تيانشان تورى   ›   جاڭالىقتار   ›   شينجياڭ حابارلارى

رايونىمىز جالپى حالىقتىڭ دەنساۋلىعىن تەكسەرۋدىڭ ۇدايىلانۋىن ىلگەرىلەتتى

3 جىلدا جيىنى 53 ميلليون 830 مىڭ ادامنىڭ (رەت) دەنساۋلىعىن تەكسەردى

رايونىمىز جالپى حالىقتىڭ دەنساۋلىعىن تەكسەرۋدىڭ ۇدايىلانۋىن ىلگەرىلەتتى

  ءتىلشى لي لين 7 - ايدىڭ 2 - كۇنى ۇرىمجىدەن حابارلايدى. ءتىلشى اۆتونوميالى رايوننىڭ جالپى حالىقتىڭ دەنساۋلىعىن تەكسەرۋ قىزمەتىنىڭ قاتىستى جاعدايلارى جونىندەگى اقپار جاريالاۋ ماجىلىسىنەن مىنانى ۇعىستى: 2016 - جىلدان باستاپ رايونىمىز ءۇرتىس 3 جىل جالپى حالىقتىڭ دەنساۋلىعىن تەگىن تەكسەرۋ قىزمەتىن ورىستەتىپ، شامامەن جالپى 4 ميلليارد 68 ميلليون يۋان قارجى جۇمساپ، 53 ميلليون 830 مىڭ ادامنىڭ (رەت) دەنساۋلىعىن تەكسەرگەن، جالپى حالىقتىڭ دەنساۋلىعىن تەگىن تەكسەرۋ ”ەمدەۋ ارقىلى حالىققا تيىمدىلىك جاساۋ“ ينجەنەرياسىنىڭ جانە ”سالاماتتى شينجياڭ“ قۇرىلىسىنىڭ ايتۋلى تانىسقىسىنا اينالعان. بيىل جالپى حالىقتىڭ دەنساۋلىعىن تەكسەرۋ قىزمەتىن ورىستەتكەن 4 - جىل، رايونىمىز جالپى حالىقتىڭ دەنساۋلىعىن تەكسەرۋدىڭ ۇدايىلانۋىن ىلگەرىلەتىپ، ءار ۇلت بۇقاراسىن اناعۇرلىم ويداعىداي باقىتقا كەنەلتەدى ەكەن.

  اۆتونوميالى رايوندىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشى جوۋ مەيليننىڭ تانىستىرۋىنشا، 3 جىلدان بەرى رايونىمىز جالپى حالىقتىڭ دەنساۋلىعىن تەكسەرۋ قىزمەتىن دەن قويا ويداعىداي ىستەپ، اۋىل، قىستاق ەكى دارەجەلى ەمدەۋ قۇرىلىمىن ولشەمدەندىرۋ قۇرىلىسىن كۇش سالا ىلگەرىلەتىپ، دارىندىلاردى ەنگىزۋ سەرپىنىن ارتتىرىپ، شوعىرلى باۋلۋ، جۇمىس باسىندا قۋزاۋ - جەتەكشىلىك ەتۋ، تەكسەرۋ سياقتى تاسىلدەردى قولدانۋ ارقىلى نەگىزگى ساتى ەمدەۋ قۇرىلىمدارىنىڭ ەمدەۋ تەحنيكا قىزمەتكەرى، كەسكىندەۋ قىزمەتكەرى، لابورانت تاپشى بولۋ جانە ساپاسى جوعارى بولماۋ ماسەلەسىن قۇلشىنا شەشكەن. سونىمەن بىرگە، رايونىمىز اۋىل - قالاشىق شيپاحانالارىن جانە قىستاق ەمحانالارىن ولشەمدەندىرۋ قۇرىلىسىن اناعۇرلىم كۇشەيتىپ، جيىنى 553 ميلليون يۋان قارجى جۇمساپ، ءىرى تيپتى دەنساۋلىق تەكسەرۋ اسپابىنان جاڭادان 7269ىن كوبەيتكەن، بۇكىل رايونىمىزدىڭ اۋىل - قالاشىق شيپاحانالارىنىڭ ولشەمدەنۋ سالىستىرماسى %89.59كە، قىستاق ەمحانالارىنىڭ ولشەمدەنۋ سالىستىرماسى %89.97كە جەتىپ، اۋىل - قالاشىق شيپاحانالارى امبولاتورياسىنا، شۇعىل ەمدەۋ بولىمىنە اۋرۋ كورسەتۋگە كەلگەندەر (رەت) جىل سايىن ارتىپ، 130 اۋىل - قالاشىق شيپاحاناسى جانە 14 الەۋمەتتىك اۋماق دەنساۋلىق ساقتاۋعا قىزمەت وتەۋ ورتالىعى مەملەكەت جاعىنان ”بۇقارا رازى اۋىل - قالاشىق شيپاحاناسى“، ”ساپالى قىزمەت وتەۋدەن ۇلگى كورسەتەتىن الەۋمەتتىك اۋماق دەنساۋلىق ساقتاۋعا قىزمەت وتەۋ ورتالىعى“ بولىپ باعالانعان. مۇنان سىرت، رايونىمىز دەنساۋلىق تەكسەرۋگە قىزمەت وتەۋدى ۇزدىكسىز ساپالىلاندىرعان. جەر - جەر ەگىنشى - مالشى قاۋىمىنىڭ ءىس جۇزىندىك جاعدايىن تولىق ويلاستىرىپ، ۇيلەسىمدى ۇيىمداستىرىپ، ورنالاستىرىپ، ەگىس جۇمىسىن دا، دەنساۋلىعىن تەكسەرتۋدى دە اقساتپاۋدى شىن مانىندە ورىنداعان. جاسى ەگدەلەگەن قارتتار، مۇگەدەكتەر سياقتى ەرەكشە قاۋىمعا قاراتا جىلجىمالى دەنساۋلىق تەكسەرۋ اۆتوكولىگى، الىپ جۇرۋگە قولايلى دەنساۋلىق تەكسەرۋ اسپاپتارى ارقىلى ۇيلەرىنە بارىپ قىزمەت وتەگەن. دەنساۋلىق تەكسەرۋ تۇيىندەرىندە تاعى ايقىن نۇسقاۋ بەلگىسى ورناتىلىپ، جول نۇسقاۋشىلار ورنالاستىرىلعان ءارى اش قارىندا دەنساۋلىعىن تەكسەرتۋگە كەلگەن بۇقاراعا ءنارلى تاماق دايىنداعان.

  جوۋ مەيلين مىنانى ءبىلدىردى: بۇدان بىلاي دەنساۋلىق تەكسەرۋ ساپاسىن مەڭگەرۋ كۇشەيتىلىپ، بۇكىل رايونىمىزداعى نەگىزگى ساتى ەمدەۋ قۇرىلىمدارىنداعى كاسىپتىك قىزمەتكەرلەردى ساپاسىن مەڭگەرۋ بويىنشا باۋلۋ سەرپىنى ارتتىرىلىپ، كۇندەلىكتى باسقارۋ كۇشەيتىلىپ، ساپانى مەڭگەرۋ دەڭگەيى جوعارىلاتىلادى. بيىل اۆتونوميالى رايون دارەجەلى جالپى حالىقتىڭ دەنساۋلىعىن تەكسەرۋدى ينفورماتسيالاندىرىپ باسقارۋ تۇعىرى ىسكە قوسىلىپ، ينفورماتسيا جۇيەسىن تۇتاستىرۋ ىلگەرىلەتىلىپ، دەنساۋلىق تەكسەرۋدەن ىلگەرگى سالاۋاتىن انىقتاۋ مەن دەنساۋلىق تەكسەرۋ ينفورماتسياسىنىڭ ۇلاسۋى، تۇتاسۋى جۇزەگە استى؛ دەنساۋلىق تەكسەرۋ قىزمەتىندە حالىققا قولايلى قىزمەت وتەۋدى كۇش سالا ويداعىداي ىستەپ، دەنساۋلىق تەكسەرۋ تۇيىندەرى دەنساۋلىق تەكسەرۋ بويىنشا جول نۇسقاۋشى، تەگىن تاڭەرتەڭگى اس، دەنساۋلىق تەكسەرۋ دەمالىس رايونى سياقتى سايكەستى قىزمەت وتەۋمەن ۇزدىكسىز قامداپ، بۇقارانىڭ دەنساۋلىعىن تەكسەرتۋىنە قولايلىلىق جاسايدى. شەت، شالعايداعى اۋىل - قىستاقتارداعى جانە تاۋلى وڭىردەگى تۇرعىندار، مەكتەپتە وقىپ جاتقان وقۋشىلار (جوعارى مەكتەپتەردى قامتيدى) سياقتى ەرەكشە قاۋىمعا قاراتا، اۆتونوميالى رايوندىق دەنساۋلىق ساقتاۋ، سالاماتتىق كوميتەتى دەنساۋلىق تەكسەرۋ ۋاقىتشا تۇيىندەرىن قۇرۋعا ىنتالاندىرىپ، بۇقارانىڭ دەنساۋلىق تەكسەرتۋگە قاتىناسۋىنا قولايلىلىق جاسايدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى