تيانشان تورى   ›   جاڭالىقتار   ›   ايبىندى 70 جىل ، كۇرەسكە تولى جاڭا ءداۋىر

”شينجياڭ ىشىندە شەڭبەر قالىپتاستىرۋ، شينجياڭعا كىرىپ - شىعۋدى تەزدەتۋ“ جەدەل ىلگەرىلەۋدە

جوعارى قارقىندى تاس جولدار كەڭەيە ءتۇستى، مەملەكەتتىك، ولكەلىك تاس جولداردىڭ دارەجەسى جوعارىلادى

”شينجياڭ ىشىندە شەڭبەر قالىپتاستىرۋ، شينجياڭعا كىرىپ - شىعۋدى تەزدەتۋ“ جەدەل ىلگەرىلەۋدە

ءتىلشى لۋ فىڭباۋ

  6 - ايدىڭ 20 - كۇنى تۇستە فۋكاڭ قالاسى شەكاراسى ىشىندە كۇن شىجىپ تۇردى، جازىق دالادا ءتىپتى قاپىرىق ىستىق سەزىلەدى. بەيجيڭ − شينجياڭ جوعارى قارقىندى تاس جولىنىڭ (G7) شينجياڭ شەكاراسى ىشىندەگى داحۋاڭشاننان ۇرىمجىگە دەيىنگى بولىگىن كەڭەيتۋ - وزگەرتىپ سالۋ تاس جول نىسانىنىڭ ورىنباسار قولباسشىسى سۋ دان اسفالت جاتقىزۋ ماشيناسىنىڭ ورنىقتى قارقىنمەن اسفالت جاتقىزىپ كەلە جاتقانىنا قاراپ تۇرىپ: ”مۇنداي اۋا راي جولعا اسفالت جاتقىزۋعا باپ، ءبىز جەدەل جۇمىس ىستەپ، 9 - ايدىڭ سوڭىندا كولىك قاتىناتۋعا كۇش سالامىز“ دەدى.

  جوعارى قارقىندى تاس جولدى كەڭەيتۋ - وزگەرتىپ سالۋ، مەملەكەتتىك، ولكەلىك تاس جولداردىڭ دارەجەسىن جوعارىلاتىپ، قارقىنىن تەزدەتۋ، جاڭادان جوعارى قارقىندى تاس جول سالۋ... ءتىلشىنىڭ تىلشىلىك بارىسىندا ۇعىسۋىنشا، بيىل ”1 - قازان“ قارساڭىندا، رايونىمىزدا بىرنەشە تاس جول نىساندارى وزگەرتىپ سالۋدى، دارەجەسىن جوعارىلاتۋدى نەمەسە قۇرىلىستى اياقتاتىپ كولىك قاتىناتۋدى ورىنداپ، ”شينجياڭ ىشىندە شەڭبەر قالىپتاستىرۋ، شينجياڭعا كىرىپ - شىعۋدى تەزدەتۋ“دىڭ اناعۇرلىم جوعارى ساتىعا قادام تاستاۋىن ىلگەرىلەتەدى.

■ شينجياڭعا كىرىپ - شىعاتىن كۇرە تامىر كەڭەيتىلۋدە

  ۇزاق ۋاقىتتان بەرى رايونىمىزدا شينجياڭعا كىرىپ - شىعاتىن جوعارى قارقىندى تاس جولدان تەك ليانيۇنگاڭ − قورعاس جوعارى قارقىندى تاس جولى (G30) عانا بار ەدى، 2017 - جىلى بەيجيڭ − شينجياڭ جوعارى قارقىندى تاس جولىندا (G7) كولىك قاتىناپ، رايونىمىزدا شينجياڭعا تەز دە قولايلى كىرىپ - شىعاتىن جوعارى قارقىندى تاس جولدان بىرەۋى كوبەيدى. الايدا بۇل ەكى جوعارى قارقىندى تاس جولدىڭ شينجياڭ شەكاراسى ىشىندەگى كوپ بولىگى ىسكە قوسىلىپ، كولىك قاتىناعالى ۇزاق جىل بولعاندىقتان، جەلى بويىنداعى ەكونوميكالىق، قوعامدىق دامۋعا ىلەسە، قاتىناس مولشەرى كۇرت ارتىپ، ”قاتىناعانىمەن ىركىلىسسىز بولماۋ“ جايتى كۇن سايىن كورنەكتىلەنە باستادى.

  جوعارى قارقىندى تاس جول ”كۇرە تامىرى“ ىركىلىسسىز، بوگەتسىز بولماسا، ەكونوميكانىڭ، قوعامنىڭ دامۋى ىقپالعا ۇشىرايتىنى، داۋسىز.

  ءتىلشىنىڭ اۆتونوميالى رايوندىق قاتىناس - تاسىمال مەڭگەرمەسىنەن ۇعىسۋىنشا، وسى قيىن ماسەلەنى شەشۋ ءۇشىن، قازىر رايونىمىزدا بىرنەشە جوعارى قارقىندى تاس جولدى وزگەرتىپ سالۋ - كەڭەيتىپ سالۋ نىسانى جەدەل قۇرىلىس جۇرگىزۋدە. ليانيۇنگاڭ − قورعاس جوعارى قارقىندى تاس جولىنىڭ (G30) شينجياڭ شەكاراسى ىشىندەگى شياۋساۋحۋدان ۇرىمجىگە دەيىنگى، ۇرىمجىدەن كۇيتۇنگە دەيىنگى بولىگى، بەيجيڭ − شينجياڭ (G7) جوعارى قارقىندى تاس جولىنىڭ شينجياڭ شەكاراسى ىشىندەگى داحۋاڭشاننان ۇرىمجىگە دەيىنگى بولىگى سياقتى نىسانداردىڭ بارلىعى وسىدان بۇرىنعى 4 كولىك جولىنان 8 كولىك جولىنا كەڭەيتىلەدى، 9 - ايدىڭ سوڭىندا ۇرىمجىدەن كۇيتۇنگە، داحۋاڭشاننان ۇرىمجىگە دەيىنگى وزگەرتىپ سالۋ - كەڭەيتىپ سالۋ نىسانىندا كولىك قاتىناپ اينالىسقا ءتۇسىپ، شينجياڭعا كىرىپ - شىعۋ قاتىناس قۋاتىن اناعۇرلىم كۇشەيتە تۇسەتىن بولادى.

  جاز ماۋسىمى تاس جولدا قۇرىلىس جۇرگىزۋدىڭ تاماشا مەزگىلى، ليانيۇنگاڭ − قورعاس جوعارى قارقىندى تاس جولىنىڭ (G30) شينجياڭ شەكاراسى ىشىندەگى ۇرىمجىدەن كۇيتۇنگە دەيىنگى بولىگىن وزگەرتىپ سالۋ - كەڭەيتىپ سالۋ نىسانى قازىر ”سوڭعى جۇمىس“ كەزەڭىنە ءوتتى، ”بۇكىل جەلىدەگى قۇرىلىس جۇرگىزۋشى ورىندار ۇستەمەلەپ ىستەپ، مەرزىمىنەن ءبىر اي بۇرىن بىتىرۋگە كۇش سالۋدا. بۇل جول بولىگىندە كولىك قاتىناعاننان كەيىن، كۇندىك قاتىناس قۋاتى 2 ەسەدەن استام ارتادى“، - دەدى نىساننىڭ ورىنباسار قولباسشىسى ليۋ شينيا.

■ شەڭبەر فورمالى جوعارى قارقىندى تاس جول تورى قالىپتاستى

  ”مەملەكەتتىك، ولكەلىك تاس جول جونىنەن ايتقاندا، كوپ جىلعى قۇرىلىس ارقىلى شينجياڭدى اينالعان شەڭبەر قالىپتاسىپ بولدى“، - دەدى اۆتونوميالى رايوندىق قاتىناس - تاسىمال مەڭگەرمەسىنىڭ قاتىستى جاۋاپتىسى، 2018 - جىلدىڭ سوڭىنا دەيىن، رايونىمىزدىڭ مەملەكەتتىك، ولكەلىك تاس جول نەگىزگى جەلىسىنىڭ جالپى ۇزىندىعى 29 مىڭ كيلومەتردەن اسىپ، مەملەكەتتىك تاس جول نەگىزگى جەلىسىن باستى تۇلعا ەتكەن، جوڭعار جانە تارىم 2 ۇلكەن ويپاتىن اينالعان جانە كەسىپ وتكەن تاس جول قاتىناس تورىن قالىپتاستىرىپ بولعان.

  ”شەڭبەر قالىپتاستىرۋ“ نىساناسى الدەقاشان جۇزەگە استى، ”تەزدەتۋ“ قىزمەتى دە قاۋىرت جۇرگىزىلۋدە. قازىر رايونىمىزدىڭ قاتىناس - تاسىمال تاراۋلارى ”تەزدەتۋ“ گە كۇش سالىپ، مەملەكەتتىك، ولكەلىك تاس جولداردىڭ دارەجەسىن جوعارىلاتىپ، جوعارى قارقىندى تاس جول نىساندارىن باستاپ قۇرىلىس جۇرگىزىپ، شەڭبەر فورمالى جوعارى قارقىندى تاس جول تورىن قالىپتاستىرۋعا قۇلشىنۋدا.

  G216 جەلىسىنىڭ كوكتوعايدان ۋساي - ۋانعا دەيىنگى تاس جول نىسانى شەڭبەر فورمالى جوعارى قارقىندى تاس جول تورىنىڭ ءبىر بولىگى، قوس باعىتتاعى 4 كولىك جولدى 1 - دارەجەلى تاس جول ولشەمى بويىنشا قۇرىلىس جۇرگىزىلىپ جاتقان بۇل نىساننىڭ قاتىناۋ شارت - جاعدايى اسىلگى بار مەملەكەت جولى 216 جەلىسىنەن الدەقايدا جاقسى، قازىر جول بەتىنە اسفالت جاتقىزۋ جانە قاتىناس قوسىمشا قۇرىلعىلارىن ورناتۋ كەزەڭىنە ءوتتى، 9 - ايدىڭ 30 - كۇنى سالىنىپ بولىپ، كولىك قاتىنايدى. سول كەزدە، بۇل نىسان سالىنۋ ۇستىندەگى التايدان كوكتوعايعا دەيىنگى جوعارى قارقىندى تاس جولىمەن، سونداي - اق قازىر بار ليانيۇنگاڭ − قورعاس جوعارى قارقىندى تاس جولىمەن، كۇيتۇننەن التايعا دەيىنگى جوعارى قارقىندى تاس جولىمەن بىرگە شەڭبەر فورمالى جوعارى قارقىندى تاس جول تورىن قالىپتاستىرىپ، سولتۇستىك شينجياڭنىڭ شەڭبەر فورمالى تاس جولدارى بىرتىندەپ جوعارى قارقىندى كۇيگە ءوتىپ، ”قاتىناعانىمەن تەز بولماۋ“ ماسەلەسى تاريحقا اينالاتىن بولادى.

  وڭتۇستىك شينجياڭدا، بيىل رايونىمىز G315 جەلىسىنىڭ جەتىمبۇلاقتان چارقىلىققا دەيىنگى، چارقىلىقتان نياعا دەيىنگى جول بولىگى قاتارلى نىسانداردى تەزدەتىپ جۇرگىزەدى، G0711 ۇرىمجىدەن كورلاعا (لوپنۇر) دەيىنگى جوعارى قارقىندى تاس جول قۇرىلىسىن باستايدى، G3012 قاشقاردان (جاڭاشار) قاعىلىققا، ودان قاراقاشقا دەيىنگى جول بولىگىندە دە بيىل قۇرىلىس اياقتالىپ كولىك قاتىنايدى، تارىم ويپاتىن وراي اينالعان جوعارى قارقىندى تاس جول تورى دا تەز قالىپتاسۋدا.

■ قىزمەت وتەۋ دەڭگەيىن جوعارىلاتۋى كوڭىلدى ساپارعا مۇمكىندىك جاسادى

  قىرۋار وزگەرتىپ سالىنعان، جاڭادان سالىنعان تاس جول نىساندارى قۇرىلىس جۇرگىزىپ جاتقان كەزدە، ولاردىڭ جەلى بويىنداعى قىزمەت وتەۋ اۋماقتارى قۇرىلىسى دا ساپاسىن جوعارىلاتىپ، دارەجەسىن وسىرۋدە.

  ءتىلشى بەيجيڭ − شينجياڭ جوعارى قارقىندى تاس جولىنىڭ (G7) شينجياڭ شەكاراسى ىشىندەگى داحۋاڭشاننان ۇرىمجىگە دەيىنگى بولىگىن وزگەرتىپ سالۋ - كەڭەيتىپ سالۋ تاس جول نىسانى جۇمىس ورنىنان اسفالت جاتقىزۋ ماشيناسى، جول تاپتاعىش ماشيناسى سياقتى ماشينالاردىڭ قاربالاس جۇمىستا ەكەندىگىن، جەلى بويىنداعى 2 قىزمەت وتەۋ اۋماعىن وزگەرتىپ سالۋ قۇرىلىسىنىڭ جابال ءجۇرىلىپ جاتقاندىعىن كوردى − قىزمەت وتەۋ اۋماعىنداعى ۋنيۆەرسال عيماراتتىڭ، سونداي - اق قوسىمشا پايدالانىلاتىن ۇيلەردىڭ تاعانىن قازۋ جۇمىسى مەن جەر تاعانىن ءبىر جاقتى ەتۋ قىزمەتى ءجۇرىلىپ جاتىر.

  سۋ دان بىلاي دەپ تانىستىردى: وزگەرتىپ سالىنعاننان كەيىن، فۋكاڭ قىزمەت وتەۋ اۋماعى مەن داحۋاڭشان قىزمەت وتەۋ اۋماعىنىڭ يەلەيتىن جەر اۋدانى بۇدان بۇرىنعىدان ءبىر ەسە كەڭەيەدى، قىزمەت وتەۋ اۋماعى قۇرىلىسىندا ساياحاتقا اناعۇرلىم كوپ قىزمەت وتەۋگە، ماسەلەن، اس - سۋ، زات ساتىپ الۋ سياقتى ورىندارعا كەڭىستىك قالدىرىلىپ، ارلى - بەرلى وتكەن كولىكتەرگە اناعۇرلىم كوپ قولايلىلىقتار جاراتاتىن بولادى.

  بيىل اۆتونوميالى رايوندىق قاتىناس - تاسىمال مەڭگەرمەسى تاعى 16 ادەتتەگى مەملەكەتتىك، ولكەلىك نەگىزگى تاس جولىنداعى قىزمەت وتەۋ اۋماقتارىنىڭ دارەجەسىن جوعارىلاتىپ وزگەرتىپ سالىپ، ساياحاتشىلاردىڭ دارەتكە وتىرۋى قيىن بولۋ، كولىك توقتاتۋى قولايسىز بولۋ سياقتى ماسەلەلەردى كۇش سالا شەشەدى.

  بيىل رايونىمىز تاعى موتورلى كولىكتەرگە ETC (كولىكتى توقتاتپاي ەلەكتروندىق اقى الۋ جۇيەسى) ورناتىپ پايدالانۋ قىزمەتىن دە كۇش سالا ىلگەرىلەتەدى، 7 - ايدىڭ 1 - كۇنىنەن باستاپ، ETC قولدانۋشىلارعا %5تەن تومەن بولمايتىن كولىك قاتىناۋ تيىمدىلىگى جاسالىپ، جىل سوڭىنا دەيىن بۇكىل رايوندا موتورلى كولىكتەردىڭ ETC ورناتۋ مولشەرىن %80تەن، جوعارى قارقىندى تاس جولداردا قاتىنايتىن كولىكتەردىڭ ETC قولدانۋ مولشەرىن %90تەن اسىرىپ، جوعارى قارقىندى تاس جولداردا كولىك توقتاتپاي - اق شاپشاڭ اقى الۋدى نەگىزىنەن جۇزەگە اسىرۋعا كۇش سالادى.

  دەمەك، كولىكتەر رايونىمىز تاس جولدارىندا قاتىناعاندا، كولىك يەسىنىڭ ساپارى ونان ارى كوڭىلدى بولىپ عانا قويماي، اناعۇرلىم ىركىلىسسىزدەنە تۇسەتىندىگىن مەجەلەۋ قيىن ەمەس. ”ءبىز جوبالاعان كەزدەن - اق ETC سىندى بۋىندى ويلاستىرعانبىز، بۇدان بىلاي، ETC ورناتقان كولىكتەر ليانيۇنگاڭ − قورعاس جوعارى قارقىندى تاس جولىندا قاتىناعاندا، ءتىپتى دە قولايلى ءارى تەز بولادى“، - دەدى سۋ دان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى