تيانشان تورى   ›   جاڭالىقتار   ›   ساياحات

تۇتاس ءوڭىردىڭ ساياحاتتان ۇلگى كورسەتۋ رايونىن كۇش بىرىكتىرە تۇلعالايدى

ءۇرىمجى، سانجى، تۇرپان، شىحىزى، قارامايلى مادەنيەت - ساياحاتتى توعىستىرىپ سايكەسە دامىتۋ ورتاق تانىمىنا كەلدى

تۇتاس ءوڭىردىڭ ساياحاتتان ۇلگى كورسەتۋ رايونىن كۇش بىرىكتىرە تۇلعالايدى

”100 كۇندىك تيانشان ساياحاتى. ءبىر كۋالىك ارقىلى 5 جەرگە تيىمدىلىك جاساۋ“ سىندى حالىققا تيىمدىلىك جاساۋ ساياساتىن العا قويدى

  ءتىلشى جاۋ چۇنحۋا 6 - ايدىڭ 24 - كۇنى ۇرىمجىدەن حابارلايدى. ”قارامايلىداعى ءتىلسىم دۇنيە سايتان كەرىشتەن تۇرپانداعى ەڭ ايگىلى جالىنتاۋعا، ونان كوركەم جانبۇلاققا دەيىن، ءاربىر كورىنىس تۇيىندەرى ادامدى وزىنە باۋرايدى“. 6 - ايدىڭ 24 - كۇنى ”100 كۇندىك تيانشان ساياحاتى. ءبىر كۋالىك ارقىلى 5 جەرگە تيىمدىلىك جاساۋ“ سىندى حالىققا تيىمدىلىك جاساۋ ساياساتى اتقارىلعاننان كەيىنگى تۇڭعىش ساياحاتشىلار ۇيىرمەسى مۇشەسىنىڭ ءبىرى، سانجى قالاسى بەيجيڭ وڭتۇستىك جولى ءمالىسى ۋساي شينچىڭ الەۋمەتتىك اۋماعىنداعى تاڭداۋلى ەرىكتىلەردىڭ ۋاكىلى فان گۇيچۋان جانە ساياحاتشىلار ۇيىرمەسىنىڭ قالعان 99 مۇشەسى كوركەم شينجياڭدى ىزدەۋ ساپارىنا بىرگە قادام تاستادى.

  سول كۇنى، ءۇرىمجى قالالىق مادەنيەت جانە ساياحات مەكەمەسى (مادەني ەسكەرتكىش مەكەمەسى) سانجى حۇيزۋ اۆتونوميالى وبلىستىق مادەنيەت - دەنە تاربيە، راديو - تەلەۆيزيا جانە ساياحات مەكەمەسىمەن، تۇرپان قالالىق مادەنيەت - دەنە تاربيە جانە ساياحات مەكەمەسىمەن، شىحىزى قالالىق مادەنيەت - دەنە تاربيە، راديو - تەلەۆيزيا جانە ساياحات مەكەمەسىمەن (مادەني ەسكەرتكىش مەكەمەسى)، قارامايلى قالالىق مادەنيەت - دەنە تاربيە، راديو - تەلەۆيزيا جانە ساياحات مەكەمەسىمەن «”تاۋ - سۋى جالعاسقان، مادەنيەتى جاقىن“ ءۇرىمجى، سانجى، تۇرپان، شىحىزى، قارامايلىنىڭ مادەنيەت - ساياحاتىن توعىستىرىپ سايكەسە دامىتۋ ورتاق تانىمى»نا (قىسقارتىلىپ «ورتاق تانىم» دەلىنەدى) كەلدى ءارى ”100 كۇندىك تيانشان ساياحاتى. ءبىر كۋالىك ارقىلى 5 جەرگە تيىمدىلىك جاساۋ“ سىندى حالىققا تيىمدىلىك جاساۋ ساياساتىن العا قويدى.

  «ورتاق تانىم»عا سايكەس، ءۇرىمجى، سانجى، تۇرپان، شىحىزى، قارامايلى سىندى 5 جەر سەلبەستىك مەحانيزمىن بىرگە قۇرىپ، بازاردى بىرگە اشىپ، الەۋمەتتىك قىزمەت وتەۋدەن بىرگە يگىلىكتەنەدى، باقىلاۋ - باسقارۋدى بىرگە جۇرگىزىپ، بىرگە ۇگىت جاساپ، تانىستىرىپ، تيىمدىلىك ساياساتىن تياناقتاندىرادى. ساياحاتشىلاردىڭ ءوزارا ساياحاتتاۋىن كۇش سالا ىلگەرىلەتىپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي ىلگەرىلەتىپ، شينجياڭنىڭ ماڭىزدى تۇتاس وڭىرلىك ساياحاتتان ۇلگى كورسەتۋ رايونىن كۇش بىرىكتىرە تۇلعالايدى.

  ”100 كۇندىك تيانشان ساياحاتى. ءبىر كۋالىك ارقىلى 5 جەرگە تيىمدىلىك جاساۋ“ −5 جەردىڭ «ورتاق تانىم»ىنىڭ حالىققا تيىمدىلىك جاساۋداعى ماڭىزدى شاراسى، 6 - ايدىڭ 24 - كۇنىنەن 10 - ايدىڭ 7 - كۇنىنە دەيىن، 5 جەردىڭ تۇرعىندارى ازاماتتىق كۋالىك ارقىلى، العاشقى توپتا جاريالانعان 100 ساياحات كورىنىس ءوڭىرى مەن مادەنيەت ورنىن ساياحاتتاسا %50 تيىمدىلىك جاسالادى جانە اقىسىز ساياحاتتاۋ سياقتى تيىمدىلىكتەن يگىلىكتەنەدى. مۇندا 42 كورىنىس وڭىرىندە جارتى باعا جولعا قويىلادى، 60تان استام كورىنىس ءوڭىرى اقىسىز اشىلادى. كورىنىس ءوڭىرىنىڭ ءتىزىمى قاعاز مەديا، تەلەۆيزور، قول تەلەفون سياقتىلاردا جاريالانادى.

  6 - ايدان باستاپ، تاعى «پارتيا تۋى جەلبىرەيدى» اتتى ”1 - شىلدە“نى قۇتتىقتاۋعا ارنالعان قىزىل كلاسسيكالىق نەگىزگى تاقىرىپتىق جيڭجۇي ساۋىق كەشى، ”جىبەك جولىنداعى شينجياڭ اجارى، تيانشاندى اينالىپ ساياحاتتاۋ چيپاۋ ءسانى“، ”تۇنگى كروران“ قۇمتاق ءشولى ساحنالىق كونسەرتى، «و، مەنىڭ اسكەري تىڭ يگەرۋشى اكە - شەشەم» اتتى ءوڭىر اتتاعان كورىنىستى مۋزيكا كەشى، باپيما بازارى سىرا مۋزيكا فەستيۆالى سياقتى 40تان استام مادەنيەت - ساياحات قيمىلىن تاماشالاۋعا جانە قاتىناسۋعا ساياحاتشىلار شاقىرىلدى، قيمىل 12 - ايعا دەيىن جالعاسادى.

  ءۇرىمجى قالالىق مادەنيەت جانە ساياحات مەكەمەسى (مادەني ەسكەرتكىش مەكەمەسى) پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى جۋ شينرۇڭنىڭ تانىستىرۋىنشا، جازداعى ساياحاتتىڭ قاۋىرت كەزىندە حالىققا تيىمدىلىك جاساۋ ساياساتتارىنىڭ مولداپ، تەبىندى شىعارىلۋى بۇرىن بولىپ كورمەگەن.

  ”العاشقى توپتا جاريالانعان 100 ساياحات كورىنىس وڭىرىنە 5 جەردىڭ ساياحات بايلىقتارىنىڭ جاۋھارلارى توپتالعان، 42 كورىنىس ءوڭىرىنىڭ كوبى مەملەكەتتىك 5A دارەجەلى ساياحات كورىنىس ءوڭىرى، 4A دارەجەلى ساياحات كورىنىس ءوڭىرى، كوپتەگەن مادەنيەت ورىندارىندا دا تۇرعىندار %50تىك تيىمدىلىكتەن نەمەسە اقىسىز ساياحاتتاۋدان يگىلىكتەنە الادى. ءبىر مەزگىل جۇمىس جۇرگىزگەننەن كەيىن ءبىز تاعى جارتى باعامەن تيىمدىلىك جاساۋ ساياساتىن ۇزدىكسىز العا قويىپ، مول ساياحات ونىمدەرىمەن قامداۋ، ساياحات توپتاۋ - تاراتۋ ورتالىعىن جانە ماڭىزدى ساياحات نىسانالى جەرىن كۇش سالا جارىققا شىعارۋ ارقىلى ’شينجياڭ جاقسى جەر‘دىڭ جۇرت جۇرەگىنە تەرەڭ ۇيالاۋىنا مۇمكىندىك جاسايمىز“، - دەدى جۋ شينرۇڭ.

  باستاۋ سالتىندا، 5 جەردىڭ مادەنيەت جانە ساياحات تاراۋلارى تارتىمدى ساياحات تانىستىرۋىن جاساپ، 5 سارا ساياحات جەلىسىن جاريالادى، سونىمەن قاتار ”ءبىر قول تەلەفونمەن تيانشاندى ساياحاتتاۋ“ زەردەلى ساياحات نىسانىن كورسەتتى.

  سول كۇنى قىزمەت ورنىن ءسۇيىپ، كاسىبىن قادىرلەۋ، ۇلتتار ىنتىماعى، ادىلەت جولىندا ەرلىك كورسەتۋ جاقتارىنداعى وزاتتاردان قۇرالعان ”100 كۇندىك تيانشان ساياحاتى. ءبىر كۋالىك ارقىلى 5 جەرگە تيىمدىلىك جاساۋ“ جۇڭگوداعى ىزگى جاندار العاشقى ۇيىرمەسى ساياحاتقا ۋاعىندا اتتاندى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى