تيانشان تورى   ›   جاڭالىقتار   ›   شينجياڭ حابارلارى

شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ باتىل سەنۋشىلەرى جانە ادال اتقارۋشىلارى بولايىق

نۇرلان ءابىلماجىن ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ارناۋلى تاقىرىبىنداعى پارتيا ساباعى بايانداماسىن جاسادى

شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ باتىل سەنۋشىلەرى جانە ادال اتقارۋشىلارى بولايىق

اۋەلگى ماقساتتى ۇمىتپاۋ، بورىشتى ەستە بەرىك ساقتاۋ

  ءتىلشىمىز جاڭ يانفاڭ 6 - ايدىڭ 20 - كۇنى ۇرىمجىدەن حابارلايدى. اۆتونوميالى رايوندىق ساياسي كەڭەستىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيە قىزمەتى جونىندەگى ورنالاستىرۋىنا ساي، 6 - ايدىڭ 20 - كۇنى تۇستەن بۇرىن اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، ءتوراعا نۇرلان ءابىلماجىن ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ارناۋلى تاقىرىبىنداعى پارتيا ساباعى بايانداماسىن جاسادى.

  نۇرلان ءابىلماجىن ءوزىنىڭ ۇيرەنىپ، تولعانۋىمەن، ەل ءىشى - سىرتى جاعدايىمەن تىعىز ۇشتاستىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ اسەرىن باياندادى. ول بىلاي دەپ اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدە، دايەكتىلەندىرۋدە جۇڭگو كوممۋنيستەرىنىڭ اۋەلگى ماقساتى مەن بورىشىن قاشاندا ەستە بەرىك ساقتاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل ويداعىداي تياناقتاندىرۋ؛ ماركسيزمگە سەنىمدى، سوتسياليزمگە، كوممۋنيزمگە سەنىمدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جونىندەگى سەنىمدى قاشاندا بەكەمدەۋ؛ پارتياعا قاي - قاشان دا شارتسىز ادال بولىپ، پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنۋ كەرەك. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ رۋحاني ءمانى مەن باي مازمۇنىن تەرەڭ ۇعىنۋ ءۇشىن، ۇيرەنۋدى، تولعانۋدى، قولدانۋدى ساباقتاستىرۋىن، تانىمنىڭ، سەنىمنىڭ، ارەكەتتىڭ بىرلىگىن ورىنداپ، ”ءتورت تانىم“دى شىنايى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، سانالى تۇردە شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ باتىل سەنۋشىلەرى جانە ادال اتقارۋشىلارى بولۋىمىز كەرەك.

  نۇرلان ءابىلماجىن بىلاي دەپ اتاپ كورسەتتى: جاڭا داۋىردەگى حالىق ساياسي كەڭەس قىزمەتىن ويداعىداي ىستەۋدىڭ ەڭ ءتۇبىرلى ءتۇيىنى − شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تەرەڭ ءمانىن تولىق، دۇرىس ۇعىنىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىنىڭ وزەكتى ءمانىن تولىق، دۇرىس ۇعىنىپ، باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ويداعىداي ۇيرەنۋ، دايەكتىلەندىرۋ كەرەك. ىنتىماق جانە دەموكراتيا سىندى ەكى ۇلكەن نەگىزگى تاقىرىپقا، ورنىقتىلىق بارىسىندا ىلگەرىلەۋدەي قىزمەت جالپى ارناسىنا تاباندى بولىپ، پارتيانىڭ باسشىلىعىنا تاباندى بولۋ سىندى حالىق ساياسي كەڭەسىنىڭ، ءسوز جوق، بويسۇناتىن ءتۇبىرلى ساياسي پرينسيبىن مىقتاپ يگەرىپ، اقىل - كەڭەس بەرۋ جانە ورتاق تانىمدى ۇيىستىرۋ سىندى قوس باعىتتا كۇش سالۋداي حالىق ساياسي كەڭەسىنىڭ ماڭىزدى قىزمەت تالابىن مىقتاپ يگەرىپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، اۆتونوميالى رايوندىق پارتكومنىڭ ”1 + 3 + 3 + رەفورما جاساۋ، ەسىك اشۋ“ قىزمەت ورنالاستىرۋىن ارقاۋ ەتىپ، ارناۋلى كەڭەس قۇرىلىمىندىق رولىن تولىق ساۋلەلەندىرىپ، ۇيتقىنى باتىل قورعاۋدا، وزەككە ىرىقتى تۇردە قىزمەت ەتۋدە، جۇرت تىلەگىن كەڭ كولەمدە توعىستىرۋدا جاڭا بورىش ارقالاپ، تىڭ ىسكەرلىك كورسەتۋ كەرەك.

  نۇرلان ءابىلماجىن مىنالاردى تالاپ ەتتى: نەگىزگى تاقىرىپتىق تاربيەنىڭ ءتۇرلى ورنالاستىرۋلارىن قاز - قالپىندا تياناقتاندىرىپ، ۇيىمدىق باسشىلىقتى كۇشەيتىپ، ءبىر تۇتاس جوسپارلاپ، تەڭ ءمان بەرىپ، قاتاڭ، شىنايى بولۋعا تاباندى بولىپ، جوعارى تومەنگە باستاماشىلدىق ەتىپ، ساياسي كەڭەس قىزمەتىن اناعۇرلىم تىڭعىلىقتى، اناعۇرلىم ءونىمدى، اناعۇرلىم ەرەكشەلىككە يە ەتىپ ىستەپ، نەگىزگى تاقىرىپتىق تاربيەنى تىڭعىلىقتى ىلگەرىلەتىپ، ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك.

  اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ورىنباسار ءتوراعا، قوسىمشا باس حاتشى جاڭ بو، پارتيا باسشىلىق گرۋپپاسىنىڭ مۇشەلەرى، ورىنباسار ءتوراعالار ءمۇتالىپ وبۇل، ياڭ يۇڭ، يىلھام سابىر، ما شيۇڭچىڭ قاتىناستى. اۆتونوميالى رايوننىڭ 1 - توپتاعى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە 2 - ارالاپ جەتەكشىلىك ەتۋ گرۋپپاسىنىڭ باستىعى، اۆتونوميالى رايوندىق ساياسي كەڭەس ورگانىنداعى پارتيالى كادرلار، زەينەتكە شىققان ءبىر ءبولىم پارتيالى كادرلار قاتارلىلار پارتيا ساباعىنا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.