تيانشان تورى   ›   جاڭالىقتار   ›   ەل ءىشى حابارى

بۇكىل مەملەكەتتىك ۇلتتار ىنتىماعى، العاباسارلىعىنداعى ۇلگىلەردى باعالاۋ - سيلاۋ قىزمەتى رەسمي باستالدى

  شينحۋا اگەنتتىگىنىڭ 6 - ايدىڭ 19 - كۇنى بەيجيڭنەن بەرگەن حابارى. جۋىقتا پارتيا ورتالىق كوميتەتىنىڭ، مەملەكەتتىك كەڭەستىڭ ماقۇلداۋىمەن مەملەكەتتىك ۇلتتار ىنتىماعى، العاباسارلىعىنداعى ۇلگىلەردى باعالاۋ - سيلاۋ قىزمەتى رەسمي باستالدى.

  وسى رەتكى باعالاۋ - سيلاۋ قىزمەتىنىڭ ماقساتى − شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، تياناقتاندىرىپ، جاڭا جۇڭگو قۇرىلعاننان، اسىرەسە، پارتيا 18 - قۇرىلتايىنان بەرى ەلىمىزدىڭ ۇلتتار ىنتىماعى، العاباسارلىعى ىستەرىندە قول جەتكىزگەن شۇعىلالى تابىستاردى مۇقيات قورىتىندىلاپ، از ۇلتتار مەن ۇلتتىق وڭىرلەردە تۋىلعان تاريحي سيپاتتى وراسان زور وزگەرىستەردى تولىق ايگىلەپ، ءار سالادان، ءار كاسىپتەن جارىققا شىققان ۇلتتار ىنتىماعى، العاباسارلىعىنداعى تيپتىك ۇلگىلەردىڭ ىزگى ىستەرىن زور كۇشپەن ۇگىتتەپ، ءداۋىر ونەگەلەرى ارقىلى بۇكىل ەلدەگى ءار ۇلت حالقىن ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ”بەستى شىنايى مويىنداۋ“دى نىعايتىپ، جۇڭحۋا ۇلتى ورتاق تۇلعا تانىمىن ۇزدىكسىز بەكەمدەپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋعا قويۋ قوعامدىق راي قالىپتاستىرۋعا جەتەكتەۋ.

  باعالاۋ - سيلاۋ كانديداتتارى كولەمى نەگىزىنەن 2014 - جىلى مەملەكەتتىك كەڭەستىڭ 6 - رەتكى بۇكىل مەملەكەتتىك ۇلتتار ىنتىماعى، العاباسارلىعىن سيلاۋ جينالىسىنان بەرگى، ەلىمىزدىڭ ۇلتتار ىنتىماعى، العاباسارلىعى ىستەرىنە كورنەكتى ۇلەس قوسقان ۇلگىلى كوللەكتيۆتەر مەن ۇلگىلى جەكەلەردى قامتيدى. باعالاۋعا قاتىناساتىن وبيەكتىلەر، ءسوز جوق، وتاندى قىزۋ سۇيەتىن، جۇڭگو كوممۋنيستىك پارتياسىنىڭ باسشىلىعىن قولدايتىن، جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى وسكەلەڭ تۇرعىدا شىنايى مويىنداعان، پارتيانىڭ ۇلت ساياساتىن مۇقيات اتقارىپ، مەملەكەتتىڭ زاڭدارىنا، زاڭ ەرەجەلەرىنە ونەگەلىلىكپەن بويسۇنىپ، قىزمەت ورنىن تياناق ەتىپ، باتىلدىقپەن ۇلەس قوسقان، ءار ۇلتتىڭ بىرگە ىنتىماقتاسا كۇرەس جۇرگىزۋ، بىرگە كوركەيۋ، دامۋ سىندى وسكەلەڭ ءىسىن ىلگەرىلەتۋ بارىسىندا كورنەكتى ناتيجە جاراتقان جەكەلەر جانە كوللەكتيۆتەر بولۋ كەرەك.

  بۇل رەتكى باعالاۋ - سيلاۋ قىزمەتى تۇڭعىش رەت پارتيا مەن مەملەكەتتىڭ ەڭبەك كورسەتىپ، داڭقپەن سيلانعاندار جونىندەگى جاڭا بەلگىلەمەسى بويىنشا ۇيىمداستىرىلىپ ورىستەتىلدى، پارتيا 19 - قۇرىلتايىنان كەيىن تۇڭعىش رەت وتكىزىلگەن بۇكىل مەملەكەتتىك ۇلتتار ىنتىماعى، العاباسارلىعىنداعى ۇلگىلەردى سيلاۋ بولىپ، مەملەكەتتىك ۇلت ىستەرى كوميتەتى قاتىستى تاراۋلارمەن جانە جەرگىلىكتى ۇيىمدارمەن بىرلەسىپ اتقاردى. باعالاۋ - سيلاۋ قىزمەتى جەر - جەردەن، تاراۋلاردان جاۋاپكەرشىلىكتى شىنايى ارقالاپ، باعالاۋ - سيلاۋ قىزمەتىنىڭ ساياسي سيپاتىن، ساياساتتىق سيپاتىن، ۋاكىلدىك سيپاتىن، جەتەكشىلىك سيپاتىن كورنەكتىلەندىرىپ، ءىس جۇزىندىك ەرەكشەلىگىن، داۋىرلىك ەرەكشەلىگىن كورسەتۋدى؛ زاڭدارعا، ەرەجەلەرگە بويسۇنۋعا تاباندى بولىپ، اشىق، تەڭ، ءادىل بولۋدان جازباي، ”ەكىنى تەكسەرۋ، ءۇشتى اشىق جاريالاۋ“ ءتارتىبىن (ۇيىم العاشقى قادامدا تەكسەرۋ، قايتا قاراۋ سىندى 2 رەت تەكسەرۋ ءتارتىبى؛ جەكە - جەكە كورسەتىلگەن وبيەكتى تۇرعان مەكەمە، ولكە كولەمى جانە مەملەكەت كولەمى سىندى 3 دارەجە بويىنشا اشىق جاريالاۋ) قاتاڭ اتقارىپ، تاڭداۋلىلار اراسىنان ۇزدىكتەردى باعالاپ شىعۋدى تالاپ ەتتى.

  ۇلتتار ىنتىماعى، العاباسارلىعىنداعى ۇلگىلەردى سيلاۋ جانە ماراپاتتاۋ − مەملەكەتتىك سيلاۋ - ماراپاتتاۋ قىزمەتىنىڭ قۇرامداس بولىگى، ادەتتە ءار 5 جىلدا ءبىر رەت باعالاپ، سيلانادى. سيلاناتىن ۇلگىلى كوللەكتيۆتەر مەن ۇلگىلى جەكەلەرگە جەكە - جەكە ”مەملەكەتتىك ۇلتتار ىنتىماعى، العاباسارلىعىنداعى ۇلگىلى كوللەكتيۆ“، ”مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە“ اتاعى جانە سيلىق تاقتا، مەدال، كۋالىك بەرىلەدى. مەملەكەتتىك كەڭەس ىلگەرىندى - كەيىندى 1988 - جىلى، 1994 - جىلى، 1999 - جىلى، 2005 - جىلى، 2009 - جىلى جانە 2014 - جىلى ۇلتتار ىنتىماعى، العاباسارلىعى ىستەرىنە كورنەكتى ۇلەس قوسقان ءبىر توپ ۇلگىلى كوللەكتيۆتەر مەن ۇلگىلى جەكەلەردى سيلاپ، ءداۋىر ۇلگىسىن تۇلعالاپ، ءداۋىر رۋحىن اسقاقتاتىپ، بۇكىل قوعامدا قىزۋ اڭىس قوزعادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.