تيانشان تورى   ›   ۇيرەنۋ   ›   شولۋ

زاڭعا اۋىر قيعاشتىق جاساۋ ارەكەتىن ەرەكشە اكىمشىلىك رايونى ۇكىمەتىنىڭ سوڭىنا دەيىن تەكتەۋىن باتىل قولدايمىز

حالىق گازەتىنىڭ شولۋشىسى

  7 - ايدىڭ 1 - كۇنى − شياڭگاڭداعى ءار سالا قايراتكەرلەرىنىڭ شياڭگاڭنىڭ وتان قۇشاعىنا ورالعاندىعىن جانە شياڭگاڭ ەرەكشە اكىمشىلىك رايونى قۇرىلعاندىعىن ەسكە الاتىن مەرەيلى كۇن. كەيبىر ۇشىنا شىققان ۇشقارى ەلەمەنتتەر ەرەكشە اكىمشىلىك رايون ۇكىمەتىنىڭ قاتىستى ەرەجەلەرگە وزگەرىس ەنگىزۋىنە قارسى تۇرۋدى جەلەۋ ەتىپ، زاڭ شىعارۋ كەڭەسى عيماراتىنا زورلىقتى كۇشپەن سوقتىعۋ وقيعاسىن تۋدىردى. بۇل − شياڭگاڭنىڭ زاڭمەن جونگە سالىنۋىن اۋىر دارەجەدە اياققا تاپتاعاندىق، شياڭگاڭنىڭ قوعامدىق ءتارتىبىن زور دارەجەدە بۇلدىرگەندىك، ”ءبىر ەل، ەكى ءتۇزىم“نىڭ تومەنگى شەگىنە اشىق سايىس جاريالاعاندىق.

  تەمىر تاياقپەن، تەمىر تورلى اۆتوكولىكپەن زاڭ شىعارۋ كەڭەسى عيماراتىنىڭ اينەكتەن جاسالعان سىرتقى داۋالىن ءبۇلدىرىپ، ۋلى حيميالىق توزاڭمەن ساقشىلارعا شابۋىلداپ، زاڭ شىعارۋ كەڭەسى عيماراتىنا زورلىقپەن باسا كوكتەپ كىرىپ، سالتاناتتى كەڭەس زالىن جانە ەرەكشە اكىمشىلىك رايونىنىڭ رايون بەلگىسىن قۇتىرىنا ءبۇلدىردى... زاڭ - تارتىپپەن مۇلدە ساناسپاعان مۇنداي زورلىقتى كۇش ارەكەتتەرى ادامدى قاتتى تىكسىندىردى، اشىندىردى، كەكتەندىردى! بۇعان ەشقانداي ءبىر مەملەكەت، ەشقانداي ءبىر قوعام استە ءتوزىپ تۇرا المايدى. ورتالىق لينجىڭ يۋە - ى اكىمنىڭ جانە ەرەكشە اكىمشىلىك رايون ۇكىمەتىنىڭ زاڭ بويىنشا اكىمشىلىك جۇرگىزۋىن باتىل قولدايدى، شياڭگاڭ ساقشى جاعىنىڭ قاتاڭ زاڭ اتقارىپ، زاڭعا قايشى ارەكەتتى سوڭىنا دەيىن تەكتەپ، قوعامدىق ءتارتىپ پەن قالا حالقىنىڭ حاۋىپسىزدىگىن قامتاماسىز ەتۋىن باتىل قولدايدى.

  زاڭمەن جونگە سالۋ − شياڭگاڭنىڭ ءتۇبىرلى نەگىزىنىڭ ءبىرى، سونىمەن بىرگە شياڭگاڭنىڭ وزەكتى قۇنى. ۇزاقتان بەرى، شياڭگاڭنىڭ جانە شياڭگاڭ قالا تۇرعىندارىنىڭ بويىنان ايگىلەنگەن زاڭعا بويسۇنۋ رۋحى كەڭ كولەمدە ماداقتالىپ كەلدى، وعان از ساندى ادامداردىڭ داق تۇسىرۋىنە بولمايدى. زاڭمەن جونگە سالىناتىن قوعام تۇرلىشە ۇندەردى سيدىرۋدى قاجەت ەتەدى، الايدا بۇل از ساندى ادامداردىڭ زاڭعا قايشى ارەكەت جۇرگىزۋىنە بولادى دەگەندى بىلدىرمەيدى، زورلىقتى كۇش قىلمىستىق وقيعالارىن ىرقىنا جىبەرۋ، تيداۋ سالماۋ دەگەندى ءتىپتى دە بىلدىرمەيدى. زاڭمەن جونگە سالۋدىڭ ىشكى ءمانىنىڭ ءبىرى − زاڭ بولادى ەكەن وعان، ءسوز جوق، نەگىزدەلۋ، زاڭعا ق−ايشى ارەكەتتى، ءسوز جوق، تەكتەۋ. مەيلى كىم بولسىن، مەيلى قانداي سەبەپپەن بولسىن، زاڭعا قايشىلىق جاسايدى ەكەن، زاڭنىڭ تەكتەۋىنە ۇشىرايدى. تەك زاڭنىڭ بەدەلىن قورعاعاندا، زاڭنىڭ ابىرويىن قورعاعاندا عانا، قوعامنىڭ تىنىشتىعىن، ءتارتىبىن، شياڭگاڭنىڭ گۇلدەنۋىن، ورنىقتىلىعىن، مەملەكەتتىڭ باياندى تىنىشتىعىن قامتاماسىز ەتۋگە بولادى.

  شياڭگاڭ − كوپ نەگىزدى قوعام، كەيبىر ماسەلەلەر جونىندە باسقاشا پىكىردىڭ ءومىر ءسۇرۋى، ءتىپتى، ەلەۋلى الاۋىزدىقتىڭ ساقتالۋى عاجاپتانارلىق ءىس ەمەس، دەسەدە ەگەر ”ءپانساياسيلاندىرۋ“ شۇڭەتىنە باتىپ، قاساقانا قاراما - قارسىلىق، تىرەسۋ تۋدىرسا، وندا ودان ەشقانداي پايدا جوق بولىپ قانا قالماستان، ەكونوميكانىڭ، قوعامنىڭ دامۋىنا اۋىر كەدەرگىلىك جاسايدى. ەرەكشە رايون ۇكىمەتىنىڭ قاتىستى ەرەجەلەرگە وزگەرىس ەنگىزۋىن ساياسيلاندىرۋ، ءتىپتى، قۇبىجىق ەتىپ كورسەتۋ، قوعامدا ۇزدىكسىز تالاس تۋدىرۋ، زاڭسىز قيمىلدارعا جەلىكتىرۋ، شياڭگاڭنىڭ حالىقارالانعان ساۋدا ءىرى قالا سىندى اتاعىن زيانداۋ قالىڭ شياڭگاڭدىقتاردىڭ ءتول مۇددەسى مەن ءتۇبىرلى قۇت - ىرىسىن زالالدايدى. باسا دارىپتەۋگە ءتيىستىسى، شياڭگاڭ زاڭمەن جونگە سالۋدى، بەيبىتشىلىكتى، اقىلدىلىقتى، سيىسىمدىلىقتى قاستەرلەيتىن قوعام، زاڭمەن جونگە سالۋ اياسىندا ءۇمىت - تىلەكتى جەتكىزۋ، ورتاق تانىمعا قول جەتكىزۋ، اپەرباقاندىقتى جويۋ − شياڭگاڭدى، شىنىمەن، ايالاپ وتىرعان بارلىق شياڭگاڭداعى تۇرعىنداردىڭ ورتاق جاۋاپكەرشىلىگى.

  ”بەرەكە جاقسىلىق اكەلەدى، ارازدىق اپات اكەلەدى“. شياڭگاڭ جاقسى نەگىزگە يە بولعانىمەن، الايدا الەمدىك ەكونوميكالىق جاعداي تەرەڭدەي رەتتەلىپ، حالىقارالىق باسەكە بارعان سايىن قيان - كەسكىلەنگەن ارتقى كورىنىستە، وتە زور سىن - سايىسقا دا ءدوپ كەلۋدە، اۋرە - سارساڭعا توزە المايدى، ىشكى ءيتىس - تارتىسقا شىداي المايدى. وسى ساتتە، ءبىز شياڭگاڭدى زاڭ بويىنشا جونگە سالۋدىڭ شياڭگاڭنىڭ كەلەشەگى مەن تاعدىرى جونىندەگى ەرەكشە ماڭىزدىلىعىن اناعۇرلىم تەرەڭدەي تانىدىق، شياڭگاڭ قوعامىندا نەگىزگى زاڭ مەن ءتۇبىرلى زاڭدى قۇرمەتتەيتىن، زاڭمەن جونگە سالۋدى قورعايتىن تاماشا سالت قالىپتاستىرۋدىڭ رەال كوكەي تەستىلىگىن اناعۇرلىم شىن مانىندە سەزىندىك. ۇشقارى زورلىقتى كۇش ارەكەتىن قاتاڭ جازعىرۋ، زاڭعا اۋىر قايشى ارەكەتتى سوڭىنا دەيىن تەكتەۋ − وتاندى سۇيەتىن، شياڭگاڭدى سۇيەتىن بارلىق قايراتكەرلەردىڭ ورتاق جۇرەك ءۇنى، سونىمەن بىرگە مەملەكەتتى زاڭمەن جونگە سالۋدى جانە شياڭگاڭنىڭ زاڭمەن جونگە سالىنۋىن قورعاۋدى جاپپاي ىلگەرىلەتۋدە ارقالاۋعا ءتيىستى بورىش.

  (شينحۋا اگەنتتىگىنىڭ 7 - ايدىڭ 2 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.