«اۆتونوميالى رايوندىق پارتكومنىڭ باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، نازاردى ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋگە شوعىرلاندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ جونىندەگى اتقارۋ پىكىرى» قارالىپ ماقۇلداندى
اۆتونوميالى رايوندىق پارتكومنىڭ تۇراقتى كوميتەتى ءماجىلىستى باسقاردى چىن چۋانگو ءسوز سويلەدى
6 - ايدىڭ 28 - كۇنى جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتىنىڭ جەتىنشى جالپى ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى. سۋرەتتى ءتىلشى سۇي جىجيان تۇسىرگەن
6 - ايدىڭ 28 - كۇنى جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتىنىڭ جەتىنشى جالپى ءماجىلىسى ۇرىمجىدە اشىلدى. سۋرەتتە : ءماجىلىس زالى. سۋرەتتى ءتىلشى سۇي جىجيان تۇسىرگەن
تىلشىلەر ياۋ تۇڭ، جاۋ جىيۇن 6 - ايدىڭ 28 - كۇنى ۇرىمجىدەن حابارلايدى. 6 - ايدىڭ 28 - كۇنى جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - كەزەكتى كوميتەتىنىڭ جەتىنشى جالپى ءماجىلىسى اشىلدى. ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، رايونىمىزدىڭ ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەرىن شەشۋ تۋرالى اقىلداسىپ، بۇكىل رايونداعىلاردى جوعارىدان تومەنگە دەيىن جۇدىرىقتاي جۇمىلىپ كۇشتى شوعىرلاندىرىپ قامال الۋعا، باتىلدىقپەن قامال ىشىندەگى قامالدى الىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، بۇكىل رايونداعى بارشا كەدەي حالىقتىڭ ۋاعىندا كەدەيلىكتەن ارىلۋىنا، بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام تاستاۋىنا شىنايى كەپىلدىك ەتۋگە جۇمىلدىردى.
ءماجىلىس باس شۋجي شي جينپيڭنىڭ ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، «اۆتونوميالى رايوندىق پارتكومنىڭ باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، نازاردى ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋگە شوعىرلاندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ جونىندەگى اتقارۋ پىكىرىن» قاراپ ماقۇلدادى.
جالپى ءماجىلىستى اۆتونوميالى رايوندىق پارتكومنىڭ تۇراقتى كوميتەتى باسقاردى. اۆتونوميالى رايوندىق پارتكومنىڭ شۋجيى چىن چۋانگو ءسوز سويلەدى.
اۆتونوميالى رايوننىڭ باسشىلارىنان شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، شۇي حايرۇڭ، ۋاڭ جۇنجىڭ، جي جىڭ، سارقىت اقان، ياڭ شين، جاڭ چۇنلين قاتىناستى.
اۆتونوميالى رايوندىق پارتكومنىڭ مۇشەلەرى، كانديدات مۇشەلەرى ماجىلىسكە قاتىناستى.
جالپى ءماجىلىس چىن چۋانگونىڭ اۆتونوميالى رايوندىق پارتكوم تۇراقتى كوميتەتىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى.
ءماجىلىس مىنالاردى اتاپ كورسەتتى: كەدەيلىكتەن ارىلتۋدان قامال الۋ شەشۋشى شايقاستىڭ شەشۋشى جەڭىسىنىڭ، قامالدى تالقانداپ، بەكىنىستى الۋدىڭ شەشۋشى ساتىنە كەلگەندە، باس شۋجي شي جينپيڭ ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋ اڭگىمە ءماجىلىسىن باسقارىپ اشىپ جانە ماڭىزدى ءسوز سويلەپ، بيىل جانە كەلەر جىلعى 2 جىلداعى كەدەيلىكتەن ارىلتۋدان قامال الۋ قىزمەتىن تىڭعىلىقتى، ويداعىداي ىستەۋ جونىندە ماڭىزدى ورنالاستىرۋ جاساپ، ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى كۇش سالا شەشۋ جونىندە ايقىن تالاپ قويىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ اتوي دابىلىن قاعىپ، ءبىزدىڭ كەدەيلىكتەن ارىلتۋدان قامال الۋدىڭ جەڭىسىنە ۋاعىندا قول جەتكىزۋىمىز ءۇشىن ايقىن بەتالىس كورسەتىپ، ءتۇبىرلى بويسۇنۋ ولشەمىن ۇسىندى. ساياسي دەڭگەيدى شىنايى جوعارىلاتىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن باتىل بىرلىككە كەلتىرىپ، پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، ءسوزسىز جەڭەتىن سەنىمدى بەكەمدەپ، قامال الۋدىڭ بىرىككەن كۇشىن توپتاپ، ”ەكىدەن تارىقتىرماۋ، ءۇشتى قامتاماسىز ەتۋ“مەن تىعىز بىرلەستىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ كەرەك.
ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرى، اۆتونوميالى رايوندىق پارتكوم مەن ۇكىمەت بۇكىل رايونداعى ءار ۇلت كادر - جۇرتشىلىعىن ىنتىماقتاستىرىپ، باستاپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن مۇقيات دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ جونىندەگى شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، كەدەيلىكتەن ارىلتۋدان قامال الۋدى ىلگەرىلەتۋدە كورنەكتى ونىمدىلىككە قول جەتكىزدى. ءماجىلىس مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، ساياسي ارتىقشىلىق پەن تۇزىمدىك ارتىقشىلىقتى تولىق ساۋلەلەندىرىپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ نەگىزگى جالپى جوباسىنا تاباندى بولىپ، ورتالىق ءبىر تۇتاس جوسپارلايتىن، اۆتونوميالى رايون جالپى جاقتان جاۋاپتى بولاتىن، قالا - اۋدان تياناقتاندىرۋدى يگەرەتىن قىزمەت مەحانيزمىنە تاباندى بولىپ، كەدەيلەردى قاۋىرت سۇيەمەلدەۋ قىزمەت ارناسىنا تاباندى بولىپ، كەدەيلىكتەن ارىلتۋدان قامال الۋدىڭ نىساناسىنا جانە كەدەيلەردى سۇيەمەلدەۋدىڭ قازىرگى ولشەمىنە تاباندى بولىپ، نازاردى اۋىر كەدەي وڭىرلەر مەن ەرەكشە كەدەي قاۋىمعا شوعىرلاندىرىپ، ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى كۇش سالا شەشىپ، كەدەي حالىقتىڭ ىشكى قوزعاۋشى كۇشىن كۇش سالا قاۋلاتىپ، كەدەي حالىقتىڭ كەدەيلىكتەن ورنىقتى ارىلۋ نەگىزىن كۇش سالا بەكەمدەپ، كەدەيلەردى سۇيەمەلدەۋ سالاسىنداعى ستيل قۇرىلىسىن كۇش سالا كۇشەيتىپ، بۇكىل قوعامنىڭ كۇشىن جۇمىلدىرىپ، كەدەيلىككە جالپى شابۋىل قوزعاپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزىپ، 2020 - جىلى جاپپاي دوڭگەلەك داۋلەتتى قوعامدى ۋاعىندا ورناتۋعا شىنايى كەپىلدىك ەتۋ كەرەك.
ءماجىلىس مىنالاردى اتاپ كورسەتتى: نازاردى ”ەكىدەن تارىقتىرماۋ، ءۇشتى قامتاماسىز ەتۋ“گە، مۇلدەم كەدەيلىك ماسەلەسىن شەشۋگە شوعىرلاندىرىپ، كەدەيلىكتەن ارىلتۋدىڭ ولشەمىن قاتاڭ اتقارىپ، ءىس جۇزىندىك جاعدايدان الشاقتاماۋمەن، ولشەمدى جوعارىلاتپاۋمەن، اراندى اشا بەرمەۋمەن بىرگە، كەدەيلىكتەن جالعان ارىلتپاۋ، ولشەمدى تومەندەتپەۋ، ساپاعا ىقپال جاساماۋ ءارى اپتىقپاۋ، ادەيى كەشىكتىرمەۋ، 2020 - جىلى اۋىل - قىستاقتاعى قازىرگى ولشەمنەن تومەن كەدەي حالىقتىڭ تۇگەلدەي كەدەيلىكتەن ارىلۋىنا، مۇلدەم كەدەيلىكتى جويۋعا شىنايى كەپىلدىك ەتۋ، كەدەي اۋداندار كەدەيلىك قالپاعىن تۇگەل الىپ تاستاۋعا، وڭىرلىك تۇتاس كەدەيلىك ماسەلەسىن شەشۋگە شىنايى كەپىلدىك ەتۋ كەرەك. شينجياڭ قىزمەتىنىڭ ءىس جۇزىندىگىن تياناق ەتىپ، قوعام ورنىقتىلىعى مەن كەدەيلىكتەن ارىلتۋدان قامال الۋدى ءبىر تۇتاس جوسپارلاپ ىلگەرىلەتىپ، ەكەۋىن دە قاتار يگەرۋگە، ەكەۋىن دە مىقتى ۇستاۋعا تاباندى بولىپ، ورنىقتىلىقتى مىقتاپ ۇستاۋ ارقىلى كەدەيلىكتەن ارىلتۋدان قامال الۋعا تاماشا قوعامدىق ورتا قالىپتاستىرۋعا مىزعىماي تاباندى بولۋ، كەدەيلەردى سۇيەمەلدەۋدى مىقتى ۇستاۋ ارقىلى قوعام ورنىقتىلىعىن جۇزەگە اسىرۋعا بەرىك بۇقارالىق نەگىز قالاۋعا مىزعىماي تاباندى بولۋ كەرەك.
ءماجىلىس مىنالاردى باسا دارىپتەدى: جالپى شابۋىل نىساناسىنان جازباي، نازاردى قيىن ماسەلەلەرگە، ءتۇيىندى ماسەلەلەرگە شوعىرلاندىرىپ، قامال الۋ شارالارىن ناقتىلاپ، باسىم كۇشتى شوعىرلاندىرىپ، قامال ىشىندەگى قامالدى الۋ كەرەك. ءبىرىنشى، ولقىلىقتاردى تولىقتاۋ جاعىندا كۇش توپتاپ قامال الۋ كەرەك. قيىنشىلىعى ەڭ اۋىر بۇقارادان باستاپ ىسكە كىرىسىپ، ەڭ كورنەكتى ماسەلەلەردى كوزدەپ، ەڭ ءالسىز بۋىننان باستاپ يگەرىپ، قاتەرلى ۇيلەردى جاڭالاۋ ينجەنەرياسىن كۇش سالا اتقارىپ، كەدەي حالىقتىڭ قاتەرلى ۇيدە تۇرۋ تاريحىن تۇبەگەيلى اياقتاتۋ؛ اۋىل - قىستاقتاعى اۋىز سۋ حاۋىپسىزدىگىن بەكەمدەۋ، جوعارىلاتۋ ينجەنەرياسىن جەدەل اتقارىپ، اۋىل - قىستاقتاعى بارلىق حالىقتىڭ حاۋىپسىز اۋىز سۋ، الاڭسىز اۋىز سۋ تۇتىنۋىنا مۇمكىندىك جاساۋ كەرەك. ەكىنشى، دالمە - ءدال شارا قولدانۋ جاعىندا كۇش توپتاپ قامال الۋ كەرەك. نازاردى اۋىر كەدەي وڭىرلەرگە شوعىرلاندىرىپ، كەدەيلىكتەن ارىلۋ ساپاسىن جوعارىلاتۋدى ماڭداي الدى ورىنعا قويىپ، ”جەتى ءبىر توپ“تى تىڭعىلىقتى ىلگەرىلەتىپ، ”ۇشتە سەرپىندى ارتتىرۋ“دى شىنايى ورىنداپ، تالماۋ جەرىن، تامىرىن شىن تاۋىپ سۇيەمەلدەۋ، كەدەيلەردى سۇيەمەلدەۋدى سوڭىنا دەيىن تياناقتاندىرۋ كەرەك. ءۇشىنشى، قارجى - نىسان جاعىندا كۇش توپتاپ قامال الۋ كەرەك. كەدەيلەردى سۇيەمەلدەۋ قارجىلارىن ”ەكىدەن تارىقتىرماۋ، ءۇشتى قامتاماسىز ەتۋ“ نىساندارىنا بەيىمدەۋگە تاباندى بولىپ، كەدەي اۋدانداردىڭ تىڭنان ارتقان قارجىلارىن الدىمەن ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋگە جۇمساپ، كەدەيلەردى سۇيەمەلدەۋ قارجىسىنىڭ ءار تيىنىن، كەدەيلەردى سۇيەمەلدەۋگە قاتىستى ءار نىساندى شىنايى ويداعىداي باسقارىپ، كەدەي بۇقاراعا بارىنشا پايدا جەتكىزۋ كەرەك. ءتورتىنشى، ساياساتتىق كەپىل جاعىندا كۇش توپتاپ قامال الۋ كەرەك. پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ جونىندەگى ساياساتتارىن جاپپاي دايەكتىلەندىرىپ، اۆتونوميالى رايوننىڭ ءبىرسىپىرا ساياسات - شارالارىن تياناقتاندىرىپ، ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋگە قاتىستى سايكەستى ساياسات - شارالاردى جەدەل كەمەلدەندىرىپ، باعىتتامالىلىق پەن ونىمدىلىكتى جوعارىلاتىپ، ۇتىمدى ىقپالداساتىن، بىرگە كۇش جۇمسايتىن جاعداي قالىپتاستىرۋ كەرەك. بەسىنشى، كۇشتەردى ءبىرتۇتاس جوسپارلاۋ جاعىندا كۇش توپتاپ قامال الۋ كەرەك. شينجياڭعا كومەكتەسىپ كەدەيلەردى سۇيەمەلدەۋدى، تۇيىندە تۇرىپ كومەكتەسۋ - سۇيەمەلدەۋدى، رايون ىشىندە سەلبەسىپ كەدەيلەردى سۇيەمەلدەۋدى، قوعامنىڭ كەدەيلەردى سۇيەمەلدەۋىن تەرەڭدەتىپ، ”ءتورتتى ءبىر تۇلعالاندىرۋ“ سىندى كەدەيلەردى قاۋىرت سۇيەمەلدەۋ جۇلگەسىن كەمەلدەندىرىپ، بۇكىل قوعامنىڭ كەدەيلىكتەن ارىلتۋدان قامال الۋعا ات سالىساتىن بىرىككەن كۇشىن ونان ارى شوعىرلاندىرۋ كەرەك. التىنشى، ماسەلەلەردى رەتتەۋ - تۇزەتۋ جاعىندا كۇش توپتاپ قامال الۋ كەرەك. ورتالىقتىڭ ارناۋلى شارلاۋ گرۋپپاسى اڭىس ەتكەن ماسەلەلەر مەن قىزمەت بارىسىندا بايقالعان ماسەلەلەردى ءبىر تۇتاس قاراستىرىپ، ءبىر تۇلعادا ىلگەرىلەتىپ، ءبىر تۇلعادا رەتتەپ - تۇزەتىپ، ءبىر تۇلعادا شەشىپ، جوعارى - تومەن بىرلەسە قيمىلداپ، ەرەجە - ءتۇزىم بەلگىلەۋ كەرەك. جەتىنشى، قايتا كەدەيلەسۋدەن ساقتانۋ جاعىندا كۇش توپتاپ قامال الۋ كەرەك. كەدەيلىك تىزىمىنەن شىعارۋ ولشەمىن قاتايتىپ، قايتا كەدەيلەسۋدى قاداعالاۋدى كۇشەيتىپ، كەدەيلىكتەن ارىلتۋ ساياساتىن ورنىقتىرىپ، كەدەي اۋدان كەدەيلىك قالپاعى الىنعانىمەن جاۋاپكەرشىلىكتى تاستاماۋ، ساياساتتى توقتاتپاۋ، كومەكتەسۋ - سۇيەمەلدەۋدى توقتاتپاۋ، باقىلاۋ - باسقارۋدى توقتاتپاۋ، كەدەي حالىق كەدەيلىكتەن ارىلعانىمەن كومەكتەسۋ - سۇيەمەلدەۋدەن قول ۇزبەۋ، قايتا كەدەيلەسۋدەن جانە جاڭا كەدەي حالىقتىڭ پايدا بولۋىنان ءونىمدى ساقتانۋ كەرەك. سەگىزىنشى، ەرىك - جىگەر جاعىنان سۇيەمەلدەۋ، اقىل - پاراسات جاعىنان سۇيەمەلدەۋ جاعىندا كۇش توپتاپ قامال الۋ كەرەك. تاربيەلەۋدى، جەتەكتەۋدى كۇشەيتىپ، تەحنيكالىق شەبەرلىككە باۋلۋدى كۇشەيتىپ، كومەكتەسۋ - سۇيەمەلدەۋ ءتاسىلىن جاقسارتىپ، تيپتەردىڭ ۇلگى كورسەتۋىن، جەتەكتەۋىن كۇشەيتىپ، كەدەي بۇقارانىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرىپ، كەدەيلىكتەن ارىلتۋدىڭ باياندى ىشكى قوزعاۋشى كۇشكە يە بولۋىنا مۇمكىندىك جاساۋ كەرەك. توعىزىنشى، نەگىزدى بەكەمدەۋ جاعىندا كۇش توپتاپ قامال الۋ كەرەك. نەگىزگى ساتىنى مىقتى ۇستاۋ، نەگىز قالاۋ جاعىنا بارىنشا كۇش سالىپ، كەدەيلىكتەن ارىلتۋ كۇشىن ورنىقتىرىپ، نەگىزگى ساتى ۇيىمدارىن كۇشەيتىپ قۇرىپ، پارتيا مۇشەلەرى قوسىنىن ۇلعايتىپ، كەدەي قىستاقتارداعى پارتيا ۇيىمدارىنىڭ ۇيىمدىق قۋاتىن كۇش سالا جوعارىلاتۋ كەرەك.
ءماجىلىس مىنالاردى اتاپ كورسەتتى: پارتيانىڭ باسشىلىعىن كۇشەيتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزۋگە پارمەندى كەپىل ازىرلەۋ كەرەك. قىزمەت جاۋاپكەرشىلىگىن ناقتىلاندىرۋ كەرەك، ءار دارەجەلى پارتكومدار مەن ۇكىمەتتەر باسشىلىق جاۋاپكەرشىلىكتى تياناقتاندىرىپ، پارتيا مەن ۇكىمەتتىڭ نەگىزگى جاۋاپتى جولداستارى جالپى جاقتان جاۋاپتى بولۋى، وزدەرى يگەرۋى كەرەك؛ اۋىر كەدەي وڭىرلەردەگى پارتكومدار مەن ۇكىمەتتەر تۇلعالىق جاۋاپكەرشىلىكتى تياناقتاندىرۋى، ايماقتىق، اۋداندىق پارتكوم شۋجيلەرى ءبىرىنشى جاۋاپتى ادامدىق جاۋاپكەرشىلىكتى تياناقتاندىرۋى كەرەك؛ ءار دارەجەلى كەدەيلەردى سۇيەمەلدەۋ، وركەندەتۋ باسشىلىق گرۋپپالارى وزدەرى باس بولىپ، جالپى جاقتان يگەرۋى، جان - جاقتى سايكەستىرۋى كەرەك؛ ءار دارەجەلى ورىندار، تاراۋلار، ءار دارەجەلى باسشى كادرلار جۇمىس ءبولىسى بويىنشا جاۋاپتى بولۋى، كۇش ۇيىستىرا وتىرىپ قامال الۋى كەرەك؛ قىستاقتا تۇراتىن قىزمەت اترەتتەرى، ءبىرىنشى شۋجيلەر جانە كەدەيلەردى سۇيەمەلدەۋ ارناۋلى قىزمەتكەرلەرى شىنايى يگەرىپ، ناقتى ىستەۋى، تياناقتاندىرۋدى مىقتى يگەرۋى كەرەك. ستيل قۇرىلىسىن كۇشەيتىپ، سانالى تۇردە كەدەيلەر قاۋىمىمەن بىرگە ويلاپ، بىرگە ىستەپ، جاڭا داۋىردەگى پارتيالى كادرلاردىڭ تاماشا وبرازىن سومداۋ كەرەك؛ ”نەگىزگى ساتىنىڭ اۋىرتپالىعىن جەڭىلدەتۋ جىلى“ قيمىلىن تىڭعىلىقتى ورىستەتىپ، نەگىزگى ساتى كادرلارىنىڭ جەڭىلدەنىپ اتتانۋىنا مۇمكىندىك جاساۋ كەرەك؛ كەدەيلەردى سۇيەمەلدەۋ كادرلارىنا كوڭىل ءبولىپ، قامقورلىق جاساپ، ولاردى باتىل جاۋاپكەرشىلىك ارقالاپ ءىس تىندىرۋعا جىگەرلەندىرۋ كەرەك. قاتاڭ تۇردە ءتارتىپ اتقارىپ، باقىلاپ، كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەلەرىن ارنايى جونگە سالۋدى ىشكەرىلەي ورىستەتىپ، كەدەيلىكتەن ارىلتۋدان قامال الۋ قىزمەتىندەگى فورماشىلدىقتى، تورەشىلدىكتى رەتتەۋ، وڭاۋ سەرپىنىن ارتتىرىپ، كەدەيلەردى سۇيەمەلدەۋ قىزمەتىنىڭ ناقتى جۇرىلۋىنە، كەدەيلىكتەن ارىلتۋ بارىسىنىڭ تىڭعىلىقتى بولۋىنا، كەدەيلىكتەن ارىلتۋ ناتيجەسىنىڭ شىنايى بولۋىنا شىنايى كەپىلدىك ەتۋ كەرەك. تاماشا راي قالىپتاستىرىپ، ۇگىت ارقىلى جەتەكتەۋدى جانە تيپتەر ارقىلى جەتەكشىلىك ەتۋدى كۇشەيتىپ، ادامداردىڭ بارلىعى كەدەيلەردى سۇيەمەلدەۋ قىزمەتىنە كوڭىل بولەتىن، ونى قولدايتىن، وعان ات سالىساتىن قويۋ راي قالىپتاستىرۋ كەرەك.
ءماجىلىس مىنالاردى باسا دارىپتەدى: باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحى ايقىن، پارتيا ورتالىق كوميتەتىنىڭ شينجياڭدى جونگە سالۋ جالپى جوباسى، اسىرەسە، قوعام ورنىقتىلىعى مەن باياندى تىنىشتىق باس نىساناسى جۇيەلى دە جان - جاقتى. تەتىك − تولىق، ءدال ءتۇسىنىپ، تياناقتاندىرىلۋىن قاز - قالپىندا جاقسى يگەرۋدە. دۇرىس ناتيجە كوزقاراسىن مىقتاپ ورناتىپ، قىزمەت ورنىن شەپ رەتىندە ساقتاپ، قىزمەتتى ءىس رەتىندە ىستەپ، ۇلەس قوسۋدى بورىش دەپ ساناپ، تەز ىستەۋ مەن ۇزاق ۋاقىت تاباندىلىقپەن ىستەۋدى ۇشتاستىرىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن تىڭعىلىقتى ورىستەتىپ، ورنىقتىلىقتى قورعاۋ قىزمەتىن تىڭعىلىقتى ىستەپ، ەكونوميكانىڭ جوعارى ساپالى دامۋىن تىڭعىلىقتى ىلگەرىلەتىپ، ءۇش ۇلكەن قامال الۋ شايقاسىن تىڭعىلىقتى جۇرگىزىپ، جىبەك جولى ەكونوميكالىق بەلدەۋىنىڭ وزەكتى رايونىن قۇرۋ، اۋىل - قىستاقتى گۇلدەندىرۋ، ساياحات شارۋاشىلىعىن دامىتۋ سىندى ءۇش ءتۇيىندى تىڭعىلىقتى يگەرىپ، رەفورما جاساۋ، ەسىك اشۋدى تىڭعىلىقتى تەرەڭدەتىپ، حالىق تۇرمىسىن تىڭعىلىقتى قامتاماسىز ەتىپ، جاقسارتىپ، ۇلتتار ىنتىماعىن تىڭعىلىقتى نىعايتىپ، دامىتىپ، ءدىن جاراسىمدىلىعىن تىڭعىلىقتى جەبەپ، وقۋ - اعارتۋ، مادەنيەت، يدەولوگيا سالاسىنداعى قىزمەتتەردى تىڭعىلىقتى ويداعىداي ىستەپ، بيڭتۋاننىڭ رەفورماسىن، دامۋىن، ورنىقتىلىعىن قولداۋ قىزمەتىن تىڭعىلىقتى ويداعىداي ىستەپ، پارتيانى جاپپاي قاتاڭ جونگە سالۋدى تىڭعىلىقتى ىلگەرىلەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ، اسىرەسە، قوعام ورنىقتىلىعى مەن باياندى تىنىشتىق باس نىساناسىنىڭ تەرەڭ تامىر تارتۋىنا شىنايى كەپىلدىك ەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازۋ كەرەك.
ءماجىلىس مىنانى ۇندەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ونان ارى تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جاڭا جۇڭگو قۇرىلعاندىعىنىڭ 70 جىلدىعىن ورنىقتىلىق، دامۋدىڭ ناقتى ناتيجەلەرىمەن قۇتتىقتاۋ كەرەك.
اۆتونوميالى رايوندىق پارتكومنىڭ مۇشەسى، كانديدات مۇشەسى ەمەس ولكە دارەجەلى باسشى كادرلار، پارتيا 19 - قۇرىلتايىنىڭ رايونىمىزداعى ۋاكىلدەرى، اۆتونوميالى رايوندىق ءتارتىپ تەكسەرۋ كوميتەتىنىڭ مۇشەلەرى، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.
