شينحۋا اگەنتتىگىنىڭ 6 - ايدىڭ 27 - كۇنى بەيجيڭنەن بەرگەن حابارى (ءتىلشى گاۋ جيڭ). ەكولوگيالىق ورتا مينيسترلىگىنىڭ ورىنباسار مينيسترى جاي چيڭ 6 - ايدىڭ 27 - كۇنى مىنانى ءبىلدىردى: قازىر ورتالىقتىڭ 2 - رەتكى ءبىرىنشى توپتاعى ەكولوگيالىق ورتانى قورعاۋدى قۋزاۋ - تەكسەرۋ بويىنشا جايعاسۋ دايىندىق قىزمەتى نەگىزىنەن اياقتادى، ورتالىق بەكىتكەننەن كەيىن، جۋىق ارادا جاڭا كەزەكتى قۋزاۋ - تەكسەرۋ باستالادى.
ول مەملەكەتتىك كەڭەس اقپارات كەڭسەسىنىڭ سول كۇنى وتكىزگەن اقپار جاريالاۋ ماجىلىسىندە وسى جاعدايدى تانىستىردى.
تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋ قىزمەتى بەلگىلەمەسى» ن باسىپ تاراتتى. بەلگىلەمەدە مىنالار العا قويىلدى: ورتالىقتىڭ ەكولوگيالىق ورتانى قورعاۋدى قۋزاۋ - تەكسەرۋى داعدىلى قۋزاۋ - تەكسەرۋ، ارناۋلى قۋزاۋ - تەكسەرۋ جانە ”قايتا قاداعالاۋ“ سياقتىلاردى قامتيدى. داعدىلى قۋزاۋ - تەكسەرۋ وبيەكتىلەرى مىنالاردى قامتيدى: ءارقايسى ولكە، اۆتونوميالى رايون، توتە قاراستى قالالاردىڭ پارتكومى مەن ۇكىمەتى جانە قاتىستى تاراۋلارى، ەكولوگيالىق ورتانى قورعاۋدىڭ ماڭىزدى مىندەت جاۋاپكەرشىلىگىن ارقالاعان مەملەكەتتىك كەڭەستىڭ قاتىستى تاراۋلارى، اينالىسقان ءوندىرىس، تيجارات قيمىلدارى ەكولوگيالىق ورتاعا ءبىرشاما اۋىر ىقپال جاسايتىن قاتىستى ورتالىققا قاراستى كاسىپورىندارى جانە ورتالىق قۋزاۋ - تەكسەرۋدى تالاپ ەتكەن باسقا دا ورىندار.
جاي چيڭ مىنانى ءبىلدىردى: پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارى بويىنشا 2019 - جىلدان باستاپ، 2020 - جىلى، 2021 - جىلى − 3 جىل ۋاقىتتان پايدالانىپ، قۋزاپ تەكسەرىلەتىن وبيەكتىلەرگە جاڭا كەزەكتى قۋزاۋ - تەكسەرۋ جۇرگىزىلەدى، سونداي - اق 2022 - جىلى ءبىر جىل ۋاقىتتان پايدالانىپ، كەيبىر جەرلەر مەن تاراۋلارعا ”قايتا قاداعالاۋ“ قىزمەتى ورىستەتىلەدى.
ول بىلاي دەدى: قازىر 2 - رەتكى ءبىرىنشى توپتاعى قۋزاۋ - تەكسەرۋ بويىنشا جايعاسۋدىڭ دايىندىق قىزمەتى نەگىزىنەن اياقتادى، ورتالىق بەكىتكەننەن كەيىن، جۋىق ارادا جاڭا كەزەكتى قۋزاۋ - تەكسەرۋ باستالادى. ناقتى قۋزاۋ - تەكسەرۋ جۇرگىزىلەتىن جەرلەر مەن قۋزاۋ - تەكسەرۋ وبيەكتىلەرى ورتالىق بەكىتكەننەن كەيىن، قوعامعا اشىق جاريالانادى.
ول مىنالاردى تانىستىردى: اياقتاپ بولعان 1 - رەتكى قۋزاۋ - تەكسەرۋمەن سالىستىرعاندا، 2 - رەتكى قۋزاۋ - تەكسەرۋ بەلگىلەمەدەگى تالاپ بويىنشا مەملەكەتتىك كەڭەستىڭ قاتىستى تاراۋلارىن جانە قاتىستى ورتالىق كاسىپورىندارىن قۋزاۋ - تەكسەرۋ وبيەكتىسى قاتارىنا قوسۋدان تىس، قۋزاۋ - تەكسەرۋ مازمۇنىندا دا وزگەرىس بولادى، بەلگىلەمەدە جاڭا دامۋ ۇستانىمىن تياناقتاندىرۋ، ەكونوميكانىڭ جوعارى ساپالى دامۋىن ىلگەرىلەتۋ قۋزاۋ - تەكسەرۋ مازمۇنى ەتىلىپ، قۋزاۋ - تەكسەرۋدىڭ مازمۇنىن اناعۇرلىم بايىتتى.
ول بىلاي دەدى: 2 - رەتكى قۋزاۋ - تەكسەرۋ بارىسىندا نازاردى لاستانۋدان ساقتانۋ جانە ونى وڭاۋدان قامال الۋ شايقاسىنا شوعىرلاندىرىپ، نازاردى ”تاۋ، سۋ، ورمان، اتىز، كول، جايلىم“ تىرشىلىك ورتاق تۇلعاسىنا شوعىرلاندىرىپ، ۇلكەن قورشاعان ورتا كوز اياسى ارقىلى قۋزاۋ - تەكسەرۋ قىزمەتىنىڭ ىشكەرىلەي دامۋى ىلگەرىلەتىلەدى.
مۇنان تىس، قۋزاۋ - تەكسەرۋ تاسىلىندە 2 - رەتكى قۋزاۋ - تەكسەرۋ ۇگىت قىزمەتى اناعۇرلىم كۇشەيتىلىپ، تيپتىك دەلولاردى جاريالاۋ اناعۇرلىم كۇشەيتىلىپ، جاڭا تەحنيكالاردان، جاڭا ادىستەردەن اناعۇرلىم پايدالانىلىپ، قۋزاۋ - تەكسەرۋ ونىمدىلىگى جوعارىلاتىلادى.
