− ”ءتىلشىنىڭ ۇزاق جورىق جولىنا قايتا اتتانىپ“ جياڭشيدەن، فۋجياننان، گۋاڭدۇڭنان كورگەن - بىلگەندەر
اۋەلگى ماقساتتى ۇمىتپاۋ
بورىشتى ەستە بەرىك ساقتاۋ
شينحۋا اگەنتتىگىنىڭ ءتىلشىسى ليۋ يۇيجيا
سوعىس ءتۇتىنى سەيىلگەنىمەن، رۋحاني الاۋ ماڭگى سونبەيدى.
ءتىلشى جياڭشيدەن اتتانىپ، قىزىل ارميانىڭ ۇزاق جورىق جولىمەن قايتا ءجۇرىپ، جياڭشي، فۋجيان، گۋاڭدۇڭ كادرلارى مەن بۇقاراسىنىڭ جاڭا داۋىردەگى ۇزاق جورىق جولىندا اۋەلگى ماقساتتى ۇمىتپاي، بورىشتى ەستە بەرىك ساقتاپ، ۇلى ۇزاق جورىق رۋحىن اسقاقتاتىپ، قارقىندى شاپشاڭداتىپ، قايراتتانا العا ۇمتىلعانىن كوردى.
■ ستيلدى جالعاستىردى سوۆەتتىك رايون جاڭا تاراۋ جازدى
”سوۆەتتىك رايون كادرلارىنىڭ ستيلى جاقسى، وزدەرى ازىق الا كەلىپ جۇمىس ىستەيدى...“ 80 نەشە جىلدىڭ الدىنداعى اۋىل انىندە توڭكەرىستىك جىلدارداعى سوۆەتتىك رايون كادرلارىنىڭ بار ىنتا - پەيىلمەن حالىق ءۇشىن ىستەيتىن، پاك، تۋراشىل، كىرشىكسىز، تازا توڭكەرىستىك ستيلى جىرلاندى.
85 جىلدىڭ الدىنداعى ولار يۇيدۋدان اتتانىپ، الىس ساپارعا شىعىپ، كەرەمەت جاراتتى؛
85 جىلدان كەيىنگى ولار اۋەلگى ماقساتتان اينىماي، بورىشتى ارقالاپ، تاعى دا جاڭا تاراۋ جازدى −
”شىنايى سۇيىسپەنشىلىكتە بولا وتىرىپ كەدەيلەردى سۇيەمەلدەۋىمىز، كەدەي قىستاقتاعى ۇلكەن - كىشى اۋىلداستاردىڭ ەرتەرەك كەدەيلىكتەن ارىلىپ، بايۋدى جۇزەگە اسىرۋىنا مۇمكىندىك جاساۋىمىز كەرەك“. بۇل جياڭشي يۇيدۋ كۋانتيان اۋىلى گۇيلۇڭ قىستاعىنىڭ ءبىرىنشى شۋجيى ۋاڭ گوحۋا اۋزىنان تاستامايتىن ءبىر اۋىز ءسوز.
ۋاڭ گوحۋا كەدەي وتباسىلاردىڭ ناقتى جاعدايىنا قاراي كەدەيلىكتەن ارىلتۋدىڭ تۇرلىشە شارالارىن بەلگىلەدى. ءادىس - امال ويلاپ، جول تاۋىپ، تاۋ ورمانى باسىمدىعىنا سۇيەنىپ، سەرىكتەستىك ەنگىزىپ، قىستاقتاعى نەشە ونداعان ەڭبەككۇشتىڭ جۇمىسقا ورنالاسۋ ماسەلەسىن شەشىپ، كەدەي بۇقارانىڭ بايۋعا دەگەن ىشكى قوزعاۋشى كۇشىن بارىنشا قاۋلاتتى.
گانناندا ۋاڭ گوحۋا سياقتى تاعى تالاي نەگىزگى ساتى كادرلارى بۇقارانىڭ جاقسى تۇرمىس كەشىرۋى ءۇشىن قۇلشىنۋدا.
جاقىنعى 7 جىلدان بەرى اۋىل - قىستاقتاعى قاتەرلى، كونە تام ۇيلەردەن 695 مىڭ 200ىن جاڭالادى، 5 ميلليون 460 مىڭ اۋىل - قىستاق جان سانىنىڭ اۋىز سۋ حاۋىپسىزدىگى ماسەلەسىن شەشتى، تاۋلى وڭىرلەردەگى 3 ميلليونعا جۋىق بۇقارانىڭ ەلەكتر بولماۋ جانە ۇزاق ۋاقىت ”ەلەكتردىڭ كەرنەۋى تومەن بولۋ“ ماسەلەسىن شەشتى... ۇزاق ۋاقىتتان بەرى گاننانداعى سوۆەتتىك رايوندى قيناپ كەلگەن تۇرعىن ءۇي قيىنشىلىعى، اۋىز سۋ قيىنشىلىعى، ەلەكتر تۇتىنۋ قيىنشىلىعى، جول قاتىناس قيىنشىلىعى، مەكتەپتە وقۋ قيىنشىلىعى، اۋرۋ كورسەتۋ قيىنشىلىعى سياقتى ماسەلەلەر بىرتىندەپ شەشىلۋدە.
پارتيانىڭ تىلەگى حالىق جۇرەگىمەن قابىسقان، كۇرەس ماڭگى جالعاسادى. گاننان سىندى سوۆەتتىك رايون كادرلارىنىڭ تاماشا ستيلىنىڭ وشاعىندا كوممۋنيستەردىڭ ءارقاشان اينىمايتىن اۋەلگى ماقساتى مەن بورىشى ۇزدىكسىز تىڭ ومىرشەڭدىك قاۋلاتۋدا.
■ تابان تىرەپ تىڭعىلىقتى ىستەدى باقىتتى ءومىردىڭ تۇقىمىن سەپتى
جاڭا وزگەرىس، جاڭا بەينە ۇزاق جورىق جولىندا ۇزدىكسىز جارىققا شىعۋدا.
فۋجيان مەن جياڭشيدىڭ شەكارا وڭىرىنە ورنالاسقان فۋجيان چاڭتيڭ سىدۋ قالاشىعى لوۋزىبا قىستاعىنىڭ جياڭشىكىڭىندە وزەن سۋى مولدىرەي اعىپ، جولدار تەپ - تەگىس ءتۇزۋ تارتىلىپ، وسىمدىك جامىلعىلارى قاۋلاي ءوسىپ تۇر. ”پارتيا مەن ۇكىمەت ءارقاشان ءبىزدىڭ بايىرعى رايون حالقىنىڭ قامىن ويلاپ، ارناۋلى كومەكتەسۋ - سۇيەمەلدەۋ قارجىسىن ۇزدىكسىز بەرىپ كەلەدى، ءبىزدىڭ قىستاقتىڭ بەت - بەينەسىندە وراسان زور وزگەرىس تۋىلدى!“ دەيدى لوۋزىبا قىستاعى پارتيا ياچەيكاسىنىڭ شۋجيى چىن شيانفا.
بىرنەشە جىلدان بەرى ۇكىمەتتىڭ جەتەكشىلىگىندە، چىن شيانفا باستاماشى بولىپ ەگىنشىلىك، باعىمشىلىق كاسىپتىك سەلبەستىك كووپەراتيۆىن قۇرىپ، 450 مۋ جەردى اينالىمعا سالىپ، تايۋاننىڭ ەتتى كۋركۋما، ارەكا كارتوبى ەگىنشىلىگىن دامىتىپ، بۋدان كۇرىش سورتىن جەتىلدىرۋ جانە جۇڭگوشا ءدارى ماتەريالى يىنياڭحو ەگىنشىلىگى نىسانى جونىندە ىزدەنىس جاسادى. ”بايىرعى رايوندى كەدەيلىكتەن ارىلتۋ جولىندا بىردە - ءبىرى قاتاردان قالسا بولمايدى“ دەيدى چىن شيانفا.
مينشي دالاسىندا بۇرىن ورتالىق توڭكەرىستىك بازا اشىلىپ، اسا ماشاقاتتى توڭكەرىستىك كۇرەس ايرىقشا ايبىنمەن جۇرگىزىلدى. بۇگىنگى تاڭدا، جاپپاي دوڭگەلەك داۋلەتتى قوعام ورناتۋدىڭ، جۇڭحۋا ۇلتىنىڭ ۇلى گۇلدەنۋىنىڭ جاڭا ۇزاق جورىعىندا كۇشتى ومىرشەڭدىك قاۋلاۋدا −
2019 - جىلى لۇڭيان قالاسى جاڭا ماتەريالدار، جاڭا ەنەرگيا كاسىبىن دامىتۋدى ۇشتاستىرۋ ءماجىلىسىنىڭ وزىندە - اق 36 نىسانعا كەلىسىم جاسالىپ، جالپى 15 ميلليارد 284 ميلليون يۋان قارجى قوسىلدى.
”فۋلينداي“دى كىرىسۋ ءتۇيىن ەتكەن سانميڭ قالاسىنىڭ جاسىل فينانستا جاڭالىق اشۋ اياق الىسى تەزدەپ، بيىل 5 - ايدىڭ سوڭىنا دەيىن، سانميڭ قالاسىنداعى بارلىق بانكەلەر جيىنى 10 مىڭ 900دەن استام شارۋاعا ءبىر ميلليارد 170 ميلليون يۋان سەنىمدى نەسيە بەردى...
■ سۋ ىشكەندە قاينارىن ۇمىتپادى توڭكەرىس الاۋىن جالعاستىردى
گۋاڭدۇڭ چيڭيۋان ليانجوۋ قالاسى ياۋ - ان اۋىلى تيانشين قىستاعىندا ءبىر ەرەكشە مەرەكە − ”قىزىل ارميا مەرەكەسى“ بار. 1934 - جىلى قىزىل ارميا ۇزاق جورىققا اتتاناردىڭ الدى - ارتىندا، ىلگەرىندى - كەيىندى بىرنەشە قىزىل ارميا قوسىنى وسى جەردەن ءوتىپ نەمەسە پارتيزاندىق بازا اشىپ، قىزىل ءىز قالدىرىپ، اسەرلى حيكايا جازىپ كەتكەن.
قىستاق تۇرعىندار كوميتەتىنىڭ مەڭگەرۋشىسى لي ليۋۋاڭ تانىستىرىپ بىلاي دەدى: ”قىزىل ارميا مەرەكەسى“نىڭ وتكىزىلۋى قىستاق تۇرعىندارىنىڭ مەكەندەرىندەگى قىزىل حيكايالار تۋرالى اناعۇرلىم تەرەڭ تۇسىنىككە يە بولۋىنا مۇمكىندىك جاسادى. ”ءبىز وسىناۋ قىزىل تاريحتى ۇمىتپاۋىمىز كەرەك، سول جىلداردا قىزىل ارميا مەن ياۋزۋ حالقىنىڭ دوستىق سۇيىسپەنشىلىگى ماڭگى جىرلانا بەرەدى“.
ليانجوۋ قالاسى دۇڭپو قالاشىعىنداعى توڭكەرىستىك قولباسى فىڭ دافيدىڭ بايىرعى تۇراعىندا، ءبىر توپ وقىتۋشى - وقۋشى قىزىل تاقىرىپتىق تاربيە قيمىلىن وتكىزىپ جاتتى. مەكتەپتىڭ كوپشىلىكتى باستاپ جۇرگەن وقىتۋشىسى دىڭ ليچيۇڭنىڭ تانىستىرۋىنشا، مەكتەپ وقىتۋشى - وقۋشىلاردى ەسكەرتكىش سارايلارىن، مۇراجايلاردى ەكسكۋرسيالاۋعا، قىزىل تاريحي حيكايالاردى ۇيرەنۋگە ۇيىمداستىرىپ، توڭكەرىستىڭ رۋحاني الاۋىنىڭ ۇرپاقتان - ۇرپاققا جالعاسۋىنا مۇمكىندىك جاسايدى ەكەن.
لوۋزىبا قىستاعىنىڭ ءار جەرىنەن قىزىل ارميامەن قاتىستى قۇرىلىستاردى كورۋگە بولادى: شيپاحانانىڭ كونە جۇرتى، قارۋ - جاراق زاۆودىنىڭ كونە جۇرتى، اقشا جاساۋ زاۆودىنىڭ كونە جۇرتى جانە ماۋ زىتان جولداستىڭ بايىرعى تۇراعى...
مەرەكە بەلگىلەپ قىزىل ارميانى ەسكە الۋ بولسىن، الدە بالالاردى كىشكەنتايلارىنان قىزىل مادەنيەتتى بىلۋگە تاربيەلەۋ بولسىن، ياكي جەر - جەردى ارالاپ اۋىزشا باياندالعان تاريحتى ەستەلىككە الۋ بولسىن ... قىزىل ارميا باسىپ وتكەن جەردە ادامدار ءتۇرلى تاسىلدەرمەن اعا بۋىندار مەن قاھارمان - قۇرباندارعا دەگەن ساعىنىشىن، توڭكەرىس تاريحىنا دەگەن قۇرمەتىن بىلدىرۋدە.
تاريحتىڭ ىس - تۇتەگىن جارىپ ءوتىپ، ىستىق قانمەن سۋارىلعان ۇزاق جورىق جولىندا قىزىل ارميانىڭ حيكايالارى ۇرپاقتان - ۇرپاققا جەتىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ سەنىمى حالىقتىڭ جۇرەگىندە بارعان سايىن بەكەمدەلە تۇسۋدە...
(شينحۋا اگەنتتىگىنىڭ 6 - ايدىڭ 23 - كۇنى بەيجيڭنەن بەرگەن حابارى)
