تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

”لي اعامدى ورنالاستىرىپ قويسام عانا الاڭسىز بولامىن“

ءتىلشى چىن چىن، ەرىكتى ءتىلشى ۋي يانرۇڭ

  ”ەركىن باۋىر، كەلدىڭ عوي ايتەۋ، مەن سەنى ساعىنىپ كەتتىم!“ 6 - ايدىڭ 26 - كۇنى تۇستەن بۇرىن شاۋەشەك قالالىق سىرتپەن اۋىس - كۇيىس، سەلبەستىك جاساۋ ورتالىعىنىڭ شاۋەشەك قالاسى ەمىل اۋىلى جارسۋ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ورىنباسار باستىعى ەركىن قالي ازىق - تۇلىك، جەمىس - جيدەك كوتەرىپ، شاۋەشەك قالاسىنداعى يىياڭيۋان سىرقاتتان ايىقتىرۋ، قارتتاردى كۇتىمدەۋ ورنىنا لي تايحىعا امانداسا كەلگەندە، لي تايحى بالاداي قۋاندى.

  بيىل 55كە كەلگەن لي تايحى جالعىز تۇرادى، مىنەزى دە ءبىرشاما تۇيىق، كوبىندە ۇيدە جالعىز تۇرادى.

  بىلتىر جىل باسىندا ەركىن ىرىقتى تۇردە لي تايحىمەن تۋىس بولدى. ەركىن لي تايحىنىڭ ۇيىنە بارعاندا، ۇيدە ۇساق - تۇيەك زاتتاردىڭ كورىنگەن جەردە ءۇيىلىپ جاتقانىن كورىپ، دەرەۋ جەڭىن تۇرە سالا لي تايحىعا كومەكتەسىپ توسەك - ورىندى رەتتەپ، ءۇيدى تازالاۋعا كىرىسەدى، لي تايحى توتەنشە اسەرلەنەدى.

  ول كەزدە لي تايحىنىڭ دەنساۋلىعى كورىم، ءوزىن - ءوزى كۇتە الاتىن. ەركىن ادام ىزدەپ ونىڭ ۇيىندەگى ەلەكترلى سۋ ناسوسىن رەمونتتاپ، اۋلاداعى بوس جەرگە كوكونىس ەكتى. ەركىن لي تايحىنىڭ سىبىرتكى تۇپتەۋدى بىلەتىندىگىن بايقاعاننان كەيىن، ونى سىبىرتكى تۇپتەپ ساتۋعا شابىتتاندىردى ءارى وعان ىرىقتىلىقپەن كومەكتەسىپ ساتىسىپ بەردى.

  قىس كىرۋگە تاياعاندا، ەركىن اۋىلدىق ۇكىمەتتەن جىلۋمەن قامداۋعا كومەككە بەرىلەتىن 3 توننا كومىر ءوتىنىش ەتىپ، قىستاق كادرلارىمەن بىرگە كومىردى لي تايحىنىڭ ۇيىنە جەتكىزىپ بەردى. ەركىن كەدەيلەردى سۇيەمەلدەيتىن باسقا 2 كادرمەن بىرلەسىپ اقشا شىعارىپ، لي تايحىنىڭ ۇيىنە تەمىر پەش ورناتتى جانە وتقا ءتوزىمدى كەرپىشتەن تام پەش قالاپ بەردى.

  بيىل 1 - ايدىڭ 30 - كۇنى قارلى بوران سوعىپ، تەمپەراتۋرا نولدەن تومەن 20 نەشە سەلتسي گرادۋسقا ءتۇستى، تاڭەرتەڭ ەرتە ەركىن لي تايحىنىڭ ۇيىنە بارعاندا، لي تايحىنىڭ توسەكتە جاتقانىن، ءوڭى قۋارىپ كەتكەنىن كوردى. ەركىن جالما - جان: ”لي اعا، سىزگە نە بولدى؟“، - دەدى. ىڭىرانىپ جاتقان لي تايحى سويلەۋگە دە شاماسى جەتپەي قالعان ەكەن. ەركىن ونىڭ اۋىر سىرقاتتانعانىن كورىپ، دەرەۋ تەلەفون شالىپ قىستاق كادرلارىن شاقىرادى، كوپشىلىك بىرگە لي تايحىنى شاۋەشەك قالالىق حالىق شيپاحاناسىنا جەتكىزەدى. شيپاحانادا ەمدەلىپ جاتقان كەزىندە ەركىن وعان ۇنەمى قارايلاسىپ تۇرادى. قىستاقتا تۇراتىن قىزمەت اترەتىنىڭ مۇشەلەرى مەن قىستاق تۇرعىندارى ارت - ارتىنان لي تايحىعا اقشالاي، زاتتاي جىلۋ اتايدى.

  جارتى ايدان كەيىن لي تايحى شيپاحانادان شىقتى. لي تايحىنىڭ ءوز تۇرمىسىنىڭ قاجەتىنەن شىعا المايتىنىن ويلاستىرعان ەركىن شاۋەشەك قالالىق يىياڭيۋان سىرقاتتان ايىقتىرۋ، قارتتاردى كۇتىمدەۋ ورنىمەن بايلانىس جاساپ، لي تايحىعا ءبىر توسەك ورىن الىپ بەردى. ەركىن ۋاقىتى شىعا قالسا بولعانى قارتتاردى كۇتىمدەۋ ورنىنا بارىپ لي تايحىدان حال سۇراپ تۇرادى، ونىڭ قارتتاردى كۇتىمدەۋ ورتالىعىنداعى تۇرمىسىنىڭ جاقسى ەكەندىگىن، دەنساۋلىعىنىڭ دا جاقسارا باستاعاندىعىن كورگەن ەركىننىڭ كوڭىلى ورنىنا ءتۇستى.

  ەركىن لي تايحىنىڭ دەنساۋلىعى وڭالعاننان كەيىن، ونى ۇيىنە الىپ قايتپاقشى ەكەنىن ايتتى. ”ءبىر جىلدان ارتىق ۋاقىت بارىس - كەلىس جاساۋدىڭ ارقاسىندا، لي اعام مەنى سۇيەنىشى دەپ سانادى، ول مەنى اۋزىنان تاستامايدى، لي اعامدى جاقسىلاپ ورنالاستىرىپ، ونىڭ تۇرمىس ماسەلەسىن شەشسەم، مەن سوندا عانا الاڭسىز بولامىن“.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى