چىن چۋانگو قاشقار ايماعىندا تەكسەرۋ - زەرتتەۋ جۇرگىزگەندە مىنانى باسا دارىپتەدى
نەگىزگى تاقىرىپتىق تاربيەنى دەن قويا ۇيىمداستىرىپ، تىڭعىلىقتى تۇردە ويداعىداي ورىستەتىپ، ورنىقتىلىق، دامۋ قىزمەتىنىڭ تاعى تىڭ ورەگە كوتەرىلۋىن ىلگەرىلەتەيىك
6 - ايدىڭ 21 - كۇنىنەن 22 - كۇنىنە دەيىن، اۆتونوميالى رايوندىق پارتكومنىڭ شۋجيى چىن چۋانگو قاشقار ايماعىندا تەكسەرۋ - زەرتتەۋ جۇرگىزدى. 6 - ايدىڭ 21 - كۇنى چىن چۋانگو قاشقار داشۋەسىندە وقىتۋشى - وقۋشىلارمەن ىقىلاسپەن اڭگىمەلەسىپ، ولاردىڭ ۇيرەنۋ، تۇرمىس جاعدايىن دەن قويا ۇعىستى. سۋرەتتى ءتىلشى سۇي جىجيان تۇسىرگەن
اۋەلگى ماقساتتى ۇمىتپاۋ
بورىشتى ەستە بەرىك ساقتاۋ
ءتىلشى ياۋ تۇڭ 6 - ايدىڭ 22 - كۇنى قاشقاردان حابارلايدى. 6 - ايدىڭ 21 - كۇنىنەن 22 - كۇنىنە دەيىن، اۆتونوميالى رايوندىق پارتكومنىڭ شۋجيى چىن چۋانگو قاشقار ايماعىنىڭ قاشقار قالاسىنا، قاشقار جاڭاءشار اۋدانىنا، قاشقار كونەءشار اۋدانىنا، يوپۇرعا اۋدانىنا، تاشقورعان تاجىك اۆتونوميالى اۋدانىنا بارىپ تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، تياناقتاندىرىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ جەتىستىكتەرىن قوعام ورنىقتىلىعى مەن باياندى تىنىشتىقتىڭ ءىس جۇزىندىك ونىمدىلىكتەرىندە بەينەلەۋ كەرەك.
قاشقار رۋ - ي عىلىم - تەحنيكا توقىماشىلىق كاسىپ باقشاسىندا، جاۋحۋا زەردەلى عىلىم - تەحنيكا شەكتى سەرىكتەستىگىندە، يوپۇرعا اۋدانى جينلياڭ اۋىل شارۋاشىلىق ونىمدەرى ساۋداسى كاسىپكەرلىك شەكتى سەرىكتەستىگىندە چىن چۋانگو كاسىپورىنداردىڭ جاۋاپتىلارىمەن جانە جۇمىسشى - قىزمەتكەرلەرمەن ىقىلاسپەن اڭگىمەلەسىپ، ءوندىرىس، تيجارات، جۇمىستانۋدى جەبەۋ، كىرىستى ارتتىرىپ، كەدەيلىكتەن ارىلتۋ سياقتى جاعدايلاردى ۇعىسىپ، كاسىپورىنداردى شينجياڭنىڭ ابزالدىلىعىن تياناق ەتىپ، ءوندىرىستى بەلسەنە كەڭەيتىپ، بازاردى اشۋدى مىقتاپ يگەرىپ، اناعۇرلىم جاقسى دامۋدى جۇزەگە اسىرىپ، ءتىپتى دە كوپ جۇمىستانۋدى جەتەكتەپ، كىرىستى ورنىقتى ارتتىرۋدى جەبەپ، جەرگىلىكتى بۇقاراعا تيىمدىلىك جەتكىزۋگە شابىتتاندىردى.
قاشقار داشۋەسى شينچۋان مەكتەپ رايونىنىڭ ورتاسى كوركەم، ءار ۇلت وقىتۋشى - وقۋشىلارىنىڭ جىگەرى ۇستەم. چىن چۋانگو شەتەل ءتىلى شۋەيۋانىنىڭ ساباقحاناسىنا كىرىپ، وقىتۋشى - وقۋشىلارمەن بەتپە - بەت اڭگىمەلەسىپ، وقىتۋ، عىلمي زەرتتەۋ، يدەيا، ۇيرەنۋ، تۇرمىس سياقتى جاعدايلاردى ەگجەي - تەگجەيلى ۇعىستى. چىن چۋانگو بىلاي دەپ اتاپ كورسەتتى: جوعارى مەكتەپتىڭ تابان تىرەر تياناعى − ونەگە كورسەتىپ ادام تاربيەلەۋ، دۇرىس وقىتۋ بەتالىسىنا تاباندى بولىپ، پارتيانىڭ باسشىلىعىن جاپپاي كۇشەيتىپ، وقىتۋ، عىلمي زەرتتەۋ ورەسىن جوعارىلاتىپ، يدەيالىق، ساياسي قىزمەتتى ويداعىداي ىستەپ، ۇلتتار ىنتىماعىن بەكەمدەپ، كۇشەيتىپ، تىنىش، جاراسىمدى مەكتەپ اۋلاسىن قۇرىپ، حالىقتىڭ قالاۋىنان شىعاتىن وقۋ - اعارتۋدى ويداعىداي جۇرگىزۋ كەرەك. چىن چۋانگو تاعى ءار ۇلت وقىتۋشىلارىن ءبىلىم بەرۋ، تاربيەلەۋ سىندى داڭقتى بورىشتى ەستە بەرىك ساقتاپ، قۇلشىنا ىزدەنۋگە، ءوز باسىنان ونەگە كورسەتىپ تاربيەلەۋگە، پارتيا ءۇشىن ادام تاربيەلەۋگە، مەملەكەت ءۇشىن دارىندى باۋلۋعا شابىتتاندىردى. ول بىلاي دەدى: زيالىلار قىزمەتى پارتيانىڭ ءبىر ماڭىزدى قىزمەتى، پارتيانىڭ زيالىلار ساياساتىن دەن قويا دايەكتىلەندىرۋ، زيالىلارعا كوڭىل ءبولۋ، زيالىلارعا قۇرمەت ەتۋ، بۇكىل قوعامدا ءبىلىمدى قادىرلەيتىن، دارىندىلاردى قۇرمەتتەيتىن تاماشا راي قالىپتاستىرۋ كەرەك.
قاشقار كونەءشار اۋدانى توققۇزاق قالاشىعى اياققى مانگەن قىستاعىندا، چىن چۋانگو شارۋا اۋلاسىندا قىستاق تۇرعىندارىمەن جانە قىستاق پارتيا ياچەيكاسىنىڭ ءبىرىنشى شۋجيىمەن، ايماق، اۋدان، اۋىل جاۋاپتىلارىمەن قورالانا وتىرىپ اڭگىمەلەسىپ، ولاردىڭ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋ، تياناقتاندىرۋ، ورنىقتىلىق، دامۋ قىزمەتتەرىن تىڭعىلىقتى ويداعىداي ىستەۋ جونىندەگى پىكىرلەرىن، ۇسىنىستارىن دەن قويا تىڭدادى. چىن چۋانگو بىلاي دەدى: سىزدەر نەگىزگى ساتىنىڭ ءبىرىنشى شەبىندە قىزمەت ىستەيسىزدەر، شاعىن شاڭىراقتارىڭىزدان الىستاپ، ۇلكەن شاڭىراقتىڭ قامىن جەپ، بۇقاراعا شىن نيەتپەن قىزمەت وتەپ، قالتقىسىز ۇلەس قوسىپ، ەڭبەك ەتىپ، جاڭا داۋىردەگى كۇرەسكەرلەردىڭ اۋەلگى بورىشىن جانە جاۋاپكەرلىگىن، ىسكەرلىگىن ايگىلەدىڭىزدەر. ءار دارەجەلى پارتيا ۇيىمدارى نەگىزگى ساتىنىڭ ءبىرىنشى شەبىنەن كادر باۋلۋعا، تاڭداپ وسىرۋگە ءمان بەرىپ، ولاردىڭ ماقتانىش سەزىمىن، داڭق سەزىمىن، جاۋاپكەرشىلىك سەزىمىن اناعۇرلىم كۇشەيتۋ كەرەك.
چىن چۋانگو تاشقورعان تاجىك اۆتونوميالى اۋدانى تاجىكابات قالاشىعىنىڭ ناۋابات قىستاعىنا بارىپ، كەدەيلەردى قونىس جاڭالاپ سۇيەمەلدەۋ بويىنشا كوشىرىلگەن كەدەي وتباسى ديناۋار شادي مەن ءيۇسۇپ زايىرحان ەكەۋىنىڭ ۇيىنە بارىپ، ولاردىڭ وتباسى كىرىسى، پەرزەنتتەرىنىڭ وقۋى، اۋرۋ كورسەتۋ، ەمدەلۋ، كەدەيلىكتەن ورنىقتى ارىلۋ سياقتى جاعدايلارىن كوڭىل ءبولىپ سۇرادى، ولاردىڭ تۇرمىسىنىڭ بارعان سايىن باقىتتى بولۋىن تىلەدى.
چىن چۋانگو قاشقار قالاسى جاستار سولتۇستىك جولىنداعى مەشىتكە دە بارىپ، ءدىني قيمىلداردىڭ ورىستەتىلۋ جاعدايىن تەكسەرىپ، زەرتتەدى، ءدىن سالاسىنداعى قالىڭ قايراتكەرلەردىڭ وتاندى ءسۇيۋ، ءدىندى قاستەرلەۋ تاڭداۋلى ءداستۇرىن زور كۇشپەن اسقاقتاتىپ، ورتا جول، دۇرىس سەنىم، دۇرىس ارەكەت ۇستانىپ ءدىننىڭ سوتسياليستىك قوعامعا ۇيلەسۋىن بەلسەنە جەبەۋىن، دىنگە سەنەتىن بۇقارانى شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ ءۇشىن بەلسەنە ۇلەس قوسۋعا جەتەكتەۋىن ءۇمىت ەتتى.
تەكسەرۋ - زەرتتەۋدە، چىن چۋانگو قاشقار ايماعىنىڭ ورنىقتىلىق، دامۋ قىزمەتتەرىندە قول جەتكىزگەن جەتىستىكتەرىن تولىق تۇراقتاندىردى. ول بىلاي دەپ باسا دارىپتەدى: ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن دەن قويا ۇيىمداستىرىپ، تىڭعىلىقتى تۇردە ويداعىداي ورىستەتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدى، دايەكتىلەندىرۋدى نەگىزگى ارقاۋ ەتىپ، نەگىزگى تاقىرىپتىق تاربيەنىڭ تۇتاس بارىسىنا ءسىڭىرىپ، پارتيانىڭ جاسامپاز نازارياسىمەن وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتى ىلگەرىلەتۋگە تاباندى بولىپ، نەگىزگى تاقىرىپتىق تاربيەنىڭ جەتىستىكتەرىن كورىكتى شينجياڭ قۇرۋدىڭ، وتان ارمانىن بىرگە ورىنداۋدىڭ قۇدىرەتتى قوزعاۋشى كۇشىنە جانە ءىس جۇزىندىك ارەكەتىنە شىن مانىندە اينالدىرۋ كەرەك.
چىن چۋانگو بىلاي دەپ اتاپ كورسەتتى: كەدەيلىكتەن ارىلتۋدان قامال الۋ شايقاسى شەشۋشى شايقاستىڭ شەشۋشى جەڭىسىنە جەتۋدىڭ ماڭىزدى كەزەڭىنە ءوتتى. يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، اۆتونوميالى رايون باس جاۋاپكەرشىلىكتى ارقالاۋعا، قالا، اۋدان تياناقتاندىرۋدى يگەرۋگە، 5 دارەجەلى شۋجيلەر بىرگە يگەرۋگە تاباندى بولۋ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ نەگىزگى جالپى جوباسىنا تاباندى بولۋ، نازاردى ”ەكىدەن تارىقتىرماۋ، ءۇشتى قامتاماسىز ەتۋ“گە، مۇلدە كەدەيلىكتى شەشۋگە شوعىرلاندىرۋ، ”جەتى ءبىر توپ“، ”ۇشتە سەرپىندى ارتتىرۋ“دى تىڭعىلىقتى ىلگەرىلەتۋ، شەگىنىپ شىعۋ مەحانيزمىن قاتاڭداستىرۋ، ساياساتتى، شارالاردى ورنىقتىرۋ، ستيل قۇرىلىسىن مىقتاپ يگەرۋ، كەدەيلىكتەن ارىلتۋدان قامال الۋ شايقاسىندا دەر كەزىندە جاپپاي جەڭىسكە جەتۋگە شىنايى كەپىلدىك ەتۋ كەرەك.
چىن چۋانگو بىلاي دەپ باسا دارىپتەدى: پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، تياناقتاندىرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، وڭاي - وسپاق قولعا كەلمەگەن تاماشا جاعدايدى ايرىقشا قاستەرلەپ، تاۋقىمەت تانىمىن كۇشەيتىپ، ستراتەگيالىق تاباندىلىقتى ساقتاپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى جەتەكشى، ەكونوميكانى دامىتۋ مەن حالىق تۇرمىسىن جاقسارتۋدى نەگىز، وتاننىڭ تۇتاستىعىن، ۇلتتار ىنتىماعىن قورعاۋدى ماڭىزدى ءتۇيىن ەتىپ، قوعامدىق جالپى جاعدايدىڭ ورنىقتىلىعىن بار كۇشپەن قورعاپ، ەكونوميكانىڭ جوعارى ساپالى دامۋىن ىلگەرىلەتىپ، ۇلتتار ىنتىماعىن بەكەمدەپ، كۇشەيتىپ، ءدىن تاتۋلىعىن، جاراسىمدىلىعىن جەبەپ، حالىق تۇرمىسىن جاقسارتۋدى زور كۇشپەن قامتاماسىز ەتىپ، نەگىزگى ساتىنىڭ نەگىزدىك قۇرىلىسىن كۇشەيتىپ، قاشقار ايماعىنىڭ ورنىقتىلىق، دامۋ قىزمەتتەرىنىڭ تىڭ ورەگە كوتەرىلۋىن ىلگەرىلەتىپ، ءىس جۇزىندىك ناتيجەلەرىمەن جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز بىرگە تەكسەرۋ - زەرتتەۋ جۇرگىزدى.
