تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتىنىڭ جاڭ فۋچيڭ جولداسقا ”مەملەكەتتىك تاڭداۋلى كومپارتيا مۇشەسى“ اتاعىن بەرۋ جونىندەگى قارارى

(2019 - جىلى 6 - ايدىڭ 27 - كۇنى)

  2019 - جىلى 4 - ايدىڭ 21 - كۇنى باس شۋجي شي جينپيڭ جۇڭگو قۇرىلىس بانكەسى حۋبەي ولكەلىك بولىمشە بانكەسى لايفىڭ تارماق بانكەسىنىڭ دەمالىسقا شىققان كادرى جاڭ فۋچيڭ جولداستىڭ ۇزدىك ىزگى ىستەرى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى: ساقا قاھارمان جاڭ فۋچيڭ 60 نەشە جىل اتاق - مارتەبەسىن بۇلدانباي، ءومىر بويى اۋەلگى ماقساتتان تايمادى، قاسيەتىن وزگەرتپەدى، ونىڭ ىزگى ىستەرى جان سۇيىندىرەدى. اسكەري بولىمدە ول اتا مەكەندى، وتاندى قورعادى؛ جەرگىلىكتى ورىنعا بارعاندا، ول حالىقتى باقىتقا كەنەلتتى.

  ول ءوزىنىڭ قاراپايىم دا كىرشىكسىز، اتاق - ابىرويعا سالىنبايتىن قاسيەتىمەن كوركەم ءومىر كەستەلەدى، ول اسكەري بولىمدەگى قالىڭ كوماندير - جاۋىنگەرلەردىڭ جانە اسكەري قوسىننان قايتقان اسكەريلەردىڭ ۇيرەنۋ ۇلگىسى. ۇلەس قوسۋ رۋحىن بەلسەنە اسقاقتاتىپ، جاڭا داۋىردە ءبىر نيەتپەن جۇمىلا كۇرەس جۇرگىزۋدىڭ قۇدىرەتتى كۇشىن ۇيىستىرۋ كەرەك.

  باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، وزاتتاردى ماداقتاپ - سيلاپ، دۇرىس سالتتى اسقاقتاتىپ، قالىڭ پارتيا مۇشەلەرىن، كادرلاردى، اسكەري بولىمدەگى كوماندير - جاۋىنگەرلەردى جانە اسكەري قوسىننان قايتقان اسكەريلەردى اۋەلگى ماقساتتى ۇمىتپاي، بورىشتى ەستە بەرىك ساقتاپ، جاقسىدان ونەگە الۋعا تالپىنۋعا، ۇلەس قوسۋدى مۇرات ەتۋگە جىگەرلەندىرۋ جانە جەتەكتەۋ ءۇشىن، پارتيا ورتالىق كوميتەتى جاڭ فۋچيڭ جولداسقا ”مەملەكەتتىك تاڭداۋلى كومپارتيا مۇشەسى“ اتاعىن بەرۋدى ۇيعاردى.

  جاڭ فۋچيڭ، ەر، حانزۋ، 1924 - جىلى 12 - ايدا تۋعان، شانشيدىڭ ياڭشيان اۋدانىنان، 1948 - جىلى 3 - ايدا جۇڭگو حالىق ازاتتىق ارمياسىنا قاتىناسقان، 1948 - جىلى 8 - ايدا جۇڭگو كوممۋنيستىك پارتياسىنا مۇشە بولعان، 1955 - جىلى 1 - ايدا كاسىپ اۋىستىرىپ، حۋبەي ولكەسى ىنشى تۋجيا - مياۋزۋ اۆتونوميالى وبلىسىنىڭ لايفىڭ اۋدانىنا كەلىپ، ىلگەرىندى - كەيىندى چىڭگۋان استىق - ماي بولىمشەسىندە، اۋداندىق استىق مەكەمەسىندە، اۋداندىق توقىماشىلىق سەرىكتەستىگىندە، سانحۋ رايونىندا، ماۋدۇڭ گۇڭشىسىندا، اۋداندىق سىرتقى ساۋدا مەكەمەسىندە، اۋداندىق قۇرىلىس بانكەسىندە قىزمەت ىستەپ، 1984 - جىلى 12 - ايدا دەمالىسقا شىققان. جاڭ فۋچيڭ جولداس بايتاق باتىس سولتۇستىكتى ازات ەتۋ جولىنداعى ءبىر قىدىرۋ شايقاستا ەرلىكپەن شەبەر سوعىسىپ، باسىن ءباي تىگىپ، باتىس سولتۇستىك دالالىق سوعىس ارمياسىندا ءبىر رەت ەرەكشە ەڭبەك، ارميادا ءبىر رەت 1 - دارەجەلى ەڭبەك، شىدا ءبىر رەت 1 - دارەجەلى ەڭبەك، شىدا ءبىر رەت 2 - دارەجەلى ەڭبەك جانە تۋاندا ءبىر رەت 1 - دارەجەلى ەڭبەك كورسەتكەن ءارى ارميانىڭ ”شايقاس قاھارمانى“ اتاعىن، شىنىڭ ”شايقاس قاھارمانى“ اتاعىن جانە ”حالىق ارداگەرى“ مەدالىن العان.

  جاڭ فۋچيڭ جولداس كوممۋنيستىك وسكەلەڭ مۇراتتى باستان - اياق امالياتتا ايگىلەگەن تاڭداۋلى پارتيا مۇشەسى، جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى ۇمىتپاۋىنىڭ، بورىشتى ەستە بەرىك ساقتاۋىنىڭ، ماڭگى كۇرەس جۇرگىزۋىنىڭ شۇعىلالى تيپى، قالىڭ پارتيا مۇشەلەرىنىڭ، كادرلاردىڭ، اسكەري بولىمدەگى كوماندير - جاۋىنگەرلەردىڭ جانە اسكەري قوسىننان قايتقان اسكەريلەردىڭ ۇيرەنۋ ۇلگىسى. ول پارتيانىڭ ىستەرىنە شەكسىز ادال، توڭكەرىستىك سوعىس جىلدارىندا جاۋ شەبىنە اتويلاي ۇمتىلىپ، قۇربان بەرۋدەن قورىقپادى، وتان قۇرىلىسى كەزىندە ۇيىمنىڭ ورنالاستىرۋىنا باتىل بويسۇنىپ، شالعاي، مەشەۋ كەدەي تاۋلى وڭىرگە تەرەڭ تامىر تارتىپ، دايەكتى تاباندىلىق ارقىلى ءبىر كومپارتيا مۇشەسىنىڭ ”پارتيا مەن حالىققا بارىمدى قۇربان ەتۋگە قاي - قاشان دا دايىن تۇرامىن“ دەيتىن اۋەلگى ماقساتى مەن سەرتىن امالياتتا ايگىلەدى. ول كاسىپ اۋىستىرعاننان كەيىن، 60 نەشە جىل اتاق - مارتەبەسىن بۇلدانباي، ۇيىمعا جەكە باسىنىڭ جاعدايىن قاز - قالپىندا مالىمدەۋدەن سىرت، اينالاسىنداعى ادامدارعا ەسەلى ەڭبەكتەرىن ەجەلدەن ايتىپ كورگەن ەمەس، ءتىپتى، وسىنى كولدەنەڭ تارتىپ، ۇيىمعا تالاپ قويعان، مامىلە سۇرانعان ەمەس. ول نەشە 10 جىلدى ءبىر كۇندەي وتكىزىپ، ۇلەس قوسۋعا پەيىل بولىپ، اۋىر جۇكتى باتىلدىقپەن ارقالاپ، شارت قويماي، پايدا - زيانمەن ەسەپتەسپەي، ءاربىر قىزمەتتى بار زەيىن - زەردەسىمەن جاقسى ىستەپ، كوكىرەك كەرنەگەن قىزۋ ىنتامەن جاپالى ورتادا مىندەتىن، جاۋاپكەرشىلىگىن ادا ەتىپ، ايانباي، شىنايى ىستەدى. ول ءبىر كەزدەرى وتباسى قيىنشىلىققا ۇشىراسادا، باستان - اياق ءوزىن قاتاڭ تەجەپ، قاجىرلى، قاراپايىم بولىپ، ەشتەڭە دە تالاپ ەتپەدى، قىزمەت قولايلىلىعىنان پايدالانىپ تۋىس - تۋعاندارىنا پايدا جەتكىزبەدى، پارتيا مۇشەلەرىنىڭ، بۇقارانىڭ جاپپاي القاۋىنا يە بولدى.

  پارتيا ورتالىق كوميتەتى مىناعان ۇندەدى: قالىڭ پارتيا مۇشەلەرى، كادرلار، اسكەري بولىمدەگى كوماندير - جاۋىنگەرلەر جانە اسكەري قوسىننان قايتقان اسكەريلەر جاڭ فۋچيڭ جولداستان ۇيرەنۋ كەرەك. جاڭ فۋچيڭ جولداس سياقتى اۋەلگى ماقساتتان اينىماي، پارتياعا ادال بولىپ، مەيلى قاي داۋىردە بولسادا، قانداي قىزمەت ورنىندا ىستەسەدە، وسكەلەڭ سەنىمدى باستان - اياق ساقتاپ، پارتيانىڭ سوزىنە باتىل قۇلاق اسىپ، پارتياعا ماڭگى ىلەسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن سانالى تۇردە وي - سانانى قارۋلاندىرىپ، ”پارتيا قاي جەردى نۇسقاسا، سول جەرگە بارۋ“دى، ”پارتيا قاي جەرگە بارۋدى قاجەت ەتسە، سول جەرگە بارۋ“دى شىنايى ورىنداۋ كەرەك. جاڭ فۋچيڭ جولداس سياقتى اتاق - ابىرويعا سالىنباي، ۇلەس قوسۋعا پەيىل بولىپ، قاراپايىمدىلىقتى، كىرشىكسىزدىكتى باستان - اياق ساقتاپ، مەملەكەتتىڭ مۇددەسىمەن ساناسىپ، قالتقسىز، جان قيارلىق ىستەپ، وتان ەڭ قاجەت ەتكەن جەرلەردە جاپالى كۇرەس جۇرگىزىپ، ەڭبەك ءسىڭىرىپ، شارۋاشىلىق قۇرىپ، قاراپايىم قىزمەت ورنىندا ايانباي ىستەپ، شىنايى ىستەپ، ناقتى ناتيجە جاراتۋ كەرەك. جاڭ فۋچيڭ جولداس سياقتى قىزمەتىن بۇلجىتپاي ورىنداپ، بورىش ارقالاپ، ىستەگەن كاسىبىن ءسۇيىپ، ەڭ اۋىر جۇكتى باتىلدىقپەن ارقالاپ، ەڭ قيىن تۇيىندەردەن باتىلدىقپەن قامال الىپ، شەشۋشى ساتتەردە جانە قاتەرلى - شۇعىل جاعدايدا باسىن ءباي تىگىپ، تاباندىلىق كورسەتىپ، توڭكەرىستىك مۇرات - سەنىمدى ارەكەت كۇشىنە اينالدىرۋ كەرەك. جاڭ فۋچيڭ جولداس سياقتى ءومىر بويى پاكتىكتى ساقتاپ، كوپ قامىن ويلاپ، كىرشىكسىز ادام بولىپ، تاپ - تازا جۇمىس ىستەپ، كوممۋنيستەردىڭ قۇن كوزقاراسىن سانالى تۇردە امالياتتا ايگىلەپ، كوممۋنيستەردىڭ ساياسي قاسيەتىن باستان - اياق ساقتاۋ كەرەك.

  ءار دارەجەلى پارتيا ۇيىمدارى جاڭ فۋچيڭ جولداستىڭ ونەگەلى ىزگى ىستەرىنەن ۇيرەنۋدى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنۋمەن، دايەكتىلەندىرۋمەن ۇشتاستىرىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنىڭ ماڭىزدى مازمۇنى ەتىپ، ءتۇرلى تاسىلدەرمەن قاھارمانداردان ۇيرەنۋ، قاھارمانداردى ۇگىتتەۋ كەرەك. قالىڭ پارتيا مۇشەلەرىن، كادرلاردى، اسكەري بولىمدەگى كوماندير - جاۋىنگەرلەردى جانە اسكەري قوسىننان قايتقان اسكەريلەردى قاھارمان تۇلعالاردى ۇلگى ەتىپ، مۇرات - سەنىمدى بەكەمدەپ، ساياسي سانانى جوعارىلاتىپ، شىنايى يگەرىپ، ناقتى ىستەپ، ءورىس اشا العا ىلگەرىلەپ، ماڭىزدى مىندەتتى ءبىلىپ، ماڭىزدى مىندەت ارقالاپ، قيىندىقتان قامال الىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن اناعۇرلىم زور ۇلەس قوسۋعا جەتەكتەۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.