تيانشان تورى   ›   جاڭالىقتار   ›   ماڭىزدى حابارلار

شي جينپيڭ 2019 دۇنيە جۇزىلىك جاڭا ەنەرگيالى اۆتوكولىك جينالىسىنا قۇتتىقتاۋ حات جولدادى

  شينحۋا اگەنتتىگىنىڭ 7 - ايدىڭ 2 - كۇنى بەيجيڭنەن بەرگەن حابارى. 2019 دۇنيە جۇزىلىك جاڭا ەنەرگيالى اۆتوكولىك جينالىسى 7 - ايدىڭ 2 - كۇنى حايناننىڭ بو - اۋىندا اشىلدى. مەملەكەت ءتوراعاسى شي جينپيڭ قۇتتىقتاۋ حات جولداپ، جينالىستىڭ اشىلعاندىعىن قىزۋ قۇتتىقتايتىندىعىن ءبىلدىردى.

  شي جينپيڭ بىلاي دەپ اتاپ كورسەتتى: قازىر جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسىنىڭ تۋىنداۋىنا، وركەندەۋىنە ىلەسە، جاڭا ەنەرگيالى اۆتوكولىك كاسىبى جەدەل دامۋدىڭ جاڭا ساتىسىنا ءوتتى، بۇل ءار ەل ەكونوميكاسىنىڭ ارتۋىنا اسا كۇشتى جاڭا قوزعاۋشى قۋات قوسىپ عانا قويماي، پارنيكتىك گازداردىڭ ىعىستىرىلىپ شىعۋىن ازايتىپ، كليمات وزگەرىسىنىڭ سىن - سايىسىنا توتەپ بەرىپ، الەمدىك ەكولوگيالىق ورتانى جاقسارتۋعا دا سەپتىگىن تيگىزدى.

  شي جينپيڭ بىلاي دەپ باسا دارىپتەدى: جۇڭگو جاسىل، تومەن كومىرتەكتى، باياندى دامۋ جولىمەن جۇرۋگە تاباندى بولىپ، حالىقارالىق قوعاممەن بىرگە، جاڭا ەنەرگيالى اۆتوكولىك عىلىم - تەحنيكاسىندا جاڭالىق اشۋدى جانە قاتىستى كاسىپتەردىڭ دامۋىن جەدەل ىلگەرىلەتىپ، تازا دا كورىكتى دۇنيە ءجۇزىن قۇرۋعا، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋگە اناعۇرلىم كەسەك ۇلەستەر قوسۋدى قالايدى. قوناقتاردىڭ ىشكەرىلەي پىكىر اۋىستىرىپ، ورتاق تانىم ۇيىستىرىپ، جاڭا ەنەرگيالى اۆتوكولىك كاسىبىندە اۋىس - كۇيىستى، سەلبەستىكتى تەرەڭدەتىپ، جاسامپاز عىلىم - تەحنيكانىڭ دامۋ جەتىستىكتەرى ارقىلى دۇنيە جۇزىندەگى ءار ەل حالىقتارىنا اناعۇرلىم مول باقىت جاراتۋىن ءۇمىت ەتەمىن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.