تيانشان تورى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

”تاماشا جول“دى ءدال تاۋىپ، ”كەدەيلىك قالپاعى“ن الىپ تاستادى

− اۆتونوميالى رايوندىق قازىنالىق باقىلاۋ مەڭگەرمەسىنىڭ، شينجياڭ ينجەنەريا شۋەيۋانىنىڭ، حوتان قالالىق ورمان شارۋاشىلىعى جانە جايلىم مەكەمەسىنىڭ سەكسەن قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ كەدەيلىكتەن ارىلتۋدان قامال الۋ قىزمەتىنەن ەستەلىك

ءتىلشىمىز لي داۋجۇڭ

  5 - ايدىڭ 27 - كۇنى تۇستەن بۇرىن حوتان قالاسى گۋجيانباق اۋىلى سەكسەن قىستاعىنداعى جيا - ي كيىم - كەشەك فابريكاسىندا قىستاق تۇرعىنى ادالەت ءاستوللا مەن قىزمەتتەستەرى مەكتەپ كيىمىن تىگۋمەن قاربالاستانىپ جاتتى. ”فابريكادا جۇمىس ىستەپ اي سايىن 1500 يۋان تابامىن“. ادالەت وسى كىرىستىڭ ارقاسىندا وزىمەن بىرگە فابريكادا ىستەيتىن 35 كەدەي وتباسى مۇشەسىنىڭ كەدەيلىكتەن ارىلۋ ارمانىنىڭ كوپ وتپەي جۇزەگە اساتىنىن قۋانا ايتتى.

قىستاقتا فابريكا اشىپ، جۇمىستانۋعا دەم بەردى

  سەكسەن قىستاعىنداعى تۇرعىنداردىڭ، اسىرەسە، ايەلدەردىڭ جاقىن جەردە جۇمىسقا ورنالاسۋ ماسەلەسىن شەشۋ ءۇشىن اۆتونوميالى رايوندىق قازىنالىق باقىلاۋ مەڭگەرمەسىنىڭ، شينجياڭ ينجەنەريا شۋەيۋانىنىڭ، حوتان قالالىق ورمان شارۋاشىلىعى جانە جايلىم مەكەمەسىنىڭ حوتان قالاسى گۋجيانباق اۋىلىنىڭ سەكسەن قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قىستاقتىڭ ”ەكى كوميتەتى“مەن بىرلەسىپ قىستاقتا كاسىپورىن قۇرىپ، قىستاق تۇرعىندارىنا جۇمىس تۇعىرىن ازىرلەدى. قىزمەت اترەتى شينجياڭعا كومەكتەسۋ قورىنا بەلسەنە قول جەتكىزىپ، قىستاقتا جيا - ي كيىم - كەشەك فابريكاسىن قۇردى، فابريكا 2018 - جىلى 10 - ايدىڭ 1 - كۇنى رەسمي وندىرىسكە ءتۇستى. قازىر 76 تۇرعىننىڭ جۇمىسقا ورنالاسۋىن شەشىپ وتىر. وسى فابريكا وندىرگەن مەكتەپ كيىمى، قىزمەت كيىمى سياقتى كيىم - كەشەكتەر بازاردا قارسى الىندى.

  ءىشىنارا قىستاق تۇرعىندارىنىڭ فابريكادا جۇمىس ىستەگەننەن كەيىن، بالالارىنا قارايتىن ادامنىڭ جوقتىعىن ەسكەرگەن قىزمەت اترەتى فابريكا اۋماعىندا ارنايى باعىنحانا اشىپ، بالالاردى اقىسىز قارادى. ”فابريكا جاڭا جىلدا، مەرەكەلەردە سيلىق اقشا بەرەدى، تۋعان كۇندى توپتىق تويلايدى، ەرەكشە تاۋەلدىلىك سەزىمىن سيلايدى“، - دەدى قىستاق تۇرعىنى ءبۋالي ءماتتوحتى.

  2018 - جىلى قىزمەت اترەتى قىستاقتاعى ازىق - تۇلىك زاۆودىن كەڭەيتىپ سالىپ، ايران، ماروجني، مۇزقانت، كانسەرۆا سياقتى 6 توپتاعى 60 نەشە ءتۇرلى ءونىمدى ءوندىردى. قازىر ازىق - تۇلىك زاۆودىندا 20 نەشە تۇرعىن جۇمىس ىستەيدى.

سەلبەسىپ شارۋاشىلىق جۇرگىزىپ، بىرگە اۋقاتتاندى

  سەكسەن قىستاعىنداعى مال، قۇس باعىمشىلىعى سەلبەستىك كووپەراتيۆىندە قىستاق تۇرعىنى ءماتابدوللا احىمەتتوحتى: ”باعىمشىلىق سەلبەستىك كووپەراتيۆىنە كىرۋدىڭ الدىندا سيىردى ءبىر جىل ماشاقاتتانىپ باققانداعى تاپقان كىرىسىمىز تىم ماردىمسىز بولاتىن. ەندى مىنە سەلبەستىك كووپەراتيۆىنە كىرىپ جەڭىلدەپ قالدىق، ونىڭ ۇستىنە الاتىن پايدامىز تاعى بار“، - دەدى.

  سەكسەن قىستاعىنداعى ءىشىنارا تۇرعىندار سىرتقا شىعىپ جۇمىس ىستەگىسى كەلگەنىمەن، ۇيىندە مالعا قارايتىن ادام قالمايدى. قىزمەت اترەتى مەن قىستاق ”ەكى كوميتەتى“ تالاي رەت تالقىلاۋ ارقىلى كەڭ كولەمدە پىكىر الىپ، باعىمشىلىق سەلبەستىك كووپەراتيۆىن قۇرۋدى ۇيعاردى. ۇگىتتەۋ، جەتەكتەۋ ارقىلى 72 وتباسى سەلبەستىك كووپەراتيۆىنە كىردى، ءار جىلى ءار قويعا 150 يۋاندىق، ءار سيىرعا 950 يۋاندىق ولشەممەن پايدا الدى. سەلبەستىك كووپەراتيۆى 2018 - جىلى 7 - ايدا قۇرىلعاننان قازىرگە دەيىن، جيىنى 35 سيىردى، 170 قويدى، 12 مىڭ قارا تاۋىقتى باعىمعا الدى. قىستاق تۇرعىندارىنىڭ كىرىسىن ارتتىرۋمەن بىرگە، قىستاق تۇرعىندارىنىڭ سىرتتا جۇمىس ىستەۋدەگى الاڭداۋشىلىعىن شەشتى.

  قىستاق تۇرعىنى توحتىسۇلايمان ياسىن جالعىز ءوزى سىرتتا جۇمىس ىستەيتىن. بيىل جىل باسىندا ول ايەلى ەكەۋى قويلارىن سەلبەستىك كووپەراتيۆىنىڭ باعۋىنا تاپسىرىپ، بىرگە سىرتقا شىعىپ جۇمىس ىستەدى. توحتىسۇلايمان: ”ەكەۋىمىز بىرگە سىرتتا جۇمىس ىستەيمىز، ءبىر - بىرىمىزگە قارايلاسىپ قانا قويماي، كىرىستى دە ارتتىردىق“، - دەدى.

  2018 - جىلى قىستاق بويىنشا باسقا كاسىپ سالاسىنا ويىستىرىلىپ جۇمىسقا ورنالاستىرىلعان ادام سانى 656عا جەتتى.

ەلەكتروندىق ساۋدا تۇعىرى كىرىستىڭ ارتۋىن ىلگەرىلەتتى

  «جارقىندارىم، راۋشانگۇل توسابىنىڭ مىنا ءتۇرى حوتاننىڭ ءداستۇرلى ءدامدى تاعامى، جەسەڭدەر ءدامى تاڭدايلارىڭىزدا قالادى ءارى اجارلاندىرۋ رولى دا بار“. 5 - ايدىڭ 27 - كۇنى تۇستەن بۇرىن شينجياڭ ارزۇ ەلەكتروندىق ساۋدا شەكتى سەرىكتەستىگىنىڭ باس ديرەكتورى زۇلىپقار مۇحتار قول تەلەفونىمەن جەلىدە تىكە تاراتۋ تۇعىرىندا ونىمدەرىن تانىستىرىپ جاتتى. ”قازىر ءبىزدىڭ جەلىدەگى دۇكەنىمىزدەگى ونىمدەر وتە جاقسى ساتىلۋدا، بۇل ءۇشىن قىزمەت اترەتىنىڭ قولداۋى مەن كومەگىنە العىس ايتامىز“، - دەدى زۇلىپقار.

  زۇلىپقار داشۋە تاۋىسقان سوڭ شاڭحايدا ءبىر سەرىكتەستىكتە جۇمىس ىستەيدى، 2017 - جىلى ايەلىمەن بىرگە ۇيىنە قايتقاندا قىزمەت اترەتى تانىستىرعان حوتان قالاسى جاستار ەلەكتروندىق ساۋدا، شارۋاشىلىق قۇرۋ كۋرسىنا قاتىناسادى. كۋرسقا قاتىناسقان سوڭ، زۇلىپقار مەن ايەلى جەلىدە دۇكەن اشىپ، حوتاننىڭ ەرەكشە ونىمدەرىن ساتۋ ويىنا كەلەدى. زۇلىپقار قىزمەت اترەتىنە ءوزىنىڭ اۋىلىنا قايتىپ شارۋاشىلىق قۇرۋ ويىن ايتادى. قىزمەت اترەتى مۇنى قولدايدى. قىزمەت اترەتىنىڭ سايكەستىرۋىمەن ول قالا ورتالىعىنان 2 دۇكەن تابادى ءارى 10 مىڭ يۋاندىق نىسان قولداۋ قارجىسىنا ءوتىنىش بەرەدى.

  ەلەكتروندىق ساۋدا ارقىلى ەگىنشى - مالشىلاردىڭ كىرىستى ارتتىرىپ اۋقاتتانۋىنا جەتەكشىلىك ەتۋ ءۇشىن، قىزمەت اترەتىنىڭ كومەگىندە قىستاقتىڭ ەرەكشە اۋىل شارۋاشىلىعى ونىمدەرى ارزۇ ەلەكتروندىق ساۋدا شەكتى سەرىكتەستىگى ارقىلى بۇكىل ەلدىڭ جەر - جەرىنە ساتىلىپ، جەرگىلىكتى ورىنداعى بۇقارانىڭ كەدەيلىكتەن ارىلىپ كىرىستى ارتتىرۋىنا ەلەكتروندىق ساۋدا جولىن اشتى.

  ”ارزۇ ەلەكتروندىق ساۋدا شەكتى سەرىكتەستىگىمەن سەلبەسكەن سوڭ، ۇيدە وتىرىپ بەيجيڭ، شاڭحاي، ءۇرىمجى سياقتى جەرلەردەن تاپسىرىس قابىلدادىم“، - دەدى جاڭعاق ساتىپ الۋشى كاسىپكەر ءيۇنۇس روزىمامەت قۋانا.

       قازىر ارزۇ ەلەكتروندىق ساۋدا شەكتى سەرىكتەستىگىنىڭ راۋشانگۇل توسابى، ارا بالى، مەيىز، جاڭعاق سوقماعى سياقتى 10نان استام ءتۇرلى اۋىل شارۋاشىلىعى قوسىمشا ونىمدەرى ەرەكشە ءوتىمدى. مۇندا راۋشانگۇل قاۋاشاعىنىڭ ايلىق ورتاشا ساتىلۋ سوماسى 60 مىڭ يۋانعا جەتتى.

  قىزمەت اترەتىنىڭ جەتەكشىلىگىندە، 2018 - جىلى سەكسەن قىستاعىنداعى تۇرعىنداردىڭ جان باسىندىق ورتاشا كىرىسى 8000 يۋاننىڭ ۇستىنە شىعىپ، كەدەي قىستاق قالپاعىن ءساتتى الىپ تاستادى.

  ”بيىل ءبىز قىزمەت شارالارىن ونان ارى اشالاپ، كاسىپ سالاسىن دامىتۋ، جۇمىسقا ورنالاسۋعا باستاماشىلدىق ەتۋ ارقىلى ەلەكتروندىق ساۋدا تۇعىرىن ۇلعايتىپ، كەدەيلىكتەن ارىلتۋ تابىستارىن بەكەمدەپ، اناعۇرلىم كوپ قىستاق تۇرعىندارىنىڭ كىرىسىنىڭ ارتۋىنا مۇمكىندىك جاسايمىز“، - دەدى اۆتونوميالى رايوندىق قازىنالىق باقىلاۋ مەڭگەرمەسىنەن سەكسەن قىستاعىنا تۇسكەن ءبىرىنشى شۋجي شۇي يۇڭجى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى