تيانشان تورى   ›   جاڭالىقتار   ›   ماڭىزدى حابارلار

شي جينپيڭ بريكس ەلدەرى باسشىلارىنىڭ ءديدارلاسۋىنا قاتىناستى

  شينحۋا اگەنتتىگىنىڭ 6 - ايدىڭ 28 - كۇنى وساكادان بەرگەن حابارى (تىلشىلەر لي جيانمين، حاۋ ۋيۋي). بريكس ەلدەرى باسشىلارىنىڭ ءديدارلاسۋى 6 - ايدىڭ 28 - كۇنى وساكادا ءوتتى. مەملەكەت ءتوراعاسى شي جينپيڭ، برازيليانىڭ زۇڭتۇڭى بولسونارو، رەسەيدىڭ زۇڭتۇڭى پۋتين، ءۇندىستاننىڭ زۇڭليى مودي، وڭتۇستىك افريكانىڭ زۇڭتۇڭى راماپوسا قاتىناستى. 5 ەلدىڭ باسشىلارى بريكستىڭ سەرىكتەستىك قارىم - قاتىناسى، الەمدىك جونگە سالۋ، عىلىم - تەحنيكادا جاڭالىق اشۋ سەلبەستىگى سياقتىلاردى وزەك ەتە وتىرىپ ىشكەرىلەي پىكىر اۋىستىرىپ، كەڭ كولەمدى ورتاق تانىمعا كەلدى. بريكس ەلدەرى مەحانيزمىنىڭ كەزەكتى ءتوراعا ەلى برازيليانىڭ زۇڭتۇڭى بولسونارو ءديدارلاسۋدى باسقاردى.

  شي جينپيڭ بىلاي دەپ اتاپ كورسەتتى: قازىر حالىقارالىق جاعداي كۇردەلى دە قاتاڭ كەزەڭدە تۇر. دۇنيە ءجۇزى ەكونوميكاسى جالپى تۇلعالىق جاقتا ارتۋدى ساقتاعانىمەن، ءبىراق تۇراقسىزدىق، ورنىقسىزدىق كورنەكتى ارتتى. بريكس ەلدەرى ءوز ىستەرىن ويداعىداي تىڭعىلىقتى ىستەۋى، دامۋدا توزىمدىلىك كورسەتۋ جانە سىرتقى حاۋىپ - قاتەرلەرگە توتەپ بەرۋ قابىلەتىن كۇشەيتۋى ءتيىس. سونىمەن بىرگە، ءبىز ىنتىماقتاسا سەلبەسۋدى كۇشەيتىپ، ءوزارا قۇرمەت ەتەتىن، ءادىل دە تۋراشىل، سەلبەستىك جاساپ، تەڭ يگىلىكتەنەتىن جاڭاشا حالىقارالىق قارىم - قاتىناس ورناتۋدى ىلگەرىلەتىپ، تاماشا حالىقارالىق ورتا جاراتۋعا قۇلشىنۋىمىز كەرەك.

  ءبىرىنشى، بريكستىڭ ستراتەگيالىق سەرىكتەستىك قارىم - قاتىناسىن كۇشەيتۋ. ەكىنشى 10 جىلدا، 5 ەلدىڭ باسشىلارى ستراتەگيالىق جەتەكتەۋ رولىن ساۋلەلەندىرىپ، بريكس سەلبەستىگىنىڭ دۇرىس بەتالىسىن ويداعىداي يگەرىپ، بريكس سەلبەستىگىنىڭ ءۇرتىس ورنىقتى قاداممەن بولاشاققا بەت الۋىن ىلگەرىلەتۋ ءتيىس. ءبىز بىرلەسكەن مەملەكەتتەر ۇيىمى، 20 ەل توبى، دۇنيە جۇزىلىك ساۋدا ۇيىمى سياقتى كوپ جاقتى مەحانيزم جۇلگەسىندە ساياساتتىق سايكەستىكتى كۇشەيتۋىمىز كەرەك. ”بريكس +“ سەلبەستىگىن ىلگەرىلەتىپ، بازارى جاڭادان گۇلدەنگەن باسقا دا ەلدەرمەن جانە وركەندەپ كەلە جاتقان ەلدەرمەن دامۋعا، گۇلدەنۋگە بىرگە تالپىنۋىمىز كەرەك.

  ەكىنشى، الەمدىك جونگە سالۋدى ىلگەرىلەتۋ، كەمەلدەندىرۋ. بريكس ەلدەرى كوپ جاقتىلىقتى تاباندىلىقپەن قولداۋى، حالىقارالىق زاڭدى نەگىز ەتكەن حالىقارالىق ءتارتىپتى، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى قورعاپ، بىرگە اقىلداسۋدى، بىرگە قۇرۋدى، بىرگە يگىلىكتەنۋدى دارىپتەپ، زاڭسىز سىڭار جاقتى جازاعا جانە ”الىستان شاۋجايلاۋ“عا قارسى تۇرۋ كەرەك. ءبىز قورعامپازدىققا ايقىن تۋ ۇستاي وتىرىپ قارسى تۇرىپ، دۇنيە جۇزىلىك ساۋدا ۇيىمىنىڭ وزەكتى قۇن كوزقاراسىن جانە نەگىزگى پرينسيبىن قورعاپ، حالىقارالىق قوعامنىڭ بىرلەسكەن مەملەكەتتەر ۇيىمىنىڭ 2030 - جىلعى باياندى دامۋ كەڭەس ءتارتىبىن جانە كليمات وزگەرىسىنە توتەپ بەرۋدەگى «پاريج كەلىسىمىن» تياناقتاندىرۋدى بەلسەنە ىلگەرىلەتىپ، حالىقارالىق سەلبەستىك نەگىزگى اۋەنىن اسقاقتاتۋىمىز كەرەك.

  ءۇشىنشى، ءار سالانىڭ ناقتى سەلبەستىگىن تەرەڭدەتۋ. ءبىز بريكستىڭ ەكونوميكا، ساياسي حاۋىپسىزدىك، گۋمانيتارلىق اۋىس - كۇيىس سىندى 3 ۇلكەن سالاداعى سەلبەستىگىن تەپە - تەڭ ىلگەرىلەتىپ، بريكستىڭ جاڭا ونەركاسىپ توڭكەرىسىندىك سەرىكتەستىك قارىم - قاتىناسى، ”جاڭالىق اشاتىن بريكس“ جەلىسى، بولاشاق جەلى زەرتتەۋ ورنى سياقتى ناقتى سەلبەستىك نىساندارىن سالۋدى جەدەلدەتىپ، بريكس ەلدەرىنىڭ باسەكەلىك قابىلەتىن ءوسىرۋىمىز كەرەك. الەمدىك جاڭالىق اشۋ سەلبەستىگىنە ىشكەرىلەي قاتىناسىپ، ءوزارا تيىمدىلىك جەتكىزىپ، تەڭ يگىلىكتەنۋدى بىرگە دارىپتەپ، اشىق، ءادىل، كەمسىتۋ بولماعان ءتيىمدى ورتا ازىرلەپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردى قامتىعان ءار ەلدى جانە ولاردىڭ كاسىپورىندارىن عىلىم - تەحنيكادا جاڭالىق اشۋعا قاتىناستىرۋعا ءارى ونان يگىلىككە كەنەلتۋگە مۇمكىندىك جاساۋىمىز كەرەك.

  شي جينپيڭ بىلاي دەپ باسا دارىپتەدى: ءبىز ءبىر - ءبىرىمىزدى ۇزدىكسىز قولداپ، ءوزارا كومەكتەسىپ، 5 ەل حالقىنىڭ تاماشا تۇرمىسى، ادامزاتتىڭ تاعدىرلاس ورتاق تۇلعاسى جولىندا قاجىماي - تالماي قۇلشىنۋىمىز كەرەك.

  ءديدارلاسۋعا قاتىناسقان ەلدەردىڭ باسشىلارى مىنالاردى ءبىلدىردى: بۇگىنگى تاڭداعى دۇنيە ءجۇزى تۇراقسىزدىققا تولى، حالىقارالىق قوعام سىڭار جاقتىلىق پەن قورعامپازدىق باس كوتەرگەن، حالىقارالىق ساۋدا ەرەجەسى مەن الەمدىك ساۋدا ۇيىمى السىرەۋگە جانە ويرانداۋعا ۇشىراعان، دامۋداعى سيىسىمدىلىقتى كۇشەيتۋگە تۋرا كەلگەن سىن - سايىستارعا ءدوپ كەلدى. بريكس ەلدەرى سايكەسۋدى كۇشەيتىپ، باسشىلىق رولدارىن اناعۇرلىم بەلسەندىلىكپەن، ىرىقتىلىقپەن ساۋلەلەندىرىپ، كوپ جاقتىلىقتى قورعاپ، ەرەجەنى نەگىز ەتكەن حالىقارالىق ساۋدا جۇيەسىن قورعاپ، ءوزارا قۇرمەت ەتۋدى نەگىز ەتكەن ادىلدىكتى، باياندى دامۋدى جانە ساۋدا ۇلگىسىن ىلگەرىلەتىپ، اناعۇرلىم تەپە - تەڭ حالىقارالىق ساۋدا كەلىسسوزى كەڭەس ءتارتىبىن بەلگىلەپ، بىرگە گۇلدەنۋ مەن دۇنيە ءجۇزى ەكونوميكاسىنىڭ ارتۋىن ىلگەرىلەتۋدە اناعۇرلىم زور رولىن ساۋلەلەندىرۋى كەرەك. بريكس ەلدەرى ءبىزدىڭ ىنتىماقتاسا سەلبەسەتىن ستراتەگيالىق قۇنىمىزدى اناعۇرلىم ايگىلەپ، وركەندەپ كەلە جاتقان ەلدەردىڭ دامۋ ۇقىق - مۇددەسىن تاباندىلىقپەن قورعاپ، جاڭادان گۇلدەنگەن ەكونوميكالىق تۇلعالار مەن وركەندەپ كەلە جاتقان ەلدەردىڭ حالىقارالىق ىستەردەگى ورنىن جوعارىلاتۋىمىز كەرەك. بريكس ەلدەرى سيفرلى ەكونوميكا، ەنەرگيا، فينانس سياقتى سالالارداعى سەلبەستىكتى كۇشەيتىپ، سىرتقى حاۋىپ - قاتەردى اناعۇرلىم ويداعىداي تەجەۋى كەرەك. 20 ەل توبى باسشىلارىنىڭ باسشىلار ءماجىلىسى دامۋدى ءتۇيىندى كەڭەس تاقىرىبى ەتۋدى ىلگەرىلەتىپ، افريكانىڭ دامۋىنا كومەكتەسۋ ۋادەسىن تياناقتاندىرۋى كەرەك.

  ءديدارلاسۋدا بىرلەسكەن اقپارات مازمۇنداماسى جاريالاندى.

  ديڭ شۋەشياڭ، ليۋ حى، ياڭ جيەچى، ۋاڭ ي، حى ليفىڭ قاتارلىلار ءديدارلاسۋعا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.