شينحۋا اگەنتتىگىنىڭ 7 - ايدىڭ 3 - كۇنى بەيجيڭنەن بەرگەن حابارى (ءتىلشى سۇن ي). مەملەكەت ءتوراعاسى شي جينپيڭ 7 - ايدىڭ 3 - كۇنى حالىق سارايىندا بولگاريانىڭ زۇڭتۇڭى رادەۆپەن كەڭەس وتكىزدى. ەكى ەلدىڭ مەملەكەت باسشىلارى جۇڭگو مەن بولگاريا قارىم - قاتىناسىن ستراتەگيالىق سەرىكتەستىك قارىم - قاتىناسقا كوتەرۋدى ءبىر اۋىزدان ۇيعاردى.
شي جينپيڭ بىلاي دەپ اتاپ كورسەتتى: بولگاريا جاڭا جۇڭگومەن ەڭ ەرتە ديپلوماتيالىق قارىم - قاتىناس ورناتقان ەلدەردىڭ ءبىرى. ەكى ەل ديپلوماتيالىق قارىم - قاتىناس ورناتقان 70 جىلدان بەرى، ءداستۇرلى دوستىققا مۇراگەرلىك ەتتى جانە ونى ساۋلەلەندىردى. ەكى جاقتىڭ ەكى ەلدىڭ قارىم - قاتىناسىن ستراتەگيالىق سەرىكتەستىك قارىم - قاتىناسقا كوتەرۋدى جاڭا باستاما ەتىپ، حالىقارالىق اۋمالى - توكپەلى وزگەرىستىڭ سىناعىنا قول ۇستاسا توتەپ بەرىپ، جۇڭگو مەن بولگاريا دوستىعىنا جاڭا مازمۇن قوسىپ، جۇڭگو مەن بولگاريا سەلبەستىگىنە جاڭا قوزعاۋشى كۇش ۇستەۋدى ءۇمىت ەتەمىن.
شي جينپيڭ بىلاي دەپ باسا دارىپتەدى: ەكى جاق ءوزارا قۇرمەتتەپ، ءوزارا سەنىم ارتىپ، ۇكىمەت، زاڭ شىعارۋ قۇرىلىمدارى، ساياسي پارتيا سياقتى ءار جاقتاعى بارىس - كەلىستى كۇشەيتىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىر - بىرىنە ۇزدىكسىز باتىل قولداۋ كورسەتۋ كەرەك. ەكى ەلدىڭ حالىقارالىق جاعداي جونىندە كوپتەگەن ۇقساس نەمەسە ۇقساستاۋ كوزقاراسى بار، كوپ جاقتىلىقتى جانە حالىقارالىق زاڭدى نەگىز ەتكەن حالىقارالىق جۇيەنى بىرگە قورعاۋى كەرەك. بولگاريا − جۇڭگومەن ”ءبىر بەلدەۋ، ءبىر جول“دى بىرگە قۇرۋدىڭ ۇكىمەتتەر ارا سەلبەستىك حۇجاتىنا ەڭ ەرتە قول قويعان ورتا، شىعىس ەۆروپا ەلدەرىنىڭ ءبىرى، جۇڭگو جاق بولگاريا جاقپەن دامۋ ستراتەگياسىن ۇشتاستىرۋدى كۇشەيتىپ، نەگىزدىك قۇرىلعىلاردىڭ ۇلاسۋىن، تۇتاسۋىن جەبەپ، ساۋدا جانە قارجى قوسۋ كولەمىن كەڭەيتىپ، گۋمانيتارلىق اۋىس - كۇيىستى جيىلەتىپ، ءداستۇرلى دوستىقتى اسقاقتاتۋدى قالايدى.
شي جينپيڭ بىلاي دەپ باسا دارىپتەدى: جۇڭگو جاق جۇڭگو - ەۆروپا قارىم - قاتىناسىنا وسكەلەڭ ءمان بەرەدى، ەۆروپانىڭ ءبىر تۇلعالانۋ اياق الىسىن باتىل قولدايدى، ەۆروپا وداعىنىڭ ىنتىماعىن جانە زورايۋىن باتىل قولدايدى، ەۆروپانىڭ حالىقارالىق ىستەردە اناعۇرلىم ماڭىزدى رول اتقارۋىن باتىل قولدايدى، بۇل ۋاقىتتىق شارا ەمەس. جاڭا كەزەكتى ەۆروپا وداعى قۇرىلىمىنىڭ جۇڭگوعا قاراتىلعان ساياساتتىڭ ورنىقتىلىعىن، ۇلاسپالىلىعىن ساقتاپ، جۇڭگو جاقپەن بىرگە، ءوزارا قۇرمەت ەتۋ، تەڭدىك، ادىلدىك، سەلبەسىپ تەڭ يگىلىككە كەنەلۋ نەگىزىندە جۇڭگو مەن ەۆروپانىڭ بەيبىتشىلىك، ارتۋ، رەفورما، وركەنيەت 4 ءىرى سەرىكتەستىك قارىم - قاتىناس قۇرىلىسىن قول ۇستاسا ىلگەرىلەتۋىن ءۇمىت ەتەمىن. بولگاريا - جۇڭگونىڭ ەۆروپا وداعىنداعى ابزال دوسى، تاماشا سەرىگى ءارى جۇڭگو - ورتا، شىعىس ەۆروپا ەلدەرى سەلبەستىگىندەگى ماڭىزدى ات سالىسۋشى جانە ىلگەرىلەتۋشى، بولگاريا جاقتىڭ سىندارلى رولىن ۇزدىكسىز ساۋلەلەندىرۋىن ءۇمىت ەتەمىن.
رادەۆ مىنالاردى ءبىلدىردى: بولگاريا مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن قۇتتىقتاۋ قارساڭىندا جۇڭگوعا ساپارلاي كەلگەنىمە قاباعات قۋانىپ وتىرمىن. بولگاريا مەن جۇڭگونىڭ قارىم - قاتىناسىنىڭ ستراتەگيالىق سەرىكتەستىك قارىم - قاتىناسقا كوتەرىلۋى ەكى ەل قارىم - قاتىناسىنىڭ نەگىزىن اناعۇرلىم بەكەمدەيدى. ”ءبىر بەلدەۋ، ءبىر جول“ باستاماسى دۇنيە ءجۇزىنىڭ بەيبىتشىلىگى مەن گۇلدەنۋىنە پايدالى، بولگاريا جاق ىشكەرىلەي ات سالىسىپ، ءوزىنىڭ وڭىرلىك باسىمدىلىعىن تولىق ساۋلەلەندىرىپ، ەۆروپا مەن ازيانى تۇتاستىراتىن قاقپاعا جانە توراپقا اينالۋدى قالايدى. بولگاريا جاق جۇڭگو جاقپەن ساۋدا، تاسىمال، اۆياتسيا، زات اينالىمى، فينانس، جاڭالىق اشۋ، جەرگىلىكتى ورىندار، گۋمانيتارلىق سياقتى سالالارداعى اۋىس - كۇيىستى، سەلبەستىكتى كۇشەيتۋدى قالايدى، جۇڭگو كاسىپورىندارىنىڭ بولگارياعا قارجى قوسۋدى ارتتىرۋىن قارسى الادى. بولگاريا كوپ جاقتىلىقتى قولدايدى، دۇنيە جۇزىلىك ساۋدا ۇيىمىن قولدايدى، جۇڭگو جاقپەن سەلبەسۋدى، سايكەسۋدى قالايدى. بولگاريا جاق ەۆروپا مەن جۇڭگو قارىم - قاتىناسىنىڭ، سونداي - اق ورتا، شىعىس ەۆروپا ەلدەرىنىڭ جۇڭگومەن سەلبەستىگىن ىلگەرىلەتۋگە ۇزدىكسىز كۇش سالادى.
كەڭەستىڭ الدىندا، شي جينپيڭ حالىق سارايىنىڭ شىعىس قاقپاسى سىرتىنداعى الاڭدا رادەۆكە ارناپ قارسى الۋ سالتىن وتكىزدى. پىڭ لييۋان، ياڭ جيەچى، ديڭ جۇڭلي، ۋاڭ ي، جاڭ چيڭلي، حى ليفىڭ قاتارلىلار قاتىناستى.
