تيانشان تورى   ›   بىلگەنگە مارجان   ›   پايدالى كەڭەس

جاز ماۋسىمىندا دا سۋىقتان ساقتانۋ كەرەك پە؟

  جاز ماۋسىمى كەلىسىمەن، تەمپەراتۋرا جوعارىلاپ، تىمىرسىق اۋا ادامداردى بەيمازا كۇيگە ەنگىزەدى، سوندىقتان كوپتەگەن ادامدار ىستىقتان قورعانىپ، تەمپەراتۋرانى تومەندەتۋ امالىن قاراستىرادى.الايدا، وسى ماۋسىم وڭاي سۋىق ۇستايتىن مەزگىل ەسەپتەلىنەدى، سوندىقتان ىستىقتان قورعانامىن دەپ سۋىق وتكىزىپ الۋدان ساقتانۋ كەرەك.

  سۋىق وتكىزىپ الۋدان ساقتانۋدان بۇرىن ءبىز الدىمەن بۇل سۋىقتىڭ قايدان كەلەتىنىن ءبىلۋىمىز ءتيىس. ادەتتە، جاز ماۋسىمىنداعى سۋىق تومەندەگى بىرنەشە جاقتان پايدا بولادى:

  ءبىرىنشى، شيكى، سۋىق جەمەكتىكتەردى جەۋدە . سالقىنداپ، ىستىقتى قايتارۋ ءۇشىن، جازدا ادامدار كوبىنەسە سالقىن قۋىرماش، توڭازىتىلعان جەمىس-جيدەكتەر، سىرا، ماروجني قاتارلى سالقىن ىشپەك-جەمەكتىكتەردى جەيدى، بۇل ازىقتىتاردى كوپ جەگەندە كوكباۋىر، اسقازاندى سۋىق الىپ، اسقازان اۋرۋى، ءىش ءوتۋ قاتارلاردى كەلتىرىپ شىعارادى. سونىمەن قاتار، شيكى، سۋىق جەمەكتىكتەر تولىق قورىتىلمايدى، ەگەر ۇزاق ۋاقىت تۇتىنسا، ادام دەنەسىن جەل-قۇز الىپ، دەنساۋلىققا زيان تۋدىرادى.

  ەكىنشى، اۋا رەتتەگىشتى ۇزاق ۋاقىت پايدالانۋ. شىلىڭگىر ىستىقتا، اۋا رەتتەگىشتەن پايدالانىپ تەمپەراتۋرانى تومەندەتۋ ەڭ ءونىمدى ءادىس. الايدا، دەنەڭىز تەرلەپ تۇرعاندا اۋا رەتتەگىشتەن شىققان سۋىق اۋا تەرى بەزدەرىن تىتىركەندىرىپ، تەر سۇيىقتىعى دەركەزىندە سىرتقا شىعارىلمايدى دا، باس اۋرۋ، بۋىن قاقساۋ قاتارلى اۋرۋلار وڭاي پايدا بولادى. كەي ادامدار ءتىپتى اۋا رەتتەگىشتىڭ تەمپەراتۋراسى وتە تومەن تەڭشەپ الادى دا، بولمەنىڭ ءىشى مەن سىرتىنىڭ اۋا تەمپەراتۋراسىندا پارىق زورايىپ، وڭاي تۇماۋراتۋ، دەنەنىڭ سۋىعى اسۋ جاعدايلار كەلى شىعادى.

  ءۇشىنشى، ۇنەمى سۋىق سۋعا جۋىنۋ. سۋىق سۋعا جۋىنۋ دەنە تەمپەراتۋراسىن دەرەۋ تومەندەتكەنىمەن، الايدا دەنە قىزىپ تۇرعاندا سۋىق سۋعا جۋىنۋ تەرىدەگى قان تامىردى دەرەۋ تىتىركەندىرىپ، جۇرەك پەن وكپەنىڭ اۋىرتپالىعىن ارتتىرىپ، قالىپتى قان اينالىسقا ىقپال كورسەتەدى، سونىمەن قاتار، ادام دەنەسىنىڭ اۋىرۋعا قارسىلىق قۋاتىن تومەندەتىپ، دەنەنى وڭاي سۋىق الادى دا، بۋىن قاقساۋ، رەۆماتيزم، رەۆماتويد سىندى اۋرۋلاردى وڭاي تۋدىرادى. بۇدان سىرت، دىمقىل ورىندا ۇزاق ۋاقىت تۇرعاندا ادام دەنەسىندە جەل-قۇز وڭاي پايدا بولادى.

  جاز ماۋسىمىندا، كۇندەلىكتى تۇرمىستا تومەندەگى بىرنەشە تۇيىندەرگە كوڭىل ءبولۋ كەرەك.

  الدىمەن، سۋىققا وتە جۋىق بولماۋ. جاز ماۋسىمىندا سۋىق ازىقتىقتاردى مولشەردەن تىس تۇتىنباۋ، باستىسى قورەكتىك تەڭشەۋگە كوڭىل ءبولۋ، تاماق تالعاماۋ كەرەك. ودان سوڭ، سۋىق جەلدىڭ دەنەگە تىكە كەلتىرمەۋ. مەيلى اۋا رەتتەگىش الدە ەلەكتىرگىشتىجەلدەتكىش بولسىن، پايدالانعان كەزدە تەمپەراتۋراسى شەكتەن تىس تومەن بولماۋسى، ەڭ ىلايىقتىسى 26 سەلتسي گرادۋس اينالاسىندا بولۋى، تۇندە اۋا رەتتەگىش پەن ەلەكترلى جەلدەتكىشتى توقتاتىپ قويۋ نەمەسە تەمپەراتۋراسىن تومەن تەڭشەۋ، باس بولىمىنە جەل تىكە كەلۋدەن ساقتانۋ كەرەك. سوڭىندا، كەشتە ۇيىقتاعاندا كىندىكتى، جۇتقىنشاق سونداي-اق جاۋىرىندى جاۋىپ جاتۋ كەرەك، بۇل بولىمدەر ادام دەنەسىندەگى ەڭ ءالسىز ورىندار، ەڭ جاقسىسى سۋىق تيگىزىپ الۋدان ساقتانۋ كەرەك.

  جوعارىدا ايتىلعان سۋىقتان ساقتانۋ تاسىلدەرىنەن سىرت، ىشپەك-جەمەككە كوڭىل ءبولۋ، نەگىزگى تاعامداردى، مىسالى كوكونىس، بۇرشاق تەكتەس ازىقتاردى كوبىرەك تۇتىنۋ كەرەك، جاز كۇندەرى ادام دەنەسىنىڭ زات الماسۋى ءبىرشاما تەز بولادى، دەنەدە جاراقسىز زاتتار كوپ پايدا بولادى، نەگىزگى تاعامداردى كوبىرەك تۇتىنعاندا دەنەنىڭ قىشقىلدىق دارەجەسىن دۇرىس ساقتاپ، دەنەنىڭ قارسىلىق قۋاتىن كۇشەيتۋگە بولادى. سونىمەن بىرگە، قايناعان سۋدى كوپ ءىشۋ، ادام دەنەسى ءبولىپ شىعارعان سۋ مەن مينەرالدىق زاتتاردى دەركەزىندە تولىقتاپ وتىرۋ كەرەك. ءبىراق سۋدى دا شەكتەن تىس كوپ ىشۋگە بولمايدى، ايتپەگەندە بۇيرەك قىزمەتى اۋىرلاسىپ، دەنساۋلىققا زيان. بۇدان سىرت، جاز ماۋسىمىندا ىستىق ىشىمدىكتەردى كوپ ىشسە بولادى. ىستىق ىشىمدىك ىستىقتى باسىپ قانا قالماستان، ۇساق قان تامىرلاردى كەڭەيتەدى، سول ارقىلى تەمپەراتۋرانى تومەندەتىپ، اسقازاندى جىلىتىپ ءشولدى باسۋ رولىن اتقارادى.

  قورىتىپ ايتقاندا، جاز ماۋسىمندا سۋىقتان ساقتانۋ وتە ماڭىزدى، سالقىنداۋمەن بىرگە سۋىقتان ساقتانۋعا دا كوڭىل ءبولىپ، دۇرىس، عىلمي تاسىلدەرمەن دەنەنى سۋىق الۋدان ساقتانۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى