تيانشان تورى   ›   ۇيرەنۋ   ›   ماڭىزدى حۇجاتتار

جاڭا داۋىردەگى ادەتتەگى ورتا مەكتەپتەردىڭ ادام تاربيەلەۋ ءتاسىلى رەفورماسىن ىلگەرىلەتەيىك

مەملەكەتتىك كەڭەس كەڭسەسى جەتەكشى پىكىردى باسىپ تاراتتى

جاڭا داۋىردەگى ادەتتەگى ورتا مەكتەپتەردىڭ ادام تاربيەلەۋ ءتاسىلى رەفورماسىن ىلگەرىلەتەيىك

  شينحۋا اگەنتتىگىنىڭ 6 - ايدىڭ 19 - كۇنى بەيجيڭنەن بەرگەن حابارى. جۋىقتا مەملەكەتتىك كەڭەس كەڭسەسى «جاڭا داۋىردەگى ادەتتەگى ورتا مەكتەپتەردىڭ ادام تاربيەلەۋ تاسىلىنە رەفورما جاساۋ جونىندەگى جەتەكشى پىكىر»دى باسىپ تاراتتى (تومەندە قىسقارتىلىپ «پىكىر» دەلىنەدى).

  «پىكىر»دە بىلاي دەپ اتاپ كورسەتىلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، ساپا وقۋ - اعارتۋىن دامىتىپ، وقۋ - اعارتۋ زاڭدىلىعىنا بويسۇنىپ، جۇرت تىلەگىن توعىستىرۋ، ادامدىق قاسيەتتى كەمەلدەندىرۋ، ادام كۇشىن اشۋ، دارىندىلاردى جەتىلدىرۋ، حالىققا باقىت جاراتۋ قىزمەت نىساناسىن ارقاۋ ەتە وتىرىپ، ادام تاربيەلەۋدىڭ شەشۋشى بۋىندارى مەن ءتۇيىندى سالالارىنىڭ رەفورماسىن تەرەڭدەتىپ، سىڭار جاقتى ەمتيحاندىق وقىتۋ نىسايىنا باتىل بۇرىلىس جاساپ، ادام تاربيەلەۋ دەڭگەيىن شىنايى جوعارىلاتىپ، وقۋشىلاردىڭ قوعامعا ۇيلەسۋىنە، جوعارى تاربيە الۋىنا جانە بولاشاقتاعى كاسىپتىك دامۋىنا ويداعىداي نەگىز قالاپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلگەن سوتسياليزم قۇرىلىسشىلارى مەن ءىزباسارلارىن قۇلشىنا باۋلۋ كەرەك.

  «پىكىر»دە مىنالار ايقىندالدى: 2022 - جىلعا بارعاندا، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى باۋلۋ جۇيەسى ونان ارى كەمەلدەندىرىلىپ، ونەگە كورسەتىپ ادام تاربيەلەۋدى تياناقتاندىرۋ مەحانيزمى ونان ارى كەمەلدەندىرىلەدى. ادەتتەگى ورتا مەكتەپتەردە جاڭا ساباق، جاڭا وقۋلىق جاپپاي وقىتىلىپ، وقۋشىلاردىڭ جان - جاقتى ءارى دارا قاسيەتتى جەتىلدىرۋىنە ۇيلەسەتىن وقۋ - وقىتۋ رەفورماسى ىشكەرىلەي ىلگەرىلەتىلىپ، ساباق تاڭداپ وقۋ، سىنىپ تاڭداپ وقۋ سىندى وقىتۋدى باسقارۋ مەحانيزمى نەگىزىنەن كەمەلدەندىرىلىپ، عىلمي وقىتۋدى باعالاۋ جانە ەمتيحان الىپ وقۋشى قابىلداۋ ءتۇزىمى نەگىزىنەن ورناتىلىپ، وقىتۋشىلار جانە مەكتەپ باسقارۋ شارت - جاعدايى ءونىمدى قامتاماسىز ەتىلىپ، ادەتتەگى ورتا مەكتەپتەردىڭ الۋان ءتۇرلى، ەرەكشەلىككە يە دامۋ جۇلگەسى نەگىزىنەن قالىپتاسادى.

  «پىكىر»دە 6 جاقتاعى ماڭىزدى مىندەت العا قويىلدى: ءبىرىنشى، جان - جاقتى باۋلۋ جۇيەسىن ورناتۋ. مورالمەن تاربيەلەۋدىڭ داۋىرلىك سيپاتىن كورنەكتىلەندىرىپ، ونەگە كورسەتىپ ادام تاربيەلەۋدى يدەيا - ءمورال تاربيەسىنىڭ، مادەنيەت بىلىمدەرى تاربيەسىنىڭ، قوعامدىق اماليات تاربيەسىنىڭ بۋىندارىنا سىڭىرۋگە تاباندى بولۋ؛ جالپىلىق ساپانى جەتىلدىرۋدى كۇشەيتىپ، جالپىلىق اماليات ارناسىن كەڭەيتۋ؛ جالپىلىق ساپانى باعالاۋدى كەمەلدەندىرىپ، ونىڭ وقۋشىلاردىڭ جان - جاقتى دامۋىن جەبەيتىن ماڭىزدى جەتەكشىلىك رولىن كۇشەيتۋ. ەكىنشى، ساباق ءوتۋدى ساپالىلاندىرۋ. ادەتتەگى ورتا مەكتەپتەردىڭ جاڭا ساباقتاردى ءوتۋ جوباسىن جاساپ، 2022 - جىلدان بۇرىن جاڭا ساباقتاردى ءوتۋدى، جاڭا وقۋلىقتاردى قولدانۋدى جاپپاي ورىنداۋ؛ مەكتەپ ساباقتارىن باسقارۋدى كەمەلدەندىرىپ، وزگەشە ساباق قۇرىلىسىن كۇشەيتۋ. ءۇشىنشى، وقىتۋدى ۇيىمداستىرۋدا، باسقارۋدا جاڭالىق اشۋ. ساباق تاڭداپ وقۋ، سىنىپ تاڭداپ وقۋدى ءتارتىپتى ىلگەرىلەتىپ، وقۋشىلاردىڭ تۇرلىشە دامۋ قاجەتىن قاناعاتتاندىرۋ؛ ساباقحانا وقىتۋى رەفورماسىن تەرەڭدەتىپ، ينفورماتسيا تەحنيكاسىنىڭ وقۋ - وقىتۋمەن تەرەڭ توعىسۋىن ىلگەرىلەتۋ؛ وقىتۋدى باسقارۋدى ساپالىلاندىرىپ، ساباق ولشەمىنەن اسىرىپ وقىتۋعا، وقىتۋ اياق الىسىن اسىعىس تەزدەتۋگە جانە ساباقتى مەرزىمىنەن بۇرىن ءوتىپ بىتىرۋگە قاتاڭ تيىم سالۋ. ءتورتىنشى، وقۋشىلاردىڭ دامۋىنا جەتەكشىلىك ەتۋدى كۇشەيتۋ. جەتەكشىلىك ەتۋدىڭ ناقتى ونىمدىلىگىنە ءمان بەرىپ، وقۋشىلاردىڭ دۇرىس مۇرات - سەنىم ورناتۋىنا، ءوزىن - ءوزى دۇرىس تانۋىنا كومەكتەسۋ؛ ءتۇرلى قوعامدىق بايلىقتاردان پايدالانۋعا ءمان بەرىپ، مەكتەپ، وتباسى، قوعام سەلبەسىپ جەتەكشىلىك ەتۋ مەحانيزمىن ورناتۋ. بەسىنشى، ەمتيحان جانە وقۋشى قابىلداۋ ءتۇزىمىن كەمەلدەندىرۋ. وقۋ دەڭگەيى ەمتيحانىن ارناعا ءتۇسىرىپ، ەمتيحان سۇراۋى رەفورماسىن تەرەڭدەتۋ؛ جوعارى مەكتەپتەردىڭ وقۋشى قابىلداۋ رەفورماسىن ورنىقتى قاداممەن ىلگەرىلەتىپ، تەك ەمتيحان ناتيجەسىنە نەگىزدەلىپ وقۋشى باعالاۋ، وقۋشى قابىلداۋ نىسايىن بىرتىندەپ وزگەرتۋ. التىنشى، وقىتۋشىلارمەن جانە شارت - جاعدايمەن قامتاماسىز ەتۋدى كۇشەيتۋ. وقىتۋشىلار قوسىنى قۇرىلىسىن كۇشەيتىپ، وقىتۋشىلاردى تاربيەلەۋ تاسىلىنە جاڭالىق اشۋ؛ مەكتەپ جاتاقحاناسىنىڭ شارت - جاعدايىن جاقسارتىپ، قاراجات ۇسىنىلىمى مەحانيزمىن كەمەلدەندىرۋ.

  «پىكىر»دە مىنالار باسا دارىپتەلدى: پارتيانىڭ باسشىلىعىن جاپپاي كۇشەيتىپ، ولكە دارەجەلى ۇكىمەتتىڭ ءبىر تۇتاس جوسپارلاۋىن نىعايتىپ، قالانىڭ، اۋداننىڭ ادەتتەگى ورتا مەكتەپ وقۋ - اعارتۋىن جولعا قويۋ جاۋاپكەرشىلىگىن تياناقتاندىرىپ، تاراۋلاردىڭ قىزمەت ءبولىسىن ايقىنداپ، تەكسەرىپ باعالاۋدى، جەتەكشىلىك ەتۋدى كۇشەيتىپ، ءتۇرلى رەفورما نىسانالارىنىڭ، مىندەتتەرىنىڭ، شارالارىنىڭ ناقتاپ تياناقتانۋىنا شىنايى كەپىلدىك ەتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.