تيانشان تورى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

ۇلتتار ىنتىماعىنىڭ گۇل باقشاسىندا ەسەيىپ - ەرجەتتىم

قىزىلسۋ قىرعىز اۆتونوميالى وبلىستىق 1 - ورتا مەكتەپتىڭ وقىتۋشىسى

زۇلپيا ابدىرەشىت

  اكەم قارت پارتيا مۇشەسى، كىشكەنتاي كەزىمنەن اكەم ماعان بىلاي دەيتىن: كوممۋنيستىك پارتيا بولماسا، ءبىزدىڭ باقىتتى تۇرمىسىمىز بولماس ەدى. سوندىقتان مەن تىنباي قۇلشىنا ۇيرەنىپ، پارتياعا، وتانعا، حالىققا پايدالى ادام بولۋدى ويلادىم. باستاۋىشتا لەكسيا جاساۋ جارىسىنا قاتىناسقان كەزىمدە، «وتان مەنىڭ انام» دەگەن تاقىرىپتا لەكسيا جاساعانىم ءالى ەسىمدە. ويتكەنى تەك ”انا“ دەگەن ءسوز عانا مەنىڭ وتانعا دەگەن ەڭ ادال، ەڭ تازا، ەڭ شىنايى، ەڭ تەرەڭ سۇيىسپەنشىلىگىمدى ايگىلەي الادى.

  باستاۋىشتى بىتىرگەن سوڭ، مەن قىزىلسۋ قىرعىز اۆتونوميالى وبلىسىنداعى ”ۇشتە جاقسى وقۋشى“لاردىڭ 12 ۋاكىلىمەن بىرگە اۋىلدان تۇڭعىش شىعىپ، ۇرىمجىگە ەكسكۋرسيالاۋعا باردىم. اۋىلىمىز بەن ءۇرىمجىنىڭ پارقىن العاش رەت سەزىنىپ، ءتىپتى دە قۇلشىنا ۇيرەنىپ، بولاشاقتا اۋىلدى دامىتۋعا ۇلەس قوسۋشى بولۋعا بەكىدىم. مەن ورتالاۋدى بۇكىل وبلىس بويىنشا 2 - بولعان ناتيجەمەن ءبىتىرىپ، ىشكى ولكەدەگى شينجياڭ تولىق ورتا كلاسىنا قابىلدانىپ، گۋاڭجوۋعا بارىپ ءبىلىم الۋ ورايىنا يە بولدىم.

  ۇيدەن العاش ۇزاپ شىققان كەزدە، دەربەس تۇرمىس كەشىرۋ قابىلەتىم كەمشىل، پۋتۋڭحۋاعا جەتىك بولماعان سوڭ، باستاپقى كەزدە گۋاڭجوۋداعى تۇرمىسقا، ۇيرەنۋگە دەگەندەي ۇيلەسە الماي ءجۇردىم، اۋەلى، ءوزىمنىڭ ارمانىمنان قول ۇزۋگە شاق قالدىم. سول كەزدە دايىندىق كلاسىنداعى ي شىپيڭ مۇعالىم مەنى جۇباتىپ، جىگەرلەندىرىپ، ارمانعا جالعاستى تالپىنۋ سەنىمىمدى قايتا تاپتىم.

  شينجياڭنان كەلگەن ءار ۇلت وقۋشىلارى بولعان ءبىز جەرگىلىكتى ورىنداعى وقىتۋشىلاردىڭ دەن قويا باۋلۋى مەن ساباقتاستاردىڭ ىقىلاستى كومەگىنىڭ ارقاسىندا بىرگە العا باسىپ، بىرگە ەسەيىپ - ەرجەتتىك. ءبىر جىلدىڭ ىشىندە، مەنىڭ ءارقايسى پاندەگى ناتيجەم نەگىزىنەن جەرگىلىكتى وقۋشىلاردىڭ ورەسىنە جەتتى. بۇل مەنىڭ تەك كوزدەگەن ماقساتىمنان جازباسام، ءوزىمنىڭ ارمانىمدى جۇزەگە اسىرا الاتىن سەنىمىمدى ءتىپتى دە ارتتىردى. ءالى ەسىمدە، اياعىم كۇيىپ قالعان كەزدە وقىتۋشىلارىم مەن ساباقتاستارىم ءار كۇنى تاماق اكەلىپ بەرىپ، مەنىڭ ساباعىمدى تولىقتاۋىما كومەكتەستى؛ جوعارى مەكتەپكە ەمتيحان تاپسىرىپ، ۇيگە قايتقان جولدا مەنىڭ دەنە تەمپەراتۋرام ورلەپ، تۇلا بويىم دارمەنسىزدەنىپ، پويەزدىڭ ورىندىعىنا جاتىپ قالعان كەزىمدە، 2 حانزۋ وقىتۋشى ماعان ءوز بالاسىنا قاراعانداي قارايلاسىپ، ۇرىمجىگە امان - ەسەن جەتكىزىپ سالدى. پارتيا مەن مەملەكەتتىڭ قامقورلىعىندا، مەنىڭ 4 جىلدىق ىشكى ولكەدەگى شينجياڭ تولىق ورتا كلاس تۇرمىسىم وڭ ەنەرگياعا تولىپ، ماعان مەيىرلى ەستەمەلەر قالدىردى.

  داشۋەگە قابىلدانىپ نانجيڭگە كەلگەن سوڭ، مەن ءتىپتى دە كوپ وقىتۋشىلارمەن، ساباقتاستارمەن جانە دوستارمەن تانىسىپ، تەرەڭ دوستىق ورناتتىق. داشۋە بىتىرەردىڭ الدىندا، مەن داڭقپەن جۇڭگو كوممۋنيستىك پارتياسىنا مۇشە بولدىم. اسپيرانت وقىعان كەزدە، مەكتەپ ءبىز بىرنەشە از ۇلت وقۋشىلارىنا ايرىقشا كوڭىل ءبولدى. مەكتەپ بىتىرگەن سوڭ، مەن اۋىلعا قايتىپ، حالىق وقىتۋشىسى بولدىم.

  حالىق وقىتۋشىسى رەتىندە، ءوز قىزمەت ورنىمدا تاباندى بولىپ، وقۋشىلاردى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋگە، دايەكتىلەندىرۋگە، كوممۋنيزم ىستەرىنىڭ ءىز باسارى بولۋعا قۇلشىنۋعا تاربيەلەيتىن جاۋاپكەرشىلىگىم بار. وقۋشىلاردى پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە، ۇلتتار ىنتىماعىن، وتان تۇتاستىعىن باتىلدىقپەن قورعاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ۇلەس قوسۋعا تاربيەلەيمىن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.