شينحۋا اگەنتتىگىنىڭ 6 - ايدىڭ 28 - كۇنى وساكادان بەرگەن حابارى (تىلشىلەر جياڭ گوپىڭ، حۋاڭيىن جيازى). مەملەكەت ءتوراعاسى شي جينپيڭ 6 - ايدىڭ 28 - كۇنى وساكادا جۇڭگو - افريكا باسشىلارىنىڭ ءديدارلاسۋىن باسقاردى. جۇڭگو - افريكا سەلبەستىك تالقى مىنبەرىنە افريكا جاقتان تاعايىندالعان بۇرىنعى تەڭ ءتوراعا ەل وڭتۇستىك افريكا زۇڭتۇڭى راماپوسا، افريكا وداعىنا كەزەكتى ءتوراعا ەل ەگيپەتتىڭ زۇڭتۇڭى سيسي، جۇڭگو - افريكا سەلبەستىك تالقى مىنبەرىنە افريكا جاقتان تاعايىندالعان قازىرگى تەڭ ءتوراعا ەل سەنەگالدىڭ زۇڭتۇڭى سال جانە بىرلەسكەن مەملەكەتتەر ۇيىمىنىڭ باس حاتشىسى گۋتتەرەس قاتىناستى. ءديدارلاسۋعا قاتىناسقان باسشىلار جۇڭگو - افريكا سەلبەستىگىن تەرەڭدەتۋ، افريكانىڭ دامۋىن جانە بىرلەسكەن مەملەكەتتەر ۇيىمىنىڭ قىزمەتىن قولداۋ، كوپ جاقتىلىقتى قورعاۋ سياقتى كەلەلى ماسەلەلەردە پىكىر اۋىستىرىپ، كەڭ كولەمدە ورتاق تانىمعا كەلدى.
شي جينپيڭ سوزىندە بىلاي دەپ اتاپ كورسەتتى: بىلتىر 9 - ايدا وتكىزىلگەن جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسى جۇڭگو - افريكا قارىم - قاتىناسىنىڭ جاڭا ءداۋىرىن اشتى. جۇڭگو جاق جۇڭگو مەن افريكانىڭ ءداستۇرلى دوستىعىن قاستەرلەيدى. مەيلى حالىقارالىق اۋقىم قالاي وزگەرسە دە، ءىشىنارا كۇشتەر قالاي كەدەرگىلىك جاساسا دا، جۇڭگو مەن افريكانىڭ سەلبەسىپ تەڭ يگىلىككە كەنەلۋ، ورتاق دامۋ اۋەلگى ماقساتى وزگەرمەيدى، جۇڭگو مەن افريكا تىزە قوسا سەلبەسىپ، اناعۇرلىم نىعايعان تاعدىرلاس ورتاق تۇلعا قۇرۋ بەكىمىنەن استە بۇلجىمايدى.
شي جينپيڭ مىناداي 3 دارىپتەمەنى العا قويدى:
ءبىرىنشى، ءبىز تەڭ يگىلىككە كەنەلىپ دامۋدىڭ باستاماشىسى بولىپ، سەلبەستىك جەتىستىكتەرى ارقىلى جۇڭگو مەن افريكانىڭ ءتىپتى كوپ حالقىنا تيىمدىلىك جەتكىزۋىمىز كەرەك. جۇڭگو مەن افريكانىڭ ”ءبىر بەلدەۋ، ءبىر جول“دى بىرگە قۇرۋىن افريكا وداعىنىڭ «2063 - جىلعى كەڭەس ءتارتىبى»مەن، بىرلەسكەن مەملەكەتتەر ۇيىمىنىڭ 2030 - جىلعى باياندى دامۋ كەڭەس تارتىبىمەن، افريكا ەلدەرىنىڭ دامۋ ستراتەگيالارىمەن دالمە - ءدال ۇشتاستىرىپ، بەيجيڭدەگى باسشىلار ءماجىلىسىنىڭ تابىستارىن تياناقتاندىرۋ ارقىلى جۇڭگو - افريكا حالىقتارىنا كوزبەن كورىپ، قولمەن ۇستاۋعا بولاتىن ءتىپتى كوپ جاقسىلىقتار اكەلۋىمىز كەرەك.
جۇڭگو جاق شىنايى، ىقىلاستى، ادال بولۋ ۇستانىمىن جانە دۇرىس بورىش - مۇددە كوزقاراسىن ۇستانىپ، افريكاعا بەرگەن ۋادەسىن قاز - قالپىندا ورىندايدى، افريكانىڭ دامۋىن بۇلجىماي قولدايدى، افريكانىڭ دامۋىنا، گۇلدەنۋىنە جانە بىرلەسىپ الۋەتتەنۋىنە ءتىپتى زور ۇلەس قوسادى.
ەكىنشى، ءبىز ەسىك اشا سەلبەسۋدىڭ جەتەكشىسى بولىپ، افريكانىڭ دامۋىن قولداۋدىڭ ءتىپتى مىعىم بىرىككەن كۇشىن ۇيىستىرۋىمىز كەرەك. حالىقارا افريكامەن سەلبەسۋدە افريكانى الدىمەن دامىتۋعا تاباندى بولۋى، افريكانىڭ تىلەگىنە قۇرمەت ەتۋى، افريكانىڭ مۇددەسىن قورعاۋى ءتيىس. وزىمنەن كەرەمەت ەشكىم جوق دەيتىن، ءوزىن بارىنەن بۇرىن ويلاستىراتىن، وزگەگە زيان سالىپ، ءوزى پايداعا كەنەلەتىن ءارقانداي ءتاسىلدى جۇرت كوڭىلى قۇپ كورمەيدى، ەلگە جاقپايدى.
جۇڭگو جاق حالىقارالىق قوعامنىڭ افريكاعا ۇسىنىلىمدى ارتتىرۋىن ىلگەرىلەتىپ، بىرلەسكەن مەملەكەتتەر ۇيىمىمەن بىرگە افريكا ەلدەرىنىڭ الەمدىك سايىستارعا لايىقتى توتەپ بەرۋىنە كومەكتەسىپ، افريكانىڭ تىلەگىنە قۇرمەت ەتۋ نەگىزىندە بىرلەسكەن مەملەكەتتەر ۇيىمىمەن جانە حالىقارالىق سەرىكتەرمەن بىرگە افريكادا ءۇشىنشى جاق سەلبەسۋىن ورىستەتۋدى قالايدى.
ءۇشىنشى، ءبىز كوپ جاقتىلىقتىڭ قورعاۋشىسى بولىپ، حالىقارالىق ءتارتىپتى قورعاۋعا ءتىپتى زور ۇلەس قوسۋىمىز كەرەك. وركەنيەتتەردىڭ كوپ تۇرلىلىگى مەن دامۋدىڭ سيىسىمدىلىعىنا تاباندى بولىپ، بىرگە اقىلداسۋ، بىرگە قۇرۋ، تەڭ يگىلىكتەنۋ پرينسيبىن ۇستانىپ، حالىقارالىق قارىم - قاتىناستىڭ دەموكراتيالانۋ اياق الىسىن سەلبەسە ىلگەرىلەتىپ، تۋى ايقىن تۇردە قورعامپازدىققا، سىڭار جاقتىلىققا، وكتەمدىك ءىس - ارەكەتكە، وركەنيەتتەر قاقتىعىسى ءپاتۋاسىنا قارسى تۇرىپ، كوپ جاقتىلىق پەن ەركىن ساۋدا ءتۇزىلىسىن بىرگە قورعاپ، وركەندەپ كەلە جاتقان ەلدەردىڭ، اسىرەسە، افريكا ەلدەرىنىڭ ۇيلەسىمدى تىلەگى مەن ورىندى ۇقىق مۇددەسىن تولىق ويلاستىرىپ، حالىقاراداعى ادىلدىك پەن ادىلەتتىلىكتى بەلسەنە قورعاۋىمىز كەرەك.
جۇڭگو جاق بىرلەسكەن مەملەكەتتەر ۇيىمى سياقتى كوپ جاقتى ساحنادا افريكا ەلدەرى ءۇشىن ادىلدىكتەن تايماي، قاتىستى بايلىقتاردى افريكاعا بەيىمدەۋدى ىلگەرىلەتىپ، بىرلەسكەن مەملەكەتتەر ۇيىمىنىڭ افريكانىڭ بەيبىتشىلىكتى ءوزى قورعاۋ ارەكەتىن بايلىقپەن قامداۋىن ۇزبەي ىلگەرىلەتىپ، افريكانىڭ باياندى تىنىشتىعى مەن دامۋىن، گۇلدەنۋىن ىسكە اسىرۋعا قاجىماي - تالماي قۇلشىنادى.
شي جينپيڭ بىلاي دەپ باسا دارىپتەدى: جۇڭگو جاق وسى رەتكى ءديدارلاسۋدى وراي ەتىپ، افريكا ەلدەرىمەن جانە بىرلەسكەن مەملەكەتتەر ۇيىمىمەن بىرگە ستراتەگيالىق بايلانىس جاساۋدى كۇشەيتىپ، ناقتى ىستەرمەن شۇعىلدانۋ سەلبەستىگىن تەرەڭدەتىپ، قول ۇستاسا حالىقارالىق اۋقىمنىڭ دامۋىنا وڭ ەنەرگيا ۇستەپ، ءبىر - ءبىرىن قۇرمەت ەتەتىن، ءادىل، تۋراشىل، سەلبەسىپ تەڭ يگىلىككە كەنەلەتىن جاڭاشا حالىقارالىق قارىم - قاتىناس ورناتۋدى بىرگە ىلگەرىلەتىپ، ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتۋدى قالايدى.
ءديدارلاسۋعا قاتىناسقان افريكا جاقتىڭ باسشىلارى مىنالاردى ءبىلدىردى: جۇڭگو جاقتىڭ وسى رەت جۇڭگو - افريكا باسشىلارىنىڭ ءديدارلاسۋىن ۇيىمداستىرۋى افريكاعا ءمان بەرەتىندىگىن جانە افريكا - جۇڭگو اراسىنداعى ەتەنە قارىم - قاتىناستى تولىق ايگىلەدى. بىلتىر وتكىزىلگەن جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسى جانە جاڭا عانا بەيجيڭدە وتكىزىلگەن بەيجيڭدەگى باسشىلار ءماجىلىسىنىڭ تابىستارىن تياناقتاندىرۋدى سايكەستىرۋشىلەر ءماجىلىسى اسا تابىستى بولدى. افريكا - جۇڭگو سەلبەستىگى ناقتى، جوعارى ءونىمدى بولدى، ارەكەتتى باعدار ەتتى، سوڭىن قامتاماسىز ەتۋ مەحانيزمى مىعىم، پارمەندى بولىپ، افريكا ەلدەرىنىڭ ناقتى قاجەتىنە وتە جاقسى جاۋاپ بەرگەن. افريكا جاق جۇڭگو جاقتىڭ ۇزاق ۋاقىتتان بەرى افريكانىڭ دامۋىنا بەلسەندى ۇلەس قوسقاندىعىنا العىس ايتادى، جۇڭگونىڭ باسقا ەلدىڭ ىشكى ىستەرىنە ەجەلدەن كيلىكپەگەنىن القايدى. باسقا ەلدەردىڭ جۇڭگونى ۇلگى ەتىپ، افريكانىڭ دامۋىنا كومەكتەسىپ، دامۋ قارجىسىمەن قامداپ، افريكانىڭ دامۋ دەڭگەيىن جوعارىلاتۋىن ءۇمىت ەتەدى. افريكا ەلدەرى جۇڭگومەن بىرگە بەيجيڭدەگى باسشىلار ءماجىلىسى تۇراقتاندىرعان ”سەگىز ۇلكەن ارەكەت“تى تياناقتاندىرىپ، ”ءبىر بەلدەۋ، ءبىر جول“دى بەلسەنە بىرگە قۇرىپ، افريكا - جۇڭگونىڭ اناعۇرلىم نىعايعان تاعدىرلاس ورتاق تۇلعاسىن ورناتۋدى قالايدى. جۇڭگو - افريكا كوپ جاقتىلىق پەن ەركىن ساۋدا جۇيەسىن سەلبەسىپ قورعاپ، حالىقارالىق ءتارتىپتىڭ اناعۇرلىم ءادىل، ۇيلەسىمدى بولۋىن ىلگەرىلەتۋى كەرەك.
بىرلەسكەن مەملەكەتتەر ۇيىمىنىڭ باس حاتشىسى گۋتتەرەس مىنالاردى ءبىلدىردى: جۇڭگو افريكانىڭ دامۋىن جەبەۋدە اسا ماڭىزدى بەلسەندى رول اتقاردى. جۇڭگو - افريكا سەلبەستىگىنىڭ بىرلەسكەن مەملەكەتتەر ۇيىمىنىڭ 2030 - جىلعى باياندى دامۋ كەڭەس ءتارتىبىن ىسكە اسىرۋدا زور ءمان الاتىندىعىنا سەنەمىن. بىرلەسكەن مەملەكەتتەر ۇيىمى جۇڭگو - افريكا سەلبەستىگىن جانە افريكانىڭ وزىندىك دامۋىن بار كۇشپەن قولدايدى جانە وعان ات سالىسادى، ”ءبىر بەلدەۋ، ءبىر جول“، جۇڭگو - افريكا سەلبەستىك تالقى مىنبەرى جۇلگەسىندەگى سەلبەستىگىن قولدايدى.
ءديدارلاسۋدان بۇرىن شي جينپيڭ ماجىلىسكە قاتىناسقان باسشىلارمەن ءبىر - بىرلەپ قول الىستى ءارى توپتىق سۋرەتكە ءتۇستى.
ديڭ شۋەشياڭ، ياڭ جيەچى، ۋاڭ ي قاتارلىلار ءديدارلاسۋعا قاتىناستى.
