تيانشان تورى
تيانشان تورى   ›   جاڭالىقتار   ›   ماڭىزدى حابارلار

پارتيا مەن مەملەكەتتىڭ قۇرىلىم رەفورماسىنىڭ جەتىستىكتەرىن بەكەمدەپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك

شي جينپيڭ پارتيا مەن مەملەكەتتىڭ قۇرىلىم رەفورماسىن تەرەڭدەتۋدى قورىتىندىلاۋ ماجىلىسىندە بىلاي دەپ باسا دارىپتەدى

پارتيا مەن مەملەكەتتىڭ قۇرىلىم رەفورماسىنىڭ جەتىستىكتەرىن بەكەمدەپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك

لي كىچياڭ، لي جانشۋ، ۋاڭ ياڭ، جاۋ لىجي، حان جىڭ قاتىناستى ۋاڭ حۋنيڭ باسقاردى

   7 - ايدىڭ 5 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدە پارتيا مەن مەملەكەتتىڭ قۇرىلىم رەفورماسىن تەرەڭدەتۋدى قورىتىندىلاۋ ماجىلىسىنە قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  شينحۋا اگەنتتىگىنىڭ 7 - ايدىڭ 5 - كۇنى بەيجيڭنەن بەرگەن حابارى. پارتيا مەن مەملەكەتتىڭ قۇرىلىم رەفورماسىن تەرەڭدەتۋدى قورىتىندىلاۋ ءماجىلىسى 7 - ايدىڭ 5 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: پارتيا مەن مەملەكەتتىڭ قۇرىلىم رەفورماسىن تەرەڭدەتۋ − پارتيا مەن مەملەكەتتىڭ ۇيىمدىق قۇرىلىمى مەن باسقارۋ ءتۇزىلىسىن ءبىر رەت جۇيەلىك، جالپى تۇلعالىق سيپاتتا قايتا قۇرىلىمداۋ. ءبىز ورتالىق پەن جەرگىلىكتى ءار دارەجەلى، ءار ءتۇرلى قۇرىلىمدار رەفورماسىن جالپى تۇلعالىق سيپاتتا ىلگەرىلەتىپ، پارتيانىڭ باسشىلىق جۇيەسىن، ۇكىمەتتىڭ جونگە سالۋ جۇيەسىن، قارۋلى كۇشتەر جۇيەسىن، بۇقارالىق ۇيىمدار قىزمەتى جۇيەسىن قايتا قۇرىلىمداۋ سيپاتىندا اقاۋسىزداندىرىپ، پارتيانىڭ باسشىلىق قۋاتىن، ۇكىمەتتىڭ اتقارۋ قۋاتىن، قارۋلى كۇشتەردىڭ جاۋىنگەرلىك قۋاتىن، بۇقارالىق ۇيىمداردىڭ ومىرشەڭدىك قۋاتىن جۇيەلى سيپاتتا نىعايتتىق، جاڭا ءداۋىر تالابىنا ۇيلەسەتىن پارتيا مەن مەملەكەتتىڭ قۇرىلىمدىق فۋنكتسيالىق جۇيەسىنىڭ نەگىزگى جۇلگەسىن العاشقى قادامدا ورناتىپ، جۇڭگوشا سوتسياليستىك ءتۇزىمدى كەمەلدەندىرۋگە جانە دامىتۋعا، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋگە پارمەندى ۇيىمدىق كەپىل ازىرلەدىك. پارتيا مەن مەملەكەتتىڭ قۇرىلىم رەفورماسىن تەرەڭدەتۋدە قولعا كەلگەن ەلەۋلى ناتيجەلەر مەن باعالى تاجىريبەلەردى مۇقيات قورىتىندىلاپ، قۇرىلىم رەفورماسىنىڭ جەتىستىكتەرىن بەكەمدەپ، پارتيا مەن مەملەكەتتىڭ قۇرىلىمدىق فۋنكتسيالىق جۇيەسىن ۇزدىكسىز كەمەلدەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، جاۋ لىجي، حان جىڭ ماجىلىسكە قاتىناستى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ حۋنيڭ ءماجىلىستى باسقاردى.

  شي جينپيڭ سوزىندە بىلاي دەپ باسا دارىپتەدى: پارتيا مەن مەملەكەتتىڭ قۇرىلىم رەفورماسىن تەرەڭدەتۋ − پارتيا 19 - قۇرىلتايىنىڭ شەشىمدەرىن - ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ءبىر ماڭىزدى شاراسى، رەفورمانى جاپپاي تەرەڭدەتۋدىڭ ءبىر كەلەلى ارەكەتى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ ءبىر رەتكى شوعىرلى ارەكەتى. پارتيا 19 - كەزەكتى ورتالىق كوميتەتىنىڭ ءۇشىنشى جالپى ءماجىلىسى جابىلعاننان كەيىن، جەر - جەر، تاراۋلار پارتيا ورتالىق كوميتەتىنىڭ شەشىمدەرىن - ورنالاستىرۋلارىن باتىل دايەكتىلەندىرىپ، ءبىر تۇتاس بولۋ سەرپىنىن ارتتىرىپ، رەفورما جاساۋدىڭ ءتارتبىن ايقىنداپ، ادامنىڭ قىزمەتىن جاقسى ىستەپ، ءتارتىپتى قاتاڭ اتقاردى، قىسقا عانا ءبىر جىلدان استام ۋاقىتتا، 19 - كەزەكتى ورتالىق كوميتەتى ءۇشىنشى جالپى ءماجىلىسى ورنالاستىرعان رەفورما مىندەتى جالپى جاقتان ورىندالىپ، ءبىرسىپىرا ماڭىزدى نازاريالىق جەتىستىككە، تۇزىمدىك جەتىستىككە، امالياتتىق جەتىستىككە قول جەتتى. پارتيانىڭ جاپپاي باسشىلىعىن كۇشەيتۋ ءونىمدى تياناقتانىپ، پارتيانىڭ ورتالىقتانعان ءبىر تۇتاس باسشىلىعىن قورعايتىن قۇرىلىمدىق فۋنكتسيالىق جۇيە ونان ارى اقاۋسىزداندى؛ پارتيا مەن مەملەكەت قۇرىلىمدارىنىڭ مىندەت اتقارۋى اناعۇرلىم ىركىلىسسىز، جوعارى ءونىمدى بولىپ، ءتۇرلى قۇرىلىمداردىڭ ورنالاسۋى مەن فۋنكتسيالاردىڭ سەپتەلۋى ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس ىلگەرىلەتۋدىڭ جانە ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدىڭ قاجەتىنە ونان ارى ۇيلەستى؛ ولكەلەردىڭ، قالالاردىڭ، اۋدانداردىڭ باستى قۇرىلىمدارىنىڭ ورنالاسۋى مەن فۋنكتسيالارىنىڭ سەپتەلۋى ورتالىقپەن نەگىزىنەن سايكەسىپ، ورتالىقتان جەرگىلىكتى ورىنعا دەيىن اينالىمى ىركىلىسسىز، ومىرشەڭدىككە تولى قىزمەت جۇيەسى ورنادى؛ ارميا مەن جەرگىلىكتى ورىن اتتاعان رەفورما ءساتتى ىلگەرىلەدى؛ قاتىستى ءتۇرلى قۇرىلىمدار رەفورماسى قاتار ىلگەرىلەپ، رەفورمانىڭ جالپى تۇلعالىق ونىمدىلىگى ونان ارى كۇشەيدى.

  شي جينپيڭ بىلاي دەپ اتاپ كورسەتتى: پارتيا مەن مەملەكەتتىڭ قۇرىلىم رەفورماسىن تەرەڭدەتۋ بارىسىندا ءبىز باعالى تاجىريبەلەردى قاراستىردىق جانە توپتادىق، اتاپ ايتقاندا، پارتيانىڭ قۇرىلىم رەفورماسىنا جاپپاي باسشىلىعىنا تاباندى بولدىق، ورناتپاي تۇرىپ قيراتپاۋعا، الدىمەن ورناتىپ، ونان سوڭ قيراتۋعا تاباندى بولدىق، قۇرىلىم فۋنكتسيالارىنىڭ ساپالىلانۋىن، سايكەسۋىن، جوعارى ءونىمدى بولۋىن ىلگەرىلەتۋگە تاباندى بولدىق، ورتالىق پەن جەرگىلىكتى ورىن ءبىر تۇتاس جۇيە بولۋعا تاباندى بولدىق، رەفورما مەن زاڭ بويىنشا جونگە سالۋدىڭ ءوزارا بىرلىگىنە، ءوزارا سايكەسۋىنە تاباندى بولدىق، يدەيا - ساياسي قىزمەتتى رەفورمانىڭ جالپى بارىسىنا ساباقتاستىرۋعا تاباندى بولدىق. اماليات مىنانى دالەلدەدى: پارتيا ورتالىق كوميتەتىنىڭ پارتيا مەن مەملەكەتتىڭ قۇرىلىم رەفورماسىن تەرەڭدەتۋ جونىندەگى ستراتەگيالىق شەشىمى بۇكىلدەي دۇرىس، رەفورمانىڭ ۇيىمداستىرىلۋى، اتقارىلۋى پارمەندى، قۋاتتى بولدى، بۇكىل پارتيانىڭ وسكەلەڭ يدەيالىق سانالىلىعىن، ساياسي سانالىلىعىن، ارەكەت سانالىلىعىن تولىق ايگىلەپ، پارتيا 18 - قۇرىلتايىنان بەرگى پارتيانى جاپپاي قاتاڭ جونگە سالۋدان تۋىنداعان تاماشا ساياسي اسەردى تولىق بەينەلەپ، پارتيانىڭ ورتالىقتانعان ءبىر تۇتاس باسشىلىعىنىڭ جانە ەلىمىزدىڭ سوتسياليستىك ءتۇزىمىنىڭ ساياسي ابزالدىلىعىن تولىق ايگىلەدى.

  شي جينپيڭ بىلاي دەپ باسا دارىپتەدى: ۇيىمدىق جۇلگەنى قايتا قۇرىلىمداۋدى ورىنداۋ، قۇرىلىم فۋنكتسيالارىنىڭ رەتتەلۋىن جۇزەگە اسىرۋ تەك ”بەتكى“ جاقتاعى ماسەلەلەردى عانا شەشۋ بولىپ تابىلادى، ناعىز ”حيميالىق رەاكسيا“ تۋىلۋ ءۇشىن، ءالى دە قىرۋار قىزمەت ىستەۋ كەرەك. پارتيانىڭ جاپپاي باسشىلىعىنا تاباندى بولۋدى جانە ونى كۇشەيتۋدى ءبىر تۇتاس باسشىلىققا الىپ، پارتيا مەن مەملەكەتتىڭ قۇرىلىم فۋنكتسيالارىنىڭ ساپالىلانۋىن، سايكەسۋىن، جوعارى ءونىمدى بولۋىن ىلگەرىلەتۋدى كۇش سالۋ ءتۇيىنى ەتىپ، قۇرىلىمداردىڭ قىزمەت مىندەتتەرىن رەتتەۋدى، ساپالىلاندىرۋدى ءتۇزىم - مەحانيزمدى اقاۋسىزداندىرۋمەن، كەمەلدەندىرۋمەن ورگانيكالى بىرلىككە كەلتىرىپ، پارتيانىڭ ۇزاق ۋاقىت بيلىك جۇرگىزۋ قابىلەتى قۇرىلىسىن كۇشەيتۋدى مەملەكەتتى جونگە سالۋ قابىلەتىن جوعارىلاتۋىمەن ورگانيكالى بىرلىككە كەلتىرىپ، قۇرىلىم رەفورماسىنىڭ جەتىستىكتەرىن ۇزدىكسىز بەكەمدەۋ كەرەك. پارتيانىڭ كەلەلى قىزمەتتەرگە باسشىلىق ەتۋ ءتۇزىلىسىن اقاۋسىزداندىرۋ كەرەك، شەشىم قابىلداۋ، كەڭەسۋ، سايكەستىرۋ قۇرىلىمدارىنىڭ جۇمىس ءتۇيىنى ۇلكەن ىستەردى جوسپارلاۋ، ۇلكەن ىستەردى اقىلداسۋ، ۇلكەن ىستەردى مىقتى ۇستاۋ بولىپ تابىلادى، پارتيانىڭ قىزمەت ورگاندارى باستاماشى بولا وتىرىپ، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، فۋنكتسيالىق رولىن اناعۇرلىم ويداعىداي ساۋلەلەندىرىپ، ساياسي ءتارتىپ پەن ساياسي قاعيدانى قاتايتۋ كەرەك. پارتيا، ۇكىمەت قۇرىلىمدارىنىڭ فۋنكتسيالارىن ءبىر تۇتاس جوسپارلاۋدى كۇشەيتىپ، پارتيانىڭ فۋنكتسيالىق تاراۋلارىنىڭ ءبىر تۇتاس جيناقتاپ سايكەستىرۋ - باسقارۋ فۋنكتسياسىن ويداعىداي ساۋلەلەندىرىپ، سول سالاداعى ەلەۋلى قىزمەتتەردى ءبىر تۇتاس جوسپارلاۋ كەرەك. قۇرىلىمداردىڭ مىندەت اتقارۋ، جاۋاپكەرشىلىكتى ادا ەتۋ قابىلەتىن جانە دەڭگەيىن جوعارىلاتۋ، تاراۋلار ”ءۇشتى تۇراقتاندىرۋ“ بەلگىلەمەسى بويىنشا قاتاڭ تۇردە مىندەت اتقارىپ، جاۋاپكەرشىلىكتى ادا ەتىپ، نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، ماڭىزدى تۇيىندەر مەن شەشۋشى بۋىنداردى كورنەكتىلەندىرىپ، سانالى تۇردە كەلەلى جاعداي اياسىندا ويلانۋ، كەلەلى جاعداي اياسىندا ارەكەت ەتۋ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن تىعىز ارقاۋ ەتە وتىرىپ مىندەتتى جاقسى اتقارۋ، جاۋاپكەرشىلىكتى ويداعىداي ادا ەتۋ كەرەك. ورتالىق پەن جەرگىلىكتى ورىن ەكەۋىنىڭ بەلسەندىلىگىن ويداعىداي ساۋلەلەندىرىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعى مەن مەملەكەت ءتۇزىمىنىڭ ءبىر تۇتاس بولۋىنا، اكىمشىلىك بۇيرىقتىڭ ءبىر تۇتاس بولۋىنا شىنايى كەپىلدىك ەتۋ، ورتالىق پەن مەملەكەت ورگاندار ءوز سالاسىنا، ءوز جۇيەسىنە جەتەكشىلىك ەتۋدى جانە باقىلاۋ جۇرگىزۋدى ويداعىداي ىستەۋ، جەرگىلىكتى ورىندار پارتيا ورتالىق كوميتەتىنىڭ شەشىمدەرىن - ورنالاستىرۋلارىن باتىل دايەكتىلەندىرۋمەن بىرگە، سۋبيەكتيۆ ىرىقتىلىقتى ساۋلەلەندىرىپ، جەرگىلىكتى ءىس جۇزىندىك جاعدايمەن بىرلەستىرىپ جاسامپازدىقپەن قىزمەت ورىستەتۋ كەرەك. قاتىستى سايكەستى رەفورمالاردى ىلگەرىلەتىپ، اكىمشىلىك ورىندار مەن ءىسورىندارىن ءبولۋدى، ءىسورىندارى مەن كاسىپورىنداردى ءبولۋدى، باسقارۋ مەن ءبىتىرۋدى ايىرۋ جەدەل ىلگەرىلەتۋ پرينسيبى بويىنشا ءىسورىندارى رەفورماسىن تەرەڭدەتىپ، جالپىلىق اكىمشىلىك زاڭ اتقارۋ قوسىنى قۇرىلىسىن كۇش سالا كۇشەيتىپ، نەگىزگى ساتىنىڭ قوعامدىق باسقارۋ جانە الەۋمەتتىك قىزمەت وتەۋ فۋنكتسياسىن كۇشەيتىپ، قۇرىلىم رەفورماسىنىڭ سايكەستى ساياساتتارىن كەمەلدەندىرۋ كەرەك. قۇرىلىم شتاتىن زاڭمەن بەكىتۋدى ىلگەرىلەتىپ، ءتۇرلى ۇيىمدىق قۇرىلىمداردى زاڭ بويىنشا باسقارىپ، قۇرىلىم شتاتىن ۇزدىكسىز تۇردە قاتاڭ، مىقتاپ مەڭگەرۋ كەرەك. ءىس تىندىرىپ، ناتيجە شىعاراتىن، باتىل جاۋاپكەرشىلىك ارقالايتىن قابىلەت - ونەردى كۇشەيتىپ، جاڭا قۇرىلىم، جاڭا فۋنكتسيا العا قويعان جاڭا تالاپتى ءدال يگەرىپ، ورىستەتىلىپ جاتقان ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن بىرلەستىرىپ، قالىڭ پارتيا مۇشەلەرىن، كادرلاردى سانالى تۇردە پارتيا ورتالىق كوميتەتىمەن يدەيادا، ساياسيدا، ارەكەتتە وسكەلەڭ ءبىر اۋىزدىلىقتى ساقتاۋعا، حالىقتىق تۇرعىدا تاباندى بولۋعا، ادال، كىرشىكسىز، جاۋاپكەرشىلىك ارقالايتىن ساياسي قاسيەتتى شىڭداۋعا، ۋاقىتپەن جارىسىپ، قايراتتانا ءىس تىندىراتىن كۇرەسكەرلىك بەينەنى جانە نەعۇرلىم قيىن بولعان سايىن سولعۇرلىم العا ۇمتىلاتىن كۇرەسكەرلىك رۋحتى ساقتاۋعا، شەگە قاعۋ رۋحىمەن قىزمەتتەردى تياناقتاندىرۋدى ويداعىداي يگەرۋگە تاربيەلەۋ، جەتەكتەۋ كەرەك.

  شي جينپيڭ بىلاي دەپ اتاپ كورسەتتى: پارتيا مەن مەملەكەتتىڭ قۇرىلىم رەفورماسىن تەرەڭدەتۋ رەفورمانى جاپپاي تەرەڭدەتۋ جالپى اۋقىمىمەن بايلانىستىرىلا وتىرىپ جوسپارلاندى، ىلگەرىلەتىلدى، ول ءبىز جۇرگىزگەن رەفورمانى جاپپاي تەرەڭدەتۋدەگى ءبىر رەتكى ستراتەگيالىق سيپاتتى شايقاس. قۇرىلىم رەفورماسى ازىرلەگەن ءتيىمدى شارتتاردى ويداعىداي پايدالانىپ، رەفورمانى جاپپاي تەرەڭدەتۋدىڭ ىشكەرىلەي دامۋىن ىلگەرىلەتىپ، پارتيا مەن مەملەكەتتىڭ قۇرىلىم رەفورماسىنىڭ جاڭا ناتيجەسىن تەرەڭدەتۋ ارقىلى رەفورمانى جاپپاي تەرەڭدەتۋدە جاڭا جاعداي اشۋدى ىلگەرىلەتۋ كەرەك. پارتيا 18 - كەزەكتى ورتالىق كوميتەتىنىڭ ءۇشىنشى جالپى ءماجىلىسى ورنالاستىرعان رەفورما شارالارىن جاپپاي ورىنداۋ ءبىزدىڭ الدىمىزعا قويىلعان بۇلتارماس مىندەت. قازىر 2020 - جىلى ماڭىزدى سالالار مەن شەشۋشى بۋىندارداعى رەفورمالاردا شەشۋشى جەتىستىككە قول جەتكىزۋگە تەك ءبىر جىلدان استام ۋاقىت قانا قالدى. ءبىز اۋقىمعا قاراي ورگە ۇمتىلىپ، بۇكىل سايلاۋىت كۇشپەن شايقاسقا شىعىپ، ۇزدىكسىز قيان - كەسكى شايقاس جۇرگىزىپ، قيىن تۇيىندەردى شەشىپ، كۇشتى شوعىرلاندىرا وتىرىپ ماڭىزدى سالالار مەن شەشۋشى بۋىندار رەفورماسىندا سەرپىلىس جاساۋىمىز كەرەك.

  شي جينپيڭ بىلاي دەپ باسا دارىپتەدى: پارتيا مەن مەملەكەتتىڭ قۇرىلىم رەفورماسىن تەرەڭدەتۋمەن بىرلەستىرىپ، پارتيانىڭ رەفورما قىزمەتىنە باسشىلىق ەتەتىن ءتۇزىلىس مەحانيزمىن اقاۋسىزداندىرىپ، رەفورماعا باسشىلىق ەتۋ، شەشىم قابىلداۋ، تياناقتاندىرۋدى ىلگەرىلەتۋ مەحانيزمىن كەمەلدەندىرىپ، ورتالىق پەن جەرگىلىكتى ورىننىڭ، باستاۋشى تاراۋ مەن قاتىسۋشى تاراۋدىڭ، نەگىزگى رەفورما مەن سايكەستى جوبانىڭ، رەفورما شارالارى مەن زاڭمەن جونگە سالۋ كەپىلىنىڭ، تۇيىندە سىناق ەتىپ ىزدەنىس جاساۋ مەن قورىتىندىلاۋ - جالپىلاستىرۋدىڭ، رەفورما مىندەتتەرىن ىلگەرىلەتۋ مەن قۇرىلىم فۋنكتسيالارىن رەتتەۋدىڭ سايكەسە، بىرلەسە قيمىلداۋىن كۇشەيتىپ، رەفورمانىڭ كەشەندى شارالارىن ويداعىداي اتقارۋ كەرەك. رەفورمانىڭ ستراتەگيالىق تاباندىلىعىن ساقتاپ، رەفورمانىڭ ەكونوميكالىق، قوعامدىق دامۋدىڭ كەلەلى جاعدايىنا اناعۇرلىم ويداعىداي قىزمەت وتەۋىن ىلگەرىلەتۋ كەرەك. رەفورمانىڭ، دامۋدىڭ وي جەلىسىن جوسپارلاۋ، كورنەكتى قايشىلىقتاردى، ماسەلەلەردى شەشۋ، حاۋىپ - قاتەر، سىن - سايىستان ساقتانۋ، جاڭالىق اشۋ ومىرشەڭدىگىن قاۋلاتۋ جاعىندا كۇش سالىپ، رەفورمانىڭ، دامۋدىڭ، ورنىقتىلىقتىڭ قاتىناسىن دۇرىس ءبىر جاقتى ەتىپ، پارتيانىڭ باسشىلىعى مەن حالىقتىڭ ءتول جاسامپازدىق رۋحىنا قۇرمەت ەتۋدى ءوزارا بىرلەستىرۋگە تاباندى بولىپ، رەفورمانىڭ جۇيەلى سيپاتىنا، جالپى تۇلعالىق سيپاتىنا، سايكەسىمدىك سيپاتىنا ءمان بەرىپ، ءار سالاداعى رەفورمالاردىڭ اياق الىسىن ءبىر تۇتاس جوسپارلاپ، جالپى تۇلعالىق اسەر قالىپتاستىرۋ كەرەك. رەفورمانىڭ ناقتىلانۋىن ىلگەرىلەتىپ، رەفورما جوبالارىنىڭ ساپاسى مەن اتقارىلۋ ونىمدىلىگىنە شىنايى كەپىلدىك ەتۋ كەرەك. جاعداي وزگەرۋدە، مىندەت وزگەرۋدە، قىزمەت تالابى دا وزگەرۋدە، ءسوز جوق، وزگەرىستى ءدال تانىپ، وزگەرىسكە عىلمي توتەپ بەرىپ، ىرىقتىلىقپەن وزگەرىسكە تالپىنىپ، ناقتى ماسەلەلەردى شەشۋدى رەفورما جوبالارىن جاساۋدىڭ شىعار ءتۇيىنى ەتىپ، ەكونوميكالىق، قوعامدىق دامۋدىڭ جالپى جاعدايىنا ساياتىن رەفورمالاردى، كەلەلى تۇزىمدىك جاڭالىق اشۋعا ساياتىن رەفورمالاردى، بۇقارانىڭ تابىس سەزىمىن جوعارىلاتۋعا ءتيىمدى رەفورمالاردى كورنەكتى ورىنعا قويىپ، ونى الدىمەن جاقسى يگەرۋ، تياناقتاندىرۋ كەرەك. رەفورما جەتىستىكتەرىن جۇيەلى جيناقتاۋدى ىلگەرىلەتىپ، جەتىستىكتەردى سالالاۋدى، ۇشتاستىرۋدى ويداعىداي ىستەپ، جالپى تۇلعالىق جاقتان ءتۇرلى تۇزىمدەردىڭ ونان ارى كەمەلىنە كەلۋىن، اناعۇرلىم تۇلعالانۋىن ىلگەرىلەتۋ كەرەك.

  ۋاڭ حۋنيڭ ءماجىلىستى باسقارعاندا مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزى پارتيا مەن مەملەكەتتىڭ قۇرىلىم رەفورماسىن تەرەڭدەتۋدە قول جەتكەن ەلەۋلى ناتيجەلەر مەن باعالى تاجىريبەلەردى تولىق تۇراقتاندىرىپ، رەفورما جەتىستىكتەرىن بەكەمدەۋ، رەفورمانى جاپپاي تەرەڭدەتۋدى ىلگەرىلەتۋ جونىندە جالپى بەتتىك ورنالاستىرۋ جاسادى، اسا كۇشتى يدەيالىق سيپاتقا، جەتەكشىلىك سيپاتقا، باعىتتامالىق سيپاتقا يە. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، ءتۇسىنىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ورىستەتىلىپ جاتقان ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن تىعىز بىرلەستىرىپ، پارتيا مەن مەملەكەتتىڭ قۇرىلىم رەفورماسىن تەرەڭدەتۋ ازىرلەگەن ءتيىمدى شارتتاردان ويداعىداي پايدالانىپ، ءتۇرلى رەفورمالاردىڭ تياناقتانۋىن، ناقتىلانۋىن، ورىندالۋىن ىلگەرىلەتىپ، رەفورمانى جاپپاي تەرەڭدەتۋدە ۇزدىكسىز جاڭا جاعداي اشۋىمىز كەرەك.

  ماجىلىستە پارتيا مەن مەملەكەتتىڭ قۇرىلىم رەفورماسىن تەرەڭدەتۋدى سايكەستىرۋ گرۋپپاسى كەڭسەسىندەگى، ورتالىق كوميتەت ۇيىمداستىرۋ بولىمىندەگى، ورتالىق كوميتەت شتات كەڭسەسىندەگى، قوعام حاۋىپسىزدىگى مينيسترلىگىندەگى، ەكولوگيالىق قورشاعان ورتا مينيسترلىگىندەگى، قوسىننان قايتقان اسكەريلەر ىستەرى مينيسترلىگىندەگى، توتەنشە جاعدايلاردى مەڭگەرۋ مينيسترلىگىندەگى، ورتالىق راديو - تەلەۆيزيا باس ستانسياسىنداعى، جىجياڭ ولكەسىندەگى، گۇيجوۋ ولكەسىندەگى نەگىزگى جاۋاپتى جولداستار مالىمەت بەرىپ لەبىز ءبىلدىردى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار ماجىلىسكە قاتىناستى.

  پارتيا مەن مەملەكەتتىڭ قۇرىلىم رەفورماسىن تەرەڭدەتۋدى سايكەستىرۋ گرۋپپاسىنىڭ مۇشەلەرى، ءار ولكە، رايون، قالالارداعى جانە شينجياڭ ءوندىرىس - قۇرىلىس بيڭتۋانىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، ارميانىڭ قاتىستى ورىندارىنداعى جاۋاپتى جولداستار ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.