شي جينپيڭ حۋاڭ ۋىنشيۋ جولداستىڭ ۇزدىك ىزگى ىستەرى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى
اۋەلگى ماقساتتى ۇمىتپاي، بورىشتى ەستە بەرىك ساقتاپ، جاۋاپكەرشىلىك ارقالاۋعا باتىل، ءوزىن ارناۋعا پەيىل بولىپ، جاڭا ءداۋىردىڭ ۇزاق جورىعى جولىندا تىڭ دا اناعۇرلىم زور ۇلەس قوسايىق
شينحۋا اگەنتتىگىنىڭ 7 - ايدىڭ 1 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا حۋاڭ ۋىنشيۋ جولداستىڭ ۇزدىك ىزگى ىستەرى جونىندە ماڭىزدى نۇسقاۋ بەرىپ، مىنانى ءبىلدىردى: حۋاڭ ۋىنشيۋ جولداستىڭ باقىتقا قارسى قازا بولۋى ادامدى قاتتى وكىندىرەدى، ونىڭ وتباسىنداعىلاردان شىنايى حال سۇرايمىن. ول بىلاي دەپ باسا دارىپتەدى: حۋاڭ ۋىنشيۋ جولداس اسپيرانتتىقتى تاۋىسقاننان كەيىن، ۇلكەن قالادا قىزمەت ىستەۋ ورايىنان كەشىپ، تايسالماستان اتا مەكەنىنە قايتىپ بارىپ، كەدەيلىكتەن ارىلتۋدان قامال الۋدىڭ ءبىرىنشى شەبىندە بار پەيىلىن سالىپ، ءوزىن ارناپ، كورىكتى جاستىق ورالى ارقىلى كوممۋنيستەردىڭ اۋەلگى ماقساتىن، بورىشىن ايگىلەدى، جاڭا ءداۋىردىڭ جاستىق جىرىن جازدى. قالىڭ پارتيالى كادرلار جانە جاس جولداستار حۋاڭ ۋىنشيۋ جولداستى ۇلگى ەتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جاۋاپكەرشىلىك ارقالاۋعا باتىل، ءوزىن ارناۋعا پەيىل بولىپ، جاڭا ءداۋىردىڭ ۇزاق جورىعى جولىندا تىڭ دا اناعۇرلىم زور ۇلەس قوسۋ كەرەك.
حۋاڭ ۋىنشيۋ جولداس كوزى تىرىسىندە گۋاڭشي جۋاڭزۋ اۆتونوميالى رايونى بايسى قالالىق پارتكوم ۇگىت ءبولىمىنىڭ كادرى بولاتىن. 2016 - جىلى ول بەيجيڭ پەداگوگيكا داشۋەسىنەن اسپيرانتتىق بىتىرگەننەن كەيىن، اتا مەكەنى بايسىعا قايتىپ كەلىپ قىزمەت ىستەيدى. 2018 - جىلى 3 - ايدا حۋاڭ ۋىنشيۋ جولداس ۇيىمنىڭ ۇندەۋىنە بەلسەنە ءۇن قوسىپ، لىيە اۋدانى بايني قىستاعىنا بارىپ، قىستاقتىڭ ءبىرىنشى شۋجيى مىندەتىن اتقارادى، دەن قويا، جان قيارلىقپەن ىستەپ، 88 وتباسىنداعى 418 كەدەي بۇقارانى باستاپ، كەدەيلىكتەن ارىلتادى، تۇتاس قىستاقتا كەدەيلىكتىڭ تۋىلۋ سالىستىرماسى ％20تەن استام تومەندەيدى. 2019 - جىلى 6 - ايدىڭ 17 - كۇنى تاڭەرتەڭ ول بايسىدان لىيەگە قايتىپ بارا جاتقان جولدا سەلگە جولىعىپ، باقىتقا قارسى قازا بولىپ، 30 جاستاعى قىمباتتى ءومىرىن ارنايدى.
