تيانشان تورى   ›   جاڭالىقتار   ›   شينجياڭ حابارلارى

اۋەلگى ماقساتتان اينىماي، بورىش ارقالاپ، ”ەكىنى قورعاۋ“دى باتىل ورىندايىق

اۆتونوميالى رايون 21 - رەتكى پارتيا ستيلى، پاكتىك تاربيەسى ايى قيمىلىن باستادى

اۋەلگى ماقساتتان اينىماي، بورىش ارقالاپ، ”ەكىنى قورعاۋ“دى باتىل ورىندايىق

اۋەلگى ماقساتتى ۇمىتپاۋ بورىشتى ەستە بەرىك ساقتاۋ

  ەرىكتى ءتىلشى لەي تاۋ 7 - ايدىڭ 2 - كۇنى ۇرىمجىدەن حابارلايدى. تاياۋدا اۆتونوميالى رايوندىق پارتكوم كەڭسەسى «اۆتونوميالى رايوننىڭ 21 - رەتكى پارتيا ستيلى، پاكتىك تاربيەسى ايى قيمىلىن ورنالاستىرۋ پىكىرىن» (تومەندە قىسقاشا «پىكىر» دەلىنەدى) باسىپ تاراتتى، بۇل 7 - ايدىڭ 1 - كۇنىنەن باستاپ ءبىر اي ۋاقىت وتكىزىلەتىن اۆتونوميالى رايوننىڭ 21 - رەتكى پارتيا ستيلى، پاكتىك تاربيەسى ايى قيمىلىنىڭ رەسمي باستالعاندىعىن كورسەتەدى. بۇل رەتكى تاربيە ايى قيمىلىندا ”اۋەلگى ماقساتتان اينىماي، بورىش ارقالاپ، ’ەكىنى قورعاۋ‘دى باتىل ورىنداۋ“ نەگىزگى تاقىرىپ بولدى.

  «پىكىر» مىنالاردى اتاپ كورسەتتى: ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن ۇشتاستىرىپ، پارتكومداردىڭ (پارتيا باسشىلىق گرۋپپالارى) نازاريا ۇيرەنۋ وزەكتى گرۋپپاسىنىڭ ۇيرەنۋى، كىتاپ وقۋ كۋرسىن اشۋ، توپتىق زەرتتەۋ - تالقىلاۋ، ارناۋلى لەكسيا، جەكەلەردىڭ وزدىگىنەن ۇيرەنۋى سياقتى تاسىلدەر ارقىلى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ارناۋلى ۇيرەنۋ، تالقىلاۋ قيمىلىن مۇقيات ورىستەتۋ؛ پارتيالى كادرلاردىڭ پاكتىك تاربيەسى ۇلكەن ساباقحاناسى قيمىلىن ورىستەتىپ، پارتيالى باسشى كادرلار باستاماشىلدىقپەن پارتيا ساباعىن سويلەۋ، پارتيانى جاپپاي قاتاڭ جونگە سالۋ جاعدايى بايانداماسىن جاساۋ كەرەك.

  ۇعىسۋعا قاراعاندا وسى رەتكى تاربيە ايىندا ۇنامدى، ۇنامسىز تيپتەر بويىنشا ۇيرەنۋ - تاربيە بەرۋ قيمىلى ورىستەتىلىپ، تيپتەر ارقىلى جەتەكتەۋگە تاباندى بولىپ، جياۋ يۇيلۋ، گۋ ۋىنچاڭ، جاڭ فۋچيڭ قاتارلى ەڭبەكشىل، كىرشىكسىز تيپتەردەن ۇيرەنىپ، وتانشىلدىق تاربيە بازاسى، توڭكەرىس تاريحى سارايى سياقتىلاردى ەكسكۋرسيالايدى؛ ۇنامسىز تيپتەردى بورشالاپ، تيپتىك دەلولاردى اشىق حابارلاندىرىپ، جاريالاپ، ساقتاندىرۋ تاربيەسى ءماجىلىسىن ۇيىمداستىرىپ اشۋ، قىزمەتتىك قىلمىس دەلولارى تەرگەۋىن سىرتتاي تىڭداۋ، شىرىكتەسۋگە قارسى تۇرىپ، پاكتىكتى دارىپتەۋ تاربيەسى بازاسىن ەكسكۋرسيالاۋ سياقتىلار ۇيىمداستىرىلىپ، دەلو ارقىلى ءتارتىپتى ايقىنداۋ، دەلو ارقىلى رەفورمانى جەبەۋ ويداعىداي يگەرىلەدى؛ ”ستيلى پاك تيانشان“ جەلىلەس پاكتىك مادەنيەت قيمىلى ورىستەتىلىپ، ”ستيلى پاك تيانشان“ پاكتىك ميكرو بەينە كەسكىن جيناۋ جارىسى قيمىلى ىلگەرىلەتىلىپ، ءبىر توپ تاڭداۋلى تۋىندىلار سارالانىپ، ءتۇرلى اقپارات قۇرالدارىندا تاراتىلادى؛ بۇقارالىق پاكتىك مادەنيەت قيمىلى ورىستەتىلىپ، ”قىزىل وتباسى ستيلىن جالعاستىرۋ“ قيمىلى ورىستەتىلەدى.

  7 - ايدىڭ سوڭعى شەنىندە اۆتونوميالى رايون تۇتاس رايونداعى ورىنباسار باسقارما دارەجەلىدەن جوعارى پارتيالى كادرلاردى، مەملەكەتتىڭ الەۋمەتتىك قىزمەتكەرلەرىن ءبىر تۇتاس ۇيىمداستىرىپ، پارتيا ءتارتىبى، زاڭ ەرەجەلەر جانە ءمورال، پاكتىك ءبىلىمى سىناۋى قيمىلىن ورىستەتەدى، مۇندا پارتيالى كادرلاردىڭ ءتارتىپ، زاڭ بويىنشا مىندەت وتەۋ قابىلەتىن جوعارىلاتۋ ماقسات ەتىلگەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى
  • جاڭا ۇيگە كوشتى جاڭا تۇرمىس كەشىردى