تيانشان تورى   ›   جاڭالىقتار   ›   ساياحات

ساياحات كاسىبىنىڭ جوعارى ساپالى دامۋىنا دەم بەردى

اۆتونوميالى رايوندىق دامۋ جانە رەفورما كوميتەتىنىڭ 6 ءتۇرلى شاراسى

ساياحات كاسىبىنىڭ جوعارى ساپالى دامۋىنا دەم بەردى

  ءتىلشى شى شين 7 - ايدىڭ 1 - كۇنى ۇرىمجىدەن حابارلايدى. ءتىلشى اۆتونوميالى رايوندىق دامۋ جانە رەفورما كوميتەتىنەن مىنانى ۇعىستى: شينجياڭدى ساياحات ارقىلى گۇلدەندىرۋ ستراتەگياسىن اتقارۋدى ارقاۋ ەتكەن اۆتونوميالى رايوندىق دامۋ جانە رەفورما كوميتەتى نەگىزدىك قۇرىلعى قۇرىلىسىن كۇشەيتۋ، ساياحات باعاسىن باسقارۋدى كۇشەيتۋ، ساياحات ارقىلى شينجياڭعا كومەكتەسۋ قىزمەتىن سايكەستىرۋ سياقتى فۋنكتسيالاردى تياناق ەتىپ، 6 ءتۇرلى شارا ارقىلى رايونىمىزدىڭ ساياحات كاسىبىنىڭ جوعارى ساپالى دامۋىن كۇش سالا ىلگەرىلەتكەن.

  مادەنيەت - ساياحات نىساندارىن قولداۋ تەبىنىن ۇزدىكسىز كۇشەيتتى. بيىل جىل باسىنان بەرى مادەنيەت - ساياحات نەگىزدىك قۇرىلعى قۇرىلىسى نىساندارىنا ورتالىقتىڭ، اۆتونوميالى رايوننىڭ مەجە ەسەبىندەگى قارجىسىنان جالپى 350 ميلليون يۋان تياناقتاندىرىپ، رايونىمىزدىڭ 36 مادەنيەت - ساياحات نىسانىنا قولداۋ كورسەتتى. كەزەكتە نىسانداردىڭ جۇمىس باستاۋ الدىنداعى ءتۇرلى دايىندىق قىزمەتتەرى ءتارتىپتى ىلگەرىلەتىلىپ، كەيبىر نىساندار ىلگەرىندى - كەيىندى جۇمىس باستاپ، قۇرىلىس جۇرگىزدى.

  كورىنىس وڭىرلەرىنىڭ ەسىك بەلەت باعاسىن تۇراقتاندىرۋ جانە كورىنىس وڭىرلەرىندەگى اۆتوكولىك توقتاتۋ ورنىنىڭ اقىسىن جۇيەگە ءتۇسىرۋ قىزمەتىن دەر كەزىندە ورىستەتتى. «اۆتونوميالى رايوندىق دامۋ جانە رەفورما كوميتەتىنىڭ مەملەكەت مەنشىگىندەگى ءتۇيىندى كورىنىس وڭىرلەرىنىڭ ەسىك بەلەت باعاسىن تومەندەتۋ قىزمەتىن ۇزدىكسىز ىشكەرىلەي ىلگەرىلەتۋ جونىندەگى حابارلاندىرۋ»دى، «كورىنىس وڭىرلەرىنىڭ ەسىك بەلەت باعاسىن جانە كورىنىس وڭىرلەرىندە اۆتوكولىك توقتاتۋ اقىسىن جۇيەگە ءتۇسىرۋ جونىندەگى حابارلاندىرۋ»دى باسىپ تاراتىپ، كورىنىس وڭىرلەرى ەسىك بەلەت باعاسىن جانە كورىنىس وڭىرلەرى ىشىندە، سونداي - اق ماڭىندا اۆتوكولىك توقتاتقاندا بەتالدى اقى الۋ ارەكەتىن جۇيەگە ءتۇسىرۋ جونىندە ناقتى تالاپتار قويدى جانە ورنالاستىرۋ جاسادى، جەر - جەردەگى ۇكىمەت سايتتارىندا كورىنىس وڭىرلەرىنىڭ ۇكىمەت بەلگىلەگەن ەسىك بەلەت باعاسى جانە سايكەستى قىزمەت وتەۋ اقىسى ءتىزىمى، باعا ولشەمى قوعامعا شوعىرلى جاريالاندى.

  شينجياڭعا كومەكتەسەتىن ولكە، قالالاردى رايونىمىزدىڭ ساياحاتىن ۇگىتتەۋ، تانىستىرۋ قىزمەتىنە ات سالىسۋعا شابىتتاندىردى جانە جەتەكتەدى. شينجياڭعا كومەكتەسەتىن ولكە، قالالاردى ”شينجياڭعا ساياحاتشى ەنگىزۋ“ تەبىنىن ءۇرتىس ارتتىرۋعا سايكەستىرىپ، كومەك قابىلداعان جەرلەردىڭ قولدانىلمالى، شەبەرلىك ۇلگىدەگى ساياحات دارىندىلارىن باۋلۋدى بەلسەنە كۇشەيتتى. جيلين ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابى مەملەكەتتىك جاعراپيا جۋرنالى باسىلىمىنىڭ التاي ايماعىنىڭ جاراتىلىستىق كورىنىسى مەن ۇلتتىق سالت - ساناسىن نەگىزگى تاقىرىپ ەتكەن قوسىمشا سانىن شىعارۋىن سايكەستىردى ءارى رايونىمىزدىڭ وزگەشە قار - مۇز ساياحات ونىمدەرىن جاساۋىنا بەلسەندى كومەك كورسەتتى؛ جىجياڭ ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابى چاڭجياڭ اتىراۋىنىڭ ساياحات ارقىلى شينجياڭعا كومەكتەسۋ جانە وڭتۇستىك شينجياڭدا ساياحات ارقىلى كەدەيلەردى سۇيەمەلدەۋ ءماجىلىسىن اشۋدى سايكەستىردى، ”ولەڭ مەن سۋرەت جىجياڭ − اقسۋ ءنومىرلى“ شينجياڭعا كومەكتەسۋ ساياحات جالدامالى ۇشاعىن ىسكە قوستى؛ حۋبەي ولكەسىنىڭ شينجياڭعا كومەكتەسۋ الدىڭعى شەپ قولباسشىلىق شتابى بۇراتالا موڭعۇل اۆتونوميالى وبلىسىنىڭ مادەنيەت - ساياحاتتىڭ توعىسپالى دامۋىن جەبەۋ ارناۋلى كۋرسى سياقتىلاردى وتكىزدى.

  ساياحات قاتىناس نەگىزدىك قۇرىلعىلارىن قامتاماسىز ەتۋ تەبىنىن ۇزدىكسىز كۇشەيتتى. كورلادان اقسۋعا، ودان قاشقارعا دەيىنگى تەمىر جولدىڭ قارقىنىن تەزدەتۋ، قۋاتىن كەڭەيتۋ، G218 جەلىسى ءدوڭبازاردان ناراتقا دەيىنگى 1 - دارەجەلى تاس جولى، ءۇرىمجى اۋەجايىن وزگەرتىپ، كەڭەيتىپ سالۋ سياقتى ءبىر توپ قاتىناس نەگىزدىك قۇرىلعىلارىنىڭ سالىنىپ جاتقان نىساندارىن اتقارۋدى جەدەلدەتتى؛ موڭعۇلكۇرە اۋەجايى، كەريا اۋەجايى سياقتى ءبىر توپ كەلەلى نىسانداردىڭ الدىڭعى مەرزىمدىك قىزمەتىن كۇش سالا ىلگەرىلەتىپ، وسى جىل ىشىندە جۇمىس باستاپ، قۇرىلىس جۇرگىزۋگە كۇش سالدى؛ قۇلجادان اقسۋعا دەيىنگى تەمىر جول سياقتى نىسانداردىڭ الدىڭعى مەرزىمدىك قىزمەتى ورنىقتى قاداممەن ورىستەتىلدى. مۇنان تىس، اۋىل - قىستاق تاس جولى قۇرىلىسىن بەلسەندى ىلگەرىلەتىپ، اۋىل - قىستاق ساياحات كاسىبىنىڭ قارىشتاپ دامۋىن جەبەۋگە بەرىك نەگىز قالادى.

  ساياحاتتى دامىتۋ ساياسات − شارالارىمەن قولداۋدى كۇشەيتتى. اۋىل - قىستاق ساياحات تاس جولى جانە اۆتوكولىك توقتاتۋ قۇرىلعى قۇرىلىسى، اۋىل - قىستاقتىڭ قونىس ورتاسىن رەتتەۋ - وڭاۋ، اۋىل - قىستاق ساياحات ونىمدەرى جانە قىزمەت وتەۋ ولشەمى سياقتى اۋىل - قىستاق ساياحاتىن دامىتۋدىڭ ءالسىز بۋىندارىن ارقاۋ ەتە وتىرىپ، رايونىمىزدىڭ ءىس جۇزىندىك جاعدايىمەن بىرلەستىرىپ، قاتىستى تارۋالارمەن بىرگە، «اۋىل - قىستاق ساياحاتىن دامىتۋدى، ساپاسىن جوعارىلاتىپ، دەڭگەيىن ءوسىرۋدى جەبەۋ جونىندەگى اتقارۋ جوباسى (2019 - جىلدان 2020 - جىلعا دەيىن)» ن بەلگىلەپ جانە باسىپ تاراتىپ، رايونىمىزدىڭ اۋىل - قىستاق ساياحاتىن دامىتۋعا تۇساۋ بولىپ وتىرعان فاكتورلاردىڭ قىزمەت شاراسىن جانە مىندەت ءبولىسىن ايقىن بەلگىلەدى.

  مۇنان سىرت، رايونىمىزدىڭ حالىق شارۋاشىلىعى مەن قوعامدىق دامۋىنىڭ ”14 - بەسجىلدىق“ جوبا باعدارلاماسىن جاساۋدىڭ الدىڭعى مەرزىمدىك زەرتتەۋ قىزمەتىنە بىرلەستىرە وتىرىپ، ءىشىنارا زەرتتەۋ قاراجاتىن تياناقتاندىرىپ، مادەنيەت - ساياحات ”14 - بەسجىلدىق“ دامۋ بەتالىسىنىڭ ماڭىزدى تاقىرىپتىق زەرتتەۋىنە قولداۋ كورسەتتى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءشول دالا جاسىلداندى
  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى