تيانشان تورى   ›   جاڭالىقتار   ›   ساياحات

ساياحات وداعى ”شينجياڭ جاقسى جەر“دى بىرگە شىعانداتتى

ءتىلشى رىن جياڭ

  ”چاڭجياڭ اتىراۋى رايونىنىڭ ساياحات ارقىلى شينجياڭعا كومەكتەسۋ سەلبەستىك وداعىنا قاتىناسقاننان كەيىن، حوتان ايماعىندا ساياحاتتى دامىتۋدىڭ جاڭا قوزعاۋشى قۋاتتارى بارىنشا كۇشەيدى“، - دەدى 6 - ايدىڭ 20 - كۇنى تۇستەن كەيىن، 2019 - جىلعى چاڭجياڭ اتىراۋىنىڭ ساياحات ارقىلى شينجياڭعا كومەكتەسۋ جانە وڭتۇستىك شينجياڭداعى كەدەيلەردى ساياحات ارقىلى سۇيەمەلدەۋ جينالىسىنا قاتىناسقان حوتان ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمەنىڭ ورىنباسار باستىعى جوۋ نىڭۋىن قۋانىشپەن.

  سول كۇنى چاڭجياڭ اتىراۋى رايونىنان كەلگەن شينجياڭعا كومەكتەسەتىن ولكەلىك، قالالىق مادەنيەت، ساياحات تاراۋلارىنىڭ، ساياحات سەرىكتەستىگى ساۋداگەرلەرىنىڭ جانە وڭتۇستىك شينجياڭداعى 4 ايماق، وبلىستىڭ مادەنيەت، ساياحات تاراۋلارىنىڭ ۋاكىلدەرى اقسۋ قالاسىنا جينالىپ، وڭتۇستىك شينجياڭنىڭ ساياحاتىن دامىتۋ ءىرى جوسپارىن بىرگە اقىلداستى. 2018 - جىلدىڭ اياعىندا قۇرىلعان چاڭجياڭ اتىراۋى رايونىنىڭ ساياحات ارقىلى شينجياڭعا كومەكتەسۋ سەلبەستىك وداعى ساياحات ارقىلى شينجياڭعا كومەكتەسۋدىڭ سەلبەستىك جاڭا مەحانيزمىن ورناتىپ، وڭتۇستىك شينجياڭنىڭ ساياحات ونىمدەرىن بىرلەسىپ اشىپ، وڭتۇستىك شينجياڭنىڭ ساياحات بازارىن كەڭەيتىپ، وڭتۇستىك شينجياڭ ساياحاتىنىڭ ساپاسىن ءوسىردى.

  بۇگىنگى كۇندە، وسى تەكتەس ءوڭىر اتتاعان ساياحات وداعى شينجياڭنىڭ جەر - جەرىندە ۇزدىكسىز جارىققا شىقتى. ساياحات وداعى ىشكى ولكەلەر مەن شينجياڭ اراسىنداعى، شينجياڭنىڭ ايماق - وبلىس، قالالارى اراسىنداعى ساياحاتشىلار بايلىعىن، ساياحات كاسىپورىندار بايلىعىن، ساياحات كاپيتالى بايلىعىن ۇتىمدى بىرىكتىرۋ جاقتارىندا بارعان سايىن كورنەكتى رول اتقارىپ، تاراپتاردىڭ ”شينجياڭ جاقسى جەر“ ماركاسىن بىرگە شىعانداتۋىن ىلگەرىلەتتى.

  وڭىرلىك سەلبەستىك

  ساياحاتتى دامىتۋ ورتاق تۇلعاسىن سومدادى

  6 - ايدىڭ 7 - كۇنى شىعىس تيانشان ساياحات وداعى قۇرىلىپ، ءۇرىمجى قالاسى، قۇمىل قالاسى، تۇرپان قالاسى، سانجى حۇيزۋ اۆتونوميالى وبلىسى بىرلەسىپ، ساياحاتتى سەلبەسىپ دامىتۋ مەحانيزمىن بىرگە ورناتىپ، ساياحاتتىڭ سارا ونىمدەرىن جاراتىپ، ساياحات بازارىن كەڭەيتىپ، 4 ايماق - وبلىس، قالانىڭ ساياحات جولىن ۇلاستىردى، تۇتاستىردى. بۇل وداق شينجياڭداعى تۇڭعىش 4 ايماق - وبلىس، قالانى اتتاعان ساياحات اينالمالى لەنياسىن − ”شىعىس تيانشاندى اينالۋ مىڭ شاقىرىمدىق ساياحات التىن لەنياسىن“ بىرگە ورتاعا قويدى.

  سول كۇنى سولتۇستىك شينجياڭ شىعىس لەنياسى وڭىرلىك سەلبەستىك ساياحات وداعىىنىڭ 1 - كەزەكتى ىلگەرىلەتۋ ءماجىلىسى جەمسارى اۋدانىندا اشىلىپ، التاي ايماعىنىڭ كوكتوعاي اۋدانى، شىڭگىل اۋدانى جانە سانجى وبلىسىنىڭ جەمسارى اۋدانى، شونجى اۋدانى، موري قازاق اۆتونوميالى اۋدانى ستراتەگيالىق سەلبەستىك كەلىسىمىنە قول قويىسىپ، 5 اۋداننىڭ مادەنيەت، ساياحات اۋىس - كۇيىس سەلبەستىگىن اناعۇرلىم ىلگەرىلەتىپ، ءبىرىن - ءبىرى ۇگىتتەۋ، ءبىرىن - ءبىرى بايلىق ارقىلى ىلگەرىلەتۋ، ت .ب لاردى ورىستەتتى.

  6 - ايدىڭ 11 - كۇنى سولتۇستىك شينجياڭ باتىس لەنياسى ساياحات قىزمەتى كەڭەسى قابا اۋدانىندا وتكىزىلىپ، التاي ايماعى، قارامايلى قالاسى، تارباعاتاي ايماعى، شينجياڭ ءوندىرىس - قۇرىلىس بيڭتۋانى 10 - شىسى جانە قاتىستى جەرلەر (اۋدان، قالالار)، 10 - شىنىڭ ءارقايسى تۋان - الاڭدارى، سونداي - اق ءارقايسى اۋداندار (رايون)، وڭىرلىك ساياحات ستراتەگيالىق سەلبەستىگى ەسكەرتپە حاتىنا قول قويدى. بۇل سولتۇستىك شينجياڭ باتىس لەنياسىنداعى 4 جەردىڭ سولتۇستىك شينجياڭ باتىس لەنياسى وڭىرلىك ساياحات وداعى بولىپ بىرلەسكەندىگىن كورسەتەدى.

  شىعىس تيانشان ساياحات وداعىنىڭ قۇرىلۋ جينالىسىندا، اۆتونوميالى رايوندىق مادەنيەت جانە ساياحات مەڭگەرمەسىنىڭ ورىنباسار شارلاۋشىسى ما رۇي مىنانى ءبىلدىردى: بۇل وداقتىڭ قۇرىلۋى شينجياڭ ساياحاتىن ”ءبىر توپ لەنيا قالىپتاستىرىپ“ دامىتۋ نىساناسىن ىلگەرىلەتۋدەگى تاماشا باستاما بولىپ، ”ءبىر توپ سارا ءونىم جەتىلدىرۋ“گە ۇلگى ورناتتى. ءىس جۇزىندە، بۇل شينجياڭنىڭ جەر - جەرىندە جارىققا شىققان ءتۇرلى ساياحات وداقتارىنا دا بەرىلگەن ورتاق باعا.

  وسىدان ىلگەرى قۇرىلعان چاڭجياڭ اتىراۋى رايونىنىڭ ساياحات ارقىلى شينجياڭعا كومەكتەسۋ سەلبەستىك وداعى، شينجياڭ. مايتاۋ - كۇشار تاس جولى ساياحات - تيجارات - ساۋدا وداعى سياقتىلاردى قوسقاندا، شينجياڭنىڭ جەر - جەرىندەگى ءوڭىر اتتاعان وداقتار وتكەندەگى وڭىرلىك دامۋ وي جەلىسىن بۇزىپ، بايلىقتاردى بىرىكتىرۋ، ونىمدەردى اشۋ، سەلبەسىپ دامۋ سياقتى جاقتاردا سونى جول اشتى.

  بايلىقتاردى بىرىكتىرۋ

  ”جولدىڭ الىس، ساياحاتتىڭ قىسقا بولۋى“ سىندى ولقىلىقتى شەشتى

  ”وداق قۇرۋ ارقىلى بايلىقتاردى ءتۇيىلىستىرۋدى، لەنيالاردى ءتۇيىلىستىرۋدى، كورىنىس وڭىرلەرىن، كورىنىس تۇيىندەرىن ءتۇيىلىستىرۋدى ىسكە اسىرۋعا بولادى، سول ارقىلى’قىسقا ارالىقتا ۇزاق ساياحاتتاۋ‘داي ساپالى ساياحات ونىمدەرىن قالىپتاستىرۋعا بولادى“، - دەدى 6 - ايدىڭ 21 - كۇنى التاي ايماقتىق پارتكومىنىڭ مۇشەسى، اكىمشىلىك مەكەمەسىنىڭ ورىنباسار ءۋاليى ۋاڭ جۇن - ان سولتۇستىك شينجياڭنىڭ شىعىس لەنياسى، سولتۇستىك شينجياڭنىڭ باتىس لەنياسى وڭىرلىك ساياحات وداعىن باس بولىپ قۇرۋدىڭ العاشقى ماقساتىن تۇسىندىرگەندە.

  شينجياڭنىڭ جەرى كەڭ، كورىنىس تۇيىندەرى بىتىراڭقى، ”جولدىڭ الىس، ساياحاتتىڭ قىسقا بولۋى“ ەجەلدەن ساياحاتتى دامىتۋداعى ولقىلىقتاردىڭ ءبىرى بولىپ كەلگەن. ۋاڭ جۇن - ان بىلاي دەپ قارادى: جەر - جەر كورىنىس وڭىرلەرىنىڭ، كورىنىس تۇيىندەرىنىڭ قۇرىلىسىن كۇشەيتۋ، قاتىناستى كەمەلدەندىرۋ سياقتى نەگىزدىك قۇرىلعى قۇرىلىسىن كۇشەيتۋمەن بىرگە، بۇرىنعى وي جەلىسى شەڭبەرىنەن شىعىپ، كورشىلەس ايماق، وبلىس، قالالارمەن بىرلەسىپ، ساياحات ونىمدەرىن ءتىپتى بيىك، ءتىپتى كەڭ تۇرعىدان جوبالاپ، ”جولدىڭ الىس، ساياحاتتىڭ قىسقا بولۋىن“ كۇش سالا شەشتى.

  قازىر سولتۇستىك شينجياڭنىڭ شىعىس لەنياسى، باتىس لەنياسى وڭىرلىك ساياحات وداعى 3 لەنياداعى ونىمدەردى جوبالاپ، ءۇرىمجى قالاسى، سانجى وبلىسى، تارباعاتاي ايماعى، قارامايلى قالاسى سياقتى جەرلەردىڭ سارا ءونىمدى ساياحات كورىنىس وڭىرلەرى مەن كورىنىس تۇيىندەرىن تۇتاستىردى.

  شىعىس تيانشاندى اينالۋ مىڭ شاقىرىمدىق ساياحات التىن لەنياسى شينجياڭنىڭ ءىشى - سىرتىنان كەلگەن ساياحاتشىلاردىڭ نازارىن اۋدارۋدا. قۇمىل قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى جاۋ حاييان بىلاي دەپ تانىستىردى: بىرلەسىپ قالىپتاستىرعان وسى لەنيا ەكولوگيالىق سەيىل - سەرۋەندى، گۋمانيتارلىق تاماشالاۋدى ەرەكشەلىك ەتكەن، ول 4 ايماق، وبلىس، قالانى اتتاپ، جول بويى تيانشان بوعدا كولى، شونجى جانبۇلاق، تۇرپان بويلۇق، قۇمىل شىعىس تيانشان، قۇمىل يارداڭ كورىنىس ءوڭىرى سياقتى 20دان استام كلاسسيك كورىنىس وڭىرلەرىن قامتىعان، قۇمدى ءشول، جايلاۋ، كول، سونداي - اق تاريحي مادەنيەت سياقتى ساياحات بايلىقتارىن ءوز ىشىنە العان شينجياڭ تيانشاننىڭ سولتۇستىك باۋرايىنداعى جاراتىلىستىق كورىنىستەردىڭ جانە گۋمانيتارلىق وزگەشە كورىنىستەردىڭ التىن ارناسى.

  ”ساياحات وداعىنىڭ رولى تەك ەگەيلەردىڭ بىرلەسۋى عانا ەمەس، وداققا قوسىلعاننان كەيىن، ءبىزدى ىشكى جەردەگى ولكە، قالالارمەن، سونداي - اق رايونىمىزدىڭ باسقا دا ايماق، وبلىستارىمەن سالىستىرعاندا، حوتان ساياحاتىنىڭ ارتىقشىلىعى قاي جەردە دەگەنگە وي جۇگىرتۋگە ماجبۇرلەدى. ءبىز ەندىگارى وزىمىزبەن عانا سالىستىرىپ قويماي، جان - جاقتى سالىستىرىپ، ەڭ ارتىقشىلىعى بار، ساياحاتشىلاردى ەڭ باۋرايتىن ونىمدەردى الىپ شىقساق عانا، پارىقتى دامۋدى قالىپتاستىرۋىمىزعا بولادى“، - دەدى جوۋ نىڭۋىن.

  بىرلەسكەن تيجارات - ساۋدا

  ”دوستار شەڭبەرىن“ بارعان سايىن كەڭەيتتى

  ” وداققا كىرگەننەن كەيىن، ءبىزدىڭ ەڭ تىكە تابىسىمىز ’دوستار شەڭبەرىمىز‘دىڭ بارعان سايىن كەڭەيۋى بولدى، ءبىزدىڭ چاڭجياڭ اتىراۋىنداعى ءارقايسى ولكە، قالالارمەن قارىم - قاتىناسىمىز اناعۇرلىم جيىلەپ، ساياحاتتى ۇگىتتەۋ، تانىستىرۋ تۇعىرىمىز ءتىپتى كەڭەيە ءتۇستى“، - دەدى جوۋ نىڭۋىن.

  4 - ايدىڭ 20 - كۇنى چاڭجياڭ اتىراۋى ساياحات ارقىلى شينجياڭعا كومەكتەسۋ وداعى. وڭتۇستىك شينجياڭنىڭ ساياحاتىن تانىستىرۋ اپتالىعى حىفي پۋنكتى قيمىلى ءوتتى. تانىستىرۋ ماجىلىسىندە وڭتۇستىك شينجياڭنىڭ 4 ايماق - وبلىسىنىڭ مادەنيەت، ساياحات تاراۋلارى تانىستىرۋ ورىستەتتى، سول جەردە بوس ورىن قالماي، قيمىل ەرەكشە دابىرالى ءوتتى.

  قازىرگە دەيىن چاڭجياڭ اتىراۋى رايونىنىڭ ساياحات ارقىلى شينجياڭعا كومەكتەسۋ سەلبەستىك وداعى كوپ رەت وڭتۇستىك شينجياڭنىڭ 4 ايماق - وبلىسىنداعى مادەنيەت - ساياحات تاراۋلارىن چاڭجياڭ اتىراۋى رايونىنداعى ءارقايسى ولكە، قالالارعا بارىپ ساياحات بويىنشا تانىستىرۋ ورىستەتۋگە كوپ رەت ۇيىمداستىرىپ، چاڭجياڭ اتىراۋى رايونىنداعى ءتىپتى كوپ كاسىپورىنداردىڭ وڭتۇستىك شينجياڭنىڭ 4 ايماق، وبلىسىنىڭ ساياحات بايلىعىن، ساياحات ونىمدەرىن ءتىپتى جاقسى تۇسىنۋىنە مۇمكىندىك جاسادى، سونداي - اق وڭتۇستىك شينجياڭنىڭ 4 ايماق - وبلىسىنىڭ اناعۇرلىم كەڭ تۇعىردا ءوزىن ايگىلەپ، بىرلەسكەن تيجارات - ساۋدا،تانىستىرۋدىڭ ”2‹1+1“ بولۋداي اسەرىن ايگىلەۋدە.

  قازىر قۇمىل قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ قىزمەتكەرلەرى ءۇرىمجى، سانجى، تۇرپان سياقتى 3 جەردىڭ ساياحات لەنياسىنىڭ جانە كورىنىس ءوڭىرىنىڭ، كورىنىس تۇيىندەرىنىڭ ماتەريالدارىن جيناپ، بىرلەسكەن تيجارات - ساۋدا، ۇگىت كىتاپشاسىن تىڭنان جاساۋعا دايىندالۋدا. كوپ وتپەي، 4 جەردىڭ مادەنيەت، ساياحات تاراۋلارى حىنان، سانشي، حۋنان، فۋجيان سياقتى ولكەلەرگە بىرگە اتتانىپ، ”شينجياڭ جاقسى جەر . شىعىس تيانشاندى اينالۋ مىڭ شاقىرىمدىق ساياحات التىن لەنياسى“ وبرازىن جالپىلاستىرۋ جانە ونىمدەردى تانىستىرۋ قيمىلىن ورىستەتەدى.

  التاي ايماعى ساياحات وداعىن دامىتۋ ارقىلى التاي ايماعىنداعى ءارقايسى اۋدان، قالالاردىڭ ماڭىنداعى ايماق، وبلىستاردىڭ ءارقايسى اۋدان، قالالارىمەن ساياحات جاعىنداعى اۋىس - كۇيىستى، ۇگىتتى، تانىستىرۋدى اناعۇرلىم كۇشەيتىپ، ساياحات لەنياسىن قالىپتاستىرۋ، وداق قۇرامىنداعىلاردىڭ بىرلەسىپ ىشكى ولكەلەرگە بارىپ تيجارات - ساۋدا، تانىستىرۋ سياقتى جاقتاردان سەلبەستىك بىرىككەن كۇشىن قالىپتاستىرۋدى ءۇمىت ەتەدى.

  ”ءبىزدىڭ سوڭعى نىسانامىز − ساياحات بايلىعىنان بىرگە يگىلىكتەنۋدى، لەنيانى بىرگە قاراستىرۋدى، ونىمدەردى بىرگە تانىستىرۋدى، ساياسات جاعىنان ءوزارا تيىمدىلىك جاساۋدى، ساياحاتشىلاردى بىرگە اتتاندىرۋدى، قول ۇستاسىپ بىرگە العا باسۋدى ىسكە اسىرىپ، شينجياڭدى ساياحات بايلىعى بويىنشا ۇلكەن رايوننان ساياحات، ەكونوميكا جاعىنان مىعىم رايونعا اينالدىرۋعا ءتىپتى زور ۇلەس قوسۋ“، - دەدى ۋاڭ جۇن - ان.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى