− جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قىزۋ قۇتتىقتايمىز
جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن جۇزەگە اسىرۋ − جۇڭگو كوممۋنيستەرىنىڭ اۋەلگى ماقساتى مەن بورىشى، ۇرپاقتان - ۇرپاققا جالعاسقان جۇڭگو كوممۋنيستەرىن الدىڭعىلاردىڭ ءىزىن سوڭعىلار باسىپ، ەرلىكپەن كۇرەس جۇرگىزۋگە ىنتالاندىراتىن ءتۇبىرلى قوزعاۋشى كۇش. 7 - ايدىڭ 1 - كۇنى ءبىز جۇڭگو كوممۋنيستىك پارتياسى قۇرىلعاندىعىنىڭ 98 جىلدىعىن قارسى الامىز. ”جۇڭگو كوممۋنيستىك پارتياسى جۇڭحۋا ۇلتىنىڭ بولاشاقتىق ۇلى ءىسىن مۇرات ەتەدى، 100 جىل ءدال تولىسىپ كەمەلىنە كەلگەن شاق!“. جاپپاي دوڭگەلەك داۋلەتتىلىككە جەتۋدىڭ شەشۋشى جەڭىسىنە جەتىپ، ۇلتتىڭ گۇلدەنۋىنە قادام تاستاعاندا، بولاشاقتىق ۇلى ءىس ءاربىر كوممۋنيستى اۋەلگى ماقساتتا، بورىشتا تاباندى بولىپ، جاڭا ءداۋىردىڭ جاڭا داڭقىن جازۋعا شاقىرادى.
98 جىلدان بەرى، جۇڭگو كوممۋنيستىك پارتياسى حالىققا تىعىز ارقا سۇيەپ، سانسىز كەدەرگىلەردەن ءوتىپ، جەڭىستەن - جەڭىسكە قول جەتكىزىپ، ادامزاتتىڭ دامۋ تاريحىندا دۇنيەنى ءدۇر سىلكىنتكەن كەرەمەت جاراتىپ، جۇڭحۋا وركەنيەتىنىڭ وسىزاماندانۋ ۇردىسىندە جاڭا جالىنداعان ومىرشەڭدىك قاۋلاتۋىنا، عىلمي سوتسياليزمنىڭ 21 - عاسىردا جاڭا جالىنداعان ومىرشەڭدىك قاۋلاتۋىنا، جۇڭحۋا ۇلتىنىڭ جاڭا جالىنداعان ومىرشەڭدىك قاۋلاتۋىنا مۇمكىندىك جاسادى. بيىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، سونداي - اق پارتيامىزدىڭ بۇكىل ەلدە بيلىك جۇرگىزگەندىگىنىڭ 70 - جىلى. 70 جىل كەدەرگى - بوگەتتەردى تالقانداپ، 70 جىل ۇدەرە العا باسقان پارتيامىز جۇڭگو كوممۋنيستىك پارتياسىنىڭ نە ءۇشىن «يقۋاتتى» ەكەندىگىن، ماركسيزمنىڭ نە ءۇشىن ”ىسكە اساتىندىعىنىڭ“، جۇڭگوشا سوتسياليزمنىڭ نە ءۇشىن ”جاقسى ەكەندىگىنىڭ“ جاۋابىن جۇڭگونىڭ بايتاق دالاسىنداعى ۇلى وزگەرىستەرگە جازدى، ميلليارد حالىقتىڭ تاماشا تۇرمىسىنا جازدى. اسىرەسە، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى قيىندىقتاردى جەڭە ورگە ۇمتىلىپ، ءورىس اشا العا باسىپ، پارتيا مەن مەملەكەت ىستەرى دامۋىنىڭ تاريحي جەتىستىگىمەن جانە وزگەرىسىمەن جۇڭگوشا سوتسياليزمنىڭ جاڭا داۋىرگە ءوتۋىن ىلگەرىلەتىپ، جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋىن قارسى الدى، جۇڭحۋا ۇلتىنىڭ ۇلى گۇلدەنۋىنىڭ جارقىن بولاشاعىن قارسى الدى. بۇگىن، جۇڭگو سىندى وسىناۋ شىعىستاعى بايىرعى ءارى وسى زامانعى ءىرى ەل جالىندى ومىرشەڭدىك قاۋلاتىپ، تۇلەجىپ قۇلپىرا ءتۇسىپ، جۇڭگوشا سوتسياليزم جولى، نازارياسى، ءتۇزىمى، مادەنيەتى قۇدىرەتتى تىرشىلىك تىنىس، ومىرشەڭدىك كۇش تاسقىنداتىپ، كەرەمەتتەر جۇڭحۋانىڭ بايتاق دالاسىندا تولاسسىز جارىققا شىعۋدا.
وتكەنگە قايىرىلا قاراساق، بۇنىڭ قانشالىق شۇعىلالى جەتىستىك ەكەنىن كورەمىز! بولاشاققا كوز جىبەرسەك، بۇنىڭ قانشالىق ايبىندى ساپار ەكەنىن كورەمىز! تاريح مىنانى تولىق دالەلدەدى: تەك جۇڭگو كوممۋنيستىك پارتياسى عانا جۇڭگونى قۇتقارا الادى؛ تەك جۇڭگو كوممۋنيستىك پارتياسى عانا جۇڭگونى دامىتا الادى، جۇڭحۋا ۇلتىن باستاپ ۇلى گۇلدەنۋدى جۇزەگە اسىرا الادى.
بۇگىن، ءبىز تاياۋ زاماننان بەرگى ەڭ تاماشا دامۋ مەزگىلىندە تۇرمىز، سونداي - اق دۇنيە ءجۇزىنىڭ 100 جىلدا بولماعان ۇلى وزگەرىسىنە ءدوپ كەلدىك. ءبىز سانسىز اسۋدان استىق، ءبىراق ءالى دە تالاي تاۋ اسىپ، تاس باسۋىمىز قاجەت، بۇكىل پارتيانىڭ، بۇكىل ەلدەگى ءار ۇلت حالقىنىڭ الدىنا قويىلعان بورىشى اناعۇرلىم داڭقتى، مىندەت اناعۇرلىم ماشاقاتتى، سىن - سايىس اناعۇرلىم قاتاڭ، قىزمەت اناعۇرلىم ۇلى. ءدال وسى ساتتە، ءبىز ءتىپتى دە اۋەلگى ماقساتپەن ۇدەرە العا باساتىن رۋحپەن، بورىشپەن قايراتتانا ۇمتىلۋعا ىنتالاندىراتىن كۇرەسكەرلىك جالىنمەن، ماڭگى بوساڭسىمايتىن رۋحاني كۇيمەن جانە ۇزدىكسىز العا باساتىن كۇرەسكەرلىك بەينەمەن ءتۇرلى قيىندىقتار مەن اسۋ - بوگەتتەردى، حاۋىپ - قاتەرلەر مەن سىن - سايىستاردى باتىلدىقپەن جەڭىپ، جەڭىستەن - جەڭىسكە ۇزدىكسىز ۇمتىلا ءتۇسۋىمىز كەرەك. بۇكىل پارتيادا ورىستەتىلىپ جاتقان ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ ءتۇبىرلى مىندەتى − شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ادال، كىرشىكسىز، جاۋاپكەرشىلىك ارقالايتىن ساياسي قاسيەتتى شىڭداپ، بۇكىل ەلدەگى ءار ۇلت حالقىن ۇلى ارماندى جۇزەگە اسىرۋ جولىندا جۇمىلا كۇرەس جۇرگىزۋگە ىنتىماقتاستىرۋ، باستاۋ.
”قوس 100 جىلدىق“ كۇرەس نىساناسى زامانىمىزداعى جۇڭگو كوممۋنيستەرىنىڭ ەڭ ماڭىزدى، ەڭ رەال بورىشى، جاۋاپكەرشىلىگى، بۇگىن، ءبىز ”قوس 100 جىلدىق“ كۇرەس نىساناسىن جۇزەگە اسىرۋدىڭ تاريحي توعىسۋ كەزەڭىندە تۇرمىز، ءبىرىنشى 100 جىلدىق نىسانا جۇزەگە اسۋ، ەكىنشى 100 جىلدىق نىسانا باستالۋ الدىندا تۇر. پارتيانى يدەيالىق جاقتان قۇرۋعا، پارتيانى نازاريامەن قۇدىرەتتەندىرۋگە تاباندى بولىپ، يدەيالىق جاقتان ءبىر رەت جاڭارىپ، رۋحاني جاقتان ءبىر رەت شىڭدالساق، ءبىز اۋەلگى ماقسات پەن بورىشتى ەستە اناعۇرلىم جاقسى ساقتاپ، گۇلدەنۋ ساپارىندا قايراتتانا العا باسا الامىز. شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرىپ، سەنىمنىڭ نەگىزىن بەكەمدەپ، رۋحاني كالتسيدى تولىقتاپ، يدەيانىڭ تىزگىنىن مىقتى يگەرۋىمىز؛ جاڭا داۋىردەگى پارتيا قۇرىلىسىنىڭ باس تالابىن مۇقيات دايەكتىلەندىرىپ، پارتيامىزدى اناعۇرلىم پارمەندى، قۋاتتى ەتىپ قۇرىپ شىعۋىمىز؛ پارتيانىڭ ءتۇبىرلى نەگىزگى ماقساتىن سانالىلىقپەن جۇزەگە اسىرىپ، پارتيانىڭ ۇزاق ۋاقىت بيلىك جۇرگىزۋدەگى ەڭ سەنىمدى تاپتىق نەگىزى مەن بۇقارالىق نەگىزىن بەكەمدەۋىمىز؛ توڭكەرىستىك ءداستۇر مەن تاماشا ستيلدى اسقاقتاتىپ، حالىقتى پارتيا 19 - قۇرىلتايىندا كەسكىندەلگەن ۇلى جوبانى بىرتىندەپ تاماشا رەالدىققا اينالدىرۋعا ىنتىماقتاستىرۋىمىز، باستاۋىمىز كەرەك. ءبىز تەك ۇلى قوعامدىق توڭكەرىستە جاڭا جاعداي اشىپ، وزىمىزگە ۇلى توڭكەرىس جاساۋدا جىگەر - قۋاتىمىزدى كۇشەيتىپ، سانالى تۇردە حالىقپەن بىرگە ويلاپ، بىرگە ىستەسەك بولعانى، جۇڭحۋا ۇلتىنىڭ ۇلى ارماندى جۇزەگە اسىرۋ قادامىنا ەشتەڭە دە كەدەرگى بولا المايدى.
سامۇرىق زەڭگىر كوككە قانات قاعىپ، جاڭا ساپار اۋەلگى ماقساتتى شىڭدادى. 98 جىلدى باستان وتكەرىپ، ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ جاڭا ۇزاق جورىعىن باسۋدامىز، پارتيا قۇرىلعان كەزدەگى جۇڭگو كوممۋنيستەرىنىڭ كۇرەسكەرلىك رۋحىن ماڭگى ساقتاۋىمىز، حالىققا دەگەن رياسىز پەيىلدى ماڭگى ساقتاۋىمىز كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، تولىق دايىندالىپ، تىزگىندى مىقتى ۇستاپ، قايراتتى جانىپ، ءبىر ميلليارد 400 ميلليونعا جۋىق جۇڭگو حالقىنىڭ ۇلى ارمانىن ارقالاعان جۇڭحۋا اتتى الىپ كەمەنىڭ ۇزدىكسىز تولقىن جارا جەلكەن كوتەرىپ الىسقا ساپار شەگۋىنە، اناعۇرلىم جارقىن بولاشاققا قاراي جەڭىسپەن جول الۋىنا مۇمكىندىك جاسايىق.
(شينحۋا اگەنتتىگىنىڭ 6 - ايدىڭ 30 - كۇنى بەيجيڭنەن بەرگەن حابارى)
