تيانشان تورى   ›   ۇيرەنۋ   ›   ماڭىزدى حۇجاتتار

مەملەكەتتىك باقشالاردى نەگىزگى تۇلعا ەتكەن جاراتىلىستىق قورىق جۇيەسى ورناتىلادى

ورتالىق كوميتەت كەڭسەسى، مەملەكەتتىك كەڭەس كەڭسەسى «جەتەكشى پىكىردى» باسىپ تاراتتى

مەملەكەتتىك باقشالاردى نەگىزگى تۇلعا ەتكەن جاراتىلىستىق قورىق جۇيەسى ورناتىلادى

  شينحۋا اگەنتتىگىنىڭ 6 - ايدىڭ 26 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى «مەملەكەتتىك باقشالاردى نەگىزگى تۇلعا ەتكەن جاراتىلىستىق قورىق جۇيەسىن ورناتۋ جونىندەگى جەتەكشى پىكىردى» باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان امالياتپەن ۇشتاستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.

  «پىكىر» دە مىنالار اتاپ كورسەتىلدى: مەملەكەتتىك باقشالاردى نەگىزگى تۇلعا ەتكەن جاراتىلىستىق قورىق جۇيەسىن ورناتۋ − شي جينپيڭنىڭ ەكولوگيالىق وركەنيەت يدەياسىن دايەكتىلەندىرۋدەگى كەلەلى شارا، پارتيا 19 - قۇرىلتايىندا العا قويىلعان كەلەلى رەفورما مىندەتى. ەلىمىز 60 نەشە جىل قۇلشىنۋ ارقىلى سانى كوپ، ۇلگىسى ءار الۋان، فۋنكتسياسى سان قيلى ءار دارەجەلى، ءار ءتۇرلى جاراتىلىستىق قورىق قۇردى، بۇل ورگانيزمدەردىڭ الۋان تۇرلىلىگىن قورعاۋ، جاراتىلىستىق مۇرالاردى ساقتاۋ، ەكولوگيالىق ورتانىڭ ساپاسىن جاقسارتۋ جانە مەملەكەتتىڭ ەكولوگيالىق حاۋىپسىزدىگىن قورعاۋ جاعىندا ماڭىزدى رول اتقاردى، الايدا قات - قابات ورنالاستىرۋ، كوپ تاراپ باسقارۋ، شەكارا ايقىن بولماۋ، ۇقىق پەن بورىش انىق بولماۋ، قورعاۋ مەن دامىتۋ قايشىلىعى كورنەكتى بولۋ سياقتى ماسەلەلەر ءالى دە ورىن تەۋىپ وتىر. مەملەكەتتىك باقشالاردى نەگىزگى تۇلعا ەتكەن جاراتىلىستىق قورىق جۇيەسىن ورناتۋدى جەدەلدەتۋ، جوعارى ساپالى ەكولوگيالىق ونىمدەرمەن قامداۋ، كورىكتى جۇڭگو قۇرىلىسىن ىلگەرىلەتۋ ءۇشىن مىناداي پىكىرلەر العا قويىلدى.

  «پىكىر» جالپى تالاپ، عىلمي، ۇيلەسىمدى جاراتىلىستىق قورىق جۇيەسىن ورناتۋ، بىرلىككە كەلگەن، جۇيەلى، جوعارى ءونىمدى باسقارۋ ءتۇزىلىسىن قالىپتاستىرۋ، جاراتىلىستىق قورىقتىڭ ەكولوگيالىق ورتاسىن باقىلاۋ - تەكسەرۋ، قامتاماسىزداندىرۋ شارالارىن كۇشەيتۋ جونىندە ناقتى ورنالاستىرۋ جاسادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.