تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى

731.3 كيلوگرام

  شينجياڭ ەگىن شارۋاشىلىعى عىلىم اكادەمياسى تاڭداپ جەتىلدىرگەن دۇمبە ءبيداي جاڭا سورتى − شيندۇڭ 60 - ءنومىردىڭ بىرلىك ءونىمى تاياۋدا پوسكام اۋدانىندا 3.731 كيلوگرامعا جەتىپ، 2018 - جىلعى شينجياڭدا دۇمبە ءبيدايدىڭ بىرلىك ءونىمىنىڭ 724 كيلوگرامدىق رەكوردىن جاڭالادى. سۋرەتتە: شينجياڭ ەگىن شارۋاشىلىعى عىلىم - اكادەمياسى ءبيدايدىڭ جاڭا سورتىن جەتىلدىرۋ ورنىنىڭ پوسكام بازاسىنداعى 100 مۋلىق جوعارى ءتۇسىمدى ۇلگى اتىزىندا ناقتى ءونىمدى ولشەۋ ءساتى (6 - ايدىڭ 29 - كۇنى تۇسىرىلگەن).شينحۋا اگەنتتىگى تاراتقان (لەي جۇنجيە تۇسىرگەن)

  شينحۋا اگەنتتىگىنىڭ 7 - ايدىڭ 4 - كۇنى ۇرىمجىدەن بەرگەن حابارى (ءتىلشى لي جىحاۋ). قازىر تيانشاننىڭ تۇستىگى مەن تەرىستىگىندە جازعى جيىن - تەرىن مەزگىلى. شينجياڭ ەگىن شارۋاشىلىعى اكادەمياسى سۇرىپتاپ جەتىلدىرگەن دۇمبە ءبيدايدىڭ جاڭا سورتى − شيندۇڭ 60 - ءنومىردىڭ بىرلىك ءونىمى تاياۋدا پوسكام اۋدانىندا 731.3 كيلوگرامعا جەتىپ، 2018 - جىلعى شينجياڭدا دۇمبە ءبيدايدىڭ بىرلىك ءونىمىنىڭ 724 كيلوگرامدىق رەكوردىن جاڭالادى.

  اۋىل شارۋاشىلىعى، اۋىل - قىستاق مينيسترلىگىنىڭ ماماندار جەتەكشىلىك گرۋپپاسى تاياۋدا شينجياڭ ەگىن شارۋاشىلىعى اكادەمياسىنىڭ ءبيداي سورتىن جەتىلدىرۋ ورنىنىڭ پوسكام بازاسىنداعى 100 مۋلىق جوعارى ءتۇسىمدى ۇلگى اتىزعا كەلىپ، دۇمبە ءبيدايدىڭ جاڭا سورتى − شيندۇڭ 60 - ءنومىردىڭ ءونىم مولشەرىن ۇستىندە تەكسەرىپ وتكىزىپ الدى.

  ماماندار گرۋپپاسى ءبيدايدىڭ ءوسۋ جاعدايىن كورگەن سوڭ، «بۇكىل ەلدىڭ استىق جوعارى تۇسىمىندە سىناق رەتىندە ءوندىرىپ تەكسەرىپ وتكىزىپ الۋ ءادىسىن جاساۋ (سىناق رەتىندە اتقارىلادى)» تالابىنا ساي، جەردى ولشەۋ، ماشينامەن ورىپ سوعۋ، سالماعىن ولشەۋ، سۋ قۇرامىن ولشەۋ، بوگدە زات مولشەرىن ۇلگى الىپ ولشەۋ سياقتى بۋىندار ارقىلى تەكسەرىپ وتكىزىپ الۋ پىكىرىن دايىندادى.

  ماماندار گرۋپپاسى تۇتاسقان ناقتى ورىلاتىن 3.18 مۋ جەردى كەزدەيسوق تاڭداپ الدى، بۇل جەردەن الىنعان ءبيداي ءدانىنىڭ سالماعى 2346 كيلوگرام، بوگدە زات مولشەرى %0.1، ورتاشا سۋ قۇرامى %13.68 بولدى، %13تىك سۋ قۇرامى بويىنشا سىندىرىپ ەسەپتەگەندە، شيندۇڭ 60 - ءنومىرلىنىڭ مۋ باسىندىق ءونىمى731.3 كيلوگرامعا جەتتى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى شينجياڭدا دۇمبە ءبيدايدىڭ ناق بىرلىك ونىمىندەگى رەكوردتىڭ جاڭالانعانىن تۇراقتاندىردى.

  شينجياڭ ەگىن شارۋاشىلىعى عىلىم اكادەمياسىنىڭ ءبيداي جەتىلدىرۋ مامانى لەي جۇنجيە بىلاي دەدى: وسى ۇلگى اتىزى تاڭداۋلى سورتتى، تاڭداۋلى ءادىستى سايكەستىرۋ، سۋ مەن تىڭايتقىش ءبىر تۇلعالانعان جوعارى ءونىمدى تامشىلاتىپ سۋ ۇنەمدەپ سۋارۋ، ءبىر بۇركۋ ارقىلى كوپ ءتۇرلى دەرت - دەربەزدەن ساقتانۋ، سۋ ۇنەمدەۋ، تىڭايتقىشتى، ءدارىنى ازايتۋ سياقتى كوپ ءتۇرلى جەتىلدىرۋ تەحنيكالارىن شوعىرلاندىرۋ ارقىلى جوعارى ءتۇسىمدى، جوعارى ءونىمدى، تىڭايتقىش، ءدارى ازايتىلعان جاسىل ءونىمدى ارتتىرۋ نىساناسىنا جەتتى. جوعارى ءتۇسىم رەكوردىنىڭ جاڭالانۋى ءبيدايدىڭ وڭتۇستىك شينجياڭدا ءبيدايدان ءبىرشاما مول ءونىم الۋ مۇمكىندىگى بار ەكەنىن، جاڭا سورتتىڭ جەتىلدىرىلۋى شينجياڭنىڭ استىق حاۋىپسىزدىگىنە تەحنيكا جاقتان تىرەك بولىپ، وڭتۇستىك شينجياڭداعى 4 ايماق - وبلىستىڭ كەدەيلىكتەن ارىلتۋدان قامال الۋىنا دەم بەرەتىندىگىن كورسەتتى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.