لي پىڭشين بىرگە كەزدەستى
6 - ايدىڭ 27 - كۇنى اۆتونوميالى رايوندىق پارتكومنىڭ شۋجيى چىن چۋانگو ۇرىمجىدە 9 - كەزەكتى مەملەكەتتىك ”حالىق رازى مەملەكەت قىزمەتكەرلەرىن“ جانە ”حالىق رازى مەملەكەت قىزمەتكەرلەرى كوللەكتيۆتەرىن“ ماداقتاۋ - سيلاۋ جينالىسىنا قاتىناسىپ، داڭقپەن ورالعان شينجياڭ ۋاكىلدەرىمەن كەزدەستى. سۋرەتتە: چىن چۋانگو قاتارلى باسشىلار ۋاكىلدەرمەن ءبىر - بىرلەپ قول الىسىپ، ىقىلاسپەن اڭگىمەلەسۋدە. سۋرەتتى ءتىلشى سۇي جىجيان تۇسىرگەن
ءتىلشى ياۋ تۇڭ 6 - ايدىڭ 27 - كۇنى ۇرىمجىدەن حابارلايدى. 6 - ايدىڭ 27 - كۇنى تۇستەن كەيىن، اۆتونوميالى رايوندىق پارتكومنىڭ شۋجيى چىن چۋانگو ۇرىمجىدە 9 - كەزەكتى مەملەكەتتىك ”حالىق رازى مەملەكەت قىزمەتكەرلەرىن“ جانە ”حالىق رازى مەملەكەت قىزمەتكەرلەرى كوللەكتيۆتەرىن“ ماداقتاۋ - سيلاۋ جينالىسىنا قاتىناسىپ، داڭقپەن ورالعان شينجياڭ ۋاكىلدەرىمەن كەزدەستى.
اۆتونوميالى رايوننىڭ باسشىلارىنان لي پىڭشين، تيان ۋىن، جي جىڭ بىرگە كەزدەستى.
چىن چۋانگو ۋاكىلدەرمەن ءبىر - بىرلەپ قول الىسىپ، ىقىلاسپەن اڭگىمەلەستى، اۆتونوميالى رايوندىق پارتكوم مەن ۇكىمەت، سونداي - اق تۇتاس رايونداعى ءار ۇلت حالقى اتىنان، رايونىمىزدان ماداقتالىپ - سيلانعان مەملەكەتتىك ”حالىق رازى مەملەكەت قىزمەتكەرلەرى“ن جانە ”حالىق رازى مەملەكەت قىزمەتكەرلەرى كوللەكتيۆتەرى“ن قىزۋ قۇتتىقتادى ءارى ولارعا وسكەلەڭ قۇرمەت ءبىلدىردى.
چىن چۋانگو بىلاي دەدى: باس شۋجي شي جينپيڭنىڭ ”حالىق رازى مەملەكەت قىزمەتكەرلەرى“نىڭ جانە ”حالىق رازى مەملەكەت قىزمەتكەرلەرى كوللەكتيۆتەرى“نىڭ ماداقتالىپ - سيلانعان ۋاكىلدەرىمەن ىقىلاسپەن كەزدەسۋى باس شۋجيدىڭ ءار دارەجەلى كادرلارعا دەگەن ىقىلاستى قامقورلىعىن جانە كادرلار قوسىنى قۇرىلىسىنا وسكەلەڭ ءمان بەرگەندىگىن تولىق ايگىلەدى. رايونىمىزدان ماداقتالىپ - سيلانعان مەملەكەتتىك ”حالىق رازى مەملەكەت قىزمەتكەرلەرى“ نىڭ جانە ”حالىق رازى مەملەكەت قىزمەتكەرلەرى كوللەكتيۆتەرى“ نىڭ داڭقتى قاستەرلەپ، كۇش ۇستىنە كۇش قوسىپ، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، جاڭا باستامادان تاعى دا جول الىپ، جۇڭگوشا سوتسياليستىك شينجياڭ قۇرۋ ءۇشىن تاعى دا تىڭ ۇلەس قوسۋدى ءۇمىت ەتتى. مۇرات - سەنىمى بەرىك بولۋدىڭ ۇلگىسى بولىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، دايەكتىلەندىرىپ، ۇزدىكسىز تۇردە ”ءتورت تانىم“دى كۇشەيتۋ، ”ءتورت سەنىم“دى بەكەمدەۋ، ”ەكىنى قورعاۋ“دى ورىنداۋ؛ باس نىسانانى تياناقتاندىرۋدىڭ ۇلگىسى بولىپ، تاباندى، باتىل تۇردە نازاردى باس نىساناعا شوعىرلاندىرىپ، باس نىسانانى دايەكتىلەندىرىپ، باس نىساناعا قىزمەت ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانىپ، تامىر تارتۋىن ىلگەرىلەتۋ؛ قىزمەت ورنىن ءسۇيۋدىڭ، كاسىپتى قادىرلەۋدىڭ ۇلگىسى بولىپ، كاسىپكە شوگەل بولىپ، جان قيارلىقپەن ۇلەس قوسىپ، شىنايى يگەرىپ، ناقتى ىستەپ، دەن قويا ايانباي ىستەپ، ءوزىن پارتياعا، وتانعا قىزمەت ەتۋگە، پارتيانىڭ، وتاننىڭ ءۇمىتىن اقتاۋعا ارناۋ؛ حالىققا قىزمەت ەتۋدىڭ ۇلگىسى بولىپ، پارتيانىڭ اۋەلگى ماقساتىن، بورىشىن جانە ءتۇبىرلى نەگىزگى ماقساتىن ەستە بەرىك ساقتاپ، بۇقارانىڭ ويلاعانىن ويلاپ، بۇقارانىڭ اسىققانىنا اسىعۋ، بۇقارانىڭ قيىنشىلىعىن شەشۋ؛ پاكتىكتىڭ، كىرشىكسىزدىكتىڭ ۇلگىسى بولىپ، تارتىپكە، قاعيداعا قاتاڭ بويسۇنىپ، كوڭىلدە ساقتىق، ارەكەتتە تيىم بولۋ، تومەنگى شەكتەن اتتاماۋ، قىزىل سىزىقتى باسپاۋ، جوعارى كەرنەۋلى سىمعا سوقتىقپاۋ، حالىق ءۇشىن ناقتى ءىس ىستەۋ، پاك بولۋ ساياسي قاسيەتىن باستان - اياق ساقتاۋ كەرەك.
چىن چۋانگو بىلاي دەپ باسا دارىپتەدى: تۇتاس رايونداعى قالىڭ مەملەكەت قىزمەتكەرلەرى، اسىرەسە، ءار دارەجەلى پارتيا مۇشەلەرى، كادرلار ماداقتالىپ - سيلانعان وزات جەكەلەردەن جانە كوللەكتيۆتەردەن ۇيرەنىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ءداۋىر، حالىق، تاريح الدىندا دەسە دەگەندەي كاسىپتىك ناتيجە جاراتۋعا قۇلشىنىپ، شينجياڭنىڭ ورنىقتىلىق، دامۋ قىزمەتتەرىنىڭ ءىس جۇزىندىك ناتيجەلەرىمەن جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋ كەرەك.
