تيانشان تورى   ›   ۇيرەنۋ   ›   شولۋ

پارتيانىڭ جاپپاي باسشىلىعىن كۇشەيتۋگە پارمەندى تۇزىمدىك كەپىلدىك ازىرلەيىك

− باس شۋجي شي جينپيڭنىڭ پارتيا مەن مەملەكەتتىڭ قۇرىلىم رەفورماسىن تەرەڭدەتۋدى قورىتىندىلاۋ ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى

حالىق گازەتىنىڭ شولۋشىسى

  پارتيا مەن مەملەكەتتىڭ قۇرىلىم رەفورماسىن تەرەڭدەتۋ − پارتيا 19 - قۇرىلتايىنىڭ شەشىمدەرىن - ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ءبىر ماڭىزدى شاراسى، رەفورمانى جاپپاي تەرەڭدەتۋدىڭ ءبىر كەلەلى ارەكەتى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ ءبىر رەتكى شوعىرلى ارەكەتى.

  پارتيا مەن مەملەكەتتىڭ قۇرىلىم رەفورماسىن تەرەڭدەتۋدى قورىتىندىلاۋ ماجىلىسىندە، باس شۋجي شي جينپيڭ ماڭىزدى ءسوز سويلەپ، پارتيا مەن مەملەكەتتىڭ قۇرىلىم رەفورماسىن تەرەڭدەتۋدە قول جەتكەن كەلەلى ناتيجەلەر مەن باعالى تاجىريبەلەردى تولىق تۇراقتاندىرىپ، قۇرىلىم رەفورماسىنىڭ جەتىستىكتەرىن بەكەمدەۋ، رەفورمانى جاپپاي تەرەڭدەتۋدى ىلگەرىلەتۋ جونىندە جاپپاي ورنالاستىرۋ جاسادى، اسا كۇشتى يدەيالىق سيپاتقا، جەتەكشىلىك سيپاتقا، باعىتتامالىق سيپاتقا يە، پارتيا مەن مەملەكەتتىڭ قۇرىلىمدىق فۋنكتسيالىق جۇيەسىن ۇزدىكسىز كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ ءۇشىن ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ۇسىندى.

  پارتيانىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىلىعى. پارتيانىڭ بارلىق قىزمەتكە باسشىلىعىن كۇشەيتۋ تالابى ماعىناسىز، ابستراكت ەمەس، ونى ءار جاقتا، ءار بۋىندا تياناقتاندىرۋ جانە ايگىلەۋ كەرەك. پارتيا 19 - كەزەكتى ورتالىق كوميتەتىنىڭ ءۇشىنشى جالپى ءماجىلىسى پارتيانىڭ جاپپاي باسشىلىعىنا تاباندى بولاتىن رەفورما پرينسيبىن ايقىنداپ، پارتيانىڭ جاپپاي باسشىلىعىنا تاباندى بولۋ ءتۇزىمىن كەمەلدەندىرۋ جونىندە ماڭىزدى ورنالاستىرۋ جاسادى، مۇنداعى ماقسات پارتيا مەن مەملەكەتتىڭ قۇرىلىم رەفورماسىن تەرەڭدەتۋ ارقىلى قۇرىلىم فۋنكتسيالارى جاعىندا پارتيانىڭ بارلىق قىزمەتكە باسشىلىق ەتۋىنە قاتىستى ءتۇزىلىس - مەحانيزم ماسەلەلەرىن شەشۋگە قۇلشىنىپ، پارتيانىڭ ۇزاق ۋاقىت بيلىك جۇرگىزۋ شارت جاعدايىندا ەلىمىزدىڭ مەملەكەتتى جونگە سالۋ جۇيەسىندەگى پارتيانىڭ، ۇكىمەتتىڭ، ارميانىڭ، بۇقارالىق ۇيىمداردىڭ قۇرىلىمدىق فۋنكتسيالارىنىڭ قاتىناسى ماسەلەسىن شەشۋ، جۇڭگو كوممۋنيستىك پارتياسىنىڭ باسشىلىعى سىندى ەڭ ۇلكەن تۇزىمدىك ابزالدىلىقتى ءونىمدى ساۋلەلەندىرۋگە كەمەلدى، پارمەندى ءتۇزىلىس مەحانيزمدىك كەپىلدىك، بەرىك ۇيىمدىق نەگىز جانە ءونىمدى قىزمەت جۇيەسىن ازىرلەۋ، پارتيا مەملەكەتكە جانە قوعامعا باسشىلىق جۇرگىزەتىن ءتۇزىمنىڭ كۇشەيۋىنە جانە كەمەلدەنۋىنە شىنايى كەپىلدىك ەتىپ، ۇلى كۇرەس جۇرگىزەتىن، ۇلى ينجەنەريا جۇرگىزەتىن، ۇلى ىستەردى تىندىراتىن، ۇلى ارماندى جۇزەگە اسىراتىن كەلەلى قىزمەت مىندەتىن اناعۇرلىم ويداعىداي ارقالاۋ.

  بۇل رەتكى پارتيا مەن مەملەكەتتىڭ قۇرىلىم رەفورماسىن تەرەڭدەتۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيا مەن مەملەكەت ىستەرىن دامىتۋ جالپى جاعدايى بيىگىنەن جاساعان كەلەلى شەشىمى، ورنالاستىرۋى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدەگى تەرەڭ وزگەرىس. باس شۋجي شي جينپيڭ بۇل رەتكى قۇرىلىم رەفورماسىنا ايرىقشا ءمان بەرىپ، باستان - اياق كوڭىل ءبولىپ، جەتەكشىلىك ەتىپ، ءوزى تىكەلەي كىرىسىپ، ءبىرسىپىرا ماڭىزدى نۇسقاۋلار بەرىپ، بەكىتۋلەر جازىپ، پارتيا مەن مەملەكەتتىڭ قۇرىلىم رەفورماسىن تەرەڭدەتۋگە ايقىن العا باسۋ بەتالىسىن كورسەتتى. قىسقا عانا ءبىر جىلدان استام ۋاقىتتا، 19 - كەزەكتى ورتالىق كوميتەتى ءۇشىنشى جالپى ءماجىلىسى ورنالاستىرعان رەفورما مىندەتى جالپى جاقتان ورىندالىپ، ءبىرسىپىرا ماڭىزدى نازاريالىق جەتىستىككە، تۇزىمدىك جەتىستىككە، امالياتتىق جەتىستىككە قول جەتتى. رەفورمادان كەيىن، پارتيانىڭ جاپپاي باسشىلىعىن كۇشەيتۋ ءونىمدى تياناقتانىپ، پارتيانىڭ ورتالىقتانعان ءبىر تۇتاس باسشىلىعىن قورعايتىن قۇرىلىمدىق فۋنكتسيالىق جۇيە ونان ارى اقاۋسىزدانىپ، پارتيا مەن مەملەكەت قۇرىلىمدارىنىڭ مىندەت اتقارۋى اناعۇرلىم ىركىلىسسىز، جوعارى ءونىمدى بولىپ، ورتالىقتان جەرگىلىكتى ورىنعا دەيىن اينالىمى ىركىلىسسىز، ومىرشەڭدىككە تولى قىزمەت جۇيەسى ورناپ، پارتيانىڭ ارمياعا، قارۋلى ساقشىعا، قوعام حاۋىپسىزدىگى ساقشىلارىنا شارتسىز باسشىلىعى اناعۇرلىم پارمەندى، قۋاتتى بولدى.

  بۇل رەتكى پارتيا مەن مەملەكەتتىڭ قۇرىلىم رەفورماسىن تەرەڭدەتۋ − پارتيا مەن مەملەكەتتىڭ ۇيىمدىق قۇرىلىمى مەن باسقارۋ ءتۇزىلىسىن ءبىر رەت جۇيەلى سيپاتتا، جالپى تۇلعالىق سيپاتتا قايتا قۇرىلىمداۋ بولىپ تابىلادى، رەفورما سەرپىنىنىڭ كۇشتىلىگى، ىقپال كولەمىنىڭ كەڭدىگى، شارپيتىن مۇددەلەر قاتىناسىنىڭ كۇردەلىلىگى سيرەك كەزدەستى، ءبىراق رەفورما پارمەندى ىلگەرىلەتىپ، ءتارتىپ قاتاڭ، ناتيجە تىڭعىلىقتى بولدى. بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسى، پارتيا 18 - قۇرىلتايىنان بەرگى پارتيانى جاپپاي قاتاڭ جونگە سالۋدان قالىپتاسقان تاماشا ساياسي رايدىڭ ارقاسى، جوعارى ءونىمدى، ىركىلىسسىز رەفورماعا باسشىلىق ەتۋ ءتۇزىلىسى مەن قىزمەت مەحانيزمىنىڭ ارقاسى، بۇل پارتيانىڭ ورتالىقتانعان ءبىر تۇتاس باسشىلىعىنىڭ جانە ەلىمىزدىڭ سوتسياليستىك ءتۇزىمىنىڭ ساياسي ابزالدىلىعىن تولىق ايگىلەدى. اماليات مىنانى تولىق دالەلدەدى: پارتيا ورتالىق كوميتەتىنىڭ پارتيا مەن مەملەكەتتىڭ قۇرىلىم رەفورماسىن تەرەڭدەتۋ جونىندەگى ستراتەگيالىق شەشىمى بۇكىلدەي دۇرىس، پارتيانىڭ جاپپاي باسشىلىعى − پارتيا مەن مەملەكەتتىڭ قۇرىلىم رەفورماسىن تەرەڭدەتۋدە ناتيجەگە قول جەتكىزۋدىڭ ءتۇبىرلى كەپىلى.

  پارتيا ەڭ جوعارى ساياسي باسشىلىق كۇش، جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى. بۇل رەتكى پارتيا مەن مەملەكەتتىڭ قۇرىلىم رەفورماسىن تەرەڭدەتۋ ۇيىمدىق جۇلگەنى قايتا قۇرىلىمداۋدى ورىنداپ، قۇرىلىم فۋنكتسيالارىنىڭ رەتتەلۋىن جۇزەگە اسىردى، ءبىراق بۇل تەك ”بەتكى“ ماسەلەلەردى عانا شەشتى، ناعىز ”حيميالىق رەاكسيا“ تۋىلۋ ءۇشىن، ءالى دە قىرۋار قىزمەت ىستەۋ كەرەك. پارتيانىڭ جاپپاي باسشىلىعىنا تاباندى بولۋدى جانە ونى كۇشەيتۋدى ءبىر تۇتاس باسشىلىققا الىپ، قۇرىلىم رەفورماسىنىڭ تابىستارىن ۇزدىكسىز بەكەمدەپ، پارتيانىڭ كەلەلى قىزمەتتەرگە باسشىلىق ەتۋ ءتۇزىلىسىن اقاۋسىزداندىرىپ، پارتيانىڭ باعداردى يگەرۋ، جالپى جاعدايدى جوسپارلاۋ، ساياسات بەلگىلەۋ، رەفورمانى جەبەۋ قابىلەتى مەن تاباندىلىعىن جوعارىلاتىپ، پارتيانىڭ جاپپاي باسشىلىعىن كۇشەيتۋگە پارمەندى تۇزىمدىك كەپىلدىك ازىرلەۋ كەرەك.

  جۇڭگونىڭ ءىسىن جاقسى تىندىرۋدىڭ تەتىگى پارتيادا. ءبىز باس شۋجي شي جينپيڭنىڭ پارتيا مەن مەملەكەتتىڭ قۇرىلىم رەفورماسىن تەرەڭدەتۋدى قورىتىندىلاۋ ماجىلىسىندە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ورىستەتىلىپ جاتقان ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن تىعىز بىرلەستىرىپ، پارتيا مەن مەملەكەتتىڭ قۇرىلىم رەفورماسىن تەرەڭدەتۋ ازىرلەگەن ءتيىمدى شارتتاردان ويداعىداي پايدالانىپ، ءتۇرلى رەفورمالاردىڭ تياناقتانۋىن، ناقتىلانۋىن، ورىندالۋىن ىلگەرىلەتىپ، رەفورمانى جاپپاي تەرەڭدەتۋدە ۇزدىكسىز جاڭا جاعداي اشۋىمىز، پارتيانىڭ باسشىلىعىنىڭ اناعۇرلىم پارمەندى، قۋاتتى بولۋىنا، حالىقتى ىنتىماقتاستىرىپ جانە باستاپ تىڭ، اناعۇرلىم كەسەك كەرەمەتتەر جاراتۋىنا شىنايى كەپىلدىك ەتۋىمىز كەرەك.

  (شينحۋا اگەنتتىگىنىڭ 7 - ايدىڭ 5 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.