تيانشان تورى   ›   ۇيرەنۋ   ›   نازاريا

اۋەلگى ماقساتتى، بورىشتى ۇمىتپاي، ءداۋىر تولقىنىنىڭ الدىڭعى لەگىندە ماڭگى قاسقايىپ تۇرايىق

− جۇڭگو كوممۋنيستىك پارتياسى قۇرىلعاندىعىنىڭ 98 جىلدىعى بايلانىسىمەن

شينحۋا اگەنتتىگىنىڭ تىلشىلەرى حۋاڭ شياۋشي، جۋ جيچاي، ۋاڭ چي

  جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن جۇزەگە اسىرۋ!

  ەرەك اۋەلگى ماقسات پەن بورىش جۇڭگو كوممۋنيستىك پارتياسىن كىشكەنەدەن ۇلكەيۋگە، ۇلكەيۋدەن قۇدىرەتتەنۋگە، ”جەر شارىنداعى ەڭ ۇلكەن ساياسي كەرەمەت“تى جاراتۋعا جەتەكتەدى، ونان دا ماڭىزدىسى، ول وسى ساياسي پارتيانى ءبىر مەملەكەتتىڭ ارمانىمەن، ءبىر ۇلتتىڭ تالپىنىسىمەن، ميلليارد حالىقتىڭ تىلەگىمەن ءبىر ارنادا تىعىز توعىستىرىپ، ادامزات تاريحىنداعى جۇرت جۇرەگىن تەبىرەنتەرلىك دامۋ تاراۋىن جازدى.

  ەل تىرەگى، اقيقات جولىندا سان وزگەرىستى باستان كەشىردى.

  جۇڭگو كوممۋنيستىك پارتياسىنىڭ پارمەندى باسشىلىعى − جۇڭحۋا ۇلتىنىڭ ەڭسە كوتەرۋىنىڭ، بايۋىنىڭ، قۇدىرەتتەنۋىنىڭ شەشۋشى ءتۇيىنى؛ جۇڭگو كوممۋنيستىك پارتياسىنىڭ ايقىن قاسيەتى − ماركسيزمدىك ساياسي پارتيانىڭ اۋەلگى ماقساتتان اينىماي، بورىش ارقالاپ، ماڭگى كۇرەس جۇرگىزەتىن ءتۇبىرلى كەپىلى؛ جۇڭگو كوممۋنيستىك پارتياسىنىڭ اۋەلگى ماقساتى مەن بورىشى − 100 جىلدىق ءىرى پارتيانىڭ بولاشاققا بەت الىپ، سىن - سايىسپەن بەتپە - بەت كەلىپ، ءداۋىر تولقىنىنىڭ الدىڭعى لەگىندە ماڭگى قاسقايىپ تۇرۋىنىڭ سارقىلماس قوزعاۋشى كۇشى.

  پارتيا قۇرىلعاندىعىنىڭ 98 جىلدىعى قارساڭىندا، جاڭا جۇڭگو قۇرىلعاندىعىنىڭ 70 جىلدىعى كەزىندە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ شەشۋشى كەزەڭىندە، باس شۋجي شي جينپيڭ ورتالىق كوميتەت ساياسي بيۋروسىنىڭ 15 - رەتكى توپتىق ۇيرەنۋىندە بۇكىل پارتيا، ءسوز جوق، باستان - اياق اۋەلگى ماقساتتى ۇمىتپاي، بورىشتى ەستە بەرىك ساقتاپ، جاڭا داۋىردە پارتيانىڭ وزىنە توڭكەرىس جاساۋىن تەرەڭدەتە ءتۇسۋ كەرەك دەپ باسا دارىپتەدى.

  جۇڭگو اتتى الىپ كەمە گۇلدەنۋدىڭ بولاشاعىنا قاراي بەت تۇزەگەندە، باستان - اياق ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، باتىلدىقپەن وزىنە توڭكەرىس جاسايتىن، ءتۇرلى سىن - سىناقتاردان وتە الاتىن، جالىندى ومىرشەڭدىككە تولى ماركستىك ساياسي پارتيا الەمنىڭ شىعىسىندا اسقاق بوي سوزىپ تۇر.

  (شينحۋا اگەنتتىگىنىڭ 6 - ايدىڭ 30 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.