تيانشان تورى
تيانشان تورى   ›   جاڭالىقتار   ›   ۇلتتىڭ گۇلدەنۋى جولىندا ەرجۇرەك قۇرباندار شەجىرەسى

باتىلدىقپەن شايقاسىپ، باسىن ءباي تىككەن قايسار − گاۋ چىڭشان

گاۋ چىڭشاننىڭ سۋرەتى. شينحۋا اگەنتتىگى تاراتقان (شىنياڭداعى امەريكا جيانگەرلىگىنە قارسى تۇرىپ، چاۋشيانعا كومەكتەسكەن قۇرباندار قابىرستانى قامداعان)

  شينحۋا اگەنتتىگىنىڭ 6 - ايدىڭ 28 - كۇنى شىجياجۋاڭنان بەرگەن حابارى (ءتىلشى باي ميڭشان). گاۋ چىڭشاننىڭ سول جىلدارى اسكەري بولىمدەگى جەڭىس حابارلارىن، سيلىقتارىن كورگەندە نەمەرە باۋىرى گاۋ جىنفىن: ”ءبىز اعا بۋىندارىمىزدىڭ توڭكەرىستىك رۋحىن ۇرپاقتان - ۇرپاققا جالعاستىرا بەرەمىز“ دەپ تەبىرەنە تولقىدى.

  گاۋ چىڭشان، 1922 - جىلى دۇنيەگە كەلگەن، حىبەي ولكەسىنىڭ يشيان اۋدانىنان. 1940 - جىلى 5 - ايدا جۇڭگو كوممۋنيستىك پارتياسىنا مۇشە بولعان، سول جىلى 6 - ايدا 8 - ارمياعا قاتىناسىپ، بايلانىسشى، بانجاڭ، پايجاڭ، ساياسي جەتەكشى، ليانجاڭ سياقتى مىندەتتەر اتقارعان. جاپون شاپقىنشىلارىنا قارسى تۇرۋ سوعىسىندا جانە ازاتتىق سوعىستا ول ەرلىكپەن شايقاس جاساپ، تالاي رەت ەڭبەك كورسەتكەن.

  1951 - جىلى 6 - ايدا گاۋ چىڭشان جۇڭگو حالىق ەرىكتىلەر ارمياسىنا قاتىناسىپ، چاۋشيانعا بارىپ سوعىس جۇرگىزىپ، ەرىكتىلەر ارمياسىنىڭ 68 - كورپۋس 204 - شى 612 - تۋان 1 - ليانىنىڭ ليانجاڭى بولادى.

  سول جىلى 10 - ايدا گاۋ چىڭشان بۇيرىق بويىنشا تۇتاس لياندى باستاپ چاۋشياننىڭ پيڭاننان داۋى جينحۋا ايماعىنداعى 938.2 بيىك جەردى تاباندىلىقپەن قورعايدى. ول تۋانجاڭعا: ”سوعىستا ءبىر ادام، ءبىر مىلتىق قالسادا، استە ءبىر ادىم كەرى شەگىنبەيمىز!“ دەيدى. بەكىنىسكە كىرگەننەن كەيىن، ول دەرەۋ بەكىنىس جوندەۋدى ۇيىمداستىرادى، جەر جاعدايىمەن تانىسىپ، سوعىس كۇشىن ورنالاستىرىپ، سوعىس الدىنداعى دايىندىقتاردى جاسايدى.

  10 - ايدىڭ 16 - كۇنى تاڭەرتەڭ جاۋ ارمياسى 4 ۇشاقتىڭ، نەشە ونداعان زەڭبىرەكتىڭ وت كۇشىمەن قورعاۋىندا، ىلگەرىندى - كەيىندى 2 تۋاننىڭ اسكەر كۇشىمەن الما - كەزەك شابۋىل جاسايدى. كۇشتى جاۋدىڭ الدىندا، گاۋ چىڭشان جۇرەكتىلىكپەن قولباسشىلىق ەتىپ سوعىسقا توتەپ بەرىپ، قاي جەردە شايقاس شيەلەنىسسە، سول جەرگە جەتىپ بارىپ، جاۋىنگەرلەردى قايسارلىقپەن بەرىك ساقتاۋعا شابىتتاندىرادى. 5 - باننىڭ شەبى جاۋ جاعىنان قيراتۋعا شاق قالدى دەگەن حاباردى الىسىمەن، ول دەرەۋ باقىلاۋ ورنىنان 5 - باننىڭ شەبىنە بارىپ، اسكەر، قارۋ - جاراق، وق - ءدارى اجىراتىپ سايلاۋىت قايتارما شابۋىل گرۋپپاسىن ۇيىمداستىرىپ، وت كۇشىنىڭ قورعاۋىندا جاۋدىڭ بۇيىرىنەن شابۋىلداپ، اقىرى جاۋدىڭ شابۋىلىنا تويتارىس بەرىپ، شەپتى ساقتاپ قالادى. 5 - باننىڭ بانجاڭى، كوممۋنيست گو دىجى قايتارما شابۋىل بارىسىندا ەرلىكپەن قۇربان بولادى. ەكى بىلەگى جارالانعان ول ەڭ سوڭعى گراناتتى لاقتىرعان كەزدە، داۋىستاپ: ”كوممۋنيستىك پارتيا مۇشەلەرىنىڭ ەتىن جارالاعاندارىڭمەن، كوممۋنيستىك پارتيا مۇشەلەرىنىڭ سۇيەگىن جارالاي المايسىڭدار“ دەپ ايعايلايدى.

  10 - ايدىڭ 15 - كۇنىنەن 19 - كۇنىنە دەيىنگى 5 كۇن، 4 تۇندە ءاسىلى سامىرسىن بىتىك وسكەن 938.2 بيىك جەردى زەڭبىرەك وعى تاپ - تاقىر تاۋعا اينالدىرىپ، تاۋ بەتكەيىندەگى بومبى ويىپ كەتكەن شۇڭقىرلار بىرىنە ءبىرى جالعاسىپ، جاۋ تۇتاس شەپتىڭ استاڭ - كەستەڭىن شىعارادى، تۇتاس ليان اۋىر شىعىنعا ۇشىراپ، گاۋ چىڭشاننىڭ قولباسشىلىق ورنى دا تالاي رەت ورىن اۋىستىرادى. جاۋ 3 جاقتان قورشاپ، زەڭبىرەكپەن اتقىلاپ قۇرساۋلاسا دا، ول ۇستامدىلىقپەن قولباسشىلىق ەتىپ، بەلسەندىلىكپەن ىرىقتىلىققا يە بولىپ، ىلگەرىندى - كەيىندى 7 رەت ءبىرشاما زور قايتارما شابۋىل ۇيىمداستىرىپ، جاۋدىڭ ۇلكەندى - كىشىلى 100 نەشە رەتكى شابۋىلىنا تويتارىس بەرىپ، 1800دەن استام جاۋدى اتىپ ءولتىرىپ، جارالاپ، جاۋ ارمياسىن باستان - اياق شەپكە جولاتپاي، توسقاۋىلداپ شابۋىلداۋ شايقاسىنىڭ ۇلگىسىن جاراتادى.

  4 كۇن قيان - كەسكى شايقاسقاننان كەيىن، گاۋ چىڭشان باستاعان 1 - لياندا 20عا جەتپەيتىن ادام قالسادا، ۇزدىكسىز قايسارلىقپەن تاباندىلىق كورسەتىپ، كومەككە كەلگەن قوسىنمەن كەزدەسكەنگە دەيىن توزىمدىلىك كورسەتىپ، شەپتى قولدان بەرمەي، حانجياڭنىڭ شىعىس جاعالاۋىنان يۇييىنشان تاۋىنا دەيىنگى كەڭ بايتاق وڭىردە جاڭا سوعىس شەبىنىڭ ورناۋىنا كەپىلدىك ەتەدى. 19 - كۇنى گاۋ چىڭشان سوعىستا ەرلىكپەن قۇربان بولادى، سول جىلى 29 جاستا ەدى.

  1952 - جىلى 11 - ايدىڭ 25 - كۇنى جۇڭگو حالىق ەرىكتىلەر ارمياسىنىڭ باسشىلىق ورگانى ونى ەرەكشە ەڭبەك ءسىڭىردى دەپ تانيدى ءارى وعان ”ءبىرىنشى دارەجەلى قاھارمان“ اتاعىن بەرەدى، ول تۇرعان ليان داڭقپەن كوللەكتيۆ ەرەكشە ەڭبەك كورسەتەدى.

  گاۋ چىڭشاننىڭ سوعىستاعى ىزگى ىستەرىنىڭ ىقپالىندا، گاۋ جىنفىن دا 1977 - جىلى داڭقپەن ارمياعا قاتىناسىپ، اسكەر بولادى، 3 جىلدان كەيىن قوسىننان قايتىپ، اۋىلىنا كەلىپ ەگىس جۇمىستارىمەن اينالىسادى. ول بالالارىنا ۇنەمى: ”اتالارىڭ وتان ءۇشىن ءومىرىن ارنادى، تاتيدى! ول كەزدە سونشاما ماشاقاتتى تۇرمىس كەشىردى، ءبىز قازىر نەدەن قورقامىز. تەك قوس قولىمىزعا تايانىپ، تاماشا تۇرمىس كەشىرۋىمىزگە ابدەن بولادى“ دەيدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.