اۋەلگى ماقساتتى ۇمىتپاي، بورىشتى ەستە بەرىك ساقتاپ، باتىلدىقپەن اۆانگارد بولۋعا، ۇلگى بولۋعا تالپىنۋ كەرەك
اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى سالتاناتپەن اشىلدى
چىن چۋانگو ءسوز سويلەدى، شوكىرات زاكىر باسقاردى، شاۋكەت يمىن، نۇرلان ءابىلماجىن، سۇن جينلۇڭ قاتىناستى، لي پىڭشين ماداقتاۋ - سيلاۋ قارارىن وقىدى
6 - ايدىڭ 30 - كۇنى اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى شينجياڭ حالىق سارايىندا سالتاناتپەن اشىلدى. سۋرەتتە: اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتارلى باسشىلار ماداقتالىپ سيلانعان وزات كوللەكتيۆتەردىڭ جانە وزات جەكەلەردىڭ ۋاكىلدەرىنە سيلىق تاراتۋدا. سۋرەتتى ءتىلشى سۇي جىجيان تۇسىرگەن
ءتىلشى ياۋ تۇڭ 6 - ايدىڭ 30 - كۇنى ۇرىمجىدەن حابارلايدى. 6 - ايدىڭ 30 - كۇنى تۇستەن بۇرىن اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قۇتتىقتاۋ جانە ماداقتاۋ - سيلاۋ جينالىسى شينجياڭ حالىق سارايىندا سالتاناتپەن اشىلدى. اۆتونوميالى رايوندىق پارتكومنىڭ شۋجيى چىن چۋانگو جينالىسقا قاتىناستى ءارى ءسوز سويلەدى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، پارتيا قۇرىلعاندىعىنىڭ 98 جىلدىعىن قۇتتىقتاۋدى قوزعاۋشى كۇش ەتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن كۇش سالا جاقسى جازۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر جينالىستى باسقاردى. اۆتونوميالى رايوننىڭ باسشىلارىنان شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، ليۋ ۋانلۇڭ، لي ۋي، شۇي حايرۇڭ، ۋاڭ جۇنجىڭ، تيان ۋىن، جي جىڭ، سارقىت اقان، ياڭ شين جينالىسقا قاتىناستى.
جينالىس ايبىندى مەملەكەت انىمەن باستالدى. اۆتونوميالى رايوندىق پارتكومنىڭ ورىنباسار شۋجيى لي پىڭشين «اۆتونوميالى رايوندىق پارتكومنىڭ اۆتونوميالى رايونداعى تاڭداۋلى كوممۋنيستىك پارتيا مۇشەلەرىن، تاڭداۋلى پارتيا ىستەرى قىزمەتكەرلەرىن جانە وزات نەگىزگى ساتى پارتيا ۇيىمدارىن ماداقتاۋ - سيلاۋ جونىندەگى قارارىن» وقىدى. اۆتونوميالى رايوننىڭ باسشىلارى ماداقتالىپ سيلانعان وزات كوللەكتيۆتەردىڭ جانە وزات جەكەلەردىڭ ۋاكىلدەرىنە سيلىق تاراتتى. ماداقتالىپ سيلانعان تاڭداۋلى كوممۋنيستىك پارتيا مۇشەلەرىنىڭ، تاڭداۋلى پارتيا ىستەرى قىزمەتكەرلەرىنىڭ جانە وزات نەگىزگى ساتى پارتيا ۇيىمدارىنىڭ ۋاكىلدەرى پىكىر اۋىستىرىپ، لەبىز ءبىلدىردى.
چىن چۋانگو اۆتونوميالى رايوندىق پارتكوم اتىنان ماداقتالىپ سيلانعان وزات كوللەكتيۆتەر مەن وزات جەكەلەردى قىزۋ قۇتتىقتادى، بۇكىل رايونىمىزداعى ءار دارەجەلى پارتيا ۇيىمدارىنا، قالىڭ كوممۋنيستىك پارتيا مۇشەلەرىنە جانە پارتيا ىستەرى قىزمەتكەرلەرىنە مەرەكەلىك تىلەك جولدادى ءارى شىن پەيىلىمەن قۇرمەت ءبىلدىردى.
چىن چۋانگو سوزىندە 98 جىلدان بەرگى پارتيانىڭ شۇعىلالى بارىسىنا جانە بۇكىل ەلدەگى ءار ۇلت حالقىن ىنتىماقتاستىرا باستاپ قول جەتكىزگەن ۇلى جەتىستىكتەرىن ەسكە الدى. ول بىلاي دەپ اتاپ كورسەتتى: تاريح پارتيامىزدىڭ ماركسيزممەن قارۋلانعان ساياسي پارتيا، اۋەلگى ماقساتتى ۇمىتپايتىن، بورىشتى ەستە بەرىك ساقتايتىن پارتيا، ءتۇرلى حاۋىپ - قاتەر مەن سىن - سايىستى باستان وتكەرىپ، بارعان سايىن تولىسىپ، بەكەمدەلگەن پارتيا، ۇلى، داڭقتى، دۇرىس پارتيا، جاڭا ءداۋىر جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءتۇبىرلى كەپىلى ەكەنىن تالاسسىز دالەلدەدى. اماليات جۇڭگو كوممۋنيستىك پارتياسى بولماسا، جاڭا جۇڭگو بولماق ەمەستىگىن، سوتسياليستىك شينجياڭ بولماق ەمەستىگىن، شينجياڭداعى ءار ۇلت حالقىنىڭ بۇگىنگىدەي باقىتتى، تاماشا جاڭا تۇرمىسى بولماق ەمەستىگىن تولىق دالەلدەدى.
چىن چۋانگو بىلاي دەپ اتاپ كورسەتتى: باس شۋجي شي جينپيڭنىڭ ورتالىق كوميتەت ساياسي بيۋروسىنىڭ 15 - رەتكى توپتىق ۇيرەنۋىندە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، جاڭا داۋىردە پارتيانىڭ وزىنە توڭكەرىس جاساۋىن ىشكەرىلەتىپ، پارتيانى قاي - قاشاندا ءداۋىردىڭ الدىڭعى لەگىندە جۇرەتىن، حالىق شىن پەيىلىمەن قولدايتىن، باتىلدىقپەن وزىنە توڭكەرىس جاسايتىن، ءتۇرلى داۋىلدى تولقىنداردان، سىن - سايىستاردان سۇرىنبەي وتەتىن، جالىندى ماركستىك ساياسي پارتيا ەتىپ قۇرىپ شىعۋعا بەلسەنە ۇلەس قوسۋ كەرەك. ماداقتالىپ - سيلانعان وزات كوللەكتيۆتەر مەن وزات جەكەلەردىڭ داڭقتى قاستەرلەپ، داندايسۋدان، ۇشقالاقتىقتان ساقتانىپ، تىڭ ەڭبەكتەر كورسەتىپ، تاعى دا سۇبەلى ناتيجەلەر جاراتۋلارىن ءۇمىت ەتەمىن. بۇكىل رايونىمىزداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى ولاردى ۇلگى ەتىپ، وزاتتاردان ۇيرەنىپ، وزات بولۋعا تالپىنىپ، جۇڭگوشا سوتسياليستىك شينجياڭ قۇرىپ شىعۋعا اناعۇرلىم كەسەك ۇلەس قوسۋ كەرەك. ءبىرىنشى، نازاريامەن قارۋلانۋدى كۇشەيتىپ، بەرىك مۇرات - سەنىمنىڭ ۇلگىسى بولۋعا تالپىنۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ماڭداي الدى ساياسي مىندەت ەتۋدەن جازباي، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ باتىل سەنۋشىسى جانە ادال اتقارۋشىسى بولۋدان اينىماۋ كەرەك. ەكىنشى، ساياسي تۇرعىنى بەكەمدەپ، پارتياعا شارتسىز ادال بولۋدىڭ ۇلگىسى بولۋعا تالپىنۋ كەرەك. ”ءتورت تانىم“دى شىنايى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. ءۇشىنشى، ستراتەگيالىق تاباندىلىقتى ساقتاپ، قوعام ورنىقتىلىعىن قورعاۋدىڭ ۇلگىسى بولۋعا تالپىنۋ كەرەك. پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن بۇلجىماي دايەكتىلەندىرىپ، زاڭ قارۋىن، زاڭمەن جونگە سالۋ ويىن، زاڭمەن جونگە سالۋ ءتاسىلىن ويداعىداي قولدانىپ، قوعام جالپى جاعدايىنىڭ ءۇرتىس ورنىقتىلىعىن ساقتاپ، جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋعا جاراسىمدى، ورنىقتى ورتا ازىرلەۋ كەرەك. ءتورتىنشى، ورنىقتىلىق بارىسىندا ىلگەرىلەۋگە تاباندى بولىپ، جوعارى ساپالى دامۋدى ىلگەرىلەتۋدىڭ ۇلگىسى بولۋعا تالپىنۋ كەرەك. جاڭا دامۋ ۇستانىمىن دايەكتىلەندىرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك. بەسىنشى، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، قىزمەت ورنىن ءسۇيىپ كاسىپتى قادىرلەۋدىڭ، ۇلەس قوسۋدىڭ ۇلگىسى بولۋعا تالپىنۋ كەرەك. ءوزىن پارتياعا، وتانعا ارناپ، پارتيانىڭ، وتاننىڭ ءۇمىتىن اقتاپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجەلەردى قۇلشىنا جاراتۋ كەرەك. التىنشى، ءتۇبىرلى نەگىزگى ماقساتتى ەستە بەرىك ساقتاپ، حالىقتى يگىلىككە كەنەلتىپ، باقىتقا بولەۋدىڭ ۇلگىسى بولۋعا تالپىنۋ كەرەك. حالىقتى وزەك ەتكەن دامۋ يدەياسىنا تاباندى بولىپ، شىن پەيىلىمەن بۇقارا ءۇشىن ناقتى ىستەر ءبىتىرىپ، يگى ىستەر ىستەپ، قيىن ىستەردى شەشىپ، بۇقارانىڭ ”جان اشىرى“ بولۋ كەرەك. جەتىنشى، قاتاڭ ستيلدى شىڭداپ، ۇزبەي ناقتى يگەرىپ، شىنايى ىستەۋدىڭ ۇلگىسى بولۋعا تالپىنۋ كەرەك. شىندىققا جۇگىنىپ، ناقتى ىستەپ، شىنايى يگەرىپ، ناقتاپ ىستەپ، شىن سويلەپ، شىن ۇمتىلىپ، ناقتى شارا شىعارىپ، ناقتى ءىس ىستەپ، قىزمەتتەردى شىنايى يگەرۋگە، مىقتاپ يگەرۋگە، ناقتى ناتيجە شىعارۋعا شىنايى كەپىلدىك ەتۋ كەرەك. سەگىزىنشى، كىرشىكسىز، پاك بولۋدان جازباي، پاك ستيلدى، دۇرىس سالتتى اسقاقتاتۋدىڭ ۇلگىسى بولۋعا تالپىنۋ كەرەك. قاي - قاشان دا ار - ۇياتتى ساقتاپ، تۋراشىل، ءادىل، پاك بولىپ، ءار ۇلت حالىق بۇقاراسىمەن ەتەنە بايلانىستى ۇزبەي نىعايتىپ، كورىكتى شينجياڭ قۇرىپ شىعۋدىڭ، وتان ارمانىن بىرگە ورىنداۋدىڭ مىعىم كۇشىن ۇيىستىرۋ كەرەك.
جينالىس «ينتەرناتسيونال انى»مەن اياقتادى.
اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلىق القاسىنداعىلار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، رايونعا (ورتالىق) تىكە قاراستى مەكەمە - ورىندارداعى نەگىزگى جاۋاپتى جولداستار، بۇكىل رايونىمىزداعى تاڭداۋلى كوممۋنيستىك پارتيا مۇشەلەرىنىڭ، تاڭداۋلى پارتيا ىستەرى قىزمەتكەرلەرىنىڭ، وزات نەگىزگى ساتى پارتيا ۇيىمدارىنىڭ ۋاكىلدەرى قاتارلىلار جينالىسقا قاتىناستى.
