6 - ايدىڭ 30 - كۇنى ونەرپازدار «وتان قۇشاعىندا» اتتى ولەڭدى مۋزيكامەن مانەرلەپ وقۋدا. سۋرەتتى ءتىلشى سۇي جىجيان تۇسىرگەن
ءتىلشى ياۋ تۇڭ 6 - ايدىڭ 30 - كۇنى ۇرىمجىدەن حابارلايدى. جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ ءۇشىن، 6 - ايدىڭ 28 - كۇنىنەن 30 - كۇنىنە دەيىن، اۆتونوميالى رايوندىق پارتكوم ۇگىت ءبولىمى، مادەنيەت جانە ساياحات مەڭگەرمەسى باس بولىپ ۇيىمداستىرعان «وتان قۇشاعىندا» اتتى سيمفونيالىق مۋزيكا ساۋىعى شينجياڭ حالىق سارايىندا ءوتتى، ءار ۇلت، ءار سالادان 8400دەن استام كورەرمەن ويىندى تاماشالادى.
مۋزيكا ساۋىعى «مەنىڭ وتانىم»، «بارلىعىن پارتياعا ارنايمىن»، «اۋەلگى ماقساتتى ۇمىتپاۋ» سىندى 3 تاراۋدان قۇرالعان، ءار ۇلت ادەبيەت - كوركەمونەر قىزمەتكەرلەرى اسەم ءان اۋەنىمەن، جەتىك ورىنداۋ ونەرىمەن جۇڭگو كوممۋنيستىك پارتياسىنا دەگەن العىسىن، وتانعا دەگەن سۇيىسپەنشىلىگىن، جۇڭگوشا سوتسياليستىك شينجياڭ قۇرۋعا دەگەن تاماشا تىلەگىن تولىق بەينەلەدى.
98 جىل بويى اۋەلگى ماقساتتى ۇمىتپادى؛ بورىشتى ەستە بەرىك ساقتاپ، 98 جىل ۇدەرە العا تارتتى. ”بۇل − قۇدىرەتتى وتانىم، مەنىڭ وسكەن جەرىم...“ مۋزيكا ساۋىعىنىڭ شىمىلدىعى ايبىندى، اسقاق «مەنىڭ وتانىم» اتتى سيمفونيالىق حورمەن اشىلدى. «ۇلى بەيجيڭ»، «ساحارادان بەيجيڭگە كوز جىبەرۋ»، «ساحاراداعى التىن كۇن»، «ءتوراعا ماۋ زىدۇڭنىڭ مەيىرىن ۇرپاقتار بويى ۇمىتپايمىز»، «ۋا، پارتيا، سۇيىكتى انام» اتتى اندەر ىركەس - تىركەس شىرقالىپ، شينجياڭ استانا بەيجيڭنەن شالعاي بولعانىمەن، ءار ۇلت حالقىنىڭ تىلەگى قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن بىتە قايناسىپ، تىعىز توعىسقانىن بەينەلەدى؛ «مەن جانە مەنىڭ وتانىم» اتتى سيمفونيالىق حور، «پامير، مەكەنىم نەتكەن كوركەم»، «سەنى سۇيەمىن، جۇڭگو» اتتى ايەلدەر جەكە ءانى، «بارلىعىن پارتياعا ارنايمىن»، «وتان، مەيىرلى انام» اتتى ەرلەر جەكە ءانى اسەم ىرعاق - اۋەنىمەن ەستىگەن جاندى اسەرلەندىرىپ، ۇلى پارتيانى، ىرىستى وتاندى، كوركەم شينجياڭدى القادى؛ ىرحۋمەن ورىندالعان «تاۋ ءانىن پارتياعا ارنايمىن»، «حۇڭمەي كۇيى» اتتى كۇيلەر، پيانينومەن ورىندالعان «حۋاڭحى» اتتى كۇي، «اۋەلگى ماقساتتى ۇمىتپاۋ»، «ءار ۇلت پەرزەنتتەرى قول ۇستاسقان»، «ءبىزدىڭ شينجياڭ جاقسى جەر» اتتى توپتىق حور، مۋزيكا سۇيەمەلىمەن وقىلعان «وتان قۇشاعىندا» اتتى ولەڭ سياقتى كونسەرت نومىرلەرى ءداۋىر ءۇنى ارقىلى شينجياڭداعى ءار ۇلت كادر - بۇقاراسىنىڭ پارتياعا ادال بولۋ، وتاندى قىزۋ ءسۇيۋ، ۇلتتار ىنتىماعىن قاستەرلەۋ، كوركەم شينجياڭ قۇرۋداي تاماشا رۋحاني بەت - بەينەسىن ايگىلەدى. مۋزيكا ساۋىعىنداعى تارتىمدى نومىرلەرگە ءار ۇلت بۇقاراسى تولاسسىز شاپالاق سوعىپ وتىردى.
مۋزيكا ساۋىعى «وتاندى جىرلاۋ» تاراۋىمەن اياقتالدى، وسى ساتتە، بۇكىل زالداعى كورەرمەن ورىندارىنان تۇرىپ، بىردەي اسقاقتاتا شىرقاپ، مۋزيكا ساۋىعىن ەڭ جوعارى ورلەۋگە كوتەردى، ادامدار جۇڭگوشا سوتسياليزمنىڭ جاڭا داۋىرگە وتكەنىنەن رۋحتارى سەرپىلىپ، جۇڭحۋا ۇلتىنىڭ ەڭسە كوتەرۋدەن بايۋعا، قۇدىرەتتەنۋگە دەيىنگى ۇلى شارىقتاۋدى جۇزەگە اسىرعانىن ماقتانىش ەتتى.
”ءار ۇلت بۇقاراسىنا شىن نيەت، ادال كوڭىلمەن قىزمەت وتەۋ − پارتيانىڭ ىقىلاسپەن تاربيەلەۋىنە بەرگەن ەڭ جاقسى جاۋاپ“. 6 - ايدىڭ 30 - كۇنى كەشتە گۇما اۋدانى چودا اۋىلدىق پارتكومنىڭ شۋجيى لي فىڭ مۋزيكا ساۋىعىن كورىپ ەرەكشە اسەرلەندى، ول بىلاي دەدى: ءبىز جاڭا عانا اۆتونوميالى رايوننىڭ وزات نەگىزگى ساتى پارتيا ۇيىمى داڭقتى اتاعىنا يە بولدىق ، ءسوز جوق، ۇزدىكسىز نەگىزگى ساتىدا تامىر تارتىپ، بۇقارانى ەستەن شىعارماي، پارتيا مۇشەلەرىنىڭ اۆانگارد، ۇلگىلىك رولىن، نەگىزگى ساتى پارتيا ۇيىمىنىڭ جاۋىنگەر قامالدىق رولىن ساۋلەلەندىرىپ، وتاننىڭ شينجياڭىن اناعۇرلىم كوركەم ەتىپ قۇرىپ شىعۋ جولىندا قۇلشىنا كۇرەسەمىز.
