تيانشان تورى   ›   جاڭالىقتار   ›   شۋجي ەستەلىگى

لياۋنيڭ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى

چىن چۋانگو، تاڭ يجۇن، شوكىرات زاكىر، نۇرلان ءابىلماجىن، سۇن جينلۇڭ قيمىلعا قاتىناستى

  تىلشىلەر ياۋ تۇڭ، لي ياڭ 6 - ايدىڭ 27 - كۇنى ۇرىمجىدەن حابارلايدى. 6 - ايدىڭ 25 - كۇنىنەن 27 - كۇنىنە دەيىن، لياۋنيڭ ولكەلىك پارتكومنىڭ ورىنباسار شۋجيى، ولكە باستىعى تاڭ يجۇن لياۋنيڭ ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، ۇشتاستىرۋ، باعىتتامالى كومەكتەسۋ قىزمەتىن تەكسەردى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ ساياسي كوميسسارى سۇن جينلۇڭ قيمىلعا قاتىناستى.

  6 - ايدىڭ 27 - كۇنى تۇستەن بۇرىن، لياۋنيڭ . شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانىنىڭ باعىتتامالى كومەكتەسۋ قىزمەت اڭگىمە ءماجىلىسى ۇرىمجىدە وتكىزىلدى. چىن چۋانگو اۆتونوميالى رايوندىق پارتكوم مەن ۇكىمەت، سونداي - اق بۇكىل رايونداعى ءار ۇلت حالقى اتىنان لياۋنيڭ ولكەسىنىڭ پارتيا، ۇكىمەت ۋاكىلدەر ۇيىرمەسىنىڭ شينجياڭعا قىزمەت تەكسەرۋگە كەلگەندىگىن قىزۋ قارسى الاتىندىعىن ءبىلدىردى، لياۋنيڭ ولكەسىنىڭ ۇزاق ۋاقىتتان بەرى شينجياڭ قىزمەتىن زور كۇشپەن قولداعاندىعىنا جانە قالتقىسىز كومەكتەسكەندىگىنە شىنايى العىس ايتتى. چىن چۋانگو بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، لياۋنيڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جانە پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ لياۋنيڭدە قىزمەت تەكسەرگەن كەزدە جانە شىعىس سولتۇستىكتى گۇلدەندىرۋدى ىشكەرىلەي ىلگەرىلەتۋ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، نازاردى ”ءتورت ولقىلىق“تى تولىقتىرۋعا شوعىرلاندىرىپ، ”التى ءتۇيىندى قىزمەت“تى بار كۇشپەن جاقسى ىستەپ، ”ءبىر بەلدەۋ، بەس بازا“ قۇرىلىسىن جەدەل ىلگەرىلەتىپ، ”بەس ۇلكەن ءوڭىردى دامىتۋ ستراتەگياسىن“ ىشكەرىلەي اتقارىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدە تىڭ دا ەلەۋلى ىلگەرىلەۋشىلىكتەرگە قول جەتكىزىپ، جاپپاي گۇلدەندىرۋدە، جان - جاقتى گۇلدەندىرۋدە تىڭ دا نىق قادامدار باستى. ءبىز شىنايى قۇتتىقتايمىز.

  چىن چۋانگو مىنانى ءبىلدىردى: لياۋنيڭ ولكەلىك پارتكوم مەن ولكەلىك ۇكىمەت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تياناقتاندىرىپ، شينجياڭعا باعىتتامالى كومەكتەسۋ قىزمەتىن ماڭىزدى ورىنعا قويىپ، جالپى جاعداي قىزمەتىنە ەنگىزىپ، شىنايى يگەرىپ، ناقتى ىستەۋدەن جازباي، شىنايى سۇيىسپەنشىلىك، شىن نيەت ارناپ، شينجياڭنىڭ ورنىقتىلىعىنا، دامۋىنا ماڭىزدى ۇلەس قوستى، شينجياڭداعى ءار ۇلت حالقى شىن جۇرەكتەن العىس ايتادى. شينجياڭ ”ءتورت تانىم“دى ونان ارى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جان - جاقتى دايەكتىلەندىرىپ، تياناقتاندىرىپ، سەلبەستىكتى، اۋىس - كۇيىستى كۇشەيتىپ، ارتىقشىلىقتار ارقىلى ءبىر - ءبىرىن تولىقتاۋدى جەبەپ، تەڭ يگىلىككە كەنەلىپ دامۋدى جۇزەگە اسىرىپ، قوعامنىڭ ورنىقتىلىعى مەن باياندى تىنىشتىعىن ىلگەرىلەتىپ، ءىس جۇزىندىك ناتيجە ارقىلى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن تويلايدى.

  تاڭ يجۇن لياۋنيڭ ولكەلىك پارتكوم مەن ولكەلىك ۇكىمەت اتىنان شينجياڭنىڭ تاياۋ جىلداردان بەرى شينجياڭدى ورنىقتىرۋدا، شينجياڭدى قۇرۋدا، شينجياڭدى گۇلدەندىرۋدە قول جەتكىزگەن ەلەۋلى جەتىستىكتەرىن قىزۋ قۇتتىقتادى، شينجياڭنىڭ ۇزاق ۋاقىتتان بەرى لياۋنيڭگە كورسەتكەن قولداۋىنا، كومەگىنە جانە شينجياڭعا كومەكتەسكەن كادرلارعا كوڭىل بولگەندىگىنە، ايالاعاندىعىنا شىنايى العىس ايتتى. ول بىلاي دەپ اتاپ كورسەتتى: شينجياڭعا باعىتتامالى كومەكتەسۋ قىزمەتىن تەرەڭدەتۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ ماڭىزدى مازمۇنى، ءبىزدىڭ باس تارتۋعا بولمايتىن كەلەلى ساياسي مىندەتىمىز. لياۋنيڭ، ءسوز جوق، باس شۋجي شي جينپيڭنىڭ شينجياڭ قىزمەتى جونىندەگى ءبىر قىدىرۋ ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن باتىل دايەكتىلەندىرىپ، تياناقتاندىرىپ، باعىتتامالى كومەكتەسۋدىڭ ءتۇرلى قىزمەتتەرىن تياناقتاندىرۋدى مىقتاپ يگەرىپ، ورنىقتىلىقتى قول ۇستاسا قورعاۋ، شينجياڭعا دالمە - ءدال كومەكتەسۋدى ىلگەرىلەتۋ، كاسىپ سەلبەستىگىن تەرەڭدەتۋ، ەسىك اشۋ كەڭىستىگىن كەڭەيتۋ، ۇلتتار ىنتىماعىن جەبەۋ، قىزمەت مەحانيزمىن كەمەلدەندىرۋ سياقتى جاقتاردا ءتىپتى دە كۇش سالىپ، شينجياڭعا باعىتتامالى كومەكتەسۋ قىزمەتىن ءباز - باياعىسىنداي، باستان - اياق بۇلجىماي جاقسى ىستەپ، لياۋنيڭ - شينجياڭ باعىتتامالى كومەكتەسۋ سەلبەستىگىنىڭ، اۋىس - كۇيىسىنىڭ جاڭا جاعدايىن قۇلشىنا اشادى.

  اڭگىمە ماجىلىستە شوكىرات زاكىر، سۇن جينلۇڭ جەكە - جەكە اۆتونوميالى رايوننىڭ جانە بيڭتۋاننىڭ ورنىقتىلىق، دامۋ جانە باعىتتامالى كومەكتەسۋ قىزمەت جاعدايىن تانىستىردى.

  شينجياڭداعى كەزىندە، لياۋنيڭ ولكەسىنىڭ پارتيا، ۇكىمەت ۋاكىلدەر ۇيىرمەسى شاۋەشەك قالاسىنا، باقتى شەكارا وتكەلىنە، تولى اۋدانىنا جانە بيڭتۋان 9 - شى 163 - تۋانىنا، بيڭتۋان 8 - شى شىحىزى قالاسىنا بارىپ تەكسەرۋ - زەرتتەۋ جۇرگىزىپ، شينجياڭعا باعىتتامالى كومەكتەسۋ نىساندارىن تەكسەرىپ، نەگىزگى ساتىداعى بۇقارانىڭ جاعدايىن ۇعىسىپ، حال سۇرادى، شينجياڭعا كومەكتەسۋ قىزمەت اڭگىمە ءماجىلىسىن اشىپ، شينجياڭعا كومەكتەسكەن كادرلارعا، دارىندىلارعا امانداستى، ولاردان حال سۇرادى.

  لياۋنيڭ ولكەسىنىڭ باسشىلارىنان جاڭ لەي، لۋ جىيۋان، ۋاڭ ميڭيۇي جانە داليان قالاسىنىڭ باستىعى تان چىڭشۇي، اۆتونوميالى رايون باسشىلارىنان جي جىڭ، سارقىت اقان، پىڭ جيارۇي جوعارىداعى قيمىلدارعا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.