتىمامەت ماقپۇز كامشات قويانىنىڭ ءوسۋ جاعدايىن دەن قويا تەكسەرە ءجۇرىپ تىلشىگە.

  توحتىمامەت كاساشاقىلىق قىستاعىنداعى ارحيۆ تۇرعىزىپ، كارتچكالاندىرىلعان كەدەي وتباسى. 2018 - جىلى 7 - ايدا قاراقاش اۋدانى ىشكى ولكەنىڭ وزىق مال شارۋاشىلىق باعىمشىلىق كاسىپورنىن ەنگىزدى. وسى كاسىپورىن قىستاق تۇرعىندارىن اسىل تۇقىمدى قويان، جەم - ءشوپ جانە باعىمشىلىق تەحنيكاسى سياقتى قىزمەت وتەۋلەرمەن تەگىن قامدادى. حوتان ايماقتىق اۋىل شارۋاشىلىعى راديو - تەلەۆيزيا مەكتەبىنىڭ كاساشاقىلىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قى−زمەت اترەتىنىڭ كومەگىندە، بىلتىر 10 - ايدا توحتىمامەت 55 ءناسىلدى قويان باقتى.

  توحتى مامەت بىلاي دەدى: ”كوجەكتەردى 50 كۇن باققاننان كەيىن ساتۋ تالابىنا جەتەدى، قازىرگە دەيىن 6 توپ كوجەك ساتىپ، 5000 نەشە يۋان كىرىس كىرگىزدىم“.

  قازىر قاراقاش اۋدانى 4 اۋىل - قالاشىقتان قويان باعىمشىلىق بازاسىن قۇردى، 150 باعىمشىلىق قوراسىن سالدى، بۇكىل اۋدانداعى 1200دەن استام كەدەي وتباسى بۇعان قاتىناستى. الداعى جەردە قاراقاش اۋدانى جەتەكشى كاسىپورىنداردى جالعاستى سۇيەمەلدەپ، كامشات قويانى كاسىبىنىڭ جىنتىكتەي مانەرلەۋ كاسىپ تىزبەگىن تەز ارادا قۇرىپ، مۇنان دا كوپ كەدەي وتباسىنىڭ كىرىسىن ارتتىرۋدى جوسپارلاپ وتىر.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.