«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالادى
”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيە قىزمەتى ماجىلىسىندە سويلەنگەن ءسوز
شينحۋا اگەنتتىگىنىڭ 6 - ايدىڭ 30 - كۇنى بەيجيڭنەن بەرگەن حابارى. 7 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 13 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ماڭىزدى ماقالاسى « ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيە قىزمەتى ماجىلىسىندە سويلەگەن ءسوزى» جاريالانادى.
ماقالادا مىنالار باسا دارىپتەلدى: جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن جۇزەگە اسىرۋ − جۇڭگو كوممۋنيستەرىنىڭ اۋەلگى ماقساتى جانە بورىشى، ۇرپاقتان - ۇرپاققا جالعاسقان جۇڭگو كوممۋنيستەرىن الدىڭعىلاردىڭ ءىزىن سوڭعىلار باسىپ، ەرلىكپەن كۇرەس جۇرگىزۋگە ىنتالاندىراتىن ءتۇبىرلى قوزعاۋشى كۇش. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى ورىستەتۋدە ”اۋەلگى ماقساتتان اينىماۋ، بورىش ارقالاۋ، پارىقتى تابۋ، تياناقتاندىرۋدى يگەرۋ“ جالپى تالابىن مىقتاپ يگەرۋ، جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ، ادال، كىرشىكسىز، جاۋاپكەرشىلىك ارقالايتىن ساياسي قاسيەتتى شىڭداۋ، بۇكىل ەلدەگى ءار ۇلت حالقىن ۇلى ارماندى جۇزەگە اسىرۋ جولىندا جۇمىلا كۇرەس جۇرگىزۋگە ىنتىماقتاستىرۋ، باستاۋ ءتۇبىرلى مىندەتىن مىقتاپ يگەرۋ، نازاريا ۇيرەنۋدە ءونىمى بولۋ، يدەيا - ساياسيدا سىننان ءوتۋ، ءىس تىندىرىپ، ناتيجە شىعارۋدا باتىل جاۋاپكەرشىلىك ارقالاۋ، حالىق ءۇشىن قىزمەت ىستەپ، قيىن ماسەلەلەردى شەشۋ، پاك، كىرشىكسىز بولىپ، ونەگە كورسەتۋ ناقتى نىساناسىن قۇلشىنا ىسكە اسىرىپ، بۇل رەتكى نەگىزگى تاقىرىپتىق تاربيەدە كوزدەگەن ناتيجەگە قول جەتكىزۋگە شىنايى كەپىلدىك ەتۋ كەرەك.
ماقالادا مىنالار اتاپ كورسەتىلدى: نەگىزگى تاقىرىپتىق تاربيەنى ورىستەتۋدىڭ كەلەلى ءمانىن جەتە تانۋ كەرەك. بۇل رەتكى نەگىزگى تاقىرىپتىق تاربيەنى ورىستەتۋ − جاڭا ءداۋىر جۇڭگوشا سوتسياليزم يدەياسىمەن بۇكىل پارتيانى قارۋلاندىرۋدىڭ كوكەي تەستى قاجەتى، جاڭا داۋىردەگى پارتيا قۇرىلىسىن ىلگەرىلەتۋدىڭ كوكەي تەستى قاجەتى، پارتيانىڭ حالىق بۇقاراسىمەن ەتەنە بايلانىسىن ساقتاۋدىڭ كوكەي تەستى قاجەتى، پارتيا 19 - قۇرىلتايىندا تۇراقتانعان نىسانا - مىندەتتەردى ىسكە اسىرۋدىڭ كوكەي تەستى قاجەتى. بيىل جاڭا جۇڭگو قۇرىلعاندىعىنىڭ 70 جىلدىعى. ءدال وسىنداي ماڭىزدى ۋاقىت تۇيىنىندە ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى ورىستەتۋدىڭ ەرەكشە ءمانى مەيلى قانشالىقتى ۇزاق جول باسساق تا، باسىپ وتكەن جولدارىمىزدى ۇمىتپاۋىمىز كەرەك.
ماقالادا مىنالار اتاپ كورسەتىلدى: نەگىزگى تاقىرىپتىق تاربيەنىڭ نىساناسىن، تالابىن دۇرىس يگەرۋ كەرەك. نەگىزگى تاقىرىپتىق تاربيەنىڭ جالپى تالابى جاڭا داۋىردەگى پارتيا قۇرىلىسى مىندەتىنە ساي، پارتيا ىشىندە ساقتالعان كورنەكتى ماسەلەلەرگە باعىتتاي وتىرىپ، بۇل رەتكى نەگىزگى تاقىرىپتىق تاربيەنىڭ ەرەكشەلىگىمەن بىرلەستىرىلىپ العا قويىلعان ءوزارا بايلانىستى تۇتاس تۇلعا، ونى جالپى بەتتىك يگەرىپ، نەگىزگى تاقىرىپتىق تاربيەنىڭ تۇتاس بارىسىمەن ساباقتاستىرۋ كەرەك. نەگىزگى تاقىرىپتىق تاربيەنىڭ نىسانا - مىندەتتەرى پارتيانىڭ جاڭا داۋىردەگى پارتيالى كادرلاردىڭ يدەيا، ساياسي، ستيل، قابىلەت، پاكتىك جاقتارىنا قويعان نەگىزگى تالاپتارىن ايگىلەدى.
ماقالادا مىنالار اتاپ كورسەتىلدى: نەگىزگى تاقىرىپتىق تاربيەگە باسشىلىقتى كۇشەيتۋ كەرەك. جەر - جەر، تاراۋلار، ورىندار پارتكومى (پارتيا باسشىلىق گرۋپپا) وسكەلەڭ ءمان بەرىپ، جاۋاپكەرشىلىك سەزىم مەن كوكەي تەستىلىك سەزىمدى ارتتىرىپ، ۇيىمدىق باسشىلىقتى كۇشەيتىپ، قۋزاۋ - جەتەكشىلىك ەتۋدى كۇشەيتىپ، نەگىزگى تاقىرىپتىق تاربيەنىڭ ساپاسىن جوعارىلاتۋ كەرەك. ۇگىت، قوعامدىق پىكىر جەتەكشىلىك ەتۋ رولىن ساۋلەلەندىرۋى كەرەك. ەكى جاقتان يگەرۋگە، ەكى جاقتان جەبەۋگە تاباندى بولىپ، ”ەكى بولەك“ بولىپ قالۋدان شىنايى ساقتانۋ كەرەك. فورماشىلدىقتان، تورەشىلدىكتەن اۋلاق بولىپ، ءىس جۇزىندىك ناتيجەگە ءمان بەرىپ، ماندىك ماسەلەلەردى شەشۋ كەرەك.
