تيانشان تورى   ›   جاڭالىقتار   ›   شينجياڭ حابارلارى

وتان ءۇشىن كوپ مۇناي قازامىن، جاقسى مۇناي شىعارامىن

− شينجياڭ مۇناي الابى سەرىكتەستىگى اۋىر مۇناي اشۋ سەرىكتەستىگىنىڭ مۇناي قازۋ جۇمىسى 5 - رايونى مۇناي قازۋ 6 - بانىنىڭ بانجاڭى روزىمامەت باقى جونىندە

ءتىلشى ما ينيڭ

  6 - ايدىڭ 20 - كۇنى تۇستەن بۇرىن ساعات 10دا مەملەكەتتىك كەڭەستىڭ اقپارات كەڭسەسى جۇڭگولىق، شەتەلدىك تىلشىلەرمەن كەزدەسۋ ءماجىلىسىن وتكىزدى، ونەركاسىپ جۇمىسشىلارىنىڭ 5 تاڭداۋلى ۋاكىلى ”جاڭا مەزگىلدەگى ءبىلىمدى، شەبەر، جاسامپاز ەڭبەكشى بولۋ“دى توڭىرەكتەي وتىرىپ جۇڭگولىق، شەتەلدىك تىلشىلەرمەن كەزدەسىپ اڭگىمەلەستى. ونەركاسىپ جۇمىسشىلارىنىڭ تاڭداۋلى ۋاكىلدەرىنىڭ ءبىرى رەتىندە، شينجياڭ مۇناي الابى سەرىكتەستىگى اۋىر مۇناي اشۋ سەرىكتەستىگى مۇناي قازۋ جۇمىسى 5 - رايونى مۇناي قازۋ 6 - بانىنىڭ بانجاڭى، اعا تەحنيك روزىمامەت باقى جۇڭگولىق، شەتەلدىك تىلشىلەردىڭ الدىندا ءوزىنىڭ جۇرەك ءۇنىن ايتتى: جاڭا مەزگىلدەگى مۇناي جۇمىسشىسى رەتىندە، مۇناي رۋحىنا مۇراگەرلىك ەتىپ جانە ونى ساۋلەلەندىرىپ، جاڭا تەحنولوگيالاردى، جاڭا تەحنيكالاردى كوپ ۇيرەنىپ، شاعىن جاڭالىق اشۋدى، شاعىن رەفورمانى كوپ ىستەپ، وتان ءۇشىن كوپ مۇناي قازامىن، جاقسى مۇناي شىعارامىن.

شوگەلدىكپەن ۇيرەنىپ، قاجىرلىلىقپەن جاتتىعىپ شەبەرلىك مامانىنا اينالدى

  ”مەن مۇناي قازۋ جۇمىسشىسىمىن، حوتان اۋدانىنىڭ اۋىل - قىستاعىنان تۇڭعىش شىعىپ، مۇناي كاسىپورنىنا كىرگەن ونەركاسىپ جۇمىسشىسىمىن“، - دەدى روزىمامەت تىلشىگە، ول 15 جاسىندا ۇيىنەن شىعىپ قارامايلى تەحنيكالىق مەكتەبىنە بارىپ وقىپ، قىزمەتكە شىققاننان كەيىن قويۋ مۇناي قازۋ قىزمەتىمەن اينالىسقان. قويۋ مۇناي وندىرۋدە جەر استىنا 300 سەلتسي گرادۋستان استام بۋ جىبەرۋ كەرەك، ونان كەيىن مۇناي الۋ ماشيناسىمەن، مۇناي تارتۋ ناسوسى جابدىعىمەن شيكى مۇنايدى جەر بەتىنە تارتىپ شىعارىپ، تاسۋ، مانەرلەۋ كەرەك، وسىنداي قىزمەتتى ول تاباندىلىقپەن 25 جىل ىستەدى.

  پۋتۇڭحۋانى سويلەي المايتىن اۋىل - قىستاق بالاسىنان پۋتۇڭحۋا ۇگىت - لەكسياشىسى بولىپ ەسەيۋگە دەيىن، باستاۋىش دارەجەلى جۇمىسشىدان جۇڭگو مۇناي توبى شەكتى سەرىكتەستىگىنىڭ شەبەرلىك مامانىنا اينالعانعا دەيىن، روزىمامەت تۇتاس بارىستا مول تابىسقا قول جەتكىزدى. قىزمەت ورنىنا العاش كەلگەندە، روزىمامەتتىڭ جاي سوزدەرمەن سويلەسۋىنىڭ ءوزى قيىن بولاتىن. ول تاباندىلىقپەن «شينحۋا سوزدىگى»ن 2 رەت كوشىرىپ شىقتى، ءبىر جىلعا جەتپەيتىن ۋاقىتتا مەملەكەتتە ءبىر تۇتاس قولدانىلاتىن ءتىل - جازۋمەن گازەت، كىتاپ وقي الاتىن بولدى. ءبىر جىلدان كەيىن، ول جۇمىس رايونى تەحنيكالىق جۇمىسشىلارىنىڭ جۇمىس جۇرگىزۋ جارىسىنا قاتىناسىپ بىرىنشىلىكتى جەڭىپ الادى.

  2003 - جىلدان بەرى، مۇناي قازۋ تەحنيكاسىن جەتىك يگەرگەن روزىمامەت ءتىپتى دە كوپ زەيىن - زەردەسىن تەحنيكا جاڭالاۋعا جۇمسادى. ول ماماندار قىزمەت كەڭسەسىندەگىلەرمەن بىرگە مەملەكەتتىك 16 پاتەنت جەتىستىگىنە يە بولدى، ونىڭ 8ى ءوندىرىس بارىسىندا جالپىلاستىرىپ قولدانىلدى. قىزمەتتە ول جۇمىسشىلاردىڭ مۇناي تارتۋ ماشيناسىنىڭ قارقىن باياۋلاتۋ ساندىعىن اۋىستىرعان كەزدە ءيىندى بىلىك تيەگىن سۋىرعاندا كوپ كۇش جۇمسايتىنىن، جۇمىس كۇشەمەلىلىگى اۋىر، ۋاقىت كوپ سارىپ بولاتىنىن بايقايدى. تالاي رەت زەرتتەۋ جۇرگىزۋ ارقىلى ول ءيىندى بىلىك ايىر باس كەڭەيتكىشىن جوبالاپ شىعادى، بۇرىن تيەكتى سۋىرۋعا 50 مينۋت ۋاقىت كەتەتىن، ءيىندى بىلىك ايىر باس كەڭەيتكىشىن ىستەتكەندە 15 مينۋت ۋاقىت عانا جۇمسالىپ، قىزمەت كۇشەمەلىگى زور مولشەردە تومەندەدى.

جەلى قۇرىپ، تۇعىر ورناتىپ، ”جىڭعىل سياقتى تىعىز ۇيىسىپ جەتىلدى“

  روزىمامەت تىلشىگە: مەملەكەتتىڭ رەفورما جاساۋىنىڭ، ەسىك اشۋىنىڭ ۇزدىكسىز ىلگەرىلەۋىنە ىلەسە، مۇناي جۇمىسشىلارىنىڭ قىزمەت ورتاسى مەن شارت - جاعدايى بارعان سايىن جاقسارىپ، كوپشىلىك بارعان سايىن تەبىندى بولا ءتۇستى، - دەدى.

  كوپ جىلداردان بەرى، روزىمامەت ءوزىنىڭ ارتىقشىلىعىن ساۋلەلەندىرىپ، ماڭايىنداعى كاسىپتەستەرىن باستاپ ”جىڭعىل سياقتى تىعىز ۇيىسىپ جەتىلدى.“ ول 500 مىڭ ارىپتەن استام كەلەتىن باۋلۋ وقىتۋ ماتەريالىن قۇراستىرىپ جازىپ، ”ۇيرەنۋ + ەمتيحان“، “جاتتىعۋ + جارىس“، ”ۇيرەتۋ + كومەكتەسۋ“ ارقىلى ءار ۇلت قىزمەتكەرلەرىن تەحنيكا يگەرۋگە، مادەنيەت ۇيرەنۋگە جەتەكتەدى. ول 10 مىڭ ادام - رەتتەن استام جۇمىسشى باۋلىپ، 100دەن استام باستاۋىش دارەجەلى جۇمىسشىلاردىڭ باعالاۋدان ءوتىپ ورتا دارەجەلى جۇمىسشى بولۋىنا، 50دەن استام ورتا دارەجەلى جۇمىسشىنىڭ اعا جۇمىسشى بولىپ وسۋىنە كومەكتەستى. ”بىرگە ۇيرەنۋ، بىرگە العا باسۋ“دىڭ ارقاسىندا ءتىپتى دە كوپ جۇمىسشىلار ءوندىرىس تىرەگىنە اينالدى.

  روزىمامەت تىلشىگە ءوزىنىڭ ”جىڭعىل مۇناي سايتى“ن قۇرۋداعى اڭگىمەلەرىن ايتىپ بەردى. ول: مۇناي جۇمىسشىسى جىڭعىل سياقتى ءشول دالاعا تامىر تارتىپ، ۇيىسىپ جەتىلۋ كەرەك، - دەدى، بۇل ونىڭ وسى سايتتى قۇرۋداعى ۇستانىمى ەكەن. قازىر سايتقا 10 مىڭنان استام قولدانۋشى تىركەلگەن، سايتتا ءتۇرلى تەحنيكالىق ماقالالار سياقتىلاردان 1000نان استامى، مۇنايعا قاتىستى اتاۋلار تۇسىندىرمەسىنەن 10 مىڭنان استامى بار، بۇكىل ەلدىڭ جەر - جەرىندەگى مۇنايشىلار سايت ارقىلى پىكىرلەسىپ، ۇيرەنە الادى.

دۇرىس سالتتى ساۋلەلەندىرىپ، كۇرەسكەرلىك رۋحتى تاراتتى

  روزىمامەت تۇرعان مۇناي قازۋ 6 - بانىنا قاراستى 148 مۇناي قۇدىعى بار، كوپ ساندىسىنىڭ ءوندىرىس جىل شەگى 30 جىلدان اسقان، وندىرىلەتىن قويۋ مۇنايدىڭ جابىسقاقتىعى جوعارى، جۇمىس ءتارتىبى كوپ، ەڭبەك كۇشەمەلىلىگى زور. روزىمامەت بان - گرۋپپاسى باسقارۋدا جاڭالىق اشىپ، جىنتىكتەپ باسقارۋدى جالپىلاستىرىپ، جابدىقتاردى دارەجەگە ءبولىپ تىركەۋگە الۋ، مۇناي قۇدىعىن كوتەرىپ الۋداعى ”جەر قاراستىلىعى“ سياقتىلاردى جولعا قويدى، سونىمەن بان - گرۋپپانىڭ جابدىقتارىنىڭ كەمەلدىلىگى، اينالىم ۋاقىت ونىمدىلىگى %98تەن اسىپ، بان - گرۋپپا جۇڭگو مۇناي توبى شەكتى سەرىكتەستىگىنىڭ ”مىڭ اترەت ۇلگى كورسەتۋ“ ۇلگىلى بان - گرۋپپاسى بولدى.

  ”قۇلشىنساق بولعانى وزگەرتۋگە بولادى“، روزىمامەت ءوزىنىڭ باستان كەشكەندەرى ارقىلى كۇرەس جاساۋ رۋحىن تاراتتى. جۋىرداعى جىلداردان بەرى، ول ىلگەرىندى - كەيىندى كوممۋنيستىك جاستار وداعى ورتالىق كوميتەتىندە، بۇكىل ەلدەگى ولكە، قالالاردا، شينجياڭداعى ايماق، وبلىستاردا 50 رەتتەن استام ۇگىت - لەكسيا جاسادى، تىڭدارمانى 24 مىڭ ادام - رەتتەن استى.

  وڭتۇستىك شينجياڭنىڭ اۋىل - قىستاعىندا ۇگىت - لەكسيا جاساعاندا، روزىمامەتتىڭ جانىنا ءار جولى ىنتالى قىستاق تۇرعىندارى تولىپ الادى. ورىن بولماعاندا، كەيدە كوپشىلىك جەرگە وتىرا كەتىپ نەمەسە ورىن تاۋىپ تۇرەگەلىپ تۇرىپ ونىڭ 2 ساعاتتىق لەكسياسىن تىڭدايدى. روزىمامەت ءوزىنىڭ ومىردە باستان كەشكەندەرى ارقىلى ءتىپتى دە كوپ ادامدى ءبىلىم ارقىلى تاعدىرىن وزگەرتۋگە، ەڭبەكشىلدىك ارقىلى ءۇمىت وتىن تۇتاندىرۋعا شابىتتاندىردى. ونىڭ ۇگىت - لەكسياسى اۋىلداستاردىڭ ءوز بالالارىن قۇلشىنا كۇرەس جاساپ، تاعدىرىن وزگەرتۋگە شابىتتاندىراتىن تاماشا وقىتۋ ماتەريالىنا اينالدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى