شينجياڭ گازەتىنىڭ شولۋشىسى
”1 - شىلدە“ قارساڭىندا، اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى. جينالىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەندى، دايەكتىلەندىردى، باس شۋجي شي جينپيڭنىڭ ورتالىق كوميتەت ساياسي بيۋروسىنىڭ 15 - رەتكى توپتىق ۇيرەنۋىندە سويلەگەن ماڭىزدى ءسوزىنىڭ رۋحىن ۇيرەندى، دايەكتىلەندىردى، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ۇيرەندى، دايەكتىلەندىردى. جينالىس تاريحي تاجىريبەلەردى قورىتىندىلاپ، جارقىن بولاشاققا كوز تاستاپ، اۆتونوميالى رايونداعى تاڭداۋلى كوممۋنيستىك پارتيا مۇشەلەرىن، تاڭداۋلى پارتيا ىستەرى قىزمەتكەرلەرىن جانە وزات نەگىزگى ساتى پارتيا ۇيىمدارىن سالتاناتتى تۇردە ماداقتاپ - سيلادى، بۇل، ءسوز جوق، بۇكىل رايونداعى ءار دارەجەلى پارتيا ۇيىمدارى مەن قالىڭ پارتيا مۇشەلەرىن اۋەلگى ماقساتتى ۇمىتپاۋعا، بورىشتى ەستە بەرىك ساقتاۋعا، جاۋاپكەرشىلىك ارقالاپ، ىسكەرلىك كورسەتۋگە، ءىس تىندىرىپ، ناتيجە شىعارۋعا، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشكەن جۇڭگوشا سوتسياليستىك شينجياڭ قۇرۋ ءۇشىن اناعۇرلىم كەسەك ۇلەس قوسۋعا ىنتالاندىرادى.
ۋاقىت سەنىمدى شىڭداپ، جىلدار اۋەلگى ماقساتقا كۋا بولادى. ءدال وسى ساتتە، جۇڭگونىڭ بايتاق دالاسىنا كوز سالساق، قالىڭ پارتيا مۇشەلەرىنىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىندە يدەيالىق سىننان ءوتۋدى قابىلداپ، جىگەرلەنە ارمانعا قۇلاش سەرمەۋدە. ۇلى جۇڭگو كوممۋنيستىك پارتياسى اۋەلگى ماقساتتا بولاتتاي بەرىك تۇرىپ، بورىش ارقالاپ، ۇلى كۇرەستە شىنىعىپ، ۇلى ينجەنەرياعا كۇش سالىپ، ۇلى ىستەردە قايراتتانا ىلگەرىلەپ، ۇلى ارمان ءۇشىن قانات قاعىپ، 100 جىلعا جۋىق ۋاقىتتا تىنباي ارشىندى قادام باسىپ، ءبىر عاسىردا ناق جاستىق جالىنىن قاۋلاتۋدا.
اۋەلگى ماقساتتى ۇمىتپاۋ، بورىشتى ەستە بەرىك ساقتاۋ. 98 جىلدان بەرى، پارتيامىز جۇڭگو حالقىن باقىتقا كەنەلتۋدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى اۋەلگى ماقسات جانە بورىش ەتىپ، ادامزات قوعامى تاريحىندا دۇنيەنى ءدۇر سىلكىنتكەن دامۋ كەرەمەتىن جاراتتى؛ اسىرەسە، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى وراسان زور ساياسي باتىلدىقپەن جانە كۇشتى جاۋاپكەرشىلىكپەن، پارتيا مەن مەملەكەت ىستەرىندە تاريحي جەتىستىكتەرگە قول جەتكىزۋدى، تاريحي وزگەرىس تۋىلۋدى ىلگەرىلەتىپ، جۇڭگوشا سوتسياليزمدى جاڭا داۋىرگە وتۋگە جەتەكتەدى. 98 جىلدان بەرى، پارتيامىز شينجياڭداعى ءار ۇلت حالقىنا باسشىلىق ەتىپ، سوتسياليزمنىڭ سارا جولىندا شينجياڭنىڭ دامۋىنىڭ، العا باسۋىنىڭ ايبىندى تاراۋىن جازدى؛ اسىرەسە، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى قوعام ورنىقتىلىعى مەن باياندى تىنىشتىق سىندى شينجياڭ قىزمەتىنىڭ باس نىساناسىن ايقىنداپ، شينجياڭ قىزمەتىنىڭ ورنىن ايقىنداپ، پارتيامىزدىڭ جاڭا جاعدايداعى شينجياڭدى جونگە سالۋ جالپى جوباسىن بايىتىپ جانە دامىتىپ، شينجياڭ قىزمەتىن ويداعىداي ىستەۋگە ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ۇسىندى. اماليات مىنانى تولىق دالەلدەدى: جۇڭگو كوممۋنيستىك پارتياسى بولماسا، جاڭا جۇڭگو بولماق ەمەس، سوتسياليستىك شينجياڭ بولماق ەمەس، شينجياڭداعى ءار ۇلت حالقىنىڭ بۇگىنگى باقىتتى، تاماشا جاڭا تۇرمىسى بولماق ەمەس.
بۇگىنگى جۇڭگو، بۇگىنگى شينجياڭ، بۇگىنگى ءبىز تاريحتىڭ شىڭىنا شەرۋ تارتۋدامىز، كوپتەگەن جاڭا تاريحي ەرەكشەلىككە يە ۇلى كۇرەس جۇرگىزۋدەمىز. ءدال وسى ساتتە، وتە - موتە، ءاربىر پارتيا ۇيىمى جاۋىنگەر قامالدىق رولىن ءتىپتى دە ساۋلەلەندىرۋى، وتە - موتە، ءاربىر پارتيا مۇشەسى ءتىپتى دە اۋەلگى ماقساتتى ۇمىتپاۋى، بورىشتى ەستە بەرىك ساقتاۋى، ايىنماستىقتى ساقتاۋى، بەرىك سەنىمدە بولىپ، ماڭگى بوساڭسىمايتىن رۋحاني كۇيمەن جانە ۇزدىكسىز العا باساتىن كۇرەسكەرلىك بەينەمەن جاڭا داۋىرگە ءتان شۇعىلالى ناتيجە جاراتۋى كەرەك.
ءبىر ۇيىم − ءبىر قامال، كوممۋنيستىك پارتيانىڭ ءبىر مۇشەسى − ءبىر تۋ. اۆتونوميالى رايوننىڭ تاڭداۋلى كوممۋنيستىك پارتيا مۇشەلەرىن، تاڭداۋلى پارتيا ىستەرى قىزمەتكەرلەرىن جانە وزات نەگىزگى ساتى پارتيا ۇيىمدارىن سالتاناتتى تۇردە ماداقتاپ - سيلاۋى ءارى ولاردىڭ ىزگى ىستەرى مەن رۋحتارىن تۇراقتاندىرۋى، ءارى بۇكىل پارتياداعى جولداستارعا ونەگە ورناتىپ، ءار سالا، ءار كاسىپكە ۇلگى كورسەتىپ بەرۋ بولىپ تابىلادى. بۇكىل رايونداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى ولاردى ۇلگى ەتىپ، وزاتتاردان ۇيرەنىپ، وزات بولۋعا تالپىنىپ، اۋەلگى ماقساتتى ۇمىتپاۋدا، بورىشتى ەستە بەرىك ساقتاۋدا اۆانگارد، ۇلگى بولىپ، پارتيا ورتالىق كوميتەتىنىڭ شينجياڭدى جونگە سالۋ، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي ۇيرەنۋدە، دايەكتىلەندىرۋدە اۆانگارد، ۇلگى بولۋ كەرەك.
نازاريامەن قارۋلانۋدى كۇشەيتىپ، مۇرات - سەنىمدى بەكەمدەۋدىڭ ۇلگىسى بولىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ باتىل سەنۋشىلەرى جانە ادال امالياتشىلارى بولۋدى مۇرات ەتۋ كەرەك. ساياسي تۇرعىنى بەكەمدەپ، پارتياعا شارتسىز ادال بولۋدىڭ ۇلگىسى بولىپ، ”ءتورت تانىم“دى شىنايى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداۋ كەرەك. ستراتەگيالىق تاباندىلىقتى ساقتاپ، قوعام ورنىقتىلىعىن قورعاۋدىڭ ۇلگىسى بولىپ، ورنىقتىلىقتىڭ بارلىعىن باسىپ تۇسەتىندىگىنەن جازباۋ كەرەك. ورنىقتىلىق بارىسىندا ىلگەرىلەۋگە تاباندى بولىپ، جوعارى ساپالى دامۋدى ىلگەرىلەتۋدىڭ ۇلگىسى بولۋ كەرەك. باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، قىزمەت ورنىن ءسۇيىپ، كاسىپتى قادىرلەۋدىڭ، ۇلەس قوسۋدىڭ ۇلگىسى بولىپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجە جاراتۋعا قۇلشىنۋ كەرەك. ءتۇبىرلى نەگىزگى ماقساتتى ەستە بەرىك ساقتاپ، حالىقتى يگىلىككە كەنەلتىپ، باقىتقا بولەۋدىڭ ۇلگىسى بولۋ كەرەك. توتەنشە قاتاڭ ستيلدى شىڭداپ، ۇزدىكسىز تۇردە شىنايى يگەرىپ، ناقتاپ ىستەۋدىڭ ۇلگىسى بولۋ كەرەك. كىرشىكسىز، پاك بولۋعا تاباندى بولىپ، پاك ستيل، دۇرىس سالتتى اسقاقتاتۋدىڭ ۇلگىسى بولۋ كەرەك.
ءار داۋىردەگى ادامداردىڭ وزىنە ءتان تاريحي بورىشى بار، ءار داۋىردەگى ادامداردىڭ وزىنە ءتان جاۋاپكەرشىلىگى بار. اۋەلگى ماقساتتى ۇمىتپاي، بورىشتى ەستە بەرىك ساقتاپ، قايراتتانا ءىس تىندىرىپ، ۇدەرە العا باسىپ، ءارقاشان حالىقپەن بىرگە ويلاپ، حالىقپەن بىرگە ىستەسەك، ءبىز، ءسوز جوق، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ساپارىندا كوركەم دە شۇعىلالى شينجياڭ تاراۋىن ويداعىداي جازا الامىز.
