چىن چۋانگو تۇتاس رايوننىڭ قوعام حاۋىپسىزدىگى قىزمەتى ماجىلىسىندە بىلاي دەپ باسا دارىپتەدى
باس شۋجي شي جينپيڭنىڭ ماڭىزدى ءسوزىنىڭ رۋحىن باتىل دايەكتىلەندىرىپ، تياناقتاندىرىپ، جۇڭگوشا سوتسياليستىك شينجياڭ قۇرۋ ءۇشىن حاۋىپسىز، ورنىقتى ورتا جاراتايىق
شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين قاتىناستى
ءتىلشى ياۋ تۇڭ 6 - ايدىڭ 19 - كۇنى ۇرىمجىدەن حابارلايدى. 6 - ايدىڭ 19 - كۇنى تۇتاس رايوننىڭ قوعام حاۋىپسىزدىگى قىزمەتى ءماجىلىسى اشىلدى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، مەملەكەتتىك قوعام حاۋىپسىزدىگى قىزمەتى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، تۇتاس رايونداعى ءار دارەجەلى قوعام حاۋىپسىزدىگى ورگاندارىنىڭ مەملەكەتتىڭ ساياسي حاۋىپسىزدىگىن قورعاۋ، قوعامدىق جالپى جاعدايدىڭ ورنىقتىلىعىنا شىنايى كەپىلدىك ەتۋ، قوعامدىق ادىلدىكتى، تۋراشىلدىقتى جەبەۋ، حالىقتىڭ تىنىش ءومىر، شات - شادىمان تىرشىلىك كەشىرۋىن قامتاماسىز ەتۋ مىندەت جاۋاپكەرشىلىگىن، بورىشىن باتىلدىقپەن ۇستىنە الۋىن ىلگەرىلەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدى پارمەندى قامتاماسىز ەتۋ كەرەك.
اۆتونوميالى رايوننىڭ باسشىلارىنان شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، ليۋ ۋانلۇڭ، جي جىڭ، ياڭ شين ماجىلىسكە قاتىناستى. اۆتونوميالى رايوندىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى ۋاڭ جۇنجىڭ قورىتىندى ءسوز سويلەدى.
چىن چۋانگو بىلاي دەپ اتاپ كورسەتتى: باس شۋجي شي جينپيڭنىڭ مەملەكەتتىك قوعام حاۋىپسىزدىگى قىزمەتى ماجىلىسىندە سويلەگەن ماڭىزدى ءسوزى پارتيا مەن مەملەكەت ىستەرىنىڭ دامۋ جالپى جاعدايى وسكەلەڭ تۇرعىسىنان، جاڭا داۋىردەگى قوعام حاۋىپسىزدىگى قىزمەتىنىڭ بورىشىن، مىندەتىن، وي جەلىسىن، بەتالىسىن، ءتۇبىرلى تالابىن تەرەڭدەي باياندادى، جاڭا داۋىردەگى قوعام حاۋىپسىزدىگى قىزمەتىنە جەتەكشىلىك ەتەتىن تۇعىرنامالىق حۇجات. يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن باتىل بىرلىككە كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا داۋىردەگى قوعام حاۋىپسىزدىگى قىزمەتىن كۇشەيتۋ جونىندەگى كەلەلى ستراتەگيالىق ورنالاستىرۋىمەن باتىل بىرلىككە كەلتىرىپ، قوعام حاۋىپسىزدىگى قىزمەتىن ويداعىداي يگەرۋدىڭ يدەيالىق سانالىلىعىن، ساياسي سانالىلىعىن، ارەكەت سانالىلىعىن اناعۇرلىم كۇشەيتىپ، جاڭا داۋىردەگى شينجياڭنىڭ قوعام حاۋىپسىزدىگى ىستەرىنىڭ جاڭا جاعدايىن قۇلشىنا اشۋ كەرەك.
چىن چۋانگو تۇتاس رايونداعى قوعام حاۋىپسىزدىگى ورگاندارىنىڭ تىنىش شينجياڭ، جاراسىمدى شينجياڭ، كورىكتى شينجياڭ قۇرۋ بارىسىندا ساۋلەلەندىرگەن ماڭىزدى رولىن تولىق تۇراقتاندىردى، اۆتونوميالى رايوندىق پارتكوم جانە ۇكىمەت اتىنان، تۇتاس رايونداعى قالىڭ قوعام حاۋىپسىزدىگى حالىق ساقشىلارىنان شىنايى حال سۇراپ، ولارعا وسكەلەڭ قۇرمەت ءبىلدىردى.
چىن چۋانگو بىلاي دەپ باسا دارىپتەدى: تۇتاس رايونداعى قوعام حاۋىپسىزدىگى ورگاندارى پارتيا ورتالىق كوميتەتىنىڭ جاڭا داۋىردەگى قوعام حاۋىپسىزدىگى قىزمەتىنىڭ مىندەت جاۋاپكەرشىلىگىن تۇراقتاندىرۋىن تەرەڭ تانىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، مەملەكەتتىك قوعام حاۋىپسىزدىگى قىزمەتى ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، جالپىلىق مەملەكەت حاۋىپسىزدىگى كوزقاراسىنا تاباندى بولىپ، حالىقتى وزەك ەتكەن دامۋ يدەياسىنا تاباندى بولىپ، قىزمەتتى ورنىقتىلىق بارىسىندا ىلگەرىلەتۋ جالپى ارناسىنا تاباندى بولىپ، ساياسي ارقىلى ساقشى قوسىنىن قۇرۋدان، رەفورما ارقىلى ساقشى قوسىنىن قۇدىرەتتەندىرۋدەن، عىلىم - تەحنيكا ارقىلى ساقشى قوسىنىن گۇلدەندىرۋدەن، ساقشى قوسىنىن قاتاڭ جونگە سالۋدان جازباي، ساقشىنى قۇدىرەتتەندىرۋدىڭ جۇڭگوشا سوتسياليزم جولىمەن بۇلجىماي ءجۇرىپ، قوعام حاۋىپسىزدىگى قىزمەتىن وسىزامانداندىرۋ جانە قوعام حاۋىپسىزدىگى قوسىنىن توڭكەرىستەندىرۋ، ولشەمدەندىرۋ، مامانداندىرۋ، كاسىبيلەندىرۋ قۇرىلىسىن ىلگەرىلەتىپ، مەملەكەتتىڭ ساياسي حاۋىپسىزدىگى مەن قوعام ورنىقتىلىعىن قورعاۋ قابىلەتىن جوعارىلاتىپ، پارتيا مەن حالىق جۇكتەگەن جاڭا داۋىردەگى مىندەت جاۋاپكەرشىلىگىن، بورىشىن ويداعىداي وتەپ، ساياسي حاۋىپسىزدىكتى باتىل قورعاپ، قوعام تىنىشتىعىن كۇش سالا قورعاپ، حالىقتىڭ الاڭسىز بولۋىن شىنايى قامتاماسىز ەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشكەن جۇڭگوشا سوتسياليستىك شينجياڭ قۇرۋ ءۇشىن حاۋىپسىز، ورنىقتى ساياسي قوعامدىق ورتا ازىرلەۋ كەرەك. ماڭداي الدى مىندەتتى يگەرىپ، ساياسي حاۋىپسىزدىكتى باتىل قورعاۋ؛ قوعامدىق جونگە سالۋدا جاڭالىق اشىپ، قوعامنىڭ جاراسىمدىلىعىن، ورنىقتىلىعىن قورعاۋ؛ حالىق ءۇشىن قىزمەت ىستەۋ مىندەت جاۋاپكەرشىلىگىن وتەپ، حالىقتىڭ الاڭسىز بولۋىن شىنايى قامتاماسىز ەتۋ؛ زاڭدى ءادىل، وركەنيەتتى اتقارىپ، قوعام حاۋىپسىزدىگى قىزمەتىنىڭ زاڭمەن جونگە سالىنۋ دەڭگەيى مەن زاڭ اتقارۋدىڭ الەۋمەتتىك سەنىمدىلىگىن جوعارىلاتۋ؛ رەفورما ارقىلى ساقشى قوسىنىن قۇدىرەتتەندىرۋدى ىلگەرىلەتىپ، قوعام حاۋىپسىزدىگى قىزمەتىنىڭ تۇتاس تۇلعالىق ونىمدىلىگىن جوعارىلاتۋ؛ عىلىم - تەحنيكا تىرەگىن كۇشەيتىپ، قوعام حاۋىپسىزدىگى قىزمەتىندە جاڭالىق اشا دامۋدى ىلگەرىلەتۋ كەرەك.
چىن چۋانگو بىلاي دەپ اتاپ كورسەتتى: پارتيانىڭ قوعام حاۋىپسىزدىگى قىزمەتىنە شارتسىز باسشىلىعىنا تاباندى بولىپ، شينجياڭنىڭ قوعام حاۋىپسىزدىگى قىزمەتىنىڭ باستان - اياق دۇرىس بەتالىستى بويلاي العا ىلگەرىلەۋىنە شىنايى كەپىلدىك ەتۋ كەرەك. يدەيالىق، ساياسي جەتەكشىلىكتى كۇشەيتۋ كەرەك، ءار دارەجەلى پارتكومدار قوعام حاۋىپسىزدىگى ورگاندارىن ۇيىمداستىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، قوعام حاۋىپسىزدىگى ورگاندارىن باستاپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، قوعام حاۋىپسىزدىگى قىزمەتىنىڭ باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا بولۋىنا شىنايى كەپىلدىك ەتۋ كەرەك. باسشىلىق مەحانيزمدى اقاۋسىزداندىرۋ، كەمەلدەندىرۋ كەرەك، ءار دارەجەلى پارتكومدار قوعام حاۋىپسىزدىگى قىزمەتىنە وسكەلەڭ ءمان بەرىپ، قوعام حاۋىپسىزدىگى ورگاندارىنىڭ مىندەت جاۋاپكەرشىلىگىن زاڭ بويىنشا وتەۋىنە تاماشا شارت - جاعداي جاراتىپ، ءار دارەجەلى قوعام حاۋىپسىزدىگى ورگاندارىنىڭ باسشىلىق القاسىن جانە باسشى كادرلارىن جاقسى تاڭداپ، مىقتىلاردى سەپتەۋ كەرەك. ساياسي ارقىلى ساقشى قوسىنىن قۇرۋدى، ساقشى قوسىنىن جاپپاي قاتاڭ جونگە سالۋدى تياناقتاندىرىپ، قۇرىشتاي بەرىك مۇرات - سەنىمى بار، قۇرىشتاي بەرىك جاۋاپتى بولىپ، جاۋاپكەرشىلىك ارقالايتىن، قۇرىشتاي بەرىك ىسىلعان قابىلەتى، قۇرىشتاي بەرىك ءتارتىپ ستيلى بار قوعام حاۋىپسىزدىگى قۇرىش قوسىنىن كۇش سالا سومداۋ كەرەك. ءار دارەجەلى پارتكومدار مەن ۇكىمەتتەر قوعام حاۋىپسىزدىگى كادر - ساقشىلارىنا كوڭىل ءبولىپ، ولاردى ايالاپ، ساقشىلارعا جاقسى مامىلە جاساۋ ساياساتىن تياناقتاندىرىپ، قوعام حاۋىپسىزدىگى كادر - ساقشىلارىن جاۋاپكەرشىلىك ارقالاپ، ۇلەس قوسۋعا، بەلسەنە ءىس تىندىرۋعا شابىتتاندىرۋ كەرەك، تيپتەردى باۋلۋ جانە ۇگىتتەۋ تەبىنىن ارتتىرىپ، تۇتاس قوعامدا قوعام حاۋىپسىزدىگى قىزمەتىنە كوڭىل بولەتىن، تۇسىنەتىن، قولدايتىن قويۋ راي قالىپتاستىرۋ كەرەك.
ۋاڭ جۇنجىڭ بىلاي دەپ اتاپ كورسەتتى: يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن شىنايى بىرلىككە كەلتىرىپ، پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى ارقىلى قوعام حاۋىپسىزدىگى قىزمەتىنىڭ جالپى جاعدايىن بۇلجىماستان جاپپاي مەڭگەرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، پارتيانىڭ قوعام حاۋىپسىزدىگى قىزمەتىنە شارتسىز باسشىلىعىنا تاباندى بولۋ جانە ونى كۇشەيتۋ، جاڭا داۋىردەگى بورىشتى، مىندەتتى ادالدىقپەن وتەۋ، زاڭدى شىنايى تۇردە قاتاڭ، ولشەمدى، ءادىل، وركەنيەتتى اتقارۋ، قوعام حاۋىپسىزدىگى قىزمەتىنىڭ تۇتاس تۇلعالىق ونىمدىلىگىن جاپپاي كوتەرۋ، جوعارى ساپالى، ىسىلعان قوعام حاۋىپسىزدىگى قۇرىش قوسىنىن كۇش سالا سومداۋ جاعىنا كۇش سالىپ، قوعام حاۋىپسىزدىگى قىزمەتىندە جاڭا ناتيجەگە قول جەتكىزۋدى، جاڭا ساتىعا كوتەرىلۋدى ىلگەرىلەتۋ كەرەك.
ءماجىلىس تەلەۆيزور - تەلەفون ءماجىلىسى فورماسىندا اشىلدى. اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلارى، اۆتونوميالى رايوندىق جوعارى دارەجەلى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى، قارۋلى ساقشى شينجياڭ باس اترەتىندەگى جاۋاپتى جولداستار، اۆتونوميالى رايونعا (ورتالىققا) توتە قاراستى ورىندارداعى نەگىزگى جاۋاپتى جولداستار، ت.ب لار نەگىزگى ءماجىلىس الاڭىندا ماجىلىسكە قاتىناستى.
