استىق ەگەتىن ەگىنشىلەر تيىمدىلىككە كەنەلدى، كاسىپورىنداردىڭ كومەسكى كۇشى تاسقىندادى، استىق بازارى اناعۇرلىم جانداندى
رايونىمىزدىڭ ءبيداي جيناۋ، ساقتاۋ ءتۇزىمى رەفورماسى كوپتەگەن يگىلىكتى جۇزەگە اسىردى
ءتىلشى شى شين 7 - ايدىڭ 4 - كۇنى ۇرىمجىدەن حابارلايدى. اۆتونوميالى رايوننىڭ ءبيداي جيناۋ، ساقتاۋ ءتۇزىمى رەفورماسى جانە 2019 - جىلعى جازعى استىق ساتىپ الۋ قىزمەتى جونىندەگى اقپار جاريالاۋ ماجىلىسىنەن ۇعىسۋىمىزشا، رايونىمىزدىڭ ءبيداي جيناۋ، ساقتاۋ ءتۇزىمى رەفورماسى باستالعاننان بەرى، ەگىنشىلەر شاتتانعان، ۇكىمەت رازى بولعان، كوپ نەگىزدى تۇلعالار بەلسەنە ات سالىسقان تاماشا جاعداي قالىپتاسىپ، رەفورمانىڭ ونىمدىلىگى مەجەدەگىدەن جاقسى بولعان.
2018 - جىلى اۆتونوميالى رايون 2004 - جىلدان بەرگى وندىرىسكە دەم بەرۋدى باعدار ەتكەن ”ۇكىمەت باعا بەلگىلەۋ، اشىق ساتىپ الۋ، اشىق تىكە تولىقتاما قاراجات بەرۋ“ سىندى ءبيداي جيناۋ، ساقتاۋ ساياساتىن توقتاتىپ، بازاردى باعدار ەتكەن ”ۇكىمەت جەتەكشىلىك ەتۋ، باعانى بازار بەلگىلەۋ، كوپ نەگىزدى تۇلعالار ساتىپ الۋ، استىق وندىرۋشىلەرگە تولىقتاما قاراجات بەرۋ، ساپالى استىقتى جوعارى باعادا ساتىپ الۋ، ساپالى استىققا الدىمەن تولىقتاما قاراجات بەرۋ، شۇعىل قاجەتتى استىقتى بازاردان ەڭ تومەنگى باعادا ساتىپ الۋ“ سىندى ءبيداي جيناۋدىڭ، ساقتاۋدىڭ جاڭا مەحانيزمىن ورناتتى. وسى جىلى بۇكىل رايونىمىزداعى ءتۇرلى استىق كاسىپورىندارى جيىنى 2 ميلليون 750 مىڭ توننا ءبيداي ساتىپ الدى، ساتىپ الۋ باعاسى جالپى جاقتان الدىنداعى جىلداعىدان جوعارى بولدى.
اقپار جاريالاۋ ماجىلىسىندە اۆتونوميالى رايوندىق استىق جانە زاتتىق قور مەكەمەسىنىڭ ورىنباسار مەڭگەرمە دارەجەلى كادرى ليۋ شۋەميڭ مىنالاردى ءبىلدىردى: ءبىر جىلدان ارتىق ۋاقىت ىزدەنىس جاساۋ، امالياتتان وتكىزۋ ارقىلى رايونىمىز ساپانى ءوسىرىپ، ونىمدىلىكتى جوعارىلاتۋدى باعدار ەتكەن، رايونىمىزدىڭ جاعدايىنا، استىقتىڭ جاعدايىنا ۇيلەسەتىن ءبيداي جيناۋدىڭ، ساقتاۋدىڭ بازارلاندىرىلعان جاڭا مەحانيزمىن ورناتىپ، رايونىمىزدىڭ ەگىن شارۋاشىلىق ونىمدەرى باعاسىنىڭ قالىپتاسۋ مەحانيزمىن جانە جيناۋ، ساقتاۋ ءتۇزىمى رەفورماسىن ىلگەرىلەتۋدە ماڭىزدى قادام تاستادى.
ليۋ شۋەميڭ مىنالاردى تانىستىردى: رەفورما ساياساتتىق قامالداردى دا جويىپ، مەملەكەت مەنشىگىندەگى استىق كاسىپورىندارى، حالىقتىق كاسىپورىندار، استىق دەلدالدارى سياقتى كوپ نەگىزدى تۇلعالاردىڭ بازاردا بىرگە ساتىپ الاتىن جاڭا جاعدايىن قالىپتاستىرىپ، مەملەكەت مەنشىگىندەگى استىق كاسىپورىندارىنىڭ ساياساتتىق جيناۋ، ساقتاۋدا ”جەكە دارا ويىن“ ويناۋىنان كوپ نەگىزدى بازار تۇلعالارىنىڭ ”ءبىر ساحنادا باسەكەلەسۋ“ىنە قاراي بۇرىلىس جاساۋىن جۇزەگە اسىرىپ، بازار فاكتورىن جەبەپ، كاسىپورىنداردىڭ كومەسكى كۇشىن تاسقىنداتىپ، استىق بازارىن جانداندىردى. رەفورما ارقىلى ساپالى استىقتى جوعارى باعادا ساتىپ الۋدى جۇزەگە اسىرىپ، قالىڭ ەگىنشىلەردىڭ ساپالى ءبيداي ەگۋ بەلسەندىلىگىن قوزعاپ، استىقتىڭ قامداۋ جاعىنداعى قۇرىلىمدىق رەفورماسىن ىلگەرىلەتۋ ءۇشىن ىشكى قوزعاۋشى كۇش تۋىنداتتى. ءتۇرلى بازار تۇلعالارىنىڭ ەگىنشىلەرگە قىزمەت وتەۋ تانىمىن كورنەكتى كۇشەيتىپ، استىق ساتاتىن ەگىنشىلەردىڭ رازىلىق دارەجەسىن كورنەكتى جوعارىلاتتى. استىق ەگەتىن ەگىنشىلەر تيىمدىلىككە كەنەلدى، ءبيدايدى ساتىپ الۋ باعاسى جاپپاي جوعارىلادى، اسىرەسە، ساپالى ءبيدايدى ساتىپ الۋ باعاسى كورنەكتى دارەجەدە جوعارىلادى.
بيىل اۆتونوميالى رايونىمىزدىڭ ءبيداي جيناۋ، ساقتاۋ ءتۇزىمى رەفورماسى جۇرگىزىلگەندىگىنىڭ ەكىنشى جىلى، اۆتونوميالى رايون استىقتىڭ قامداۋ جاعىنداعى قۇرىلىمدىق رەفورماسىن ىلگەرىلەتۋدى ۇزدىكسىز ارقاۋ ەتىپ، بازارلاندىرىلعان رەفورما بەتالىسىنان جازباي، ماسەلەنى باعدار ەتۋگە تاباندى بولىپ، رەفورمانى ۇزدىكسىز تەرەڭدەتىپ، ءبيداي جيناۋ، ساقتاۋ مەحانيزمىن كەمەلدەندىرەدى.
