تيانشان تورى   ›   جاڭالىقتار   ›   وقۋ-اعارتۋ

رايونىمىزدىڭ جوعارى مەكتەپ ەمتيحانى تالاپ تولتىرۋ جۇيەسى ەرتەڭ اشىلادى

ەمتيحان تاپسىرعان وقۋشىلاردىڭ ەمتيحان ناتيجەسى مەن ورىن رەتى 6 - ايدىڭ 24 - كۇنى جاريالانادى

  ءتىلشى جاۋ شييا 6 - ايدىڭ 20 - كۇنى ۇرىمجىدەن حابارلايدى. اۆتونوميالى رايوندىق وقۋ - اعارتۋ ەمتيحان ورنىنان ۇعىسۋىمشا: رايونىمىزدىڭ 2019 - جىلعى ادەتتەگى جوعارى مەكتەپ ەمتيحانىنىڭ ينتەرنەتتە تالاپ تولتىرۋ جۇيەسى 6 - ايدىڭ 22 - كۇنى ساعات 12دە اشىلادى ەكەن. ەمتيحان بەرگەن وقۋشىلاردىڭ شينجياڭ وقۋشى قابىلداۋ سايىتىنا (http://www.xjzk.gov.cn) شىعىپ، ”2019 - جىلعى ادەتتەگى جوعارى مەكتەپ ەمتيحانى ينتەرنەتتە تالاپ تولتىرۋ جۇيەسىندە“ «2019 - جىلعى ادەتتەگى جوعارى مەكتەپتەردىڭ شينجياڭدا وقۋشى قابىلداۋ جوسپارىن، ماماندىق مازمۇنىن» قاراپ، جوعارى مەكتەپ ەمتيحانى تالاپ تولتىرۋ ءتاسىلىن ۇعىسۋىنا بولادى. قاعاز نۇسقاسىنداعى «2019 - جىلعى ادەتتەگى جوعارى مەكتەپتەردىڭ شينجياڭدا وقۋشى قابىلداۋ جوسپارىن، ماماندىق مازمۇنىن» («شينجياڭ وقۋشى قابىلداۋ جانە ەمتيحان (سوڭعى كىتابى)») ەمتيحان تاپسىرعان وقۋشىلارعا ىركەس - تىركەس تاراتىپ بەرەدى ەكەن.

  ۇعىسۋعا قاراعاندا، تولىق كۋرس مەرزىمنەن بۇرىن كەزەگىنە تالاپ تولتىرۋ ۋاقىتى 7 - ايدىڭ 1 - كۇنى ساعات 18دە اياقتايدى، قالعان كەزەكتەگى تالاپ تولتىرۋ ۋاقىتى 7 - ايدىڭ 3 - كۇنى ساعات 18دە اياقتايدى ەكەن.

  رايونىمىزدىڭ 2019 - جىلعى ادەتتەگى جوعارى مەكتەپ ەمتيحانىن تاپسىرعان وقۋشىلاردىڭ ناتيجەسى مەن ورىن رەتى 6 - ايدىڭ 24 - كۇنى ساعات 22دە جاريالانادى. سول كەزدە ەمتيحان تاپسىرعان وقۋشىلاردىڭ ەمتيحانعا قاتىناسۋ كۋالىگى مەن قۇپيا سيفردان پايدالانىپ، اۆتونوميالى رايوندىق حالىق ۇكىمەت سايتى، اۆتونوميالى رايوندىق وقۋ - اعارتۋ مەڭگەرمەسى پورتالدىق سايتى، شينجياڭ وقۋشى قابىلداۋ سايتى، تيانشان سايتى ارقىلى وزدەرىنىڭ ناتيجەسىن كورۋىنە بولادى. مۇنان سىرت، ءتۇرلى ينفورماتسيالاردى اشىق جاريالانۋدان بۇرىن جىلجىمالى حابارلاسۋ ابونتتارىنىڭ كەلتەحات جازۋ ارقىلى، تاپسىرىس بەرۋىنە جانە بۇيىرتۋىنا، بولماسا 12580گە تەلەفون جالعاپ ناتيجەسىن تەكسەرۋ، سۇراۋ جۇمىسىنا تاپسىرىس بەرۋىنە بولادى.

  ۇعىسۋعا قاراعاندا، جوعارى مەكتەپ ەمتيحانى ناتيجەسى جاريالانعان سوڭ، ەمتيحان تاپسىرعان وقۋشىلار وزدەرىنىڭ ناتيجەسىنە كۇمانمەن قاراسا، 6 - ايدىڭ 25 - كۇنىنەن 30 - كۇنگە دەيىن ەمتيحان تاپسىرعان وقۋشىلار وزدەرى تۇرعان ايماقتاعى (وبلىس، قالا) وقۋشى قابىلداۋ كەڭسەسىنە بارىپ، «2019 - جىلعى ادەتتەگى جوعارى مەكتەپ ەمتيحان ناتيجەسىن قايتالاي انىقتاۋ ءوتىنىش كەستەسى»ن الىپ بەلگىلەمە بويىنشا قايتالاي تەكسەرۋگە ءوتىنىش ەتۋىنە بولادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس