تيانشان تورى   ›   جاڭالىقتار   ›   ايبىندى 70 جىل ، كۇرەسكە تولى جاڭا ءداۋىر

رايونىمىز ”جۇمساق، قاتتى قۇرىلعىلاردى تەڭ جۇرگىزىپ“، ساپالى ساياحات ورتاسىن قالىپتاستىردى

قۇرىلعىلاردىڭ ولشەمىن كوتەرىپ، قىزمەت وتەۋ ساپاسىن جوعارىلاتتى

رايونىمىز ”جۇمساق، قاتتى قۇرىلعىلاردى تەڭ جۇرگىزىپ“، ساپالى ساياحات ورتاسىن قالىپتاستىردى

ءتىلشى ياۋ گاڭ

  6 - ايدىڭ 23 - كۇنى سايرام كولى كورىنىس وڭىرىندە چىڭدۋ جۇڭكى داچي جۇمساق بولشەك شەكتى سەرىكتەستىگىنىڭ قىزمەتكەرى جاڭ شياڭشۋ مەن قىزمەتتەستەرى بەت - الپەتتى پارىقتاندىرۋ جۇيەسىنە سوڭعى رەت سىناق جۇرگىزدى، اي سوڭىندا ساياحاتشىلار بەت - الپەتتى پارىقتاندىرۋ ارقىلى كورىنىس وڭىرلەرىنە كىرە الادى. سول كەزدە سايرام كولى كورىنىس رايونى قاعاز بەلەتكە قوش ايتىپ، اقىل - پاراساتتىق ساياحات داۋىرىنە وتەدى.

  جول - قاتىناستاعى قيىنشىلىقتاردى شەشىپ، سايكەستى قۇرىلعىلاردى ساپالىلاندىرىپ، اقىل - پاراساتتىق ساياحاتتى ىلگەرىلەتۋ... اۆتونوميالى رايوننىڭ ساياحاتتى دامىتۋ جينالىسى اشىلعاننان بەرى، بۇكىل رايوننىڭ جەر - جەرى بەلسەندىلىكپەن اتتانىسقا كەلىپ، نەگىزدىك قۇرىلعىلاردىڭ ولشەمىن ۇزدىكسىز كوتەرىپ، ساياحاتتىق قىزمەت وتەۋ ساپاسىن جوعارىلاتىپ، ”جۇمساق، قاتتى قۇرىلعىلاردى تەڭ جۇرگىزىپ“، ساپالى ساياحات ورتاسىن قالىپتاستىرىپ، ساياحاتشىلاردى كوڭىلدى دە جايلى كۇيگە بولەدى.

  ■ ساياحاتشىلاردىڭ ءجۇرىس - تۇرىسى ءتىپتى قولايلى بولدى

  تيانشاننىڭ وڭتۇستىگى مەن سولتۇستىگىندەگى كوپتەگەن كورىنىس وڭىرلەرى مەن كورىنىس تۇيىندەرى توڭىرەكتىڭ ءتورت بۇرىشىنان كەلەتىن ساياحاتشىنى باۋراۋدا، قايتكەندە ساياحاتشىلاردىڭ ءجۇرىس - تۇرىسىنا ءتىپتى دە قولايلىلىق جاراتۋعا بولادى، جەر - جەر، تاراۋلار بار ونەرىن سالدى.

  ”جانبۇلاق كورىنىس وڭىرىنە توتە باراتىن اۆتوبۋز بەلەتى 2 كۇن كۇشىنە يە، ساياحاتشىنىڭ سول جەردە قونۋىنا بولاتىندىقتان، ساياحاتشىلاردىڭ جانبۇلاق كورىنىس وڭىرىندە قالاعانىنشا ساياحاتتاۋ قاجەتى قاناعاتتاندىرىلدى“، - دەدى ءۇرىمجى قالاسى تاس جول جولاۋشى، جۇك تاسىمالىنا قىزمەت وتەۋ ورتالىعى سولتۇستىك قالا ماڭى جولاۋشىلار بەكەتىنىڭ باستىعى ۋاڭ فۋگو.

  6 - ايدىڭ 15 - كۇنىنەن باستاپ، ءۇرىمجى قالاسى سولتۇستىك قالا ماڭى جولاۋشىلار بەكەتى تۇرپانداعى كورىنىس وڭىرلەرىنە، جانبۇلاق كورىنىس وڭىرىنە توتە قاتىنايتىن اۆتوبۋز جەلىسىن اشتى، ساياحاتشىلاردىڭ جولدا كولىك اۋىستىرۋى قاجەتسىز، قايدان تۇسكىسى كەلسە سوندا ءتۇسىپ ساياحاتتاي بەرەدى. كورىنىس وڭىرلەرىنە توتە قاتىنايتىن اۆتوبۋزدار جەكەلەي ساياحاتتاۋشىلاردىڭ كورىنىس وڭىرلەرىن ارالاۋى قيىن بولۋ ماسەلەسىن شەشىپ قالماستان، ساياحاتشىلاردىڭ ءجۇرىس - تۇرىس وزىندىك قۇنىن دا تومەندەتتى.

  شينجياڭ تەمىر جولى 7 - ايدىڭ 10 - كۇنى ساعات نولدەن باستاپ، ساياحاتشىلار پويەزىنىڭ قاتىناۋ كارتاسىن رەتتەپ، جاڭادان 5.18 جۇپ موتورلى ۆاگون قۇراماسىن تىڭنان قوسادى. كارتا رەتتەلگەننەن كەيىن، شينجياڭ ىشىندەگى پويەزداردىڭ قاتىناۋى ونان ارى يكەمدى بولادى، موتورلى ۆاگوندار قۇراماسىنىڭ قاتىناۋ ۋاقىتىندا، كەزەك سانىندا جانە كوزەۋلى جەرگە جەتۋ ۋاقىتىندا تۇگەلدەي وزگەرىس بولادى، سونداي - اق اپتا سوڭىندا قاتىنايتىن موتورلى ۆاگوندار قۇراماسى تىڭنان كوبەيىپ، ساياحاتشىلاردىڭ ءجۇرىس - تۇرىس قاجەتىن قاناعاتتاندىرادى. قارامايلى - شاۋەشەك تەمىر جولىنىڭ اشىلىپ ىسكە قوسىلۋىنا ىلەسە، بۇكىل شينجياڭداعى بارلىق ايماق - وبلىس، قالالاردا تەمىر جولدىڭ تۇتاسۋى تولىق جۇزەگە اسىپ، ”پويەزبەن بۇكىل شينجياڭدى ساياحاتتاۋ“ بارعان سايىن قولايلىلاستى.

  وسىدان از بۇرىن، مەملەكەت بويىنشا تۇڭعىش وڭىرلىك ”كەڭىستىك ساياحات ۇشاعى اينالما لەنياسى“ التايدا اشىلىپ، بايشاحۋ كولى، قاناس، كوكتوعاي سىندى مەملەكەتتىك 5A دارەجەلى 3 كورىنىس وڭىرىندە اۋەجايلاردى جالعاپ ۇشۋ جۇزەگە اسىرىلدى، ”كەڭىستىك ساياحات ۇشاعى“ قاناس كورىنىس وڭىرىنەن كوكتوعاي كورىنىس وڭىرىنە دەيىنگى ۋاقىتتى قۇرلىقتاعى 10 نەشە ساعاتتان كەڭىستىكتەگى ءبىر ساعاتقا جەتپەيتىن ۋاقىتقا قىسقارتىپ، التاي اۋەجايىنان قاناس، كوكتوعايعا دەيىنگى ۇشۋ ۋاقىتىن 30 مينۋتقا قىسقارتىپ، ”ساياحات جولى ۇزاق، ساياحاتتاۋ ۋاقىتى از“ بولۋداي قيىن ماسەلەنى شەشتى.

■ كوپ ءتۇرلى شارالاردى بىرگە اتقارۋ ارقىلى ”ءۇش قيىن “ بولۋدى شەشتى

  دارەتحاناعا بارۋ قيىن بولۋ، اۆتوكولىك توقتاتۋ قيىن بولۋ، جانار ماي قۇيۋ قيىن بولۋ قاتارلى شينجياڭ ساياحات كاسىبىنىڭ دامۋىنا تۇساۋ بولىپ وتىرعان ماسەلەلەرگە مەڭزەس، رايونىمىز بيىل 346 ساياحات دارەتحاناسىن، 36 جانار ماي قۇيۋ پۋنكتىن، 100 اۆتوكولىك توقتاتۋ الاڭىن سالۋدى جوسپارلادى.

  مايتاۋ - كۇشار تاس جولىنىڭ ”جۇڭگوداعى ەڭ كوركەم تاس جول“ دەگەن اتى بار، تاياۋ جىلداردان بەرى ساياحاتشىلاردىڭ سانى تەز قارقىنمەن ارتۋ جاعدايى جارىققا شىقتى. 6 - ايدىڭ سوڭىندا، G217 مايتاۋ - كۇشار تاس جولىنىڭ حاۋىپ - قاتەرلى جەرلەرىن وڭاپ، قىزمەت وتەۋ ساپاسىن جوعارىلاتۋ ينجەنەرياسى اياقتايدى. سول كەزدە، تۇتاس لەنياداعى 1500 اۆتوكولىك توقتاتۋ ورنى، 19 ورتانى قورعايتىن دارەتحانا، بىرنەشە قوقىر - قوقسىق ساندىعى جەكە اۆتوكولىكپەن ساياحاتتايتىندارعا ۇلكەن قولايلىلىق جاراتىپ، ساياحاتشىلار ەمىن - ەركىن ءجۇرىپ، جول بويىنداعى وزگەشە كورىنىستى تولىق تاماشالايتىن بولادى.

  تيانشان بوعدا كولى كورىنىس وڭىرىنە كەلگەندە، ءتىلشىنى كورىنىس وڭىرىندەگى ورتانى قورعايتىن دارەتحاناداعى ۇلكەن زەردەلى ەكران باۋراپ الدى، ەكراندا دارەتحاناداعى ورىننىڭ پايدالانۋ جاعدايى ايقىن كورىنىپ تۇر. ورتانى قورعايتىن الەۋمەتتىك دارەتحانا جۇڭگوشا، اعىلشىنشا جازۋمەن دارەتحاناداعى بوس ورىننىڭ جاعدايىن كورسەتىپ قانا قالماستان، زەردەلى جۇيە سول كۇنگى، مىسالى، دارەتحاناعا كىرگەن ادام سانى، جالپى ىستەتىلگەن سۋ مولشەرى، ەلەكتر مولشەرى، امياك سانى، تەمپەراتۋرا، ىلعالدىق سالىستىرماسى قاتارلى ساندى مالىمەتتەردى تەڭ قادامدا كورىنىس ءوڭىرىن باسقارۋ ورتالىعىنا جەتكىزىپ بەرەدى ەكەن. سونىمەن بىرگە، شۇعىل جاعدايدا قۇتقارۋ كنوپكاسىن ورناتىپ، ساياحاتشىلار دارەتكە وتىرعان كەزدە دەنساۋلىعى جايسىزدانسا، ىزىلداۋىق دەرەۋ حابارلاپ، باسقارۋشىلار دەر كەزىندە كەلىپ قۇتقارۋ جۇرگىزەدى ەكەن.

  ۋاڭ شاۋيۇڭ كوكتوعاي اۋداندىق پارتكوم ۇگىت ءبولىمىنىڭ قىزمەتكەرى، كىشكەنتاي كەزىنەن باستاپ كوكتوعايدا ەرجەتكەن، ءار رەت سىرت جەرلەردەن كەلگەن قوناقتاردى قابىلداعان كەزدە، ول بىلاي دەيدى: ”سىزدەر الدىمەن ءبىزدىڭ ساياحات دارەتحانامىزدى كورىڭىزدەر، ءبىزدىڭ بۇل اراداعى دارەتحانا وتە تازا، ۇلكەن قالاداعى جۇلدىز دارەجەلى مەيمانحانالاردىڭ دارەتحاناسىنان دا جاقسى!“.

■ زەردەلى ءجۇرىس - تۇرىستاعى ”يجىتۇڭ“

  ”ءبىز وندىرگەن كورىنىس وڭىرىندە قولدانىلاتىن جۇمساق بولشەك سايرام كولى كورىنىس ءوڭىرىنىڭ ناقتى جاعدايى مەن ساياحاتشىلاردىڭ ۇلكەن ساندى مالىمەتتەن پايدالانۋ ادەتىنە ساي، ۇزدىكسىز ساپالىلانىپ، زەردەلى ءجۇرىس - تۇرىس’يجىتۇڭىن‘ قولدانۋشىلاردىڭ پايدالانۋىن جۇزەگە اسىردى“. جاڭ شياڭشۋ تىلشىگە بىلاي دەدى: ”وسى سەرىكتەستىك كورىنىس ءوڭىرى زەردەلى ساياحات قۇرىلىسى قىزمەتىنىڭ %80ىن تامامدادى، قازىر ساياحاتشىلار جەلىدە بەلەت ساتىپ الۋمەن بىرگە، تاعى الەۋمەتتىك ۋيچات ءنومىرى ارقىلى 720 گرادۋستىق باعىتتا كورىنىس ءوڭىرىنىڭ كورىنىسىن تاماشالاي الادى ءارى VR سياقتى جابدىقتار ارقىلى جەلىدە كوركەم كورىنىستى سول ورىندا تۇرعانداي سەزىنە الادى“.

  بيىل 3 - ايدان باستاپ، تيانشان بوعدا كولى كورىنىس ءوڭىرىنىڭ زەردەلى قىزمەت وتەۋىنىڭ دارەجەسى تاعى كوتەرىلدى، ساياحاتشىلار بەت - الپەتتى پارىقتاندىرۋ ارقىلى كورىنىس وڭىرىنە كىرە الاتىن بولدى.

  تيانشان بوعدا كولى كورىنىس ءوڭىرىن باسقارۋ كوميتەتى بەلەت ىستەرىن باسقارۋ ورتالىعىنىڭ مەڭگەرۋشىسى ليۋ ۋىني بىلاي دەپ تانىستىردى: بەلەت ساتۋدىڭ، تەكسەرۋدىڭ جاڭا جۇيەسى ساياحاتشىلاردىڭ بەلەت ساتۋ ۇلكەن زالىندا بەلەت جۇمىسىن ءبىتىرۋ ۋاقىتىن قىسقارتىپ، دالمە - ءدال ساتۋدى جانە عىلمي شەشىم جاساۋدى ساندى مالىمەتپەن قامدادى.

  سايرام كولى كورىنىس ءوڭىرى، تيانشان بوعدا كولى كورىنىس ءوڭىرى سياقتى وسىنداي زەردەلى ساياحات نىساندارى بۇكىل شينجياڭنىڭ جەر - جەرىندەگى كورىنىس وڭىرلەرىندە جالپىلاسۋدا. جەلىدە بەلەت ساتىپ الۋدان ساياحاتشىلاردىڭ بەت - الپەتتى پارىقتاندىرۋ ارقىلى كورىنىس وڭىرىنە كىرۋگە دەيىن، باسقاراتىن جاققا ۇلكەن ساندى مالىمەت قولداۋىن ازىرلەۋىنەن ساياحاتشىلارعا جول نۇسقاۋىنا دەيىن، الاقان زەردەلى ساياحات قول تەلەفونىندا جۇمساق بولشەكتىڭ پايدالانىلۋى ساياحاتشىلاردىڭ ءجۇرىس - تۇرىسىنا قولايلىلىق تۋدىردى.

  قازىر ”شينجياڭدى بايقاۋ“، ”ءبىر قول تەلەفونمەن ءۇرىمجىنى ساياحاتتاۋ“، ”قول تەلەفوندا شينجياڭدى ساياحاتتاۋ“ قاتارلى كوپ زەردەلى ساياحات تۇعىرى الدەقاشان پايدالانۋعا بەرىلدى.

  بىلتىر 6 - ايدىڭ 25 - كۇنى التاي ايماقتىق اكىمشىلىك مەكەمەسى حۋاۋي تەحنيكا شەكتى سەرىكتەستىگىمەن ستراتەگيالىق سەلبەستىك جاساسىپ، ۇكىمەت ىستەرى بۇلتى، ۇلكەن ساندى مالىمەت تۇعىرى، زەردەلى تۇتاس وڭىرلىك ساياحات قاتارلى جاقتاردا ناقتى سەلبەستىك ورناتادى.

  ”ەلىمىز ساياحات كاسىبى بۇرىنعى كورىنىس تاماشالاۋ ساياحاتىنان سەيىلدەۋ، سەزىنۋ ساياحاتىنا قاراي وزگەردى، شينجياڭنىڭ كوركەم كورىنىس پەن باي مازمۇندى وزگەشە مادەنيەتىنىڭ ساياحاتشىلاردى باۋراۋ قۋاتى كۇشتى، زەردەلى مادەنيەت ساياحاتى شينجياڭنىڭ مادەنيەت پەن ساياحات كاسىبىنىڭ قىزمەت وتەۋ دەڭگەيىنىڭ قارىشتاپ جوعارىلاۋىن جەبەيدى“، - دەدى چىڭدۋ جۇڭكىداچي جۇمساق بولشەك شەكتى سەرىكتەستىگىنىڭ ورىنباسار باس ديرەكتورى، جۇڭگو ساياحات ۇلكەن ساندى مالىمەت ينجەنەريا ورتالىعىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى ياڭ چىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى